search icon
என் மலர்tooltip icon

    நீங்கள் தேடியது "தென்னம்பாளையம் மார்க்கெட்"

    • மேயர் தினேஷ்குமார் தென்னம்பாளையம் மார்க்கெட்டுக்கு சென்று ஆய்வு மேற்கொண்டார்.
    • மார்க்கெட்டில் தேங்கியுள்ள கழிவு நீர் மற்றும் சகதிகளை அகற்றி சுத்தம் செய்ய உத்தரவிட்டார்.

    திருப்பூர் :

    திருப்பூர் மாநகராட்சிக்கு உட்பட்ட தென்னம்பாளையம் சந்தை பகுதியில் மழையின் காரணமாக, சுகாதார சீர்கேடு மற்றும் பழுதடைந்த பகுதிகளை சீரமைக்க விவசாயிகள் கோரிக்கை வைத்தனர். இதனையடுத்து நேற்று காலை மேயர் தினேஷ்குமார் தென்னம்பாளையம் மார்க்கெட்டுக்கு சென்று ஆய்வு மேற்கொண்டார். அப்போது விவசாயிகளிடம் 24 மணி நேரத்தில் சரி செய்ய நடவடிக்கை எடுக்கப்படும் என உறுதி அளித்தார்.

    இதனை தொடர்ந்து சம்பந்தப்பட்ட அதிகாரிகளை அழைத்து தென்னம்பாளையம் மார்க்கெட்டில் தேங்கியுள்ள கழிவு நீர் மற்றும் சகதிகளை அகற்றி சுத்தம் செய்ய உத்தரவிட்டார். இதனைத் தொடர்ந்து நேற்று இரவு தென்னம்பாளையம் மார்க்கெட் சுத்தம் செய்யும் பணி இரவு நடைபெற்றது. அந்த பணியினை மேயர் தினேஷ்குமார் நேரடியாக சென்று ஆய்வு செய்தார். பணிகள் அனைத்தையும் விரைந்து விரைந்து முடித்து விவசாயிகளுக்கு பாதிப்பில்லாத வகையில் முடித்துக் கொடுக்க உத்தரவிட்டார்.

    நேற்று காலை ஆய்வு செய்து இரவோடு இரவாக விவசாயிகளின் கோரிக்கையை நிறைவேற்றிய மேயரின் செயலை விவசாயிகள், வியாபாரிகள், பொதுமக்கள் பாராட்டினர்.

    • ஜம்முனை ஓடை அருகே 45 வயது மதிக்கத்தக்க ஆண் ஒருவர் பிணமாக கிடப்பதாக போலீசாருக்கு தகவல் கிடைத்தது.
    • இறந்து கிடந்தவரின் உடலை மீட்டு பிரேத பரிசோதனைக்காக திருப்பூர் அரசு ஆஸ்பத்திரிக்கு அனுப்பி வைத்தனர்.

    திருப்பூர் :

    திருப்பூர் தென்னம்பாளையம் மார்க்கெட் அருகே ஏ.பி.டி. ரோடு ஜம்முனை ஓடை அருகே 45 வயது மதிக்கத்தக்க ஆண் ஒருவர் பிணமாக கிடப்பதாக திருப்பூர் மத்திய பகுதி போலீசாருக்கு தகவல் கிடைத்தது.

    இதையடுத்து சம்பவ இடத்திற்கு விரைந்து சென்ற போலீசார் இறந்து கிடந்தவரின் உடலை மீட்டு பிரேத பரிசோதனைக்காக திருப்பூர் அரசு ஆஸ்பத்திரிக்கு அனுப்பி வைத்தனர். மேலும் அவர் யார் என்பது குறித்து விசாரணை நடத்தினர். அப்போது அதே பகுதியை சேர்ந்த தொழிலாளி ராஜு ( வயது 48) என்பது தெரிய வந்தது. மேலும் அவர் உடல் நிலை பாதிக்கப்பட்டு இறந்தாரா அல்லது யாராவதுதாக்கியதில் இறந்தாரா என்பது குறித்து போலீசார் விசாரணை நடத்தி வருகின்றனர்.

    ×