search icon
என் மலர்tooltip icon

    நீங்கள் தேடியது "அரூப் பட்நாயக்"

    பிஜு ஜனதா தளம் கட்சியில் மும்பை முன்னாள் போலீஸ் கமி‌ஷனர் அரூப் பட்நாயக் புவனேஷ்வர் எம்.பி. தொகுதியில் போட்டியிடுகிறார்.
    ஒடிசா:

    ஒடிசா மாநிலத்தில் நவீன் பட்நாயக் தலைமையில் பிஜு ஜனதா தளம் கட்சி ஆட்சி நடைபெற்று வருகிறது.

    அங்கு 21 தொகுதிகளுக்கான பாராளுமன்ற தேர்தலுக்கு 147 தொகுதிக்கான சட்டசபை தேர்தலும் நடக்கிறது.

    ஒடிசாவில் 4 கட்டங்களாக ஏப்ரல் 11, 18, 23 மற்றும் 29-ந்தேதிகளில் தேர்தல் நடக்கிறது. ஆளும் பிஜு ஜனதா தளம், காங்கிரஸ், பா.ஜனதாவுடன் கூட்டணி அமைக்காமல் தனித்து போட்டியிடுகிறது.

    இந்த நிலையில் 9 பாராளுமன்ற தொகுதி மற்றும் 36 சட்டசபை தொகுதிகளில் போட்டியிடும் வேட்பாளர் பட்டியலை பிஜு ஜனதா தளம் கட்சி அறிவித்து உள்ளது. மும்பை முன்னாள் போலீஸ் கமி‌ஷனர் அரூப் பட்நாயக் புவனேஷ்வர் எம்.பி. தொகுதியில் போட்டியிடுகிறார். ஏற்கனவே எம்.பி.க்களாக உள்ள 7 பேருக்கு மீண்டும் வாய்ப்பு வழங்கப்பட்டுள்ளது.

    எம்.பி. வேட்பாளர் பட்டியலில் 3 பெண்கள் இடம் பெற்று உள்ளனர். பாராளுமன்ற தேர்தலில் போட்டியிட பெண்களுக்கு 33 சதவீதம் ஒதுக்கப்படும் என்று அம்மாநில முதல்-மந்திரி நவீன்பட்நாயக் ஏற்கனவே அறிவித்து இருந்தார்.
    ×