நீங்கள் தேடியது "vaccine"

சேலம்:

சேலம் மாவட்டத்தில் கடந்த ஆண்டு ஜனவரி மாதம் முதல் கொரோனா தடுப்பூசி போடப்பட்டு வருகிறது. தற்போது 12 வயதிற்கு மேற்பட்ட அனைவருக்கும் தடுப்பூசி செலுத்தப்பட்டு வருகிறது.

மாவட்டத்தில் இது வரை 57 லட்சத்து 65 ஆயிரத்து 918 டோஸ் முதல் தவணை மற்றும் 2-ம் தவணை தடுப்பூசி போடப்பட்டுள்ளது. மேலும் 2 லட்சத்து 7 ஆயிரத்து 75 பேருக்கு பூஸ்டர் தடுப்பூசி செலுத்தபபட்டுள்ளது.

75 நாட்களுக்கு மட்டும் அரசு மையங்களில் இலவச மாக பூஸ்டர் தடுப்பூசி செலுத்தப்படும் என்று அறிவிக்கப்பட்டுள்ளதால் பொது மக்கள் ஆர்வத்துடன் பூஸ்டர் தடுப்பூசியை போட்டு வருகிறார்கள்.

தற்போது நாள் ஒன்றுக்கு 1500 முதல் 2 ஆயிரம் பேருக்கு பூஸ்டர் தடுப்பூசி செலுத்தப்பட்டு வருவதாக அதிகாரிகள் தெரிவித்தனர். 

நெல்லை:

தமிழகம் முழுவதும் கொரோனா தடுப்பூசி சிறப்பு முகாம்கள் இன்று (ஞாயிற்றுக்கிழமை) நடத்தப்பட்டது.

நெல்லை

நெல்லை மாவட்டம் மற்றும் மாநகர பகுதியிலும் இன்று ஏராளமான இடங்களில் சிறப்பு மெகா கொரோனா தடுப்பூசி முகாம்கள் நடத்தப்பட்டன.

இது தவிர மாவட்டத்தில் உள்ள அனைத்து அரசு மருத்துவமனைகளிலும் கொரோனா தடுப்பூசி முகாம்கள் நடத்தப்பட்டன. இதில் கொரோனா தடுப்பூசி முதல் தவணை மற்றும் இரண்டாவது தவணை செலுத்த தவறியவர்கள், முன்னெச்சரிக்கை தவணை செலுத்த தகுதியானவர்கள் அனைவரும் தங்களது ஆதார் அட்டை மற்றும் செல்போன் எண்ணுடன் தங்கள் குடியிருப்பு பகுதிக்கு அருகில் உள்ள முகாமிற்கு சென்று உரிய தடுப்பூசியை செலுத்தி கொண்டனர்.

பூஸ்டர் டோஸ்

மாநகரப் பகுதியில் பெரும்பாலான முகாம்களில் கூட்டம் மிகவும் குறைவாக இருந்தது. முதல் தவணை தடுப்பூசி செலுத்தி விட்டு இன்னும் சுமார் 10 சதவீதம் பேர் இரண்டாவது தவணை தடுப்பூசி செலுத்த வேண்டி உள்ளது.

இதேபோல், இருதவணை தடுப்பூசி செலுத்திய பெரும்பாலானோர் இன்னும் பூஸ்டர் தடுப்பூசி போடவில்லை. மாநகர பகுதியில் மனக்காவலம்பிள்ளை ஆஸ்பத்திரியில் இன்று காலை சிலர் தடுப்பூசி போட வந்திருந்தனர். அவர்களுக்கு நர்சுகள் தடுப்பூசி செலுத்தினர். இதேபோல் மக்கள் அதிகம் வந்து செல்லும் இடமான சந்திப்பு ரெயில் நிலையத்திலும் சிறப்பு முகாம் அமைக்கப்பட்டு பொதுமக்களுக்கு தடுப்பூசி போடப்பட்டது.

காரணம் என்ன?

மாவட்டத்தை பொறுத்தவரை ஏராளமான முகாம்களில் தடுப்பூசி செலுத்துவதற்கு பொதுமக்கள் வரவில்லை.

கொரோனா பாதிப்பு வெகுவாக குறைந்து விட்டதால் மக்களிடையே தடுப்பூசி செலுத்துவதற்கு ஆர்வம் இல்லாமல் போய்விட்டதாக சமூக ஆர்வலர்கள் தெரிவித்தனர்.

சேலம்:

சேலம் மாவட்ட கலெக்டர் அலுவலகத்தில் அனைத்து துறைகளின் கீழ் பணிபுரியும் அலுவலர்களுக்கு 3-ம் தடுப்பூசியான பூஸ்டர் டோஸ் செலுத்தப்பட உள்ளது. அதற்கான முகாம் கலெக்டர் அலுவலக தரைத்தளத்தின் பிரதான நுழைவுவாயில் அருகே வருகிற 25-ந்தேதி காலை 10 மணி முதல் மதியம் 2 மணி வரை நடக்க உள்ளது. இலவசமாக செலுத்தப்படும் தடுப்பூசியை அலுவலர்கள் செலுத்தி கொள்ளலாம்.

