search icon
என் மலர்tooltip icon

    நீங்கள் தேடியது "ஜோதிரத்யா சிந்தியா"

    காங்கிரஸ் எம்.பி ஜோதிரத்யா சிந்தியாவை சுட்டுக்கொல்வேன் என பேஸ்புக்கில் மிரட்டல் விடுத்த தனது மகன், சிறை செல்வதே சரியானது என பாஜக பெண் எம்.எல்.ஏ உமா தேவி கூறியுள்ளார். #JyotiradityaScindia
    போபால்:

    பா.ஜ.க ஆட்சியில் உள்ள மத்தியப்பிரதேசம், ராஜஸ்தான், சத்தீஸ்கர் உள்ளிட்ட 5 மாநிலங்களில் விரைவில் சட்டசபை தேர்தல் வர உள்ளது. இந்நிலையில், மத்தியப்பிரதேசத்தில் உள்ள ஹட்டா தொகுதி பாஜக பெண் எம்.எல்.ஏ.வான உமா தேவி காதிக்கின் மகன் பிரின்ஸ்தீப் லால்சந்த் காக்திக் பேஸ்புக் தளத்தில் சர்ச்சைக்குரிய தகவலை பதிவு செய்து இருந்தார். 

    காங்கிரஸ் கட்சியின் பொதுக்கூட்டம் ஹட்டாவில் நடைபெற இருந்த நிலையில், அம்மாநில காங்கிரஸ் தலைவரும் எம்.பியுமான ஜோதிரத்யா சிந்தியா அதில் கலந்து கொள்ள உள்ளார். ‘ஹட்டாவிற்கு வந்தால் சிந்தியாவை சுட்டுக் கொல்வேன், ஒன்று சிந்தியா உயிரிழக்க வேண்டும் அல்லது நான் உயிரிழக்க வேண்டும்’ என்று பிரின்ஸ்தீப் லால்சந்த் காக்திக் பதிவு செய்து இருந்தார். 

    இவ்விவகாரம் பெரும் சர்ச்சையாகிய நிலையில் “என்னுடைய மகன் சிறையில் தான் இருக்க வேண்டும். கட்சிக்கும் இந்த நிகழ்வுக்கும் எந்த தொடர்பும் இல்லை,” என்று எம்.எல்.ஏ. உமா தேவி கூறியுள்ளார். மேலும், போலீசில் தனது மகனை ஒப்படைக்க அவர் தயாராக உள்ளதாகவும் தெரிவித்தார். இது தொடர்பாக போலீசார் விசாரித்து வருகின்றனர்.
    ×