நீங்கள் தேடியது "ஏத்தர் 340"

புதுடெல்லி:

ஏத்தர் 340 மற்றும் 450 எலெக்ட்ரிக் ஸ்கூட்டர்கள் இந்தியாவில் வெளியிடப்பட்டது. இரண்டு எலெக்ட்ரிக் ஸ்கூட்டர்களின் தோற்றம் பார்க்க ஒரே மாதிரி காட்சியளிக்கிறது. எனினும் இவற்றின் ஸ்டிக்கரிங் மூலம் வித்தியாசப்படுத்த முடியும். முதற்கட்டமாக இந்த எலெக்ட்ரிக் ஸ்கூட்டர்கள் பெங்களூருவில் விற்பனை செய்யப்பட்டு அதன் பின் மற்ற நகரங்களில் விற்பனை செய்யப்பட இருக்கிறது.

இரண்டு எலெக்ட்ரிக் ஸ்கூட்டர்களிலும் பிரஷ்லெஸ் டிசி மோட்டார் மற்றும் ஏத்தர் எனர்ஜி உருவாக்கிய பேட்டரி மேனேஜ்மென்ட் சிஸ்டத்தை பயன்படுத்துகிறது. அந்த வகையில் இந்த பேட்டரிக்கள் 3 ஆண்டுகள் அல்லது அன்லிமிட்டெட் கிலோமீட்டர்களுக்கு வாரன்டி கொண்டுள்ளன. 

ஏத்தர் 340 மற்றும் 450 வேரியன்ட்களில் முறையே 20 என்எம் மற்றும் 20.5 என்எம் டார்கியூ செயல்திறன் வழங்குகிறது. ஏத்தர் 340 மாடலில் ஒருமுறை சார்ஜ் செய்தால் 60 கிலோமீட்டர்களுக்கு செல்லும் திறன், அதிகபட்சம் மணிக்கு 70 கிலோமீட்டர் வேகமும், 5.1 நொடிகளில் மணிக்கு 0-40 கிலோமீட்டர் வேகத்தில் செல்லும் என தெரிவிக்கப்பட்டுள்ளது.

ஏத்தர் 450 மாலில் ஒருமுறை சார்ஜ் செய்தால் 75 கிலோமீட்டர்களுக்கு செல்லும் திறன், அதிகபட்சம் 80 கிலோமீட்டர் வேகமும், மணிக்கு 0-40 கிலோமீட்டர் வேகத்தை வெறும் 3.9 நொடிகளில் செல்லும் என தெரிவிக்கப்பட்டுள்ளது.

எலெக்ட்ரிக் ஸ்கூட்டர்களில் இன்பில்ட் ரிவர்ஸ் அசிஸ்டன்ட் அம்சம் வழங்கப்பட்டுள்ளது. இந்த அம்சம் ஸ்கூட்டரை பின்புறம் இழுக்கும் திறன் கொண்டுள்ளது. எனினும் மணிக்கு 5 கிலோமீட்டர் வேகத்தில் செல்லும் என தெரிவிக்கப்பட்டுள்ளது. ஏர் அப்டேட் வசதி வழங்கப்பட்டுள்ள நிலையில், ஸ்கூட்டரின் மென்பொருள் மற்றும் ஃபர்ம்வேர்களை அப்டேட் மூலம் வழங்கப்படுகிறது.

மற்ற அம்சங்களை பொருத்த வரை எலெக்ட்ரிக் ஸ்கூட்டர்களில் 340 மற்றும் 450 மாடலில் ஏழு இன்ச் கேபாசிட்டிவ் டச் ஸ்கிரீன் இன்ஸ்ட்ரூமென்ட் கிளஸ்டர், நேவிகேஷன் அசிஸ்ட், ஸ்மார்ட்போன் கனெக்டிவிட்டி மற்றும் பார்க்கிங் அசிஸ்ட் உள்ளிட்டவை வழங்கப்படுகிறது.

ஏத்தர் 340 மற்றும் 450 எலெக்ட்ரிக் ஸ்கூட்டர்களின் விலை இந்தியாவில் முறையே ரூ.1.09 லட்சம் மற்றும் ரூ.1.24 லட்சம் என நிர்ணயம் செய்யப்பட்டுள்ளது.

பெங்களூரு:

இந்தியாவில் நீண்ட காலமாக எதிர்பார்க்கப்படும் ஏத்தர் எஸ்340 எலெக்ட்ரிக் ஸ்கூட்டரின் வெளியீடு ஜூன் 5-ம் தேதி நடைபெற இருக்கிறது. பெங்களூருவை சேர்ந்த ஏத்தர் எனர்ஜி நிறுவனத்தின் முதல் எலெக்ட்ரிக் ஸ்கூட்டர் நீண்ட காலமாக தயாரிப்பு பணிகளில் இருந்த நிலையில் விரைவில் வெளியிடப்படுகிறது.

