நீங்கள் தேடியது "ரஷியா உலக கோப்பை"

உலகின் சிறந்த கால்பந்து வீரர்களில் ஒருவரான லியோனல் மெஸ்சியால் அர்ஜென்டினா அணிக்கு பெருமை சேர்க்க முடியவில்லை. ஐஸ்லாந்துக்கு எதிரான ஆட்டத்தில் கோல் அடிக்காத அவர் நேற்றைய குரோஷியாவுக்கு எதிராகவும் கோல் அடிக்கவில்லை. 2 ஆட்டத்தில் விளையாடி வெற்றி பெறாத அர்ஜென்டினா போட்டியில் இருந்து வெளியேற்றப்படும் விளிம்பில் உள்ளது.

30 வயதான மெஸ்சியின் உலககோப்பை கனவு கேள்விகுறியாகவும் இருக்கிறது. கடந்த உலககோப்பையில் அர்ஜென்டினாவை இறுதிப்போட்டி வரை கொண்டு வந்து அவர் மயிரிழையில் சாம்பியன் பட்டத்தை இழந்தார். இந்த முறை தொடக்கமே சரிவாக இருக்கிறது. மெஸ்சி சிறப்பாக ஆடினாலும் சக வீரர்களின் ஒத்துழைப்பு இல்லை. ஒருங்கிணைந்து விளையாட முடியாமல் அவர் தவிக்கிறார்.

நேற்றைய ஆட்டத்தில் சக வீரர்கள் மெஸ்சியிடம் சரியான முறையில் பந்தை கொடுக்கவில்லை. மேலும் மெஸ்சி பந்தை கொண்டு செல்லும் போது அவருடன் நெருங்கி வரவில்லை. பார்சிலோனா கிளப்பில் மெஸ்சியால் சாதிக்க முடிந்ததுக்கு சக வீரர்களின் ஒத்துழைப்பு இருந்தது. ஆனால் அர்ஜென்டினா வீரர்கள் மெஸ்சியின் திறமைக்கு ஏற்ற வகையில் ஒத்துழைக்க முடியவில்லை.

மெஸ்சியின் திறமையை பயிற்சியாளர் பாராட்டி இருக்கிறார். தோல்விக்காக அவரை குறை கூற முடியாது என்று விளக்கம் அளித்துள்ளார். #FIFA2018 #Messi #worldcup2018

மாஸ்கோ:

உலக கோப்பை கால்பந்து போட்டியில் 21 ஆட்டங்கள் நிறைவில் (டென்மார்க்-ஆஸ்திரேலியா ஆட்டம் வரை) போட்டியை நேரில் கண்டுகளித்தவர்களின் எண்ணிக்கை 10 லட்சத்தை தாண்டியுள்ளதாக சர்வதேச கால்பந்து சம்மேளனம் (பிபா) வெளியிட்டுள்ள செய்தி குறிப்பில் தெரிவிக்கப்பட்டுள்ளது. ஒவ்வொரு ஆட்டத்தையும் காண ஸ்டேடியத்திற்கு 97 சதவீத ரசிகர்கள் வருகை தருவதாகவும், உலகம் முழுவதும் இதுவரை 26 லட்சத்திற்கும் அதிகமான டிக்கெட்டுகள் ரசிகர்களுக்கு ஒதுக்கப்பட்டு இருப்பதாகவும், இறுதிப்போட்டி நடக்கும் ஜூலை 15-ந்தேதி வரை டிக்கெட் விற்பனை நடைபெறும் என்றும் ‘பிபா’ கூறியுள்ளது. #FIFA2018

மாஸ்கோ:

ரஷியாவில் உள்ள துரித உணவகம் ஒன்று அந்த நாட்டு பெண்களுக்கு வினோதமான பரிசு அறிவிப்பு ஒன்றை அதிரடியாக வெளியிட்டது. அதாவது, உலக கோப்பை கால்பந்து போட்டியில் பங்கேற்றுள்ள அணிகளில் இடம் பிடித்துள்ள வீரர்கள் மூலம் கர்ப்பமடைந்து வாரிசை சுமக்கும் பெண்களுக்கு ரூ.30 லட்சம் ரொக்கப்பரிசும், அவர்களுக்கு வாழ்நாள் முழுவதும் ‘பர்கர்’ உணவு இலவசமாக வழங்கப்படும் என்றும் அதில் தெரிவிக்கப்பட்டு இருந்தது.

