search icon
என் மலர்tooltip icon

    நீங்கள் தேடியது "பிஎஸ்எல்வி சி45"

    ராக்கெட் ஏவப்படுவதை சாதாரண பொதுமக்களும் பார்க்க இஸ்ரோ ஏற்பாடு செய்துள்ளது. இதற்காக ஸ்ரீஹரிகோட்டாவில் உள்ள ஏவுதளத்தில் தனி அரங்கு அமைக்கப்பட்டுள்ளது. #ISRO #PSLVC45
    புதுடெல்லி:

    இந்திய விண்வெளி ஆராய்ச்சி கழகமான இஸ்ரோ, ஆந்திரா மாநிலம் ஸ்ரீஹரிகோட்டாவில் உள்ள ஏவுதளத்தில் இருந்து ராக்கெட்டுகளை விண்ணில் ஏவி வருகிறது.

    ராக்கெட் விண்ணில் ஏவப்படுவதை இஸ்ரோவின் அதிகாரிகள், விஞ்ஞானிகள் மற்றும் அனுமதிக்கப்பட்ட முக்கிய பிரமுகர்கள் மட்டுமே ஸ்ரீஹரிகோட்டாவில் இருந்து பார்க்க முடியும்.

    இந்த நிலையில் ராக்கெட் ஏவப்படுவதை சாதாரண பொதுமக்களும் பார்க்க இஸ்ரோ ஏற்பாடு செய்துள்ளது.

    இதற்காக ஸ்ரீஹரிகோட்டாவில் உள்ள ஏவுதளத்தில் தனி அரங்கு அமைக்கப்பட்டுள்ளது. இதில் அமர்ந்து ராக்கெட் விண்ணில் பாய்வதை பொதுமக்கள் நேரடியாக பார்க்கலாம்.

    வருகிற 1-ந்தேதி பி.எஸ்.எல்.வி. சி-45 ராக்கெட் விண்ணில் ஏவப்படுகிறது. இதை பொதுமக்கள் தனி அரங்கில் அமர்ந்து நேரடியாக பார்த்து ரசிக்கலாம்.

    இதுகுறித்து இஸ்ரோ செய்தி தொடர்பாளர் விவேக் சிங் கூறியதாவது:-



    ராக்கெட் ஏவப்படுவதை பொதுமக்கள் அமர்ந்து பார்க்கும் தனி அரங்கு பாதுகாப்பான முறையில் அமைக்கப்பட்டு உள்ளது. 5 ஆயிரம் பேர் அமரும் வகையில் அமைக்கப்பட்டு இருக்கிறது.

    ராக்கெட் ஏவப்படுவதை நேரடியாக பார்க்க இணையதளத்தில் பதிவு செய்ய வேண்டும். கேமரா, போன்கள் தீவிர சோதனைக்கு பிறகே அனுமதிக்கப்படுவர். புகைப்படத்துடன் கூடிய அரசின் அடையாள அட்டை சமர்ப்பிக்க வேண்டும். குறைந்த பட்சம் 10 வயது நிரம்பியவர்களாக இருக்க வேண்டும்.

    இதில் இந்தியர்கள் மட்டுமே அனுமதிக்கப்படுவார்கள். வரும் காலத்தில் 10 ஆயிரம் பேர் அமர்ந்து பார்க்கும் வகையில் அரங்கு விரிவுப்படுத்தப்படும். மேலும் அங்கு விண்வெளி அருங்காட்சியகம் அமைக்கப்பட்டு வருகிறது.

    இனி ‘விண்வெளி தொழில்நுட்பம் ஒவ்வொரு இந்தியரை சென்றடைய வேண்டும் என்ற இஸ்ரோ தலைவர் சிவனின் எண்ணத்தில் உருவாக்கப்பட்டு வருகிறது.

    ராக்கெட் ஏவுகணை பொதுமக்கள் நேரில் பார்ப்பதால் குறைந்தபட்சம் சிலர் இந்திய விண்வெளி திட்டத்தில் சேர ஆர்வம் காட்டுவார்கள் என்று நம்புகிறார்.

    இவ்வாறு அவர் கூறினார். #ISRO #PSLVC45
    இந்தியாவில் ஐடெல் நிறுவனம் விலை குறைந்த ஸ்மார்ட்போனினை அறிமுகம் செய்துள்ளது. இது ஹெச்.டி. பிளஸ் ஃபுல் ஸ்கிரீன் கொண்ட விலை குறைந்த மாடலாக அமைந்துள்ளது. #Smartphones


    சீனாவைச் சேர்ந்த டிரான்சிஷன் ஹோல்டிங்கின் ஐடெல் இந்தியாவில் விலை குறைந்த ஸ்மார்ட்போன்களை அறிமுகம் செய்துள்ளது. 