ஏத்தர் எஸ்340 எலெக்ட்ரிக் ஸ்கூட்டரின் சிறப்பம்சங்கள் மற்றும் இதர விவரங்களை ஏத்தர் நிறுவனம் ரகசியமாக வைத்திருக்கும் நிலையில் வெளியீட்டின் போது தான் ஸ்கூட்டரின் முழு விவரங்கள் தெரியவரும். புதிய ஸ்கூட்டர் அதிக பிரீமியம் அம்சங்களை கொண்டிருக்கும் என்றும், இந்தியாவில் தயாரிக்கப்பட்டதில் விலை உயர்ந்த எலெக்ட்ரிக் ஸ்கூட்டர்களில் ஒன்றாக இருக்கும் என எதிர்பார்க்கப்படுகிறது.

பெங்களூருவில் உள்ள தயாரிப்பு ஆலையில் ஏத்தர் எஸ்340 மாடலின் தயாரிப்பு பணிகள் துவங்கியுள்ள நிலையில், இதன் விநியோகம் படிப்படியாக துவங்கும் என தெரிவிக்கப்பட்டுள்ளது. முதற்கட்டமாக ஏத்தர் எஸ்340 ஸ்கூட்டர்கள் பெங்களூருவில் விநியோகம் செய்யப்படுகிறது. வணிக ரீதியிலான தயாரிப்பு பணிகள் இந்த ஆண்டு ஜூலை மாதம் துவங்குகிறது.

கர்நாடக மாநில தலைநகரான பெங்களூருவில் உள்ள வைட்ஃபீல்டு பகுதியில் ஏத்தர் நிறுவன தயாரிப்பு ஆலை கட்டமைக்கப்பட்டுள்ளது. புதிய ஏத்தர் எஸ்340 எலெக்ட்ரிக் ஸ்கூட்டரின் முன்பதிவுகள் வெளியீட்டு தினத்தன்று துவங்கும் என எதிர்பார்க்கப்படுகிறது.

கான்செப்ட் மாடல்களில் இதுவரை கிடைத்திருக்கும் தகவல்களின் படி ஏத்தர் எஸ்340 அல்லது 340 மாடல் எதிர்கால வடிவமைப்பு மற்றும் எட்ஜி ஸ்டைலிங் கொண்டிருக்கும் என எதிர்பார்க்கப்படுகிறது. இத்துடன் புதிய ஸ்கூட்டரில் ஆன்ட்ராய்டு இயங்குதளம் சார்ந்த தொடுதிரை வசதி கொண்ட டிஸ்ப்ளே ஸ்கிரீன், கஸ்டம் யூசர் இன்டர்ஃபேஸ் கொண்டிருக்கும் என கூறப்படுகிறது. 

மேலும் புஷ் நேவிகேஷன், ஓவர்-தி-ஏர் அப்டேட்கள், பார்க்கிங் அசிஸ்ட் சிஸ்டம், வாட்டர்ப்ரூஃப் சார்ஜர், அதிக ரைடிங் மோட்கள் மற்றும் எல்இடி லைட்கள் வழங்கப்படலாம் என எதிர்பார்க்கப்படுகிறது. 

ஏத்தர் எஸ்340 எலெக்ட்ரிக் ஸ்கூட்டரில் 5kW பிரஷ்லெஸ் டிசி எலெக்ட்ரிக் மோட்டார் வழங்கப்படலாம் என்றும் இந்த மோட்டார் 6.4 பிஹெச்பி பவர் மற்றும் 14 என்எம் டார்கியூ கொண்டிருக்கும் என கூப்படுகிறது. இந்த ஸ்கூட்டர் மணிக்கு அதிகபட்சம் 72 கிலோமீட்டர் வேகத்தில் செல்லும் திறன் கொண்டதாகும். 

புதிய எஸ்340 ஸ்கூட்டர் மணிக்கு 0-40 கிலோமீட்டர் வேகத்தை வெறும் 5 நொடிகளில் செல்லும் என ஏத்தர் தெரிவித்துள்ளது. ஒருமுறை சார்ஜ் செய்தால் அதிகபட்சம் 60 கிலோமீட்டர் வரை செல்லும் என்றும் இதன் ஃபாஸ்ட் சார்ஜிங் சிஸ்டம் ஒரு மணி நேரம் சார்ஜ் செய்தால் 80 சதவிகிதம் பேட்டரி சார்ஜ் செய்யப்பட்டு விடும் என தெரிவிக்கப்பட்டுள்ளது.