வருங்கால ரஷிய கால்பந்து அணிக்கு சிறந்த கால்பந்து வீரர்களை உருவாக்கும் நோக்கில் இந்த அறிவிப்பு செய்யப்பட்டுள்ளதாக விளக்கம் அளிக்கப்பட்டது. இது குறித்து இணையதளங்களில் பகிரங்கமாக விளம்பரங்கள் வெளியிடப்பட்டு இருந்தது. இதற்கு பெண்கள் அமைப்புகள் உள்பட பல்வேறு தரப்பினரிடம் இருந்து கடும் எதிர்ப்புகள் கிளம்பின. இதைத் தொடர்ந்து அந்த நிறுவனம் தனது பரிசு அறிவிப்பை வாபஸ் பெற்றதுடன், மக்களிடம் மன்னிப்பும் கோரி இருக்கிறது. அத்துடன் தங்களது அறிவிப்பு விளம்பரங்களையும் உடனடியாக இணையதளத்தில் இருந்து நீக்கியது. #FifaWorldCup2018

நோவாசார்ட்:

உலக கோப்பை கால்பந்து போட்டியில் அர்ஜென்டினா, குரோஷியா, ஐஸ்லாந்து, நைஜிரியா ஆகிய அணிகள் இடம் பெற்றுள்ள ‘டி’ பிரிவு குரூப் ஆப் டெத் என்று அழைக்கப்படுகிறது.

இந்த பிரிவில் குரோஷியா 3 புள்ளியுடன் முன்னிலையில் உள்ளது. அர்ஜென்டினா, ஐஸ்லாந்து அணிகள் தலா 1 புள்ளியுடன் உள்ளன. நைஜிரியா புள்ளி எதுவும் பெறவில்லை.

2 முறை சாம்பியனான அர்ஜென்டினா 2-வது ஆட்டத்தில் குரோஷியாவை இன்று எதிர் கொள்கிறது. இந்த ஆட்டம் இந்திய நேரப்படி இரவு 11.30 மணிக்கு தொடங்குகிறது. புதுமுக அணியான ஐஸ்லாந்துடன் ‘டிரா’ செய்ததால் குரோஷியாவுக்கு எதிரான இன்றைய ஆட்டத்தில் வெற்றி பெற வேண்டிய கட்டாயம் அர்ஜென்டினாவுக்கு உள்ளது.


இதனால் வீரர்கள் வரிசையிலும் மாற்றம் இருக்கலாம்.

குரோஷியா அணி பலம் பொருந்தியவை என்பதால் அர்ஜென்டினாவுக்கு சவாலாக இருக்கும். அந்த அணி தொடக்க ஆட்டத்தில் 1-0 என்ற கணக்கில் நைஜிரியாவை வீழ்த்தி இருந்தது. அந்த அணியில் மோட்ரிக் நம்பிக்கை நட்சத்திர வீரராக உள்ளார்.

இரு அணிகளும் மோதிய ஆட்டத்தில் அர்ஜென்டினா 2 முறையும், குரோஜியா 1 தடவையும் வெற்றி பெற்றுள்ளன. 2 ஆட்டம் டிரா ஆனது.

‘சி’ பிரிவில் இன்று நடைபெறும் ஆட்டத்தில் டென்மார்க்-ஆஸ்திரேலியா (மாலை 5.30) பிரான்ஸ்-பெரு (இரவு 8.30) அணிகள் மோதுகின்றன.

டென்மார்க், பிரான்ஸ் அணிகள் வெற்றி பெற்றது. 2-வது சுற்றுக்கு நுழையும் டென்மார்க் தொடக்க ஆட்டத்தில் 1-0 என்ற கணக்கில் பெருவையும், பிரான்ஸ் 2-1 என்ற கணக்கில் ஆஸ்திரேலியாவையும் வீழ்த்தி இருந்தது.

இதனால் போட்டியில் இருந்து வெளியேறாமல் இருக்க ஆஸ்திரேலியா, பெரு அணிகள் வெற்றிக்காக கடுமையாக போராடும். #WorldCupRussia #FIFA2018

இன்று நடக்கும் ஒவ்வொரு ஆட்டங்களையும் ஏறக்குறைய வாழ்வா-சாவா மோதல் என்று வர்ணிப்பதே சரியாக இருக்கும்.

ஸ்பெயினுக்கு எதிரான தொடக்க ஆட்டத்தில் 3-3 என்ற கோல் கணக்கில் ‘டிரா’ செய்த போர்ச்சுகல் அணி இன்றைய ஆட்டத்தில் கட்டாயம் வெற்றி பெற்றாக வேண்டும். ஆப்பிரிக்க தேசமான மொராக்கோ சற்று பலவீனமானது என்பதால் போர்ச்சுகல் அணி வெற்றி பெற பிரகாசமான வாய்ப்பு உள்ளது. முந்தைய ஆட்டத்தில் ‘ஹாட்ரிக்’ கோல் அடித்து பிரமிக்க வைத்த போர்ச்சுகல் கேப்டன் கிறிஸ்டியானா ரொனால்டோ மீது மிகுந்த எதிர்பார்ப்பு நிலவுகிறது.

