பெரம்பலூர்:
பெரம்பலூரில் மாவட்ட தமிழக ஜனநாயக கட்சியின் பொறுப்பாளர்கள் ஆலோசனை கூட்டம் அதன் மாவட்ட தலைவர் சுகுமார் தலைமையில் நடந்தது. மாவட்ட பொறுப்பாளர்கள் முத்துசாமி, ராஜேந்திரன், பிரபாகரன், ஒன்றிய பொறுப்பாளர்கள் ரெங்கசாமி, மாரிமுத்து, கதிர்வேல், மணிகண்டன் ஆகியோர் முன்னிலை வகித்தனர். மாநில பொறுப்பாளர்கள் முத்து, அருள், சக்திவேல், பாரதி, அகிலா, சதீஸ்குமார் உட்பட பலர் பேசினர். நிறுவன தலைவர் சத்தியமூர்த்தி சிறப்புரையாற்றினார்.
கூட்டத்தில் காஷ்மீரில் பயங்காரவாதிகளின் தாக்குதலில் உயிரிழந்த ராணுவ வீரர்களுக்கு இரங்கல் தெரிவிப்பது, வறுமை கோட்டிற்கு கீழ் உள்ள குடும்பங்களுக்கும், அமைப்பு சாரா தொழிலாளர்களுக்கும் ஆண்டுக்கு ரூ.2ஆயிரம் வழங்கப்படும் என அறிவித்த முதல்வருக்கு நன்றி தெரிவிப்பது,
சேலத்திலிருந்து நாமக்கல், துறையூர், பெரம்பலூர் வழியாக அரியலூர் ரெயில் பாதையை இணைக்கும் வகையில் ரெயில் போக்குவரத்து வசதி ஏற்படுத்த வேண்டும், காவேரி ஆற்றிலிருந்து வாய்க்கால் அமைத்து பெரம்பலூர் மாவட்டத்திற்கு நீர்பாசன வசதி ஏற்படுத்தவேண்டும், பெரம்பலூரில் மருத்துவக் கல்லூரி அமைக்க வேண்டும் போன்ற தீர்மானங்கள் நிறைவேற்றப்பட்டது.
இதில் ஒன்றிய பொறுப்பாளர்கள் பிரபு, சிலம்பரசன், பேரூராட்சி செயலாளர் சுப்ரமணியன் உட்பட பலர் பேசினர். முன்னதாக பெரம்பலூர் மாவட்ட பொருளாளர் ராஜேந்திரன் வரவேற்றார். முடிவில் நகர செயலாளர் கண்ணன் நன்றி கூறினார். #tamilnews
