நீங்கள் தேடியது "தொழில்கள்"

தஞ்சாவூர்:

தஞ்சை மாவட்டத்தில் செயல்பட்டு வருகின்ற ஏ.ஐ.டி.யூ.சி தொழிற்–சங்கத்தின் தஞ்சை மாவட்ட 13- வது மாநாடு தஞ்சாவூர் கீழராஜ வீதியில் உள்ள மாவட்ட அலுவலகம் சிங்காரவேலர் நினைவரங்கத்தில் இன்று காலை நடைபெற்றது. மாநாட்டின் தலைமை குழுவாக மாவட்ட தலைவர் சேவையா, துணைத் தலை–வர்கள் சாமிக்கண்ணு, பரிமளா ஆகியோர் தலைமை வகித்தனர்.

அகில இந்திய வங்கி ஊழியர் சங்கத்தின் மாவட்ட பொதுச் செயலாளர் அன்பழகன் 13-வது மாவட்ட மாநாட்டு கொடியினை ஏற்றி வைத்தார். அஞ்சலி தீர்மானத்தை மாவட்ட துணை தலைவர் முத்துக்குமரன் வாசித்தார். மாநாட்டில் மாவட்ட துணைச் செயலாளர் துரை.மதிவாணன் வரவேற்று பேசினார். ஏ. ஐ. டி.யூ.சி தேசிய செயலாளர் வகிதா நிஜாம் மாநாட்டினை தொடக்கி வைத்து சிறப்புரையாற்றினார்.

வேலை அறிக்கையை மாவட்ட செயலாளர் தில்லைவனம் முன் வைத்தார். மாவட்ட பொரு–ளாளர் கோவிந்தராஜன் வரவு செலவு அறிக்கை சமர்ப்பித்தார்.

மாநாட்டினை வாழ்த்தி இந்திய கம்யூனிஸ்ட் கட்சி தெற்கு மாவட்ட செயலாளர் முத்துஉத்திராபதி, வடக்கு மாவட்ட செயலாளர் மு.அ.பாரதி, விவசாய சங்க மாவட்ட செயலாளர் பாலசுந்தரம், விவசாய தொழிலாளர் சங்க மாவட்ட செயலாளர் பக்கிரிசாமி, இந்திய தேசிய மாதர் சம்மேளன மாவட்ட செயலாளர் விஜயலட்சுமி, அரசு பணியாளர் சங்க மாநில துணைத்தலைவர் திருநாவுக்கரசு உள்ளிட்டோர் வாழ்த்தி பேசினார்கள்.

பின்னர் புதிய நிர்வாகிகள் தேர்வு நடைபெற்றது. மாவட்ட துணைச் செயலாளர் செந்தில்நாதன், தீர்மானங்களை வாசித்தார். மாநில செயலாளர் சந்திர–குமார் மாநாட்டினை நிறைவு செய்து உரை–யாற்றினார். மாவட்ட துணைச் செயலாளர் மணி மூர்த்தி நன்றி கூறினார்.

மாநாட்டில், ஒன்றிய அரசு தொழிற்சங்க சட்டங்கள் சுருக்கி திருத்தியதை திரும்ப பெற வேண்டும், விவசாயிகள் பாதுகாக்கப்பட வேண்டும், உடன–டியாக பட்டு கைத்தறிவுக்கு ஜிஎஸ்டி வரி விதிப்பில் இருந்து விலக்கு அளிக்க வேண்டும், போக்குவரத்து, மின்வாரியம், நுகர்பொருள், ஆவின் உள்ளிட்ட மத்திய ,மாநில பொதுத்துறைகளை தனியாருக்கு தாரை வார்ப்பதையும், தனியார்மய நடவடிக்கைகளையும் கைவிட வேண்டும், சிறு குறு தொழில்களை மேம்–படுத்தவும், பாதுகாக்கவும் திட்டங்கள் உருவாக்கப்பட வேண்டும்.

மின் கட்டண உயர்வு, சொத்துவரி உயர்வு, வீட்டு வரி, குடிநீர் வரி உயர்வுகளை திரும்பப் பெற வேண்டும், கட்டுமானம், உடலுழைப்பு, கைத்தறி, ஆட்டோ உள்ளிட்ட நல வாரியங்களை பாதுகாப்பதுடன் நல–வாரியங்களில் பதிவு செய்து 60 வயது நிரம்பிய அனைவருக்கும் மாதம் ரூ. 6 ஆயிரம் ஓய்வூதியம் வழங்க வேண்டும், தஞ்சாவூரை மையமாக கொண்டு சட்ட கல்லூரியை உருவாக்க வேண்டும்

பாரதிதாசன் பல்கலைக்–கழகத்தில் உள்ள உறுப்பு கல்லூரிகளை பிரித்து தஞ்சையை மையமாகக் கொண்டு தனிப் பல்கலைக்கழகம் உருவாக்க வேண்டும், தெரு வியாபாரிகளை கணக்கில் எடுத்து அடையாள அட்டை வழங்க வேண்டும், திலகர் திடல் அம்மா மாலை நேர காய்கறி மார்க்கெட் கடைகளுக்கு மின் வசதி, குடிநீர் வசதி, கழிவறை வசதிகள் செய்து கொடுக்க வேண்டும், தஞ்சாவூரில் நவீன கட்டமைப்புடன் ஒருங்கிணைந்த விளையாட்டு மைதானம் அமைத்திட வேண்டும் என்பது உள்ளிட்ட பல்வேறு தீர்மானங்கள் நிறைவேற்றப்பட்டது.

இந்த மாநாட்டில் ஏராளமானார் கலந்து கொண்டனர்.