கோவிஷீல்டு தடுப்பூசியை பொறுத்தவரை முதல் ேடாஸ் செலுத்தி 84 நாளுக்கு பிறகு 2-ம் டோஸ் செலுத்தி 6 மாதம் முடிந்த அனைவரும் பூஸ்டர் டோஸ் செலுத்தி கொள்ளலாம். கோவாக்சின் பொறுத்தவரை முதல் டோஸ் செலுத்தி 28 நாட்களுக்கு பிறகு 2-ம் டோஸ் செலுத்தி 6 மாதங்களுக்கு பின் பூஸ்டர் டோஸ் ெசலுத்திக் கொள்ளலாம். ஏற்கனவே தடுப்பூசி செலுத்தி கொண்டதற்கான ஆவணத்தை தவறாமல் எடுத்து வர வேண்டும் என அதிகாரிகள் தெரிவித்துள்ளனர்.

பெரம்பலூர்:

தமிழக அரசின் பொது சுகாதாரம் மற்றும் நோய் தடுப்பு மருத்துவத்துறை சார்பில் பெரம்பலூர் மாவட்டத்தில் உள்ள பள்ளிகளில் 1-ம் வகுப்பு பயிலும் 8,335 மாணவ-மாணவிகளுக்கு தொண்டை அடைப்பான், ரண ஜென்னி, கக்குவான் இருமல் ஆகிய நோய்களுக்கான தடுப்பூசி போடப்பட்டு வருகிறது. இதேபோல் பள்ளிகளில் 5 மற்றும் 10-ம் வகுப்பு பயிலும் மொத்தம் 17,583 மாணவ-மாணவிகளுக்கு தொண்டை அடைப்பான், ரணஜென்னி ஆகிய நோய்களுக்கான தடுப்பூசி போடப்பட்டு வருகிறது. இந்த தடுப்பூசியை மேற்கண்ட மாணவ-மாணவிகள் தவிர்க்காமல் அவசியமாக போட்டு கொள்ள வேண்டும் என்று சுகாதாரத்துறையினர் தெரிவித்தனர்.

வெள்ளகோவில் :

வெள்ளகோவில் வட்டார ஆரம்ப சுகாதார பகுதிகளில் உள்ள ஆரம்ப சுகாதார நிலையம், துணை சுகாதார நிலையம், அங்கன்வாடி மையங்களில் மொத்தம் 128 இடங்களில் 12 முதல் 14 வயது வரை உள்ள சிறார்களுக்கு, 2ம் தவணை கொரோனா தடுப்பு ஊசியும், 15 வயதுக்கு மேற்பட்டோருக்கு முதல் மற்றும் 2ம் தவணை கொரோனா தடுப்பூசியும், 60 வயதுக்கு மேற்பட்டோருக்கு 3ம் தவணை பூஸ்டர் தடுப்பூசி போடப்பட்டது.

நேற்று முன்தினம் வரை வெள்ளகோவில் வட்டார ஆரம்ப சுகாதார நிலையத்தின் சார்பில் பள்ளி சிறார்களுக்கு முதல் தவணை கொரோனா தடுப்பூசி 6 ஆயிரத்து266 நபர்களுக்கும், 2ம் தவணை கொரோனா தடுப்பூசி 5 ஆயிரத்து 41 நபர்களுக்கும், 18 வயதுக்கு மேற்பட்டோருக்கு முதல் தவணை கொரோனா தடுப்பூசி 75 ஆயிரத்து 166 நபர்களுக்கும், 2ம் தவணை கொரோனா தடுப்பூசி 64 ஆயிரத்து 319 நபர்களுக்கும், 60 வயதுக்கு மேற்பட்டோருக்கு 3ம் தவணை பூஸ்டர் தடுப்பூசி 1 ஆயிரத்து 209 நபர்களுக்கு போடப்பட்டுள்ளது.

வெள்ளகோவில் ஆரம்ப சுகாதார நிலைய மருத்துவ அலுவலர் ராஜலட்சுமி, மாவட்ட தொற்று நோயியல் நிபுணர் மற்றும் மருத்துவ குழுவினர் மூலம் 2 ஆயிரத்து 340 நபர்களுக்கு கொரோனா தடுப்பூசி போடப்பட்டது.

தஞ்சாவூர்:

தமிழகத்தில் இன்று 1 லட்சம் இடங்களில் மெகா கொரோனா தடுப்பூசி முகாம் நடைபெற்றது. தஞ்சையில் இந்த முகாமை மருத்துவம் மற்றும் மக்கள் நல்வாழ்வு துறை அமைச்சர் மா. சுப்பிரமணியன் தொடங்கி வைத்தார்.

பின்னர் அவர் நிருபர்களுக்கு அளித்த பேட்டியில் கூறியிருப்பதாவது:-

தஞ்சை மாவட்டத்தில் இன்று 3471 இடங்களில் மெகா தடுப்பூசி முகாம் நடைபெற்றது.