இரண்டு முறை உலக சாம்பியனான உருகுவே அணி தனது முதல் லீக்கில் 1-0 என்ற கோல் கணக்கில் எகிப்தை வீழ்த்தியிருந்தது. இந்த ஆட்டத்தில் வெற்றி பெற்றால் 2-வது சுற்றை நெருங்கிவிடலாம். உருகுவேயின் நட்சத்திர வீரர் லூயிஸ் சுவாரசுக்கு இது 100-வது சர்வதேச போட்டி என்பது குறிப்பிடத்தக்க அம்சமாகும். அதே சமயம் முதல் ஆட்டத்தில் 0-5 என்ற கோல் கணக்கில் ரஷியாவிடம் உதைவாங்கிய ஆசிய அணியான சவுதிஅரேபியா பலம் வாய்ந்த உருகுவேயை சமாளிப்பது கடினமே. உலக கோப்பை போட்டியில் சவுதிஅரேபியா அணி வெற்றி பெற்று 24 ஆண்டுகள் ஆகிவிட்டது என்பது நினைவு கூரத்தக்கது.

முதல் ஆட்டத்தில் ‘டிரா’ கண்ட முன்னாள் உலக, ஐரோப்பிய சாம்பியனான ஸ்பெயின் அணி கஜன் நகரில் இன்று இரவு நடக்கும் ஈரானுக்கு எதிரான ஆட்டத்தில் வெற்றிக்கனியை பறிக்க வேண்டிய நெருக்கடியில் தவிக்கிறது. இதில் தோற்றால் அடுத்த சுற்று வாய்ப்பு கேள்விக்குறியாகி விடும். அதனால் இந்த முறை மிகுந்த எச்சரிக்கையுடன் ஆடுவார்கள். அதே சமயம் வெற்றியுடன் (மொராக்கோவுக்கு எதிராக) இந்த உலக கோப்பையை ஆரம்பித்த ஈரான் அணி இன்றைய ஆட்டத்தில் வாகை சூடினால் 2-வது சுற்றை கிட்டத்தட்ட உறுதி செய்து விடலாம். ஆனால் உலக கோப்பை போட்டியில் ஈரான் அணி ஐரோப்பிய அணிகளை வீழ்த்தியதாக (6-ல் விளையாடி 5 தோல்வி, ஒரு டிரா) வரலாறு கிடையாது. ஈரானுக்கு திடீர் பின்னடைவாக அந்த அணியின் பின்கள வீரர் ரோவ்ஸ்பே செஷ்மி தசைப்பிடிப்பு காரணமாக எஞ்சிய போட்டிகளில் ஆடமாட்டார் என்று அறிவிக்கப்பட்டு இருக்கிறது. #FIFA2018 #WorldCupRussia2018 #WorldCup2018

செயின்ட் பீட்டர்ஸ்பர்க்:

உலககோப்பை கால்பந்து போட்டியில் ‘ஏ’ பிரிவில் இன்று இரவு 11.30 மணிக்கு நடைபெறும் ஆட்டத்தில் போட்டியை நடத்தும் ரஷியா- ஆப்பிரிக்கா கண்டத்தை சேர்ந்த எகிப்து அணிகள் மோதுகின்றன.

ரஷிய அணி தொடக்க ஆட்டத்தில் சவுதி அரேபியாவை 5-0 என்ற கோல் கணக்கில் வீழ்த்தியது. இதனால் அந்த அணி மிகுந்த நம்பிக்கையுடன் இருக்கிறது.

எகிப்து அணி தொடக்க ஆட்டத்தில் 1-0 என்ற கோல் கணக்கில் உருகுவேயிடம் தோற்றது. இதனால் அந்த அணிக்கு வெற்றி பெற வேண்டிய கட்டாயம் உள்ளது.

உலகின் முன்னணி கால்பந்து வீரர்களில் ஒருவரான முகமது ஷாலா இன்றைய ஆட்டத்தில் விளையாடுகிறார். அவரது வருகையால் எகிப்து அணி எழுச்சி பெறுமா? என்று எதிர்பார்க்கப்படுகிறது.

சாம்பியன்ஸ் ‘லீக்’ போட்டியின் இறுதி ஆட்டத்தில் லிவர்பூல் அணிக்காக ஆடிய போது ஷாலாவுக்கு தோள்பட்டையில் காயம் ஏற்பட்டது. இதனால் உருகுவேக்கு எதிரான தொடக்க ஆட்டத்தில் நட்சத்திர வீரரான அவரால் எகிப்து அணிக்கு ஆட முடியவில்லை. இன்றைய ஆட்டம் மிகவும் முக்கியமானது என்பதால் முகமது ஷாலா களம் இறங்குகிறார்.