    ஐடெல் ஏ22, ஏ22 ப்ரோ மற்றும் ஏ45 என்ற பெயர்களில் அறிமுகமாகி இருக்கிறது. மூன்று புதிய ஸ்மார்ட்போன்களிலும் 18:9 ஆஸ்பெக்ட் ரேஷியோ கொண்ட டிஸ்ப்ளேக்கள் வழங்கப்பட்டுள்ளது. ஐடெல் ஏ45 மாடலில் 5.45 இன்ச் ஹெச்.டி. பிளஸ் ஃபுல் ஸ்கிரீன் டிஸ்ப்ளே, டூயல் பிரைமரி கேமரா, பின்புறம் கைரேகை சென்சார் வழங்கப்பட்டுள்ளது.

    ஐடெல் ஏ22 சீரிஸ் மாடல்களில் ஸ்னாப்டிராகன் 210 சிப்செட், ஏ45 மாடலில் மீடியாடெக் MT6739 சிப்செட் வழங்கப்பட்டுள்ளது. ஏ22 மற்ரும் ஏ45 மாடல்களில் ஆன்ட்ராய்டு 8.1 ஓரியோ இயங்குதளம் (கோ எடிஷன்) மற்றும் ஏ22 ப்ரோ மாடலில் ஆன்ட்ராய்டு 8.1 ஓரியோ இயங்குதளம் வழங்கப்பட்டுள்ளது.



    ஐடெல் ஏ45 சிறப்பம்சங்கள்:

    - 5.45 இன்ச் 1440x720 பிக்சல் ஹெச்.டி. பிளஸ் 18:9 2.5D வளைந்த கிளாஸ் டிஸ்ப்ளே
    - 1.3 ஜிகாஹெர்ட்ஸ் குவாட்-கோர் மீடியாடெக் MT6739WA 64-பிட் பிராசஸர்
    - பவர் விஆர் ரோக் GE8100 GPU
    - 1 ஜிபி ரேம்
    - 8 ஜிபி இன்டெர்னல் மெமரி
    - மெமரியை கூடுதலாக நீட்டிக்கும் வசதி
    - ஆன்ட்ராய்டு 8.1 ஓரியோ
    - டூயல் சிம் ஸ்லாட்
    - 5 எம்பி ஆட்டோஃபோகஸ் பிரைமரி கேமரா, எல்இடி ஃபிளாஷ்
    - விஜிஏ இரண்டாவது கேமரா
    - 5 எம்பி செல்ஃபி கேமரா, சாஃப்ட் எல்இடி ஃபிளாஷ்
    - கைரேகை சென்சார்
    - 3.5 எம்எம் ஆடியோ ஜாக், எஃப்எம் ரேடியோ
    - 4ஜி வோல்ட்இ, வைபை, ப்ளூடூத்
    - 2700 எம்.ஏ.ஹெச். பேட்டரி



    ஐடெல் ஏ22 / ஏ22 ப்ரோ சிறப்பம்சங்கள்:

    - 5-இன்ச் 480x960 பிக்சல் FWVGA+ 18:9 டிஸ்ப்ளே
    - 1.3 ஜிகாஹெர்ட்ஸ் குவாட்-கோர் குவவால்காம் ஸ்னாப்டிராகன் 210 பிராசஸர்
    - அட்ரினோ 304 GPU
    - 1 ஜிபி ரேம், 8 ஜிபி இன்டெர்னல் மெமரி - ஏ22
    - 2 ஜிபி ரேம், 16 ஜிபி இன்டெர்னல் மெமரி - ஏ22 ப்ரோ
    - மெமரியை கூடுதலாக நீட்டிக்கும் வசதி
    - ஆன்ட்ராய்டு 8.1 ஓரியோ (கோ எடிஷன்) - ஏ22
    - ஆன்ட்ராய்டு 8.1 ஓரியோ - ஏ22 ப்ரோ
    - டூயல் சிம் ஸ்லாட்
    - 5 எம்பி ஆட்டோஃபோகஸ் பிரைமரி கேமரா, டூயல் எல்இடி ஃபிளாஷ்
    - 2 எம்பி செல்ஃபி கேமரா, சாஃப்ட் எல்இடி ஃபிளாஷ்
    - 3.5 எம்எம் ஆடியோ ஜாக், எஃப்எம் ரேடியோ
    - 4ஜி வோல்ட்இ, வைபை, ப்ளூடூத்
    - 2400 எம்.ஏ.ஹெச். பேட்டரி

    ஐடெல் ஏ45 ஸ்மார்ட்போன் மிட்நைட் பிளாக், ஆந்த்ராசைட் கிரே மற்றும் ரோஸ் கோல்டு நிறங்களில் கிடைக்கிறது. இந்தியாவில் ஐடெல் ஏ45 விலை ரூ.5,999 என நிர்ணயம் செய்யப்பட்டுள்ளது. ஐடெல் ஏ22 மாடல் ஸ்பேஸ் கிரே, ஷேம்பெயின் கோல்டு மற்றும் மிட்நைட் பிளாக் நிறங்களில் கிடைக்கிறது, இதன் விலை ரூ.5,499 என நிர்ணயம் செய்யப்பட்டுள்ளது.

