search icon
என் மலர்tooltip icon

    நீங்கள் தேடியது "முதுகெலும்பு காயம்"

    பயிற்சியின் போது ஏற்பட்ட முதுகெலும்பு காயம் காரணமாக விராட் கோலி, இங்கிலாந்தில் நடைபெறும் கவுண்டி கிரிக்கெட் போட்டிகளில் விளையாடுவதில் சந்தேகம் ஏற்பட்டுள்ளது. #ViratKholi #CountyCricket #slipdiscinjury

    புதுடெல்லி:

    இந்திய கிரிக்கெட் அணி வருகிற ஜூலை 3-ம் தேதி முதல் இங்கிலாந்தில் சுற்றுப்பயணம் மேற்கொள்ள இருக்கிறது. இந்த சுற்றுப்பயணத்தின் போது 5 டெஸ்ட், 3 ஒருநாள் மற்றும் 3 டி20 போட்டிகளில் விளையாட உள்ளது. இந்த தொடருக்கு தயாராகும் வகையில் இந்திய அணி கேப்டன் விராட் கோலி கவுண்டி கிளப் அணியான சுர்ரேவில் விளையாட ஒப்பந்தம் செய்யப்பட்டார்.

    மேலும் இந்த தொடருக்கு தயாராகும் வகையில் ஜூன் 14 முதல் 18-ம் தேதி வரை இந்தியாவில் நடைபெற உள்ள ஆப்கானிஸ்தான் அணிக்கு எதிரான தொடரில் இருந்தும், அயர்லாந்துக்கு எதிரான தொடரில் இருந்தும் விலகுவதாக விராட் கோலி அறிவித்தார். 

    இந்நிலையில் உடற்பயிற்சி செய்யும் போது, கோலியின் முதுகெலும்பு பகுதியில் காயம் ஏற்பட்டுள்ளதாக தெரிவிக்கப்பட்டுள்ளது. இருப்பினும் அந்த காயம் பெரிய அளவில் பாதிப்பை ஏற்படுத்தாது எனவும், பெரிய அளவிலான சிகிச்சை தேவையில்லை எனவும் கூறப்படுகிறது. ஆனால் காயம் காரணமாக ஓய்வு தேவை என பிசிசிஐ அதிகாரிகள் கூறியுள்ளனர். இதனால் கோலி கவுண்டி கிரிக்கெட்டில் பங்கேற்பதில் சந்தேகம் ஏற்பட்டுள்ளது. #ViratKholi #CountyCricket #slipdiscinjury
    ×