இரு அணிகளும் முதல் முறையாக மோதுகின்றன. தரவரிசையில் எகிப்து 45-வது இடத்திலும், ரஷியா 70-வது இடத்திலும் உள்ளன.

இரவு 8.30 மணிக்கு நடைபெறும் ஆட்டத்தில் போலந்து- செனகல் அணிகள் மோதுகின்றன. இந்த ஆட்டம் மிகவும் விறுவிறுப்பாக இருக்கும். போலந்து வெற்றி பெற அதிகமான வாய்ப்புகள் உள்ளன. #FIFA2018 #WorldCupRussia2018 #WorldCup2018

உலககோப்பை கால்பந்து போட்டியில் இன்று மூன்று ஆட்டங்கள் நடக்கின்றன. இந்திய நேரப்படி மாலை 5.30 மணிக்கு நடக்கும் ஆட்டத்தில் ‘எப்’ பிரிவில் உள்ள சுவீடன்- தென்கொரியா அணிகள் மோதுகின்றன.

தரவரிசையில் 24-வது இடத்தில் உள்ள சுவீடன் 2006-ம் ஆண்டுக்கு பிறகு உலககோப்பையில் விளையாடுகிறது. இந்த அணியில் மார்கஸ் பெர்க், போர்ஸ் பெர்க், லின்டலாப் போன்ற சிறந்த வீரர்கள் உள்ளனர்.

தென்கொரியாவைவிட சுவீடன் பலம் வாய்ந்து காணப்படுகிறது. இதனால் அந்த அணி வெற்றி பெறும் என்று எதிர் பார்க்கப்படுகிறது. ஆசிய கண்டத்தில் இருந்து தகுதி பெற்றுள்ள தென்கொரியா அணியில் நட்சத்திர வீரராக சன் ஹியூங்-மின் உள்ளார். அந்த அணி 2002-ம் ஆண்டு உலககோப்பையில் அரை இறுதி வரை சென்றது.

சுவீடனுக்கு எதிராக வெற்றி பெற கடுமையாக போராட வேண்டியதிருக்கும். இரவு 8.30 மணிக்கு நடக்கும் போட்டியில் பெல்ஜியம்- பனாமா (‘ஜி’ பிரிவு) அணிகள் மோதுகின்றன.

3-வது இடத்தில் உள்ள பெல்ஜியம் சிறந்த அணிகளில் ஒன்றாக திகழ்கிறது. ஈடன் ஹசார்ட், கெவின் புருனி, லூகாஸ் ஆகிய நட்சத்திர வீரர்கள் நல்ல நிலையில் உள்ளனர்.

பலம் வாய்ந்த அந்த அணி பனாமாவை எளிதாக தோற்கடிக்கும்என்று எதிர்பார்க்கப்படுகிறது. மத்திய அமெரிக்க கண்ட அணியான பனாமா முதல் முறையாக உலக கோப்பையில் விளையாடுகிறது.

அந்த அணி தகுதி சுற்றில் அமெரிக்காவை வெளியேற்றி அதிர்ச்சி கொடுத்தது. இதுபோன்ற அதிர்ச்சியை உலக கோப்பையிலும் கொடுக்ககாத்து இருக்கிறது.

இரவு 11.30 மணிக்கு ஆட்டத்தில் ‘ஜி’ பிரிவில் உள்ள இங்கிலாந்து- துனிசியா அணிகள் பலப் பரீட்சை நடத்துகின்றன.

முன்னாள் சாம்பியான இங்கிலாந்து அணியில் ஹேரிகானே, ஜேமி வார்டி, ஸ்டெர்லிங் போன்ற நட்சத்திர வீரர்கள் உள்ளனர். மேலும் இளம் வீரர்களை அதிகமாக கொண்டு இருக்கிறது. இதனால் அந்த அணி எழுச்சியுடன் விளையாடும்.

கடந்த உலக கோப்பை போட்டிகளில் இங்கிலாந்து பெரிய தாக்கத்தை ஏற்படுத்தவில்லை. இதனால் இந்த முறை சாதிக்கும் முனைப்பில் உள்ளது. ஆப்பிரிக்க கண்டத்தில் உள்ள துனிசியா 5-வது முறையாக உலக கோப்பையில் விளையாடுகிறது. அந்த அணி இங்கிலாந்துக்கு எதிராக போராட வேண்டியது இருக்கும். #FIFO2018 #WorldCupRussia2018 #WorldCup2018