நீங்கள் தேடியது "அறிவிக்க"

திருப்பூர் :

கோட்ட மின் வாரியத்தினர் சார்பில், அந்தந்த துணை மின் நிலையங்களில் மாதாந்திர மின் பராமரிப்பு பணிகள் மேற்கொள்ளப்படுகின்றன. அந்த நாட்களில் காலை, 9மணி முதல் மாலை 5 மணி வரை மின் நிறுத்தம் மேற்கொள்ளப்படுகிறது.

திருப்பூர் உள்ளிட்ட தொழில் நகரங்களில் தொழில் நிறுவனங்கள் மின்சாரத்தை நம்பியே இயங்குகின்றன. மின் நிறுத்தம் மேற்கொள்ளப்படும் நாட்களில், விடுமுறை அளிப்பது,அதற்கு பதிலாக வேறொரு நாளில் செயல்படுவது போன்ற மாற்று நடவடிக்கைகளை பல நிறுவனங்கள் மேற்கொள்கின்றன. பல நிறுவனங்கள், ஜெனரேட்டர் உள்ளிட்ட மாற்று வழியில் மின்தடை செய்யப்படும் நாட்களை சமாளிக்கின்றன.இதுபோன்ற சூழலில் மாதாந்திர மின் நிறுத்தம் மேற்கொள்ளப்படும் நாட்கள் குறித்த தகவலை 48 மணி நேரத்துக்கு முன் மக்களுக்கு தெரியப்படுத்த வேண்டும் என கோட்ட மின்வாரிய உயரதிகாரி சார்பில் அந்தந்த மின்வாரிய கோட்டங்களுக்கு அறிவுறுத்தப்பட்டுள்ளது.