    ஐடெல் ஏ22 ப்ரோ போர்டாக்ஸ் ரெட், ஷேம்பெயின் கோல்டு மற்றும் மேட் பிளாஸ் நிறங்களில் கிடைக்கிறது. இதன் விலை ரூ.6,499 என நிர்ணயம் செய்யப்பட்டுள்ளது. மூன்று புதிய ஐடெல் ஸ்மார்ட்போன்களும் ஆஃப்லைன் மூலம் விற்பனை செய்யப்படுகிறது. இவற்றுக்கு உடனடி கேஷ்பேக் மற்றும் ரிலையன்ஸ் ஜியோ சார்பில் ரூ.2,200 மதிப்புடைய கேஷ்பேக் வவுச்சர்கள் வழங்கப்படுகிறது.
    ஜாப்ரா நிறுவனத்தின் எலைட் 45இ வயர்லெஸ் ஹெட்செட் இந்தியாவில் அறிமுகம் செய்யப்பட்டுள்ளது. இதன் அம்சங்கள் குறித்த முழு விவரங்களை தொடர்ந்து பார்ப்போம்.





    ஜாப்ரா நிறுவனம் இந்தியாவில் சாஃப்ட் நெக்பேன்ட் ஹெட்செட் அறிமுகம் செய்துள்ளது. ஜாப்ரா எலைட் 45இ என அழைக்கப்படும் புதிய வயர்லெஸ் ஹெட்செட் வாய்ஸ் அசிஸ்டன்ட் சேவைகளான அமேசான் அலெக்சா, சிரி மற்றும் கூகுள் நௌ உள்ளிட்டவற்றை சப்போர்ட் செய்கிறது.

    ஒரு முறை சார்ஜ் செய்தால் எட்டு மணி நேரத்திற்கு பேக்கப் வழங்கும் ஜாப்ரா எலைட் 45இ மியூசிக்-ஐ கஸ்டமைஸ் செய்யக்கூடிய EQ செட்டிங்ஸ் மூலம் இயக்க வழி செய்கிறது. இத்துடன் IP54 சான்று பெற்ற வடிவமைப்பு, இரண்டு ஆண்டுகள் தண்ணீர் மற்றும் தூசு மூலம் ஏற்படும் பாதிப்புகளுக்கான வாரன்டி வழங்கப்படுகிறது.

    ஜாப்ரா எலைட் 45இ ஹெட்செட் மூலம் அழைப்புகளின் போது மிக துல்லியமான ஆடியோவை பயனர்கள் அனுபவிக்க முடியும். இந்த ஹெட்செட்-இல் வழங்கப்பட்டுள்ள ஜாப்ரா தொழில்நுட்பம் வெளிப்புற சத்தங்களை குறைத்து சீரான ஒலியை வழங்குகிறது. ஜாப்ரா சவுன்ட் பிளஸ் ஆப் ஈக்வலைசர் ப்ரோஃபைல்கள் மற்றும் செட்டிங்களை பயனர் விருப்பப்படி மாற்றியமைக்க வழி செய்கிறது.



    முன்னணி நிறுவனங்களின் வாய்ஸ் அசிஸ்டன்ட் சேவைகளை சப்போர்ட் செய்யும் ஜாப்ரா எலைட் 45இ வாய்ஸ் கமான்டு மூலம் வானிலை விவரங்கள், அருகாமையில் நடைபெறும் நிகழ்வுகள், உங்களுக்கு வரும் குறுந்தகவல்களை படிக்கச் செய்தல் உள்ளிட்டவற்றை மேற்கொள்ள பயன்படுத்த முடியும்.

    டைட்டானியம் பிளாக், காப்பர் பிளாக் மற்றும் கோல்டு பெய்க் என மூன்று நிறங்களில் கிடைக்கும் ஜாப்ரா எலைட் 45இ இந்தியாவில் ரூ.7,499 என நிர்ணயம் செய்யப்பட்டுள்ளது. பயனர்கள் ஜாப்ரா எலைட் 45இ ஹெட்செட்-ஐ அமேசான் வலைத்தளத்தில் வாங்கிட முடியும்.
    ×