search icon
என் மலர்tooltip icon

    நீங்கள் தேடியது "நவீன ரக ஆடை"

    • ஆடை வடிவமைப்பு குறித்த போட்டோ சூட் நடத்தி வருகிறேன்.
    • தலையணை உறை, திரைச்சீலைகள் போன்றவை பொதுவாக ஒவன் துணியில் தயாரிக்கப்படும். ஆனால் நான் பின்னல் துணியில் தயாரிக்கிறேன்.

    திருப்பூர்:

    திருப்பூரை சேர்ந்த வாலிபர் விக்னேஷ் பின்னலாடையில் அசத்தலான நவீன ரக ஆடைகளை உருவாக்கி அசத்தி வருகிறார். திருப்பூர் ராயபுரத்தில் உள்ள பிரபல தனியார் ஜவுளிக்கடை ஒன்றில் வேலைப் பார்த்துக் கொண்டே கொரோனா காலத்தில் வைரசை விரட்டும் வகையில் வேப்பிலை, வாழையிலை முககவசத்தை உருவாக்கி அனைவரின் கவனத்தையும் ஈர்த்தார்.

    இது குறித்து அவர் கூறுகையில், திருப்பூரில் பேஷன் டிசைனிங் கல்லூரியில் பட்ட படிப்பு படித்துள்ளேன். குடும்பத்தில் வறுமை நிலை இருந்தாலும் பெற்றோர்கள் ஒத்துழைப்புடன் கொரோனா சூழலில் பாதுகாப்பாக என் துறை சார்ந்து ஏதாவது செய்ய வேண்டும் என்று வேப்பிலை துணி முககவசம் தயாரிக்க திட்டமிட்டேன். வேப்பிலையை காயவைத்து அரைத்து பொடியாக்கி கெமிக்கல் கலக்காத சாயமாக மாற்றி அதில் துணிகளை நனைத்து எம்பிராய்டரி தைப்பது போல் தைத்து காதுகளில் அணிந்து கொள்ளும் அளவுக்கு மாஸ்க் தயாரித்தேன்.

    மேலும் வீட்டு உபயோகத்துக்கு பயன்படுத்தப்படும் பொருட்களை தயார் செய்துள்ளேன். அதன் படி கொரோனா உருவம் செய்து பிரிண்டிங் இட்டு செய்துள்ளேன். தலையணை உறை, திரைச்சீலைகள் போன்றவை பொதுவாக ஒவன் துணியில் தயாரிக்கப்படும். ஆனால் நான் பின்னல் துணியில் தயாரிக்கிறேன். இதை தவிரவும் புது வித ரகங்களில் வடிவமைப்பில் ஈடுபட்டு வருகிறேன். மேலும் என்னிடம் ஆலோசனை பெற வருவோருக்கு மார்டன் வடிவமைப்பு குறித்து விளக்கம் அளிக்கிறேன். பேஷன் ஷோக்களுக்கு வடிவமைப்பு செய்து தருகிறேன். ஆடை வடிவமைப்பு குறித்த போட்டோ சூட் நடத்தி வருகிறேன். பெண்களுக்கு் பிரத்யேக முறையில் மயில் தோகை முறையில் அலங்கார ஆடைகளை தயாரித்து கொடுக்கிறேன். சென்னையில் நடந்த நட்சத்திர மாடல் அழகுப்போட்டியில் நான் தயாரித்த ஆடைகளை அணிந்தவருக்கு பரிசு கிடைத்தது .இதனை அங்கீகரமாக கருதுகிறேன். இவ்வாறு அவர் கூறினார்.

    ×