தஞ்சாவூர்:

தஞ்சை மாவட்ட கலெ க்டர் தினேஷ் பொன்ராஜ் ஆலிவர் வெளியிட்டுள்ள செய்திக்குறிப்பில் கூறியிருப்பதாவது :-

தஞ்சை மாவட்டம் பூதலூர் வட்டாரம் புதுக்குடி ஊராட்சியில் உள்ள நரிக்குறவர் காலனியில் வசிக்கும் விளிம்பு நிலை மக்கள் வாழ்வாதார நடவடிக்கைகளுக்காக பாரம்பரிய தொழிலான பாசிமணி, வளையல், காது வளையம் போன்ற தொழில்களை மேம்படுத்தும் நோக்கில் வங்கி மூலம் தனிநபர் கடன் உதவி கோரி மக்கள் குறை தீர்க்கும் கூட்டத்தில் மனு அளிக்கப்பட்டது.

அதனை தொடர்ந்து தமிழ்நாடு மாநில ஊரக வாழ்வாதார இயக்க மேலாண்மை அலகு மூலம் மேற்கூறிய தொழில்களை மேம்படுத்த நோக்கில் வங்கி மூலம் தனிநபர் கடன் உதவி கோரிய விளிம்பு நிலை மக்களை நேரில் கள ஆய்வு செய்து 42 விண்ணப்பங்கள் பெறப்பட்டு வங்கி பரிசீலனைக்கு அனுப்பி வைக்கப்பட்டது.

அதில் இந்தியன் ஓவர்சீஸ் வங்கி மற்றும் பாரத மாநில வங்கிகளின் மூலம் விண்ணப்பம் பரிசீலனை செய்யப்பட்டு 18 நபர்களுக்கு தனிநபர் கடன் மாவட்ட தொழில் மைய பி.எம்.இ.ஜி.பி. திட்டத்தின் மூலம் தலா ரூ.50 ஆயிரம் மானியத்துடன் கூடிய வங்கி கடன் வழங்கப்பட்டது.

இவ்வாறு அதில் கூறப்பட்டுள்ளது.

திருப்பூர் :

ஊராட்சிகளுக்கு சொத்துவரி, குடிநீர் கட்டணம், தொழில்வரி உள்ளிட்ட இனங்கள் மட்டுமே முக்கிய வருவாய் இனமாக உள்ளன. வருவாய் ஆதாரத்தைப்பெருக்க, கிராமங்களில் இயங்கும் நிறுவனங்களிடம் ஒருமுறை நிறுவன கட்டணம் வசூலிக்கப்படுகிறது.அந்நிறுவனங்கள், ஆண்டுதோறும், உரிமக்கட்டணம் செலுத்தி, உரிமம் புதுப்பிப்பு செய்து கொள்ள வேண்டும். ஆனால் திருப்பூர் மாவட்டத்தில் உள்ள பல ஊராட்சி நிர்வாகங்கள், உரிமக்கட்டணம் வசூலிப்பதில்லை. புற்றீசல் போல நிறுவனங்கள் உருவாகிய பின்பும் கூட, உரிம புதுப்பிப்பு கட்டணம் வசூலிக்கப்படாததால், பல ஊராட்சிகள், வறுமை நிலையில் உள்ளன.

இந்நிலையில் நிறுவனங்களிடம் இருந்து உரிமம் புதுப்பிப்பு கட்டணம் வசூலிக்க மாவட்ட நிர்வாகம் அறிவுறுத்தியுள்ளது.அவ்வகையில் உடுமலை ஒன்றியத்தில், தொழிற்சாலைகள் மற்றும் நிறுவனங்களில் எந்திரம் நிறுவி தொழில் உரிமம் வழங்க, திருத்திய உரிமக்கட்டணம் நிர்ணயிக்கப்படுகிறது.

இது குறித்து அதிகாரிகள் கூறியதாவது:- ஒன்று முதல் 5 குதிரைத்திறன் வரை ஒவ்வொரு குதிரைத்திறனுக்கும் 50 ரூபாய், 5 முதல் 10 குதிரைத்திறன் வரை ஒவ்வொரு குதிரைத்திறனுக்கும் 100 ரூபாய், 10 முதல் 25 குதிரைத் திறன் வரை ஒவ்வொரு குதிரைத்திறனுக்கும் 80 ரூபாய்,25 முதல் 50 குதிரைத்திறன் வரை ஒவ்வொரு குதிரைத் திறனுக்கும் 70 ரூபாய், 51 முதல் 100 குதிரைத் திறன் வரை, ஒவ்வொரு குதிரைத்திறனுக்கும் 60 ரூபாய், 100 முதல் 200 குதிரைத் திறன் வரை ஒவ்வொரு குதிரைத்திறனுக்கும், 40 ரூபாய்,201 முதல் 500 குதிரைத் திறன் வரை ஒவ்வொரு குதிரைத்திறனுக்கும் 30 ரூபாய், 501 குதிரைத்திறனுக்கு மேல் ஒவ்வொரு குதிரைத் திறனுக்கும் 20 ரூபாய் என நிர்ணயம் செய்யப்பட்டுள்ளது.

இதேபோல எந்திரம் ஒன்றுக்கு 50 ரூபாய், ஆய்வுக்கட்டணம் 3,000 ரூபாய், வரைபடக் கட்டணம், 500 ரூபாய், நிலம் கட்டணம் 2,000 ரூபாய் என வசூலிக்கப்படவுள்ளது.எனவே கிராம ஊராட்சி பகுதியில் இயங்கும் நிறுவனங்கள் உரிமம் பெற வேண்டும். உரிமம் பெறாத நிறுவனங்களுக்கு ஊராட்சி ஒன்றிய பி.டி.ஓ.,க்கள் வாயிலாக நோட்டீஸ் அனுப்பப்படவும் உள்ளது. இவ்வாறு அவர்கள் கூறினர்.