தஞ்சை மாவட்டத்தில் முதல் தவணை தடுப்பூசி 93.10 சதவீதமும், 2-ம் தவணை தடுப்பூசி 87.10 சதவீதமும் போடப்பட்டுள்ளது. 12-14 வயது மற்றும் 15-17 வயது உடையவர்களுக்கு 100 சதவீதம் தடுப்பூசி செலுத்தி தன்னிறைவு பெற்ற மாவட்டமாக விளங்குகிறது.

தற்போது மாவட்டத்தில் 143 பேர் மட்டுமே சிகிச்சையில் உள்ளனர். தமிழகத்தை பொறுத்தவரை முதல் தவணை தடுப்பூசி 94.68 சதவீதமும், இரண்டாம் தவணை தடுப்பூசி 85.47 சதவீதம் பேருக்கும் போடப்பட்டுள்ளது.

தமிழகத்தில் கொரோனாவால் பாதிக்கப்பட்டவர்களில் 95 சதவீதம் பேர் வீடுகளில் தனிமைப்படுத்தப்பட்டு சிகிச்சை பெற்று வருகின்றனர். மீதி 5 சதவீதம் பேர் தான் அரசு மற்றும் தனியார் ஆஸ்பத்திரியில் சிகிச்சை பெறுகின்றனர். தமிழகத்தில் தற்போது 21513 பேர் கொரோனா சிகிச்சையில் உள்ளனர். தடுப்பூசி பயன்பாட்டால் உயிர் இழப்பு இல்லை என்பது ஆறுதலான விஷயம்.

தமிழகத்தில் இதுவரை 11 கோடியே 43 லட்சத்து 23 ஆயிரத்து 144 தடுப்பூசி போடப்பட்டுள்ளது. தனியார் ஆஸ்பத்திரிகளிலும் விரைவில் இலவசமாக பூஸ்டர் டோஸ் தடுப்பூசி போட நடவடிக்கை எடுக்கப்படும்.

உலகில் பல்வேறு நாடுகளில் பிஏ4, பிஏ5 என உருமாறிய கொரோனா பாதிப்பு உள்ளது. இந்தியாவில் சில மாநிலங்களில் உருமாறிய பாதிப்பு கண்டறியப்பட்டுள்ளது. இருப்பினும் அவற்றால் பெரிய அளவில் பாதிப்பு இல்லை. தமிழகத்தில் 40 சதவீதத்திற்கும் மேல் கொரோனாவால் பாதிக்கப்பட்டு ஆஸ்பத்திரிகளில் சிகிச்சை பெறும் நிலை வந்தால் மட்டுமே கடும் கூடுதல் கட்டுப்பாடுகள் விதிக்கப்பட வாய்ப்பு உள்ளது. தற்போது 5 சதவீதம் பேர் மட்டுமே ஆஸ்பத்திரிகளில் சிகிச்சை வருவதால் ஊரடங்கு போட வாய்ப்பு இல்லை.

சுகாதார செவிலியர்கள் உள்ளிட்ட பல்வேறு பிரிவுகளில் காலியாக உள்ள 4308 காலி பணியிடங்கள் செப்டம்பர் இறுதிக்குள் நிரப்பப்படும்.

புதுச்சேரி மாநிலம் காரைக்கால் மாவட்டத்தில் காலரா பாதிப்பு இருந்தது தெரிய வந்தவுடன் அதனை ஒட்டி உள்ள திருவாரூர், நாகை, மயிலாடுதுறை உள்ளிட்ட தமிழக மாவட்டங்களில் முன்னெச்சரிக்கை நடவடிக்கைகள் எடுக்கப்பட்டன. பல்வேறு விழிப்புணர்வுகள் ஏற்படுத்தப்பட்டது. இதன் காரணமாக காலரா பாதிப்பு வரவில்லை.

இவ்வாறு அவர் கூறினார்.

இந்நிகழ்வில் எஸ்.எஸ். பழனிமாணிக்கம் எம்.பி, மாவட்ட கலெக்டர் தினேஷ் பொன்ராஜ் ஆலிவர்,

எம்.எல்.ஏ.க்கள் துரை சந்திரசேகரன், டி.கே.ஜி. நீலமேகம், மாநகராட்சி மேயர் சண்ராமநாதன், துணை மேயர் அஞ்சுகம் பூபதி, மருத்துவக் கல்லூரி முதல்வர் ரவிக்குமார், சுகாதாரத்துறை துணை இயக்குனர் நமச்சிவாயம், பொது சுகாதாரம் மற்றும் நோய் தடுப்பு மருந்து துறை இயக்குநர் டாக்டர் செல்வவிநாயகம் மற்றும் பலர் உடன் இருந்தனர்.

தஞ்சாவூர்:

தஞ்சை மாநகராட்சி கூட்ட அரங்கில் கொரோனா தொற்றை கட்டுப்படுத்துவது தொடர்பான ஆய்வுக்கூட்டம் நடந்தது.

இதற்கு மேயர் சண்.ராமநாதன் தலைமை தாங்கி பேசியதாவது:-

மாநகர பகுதிகளில் இதுவரை 32 பேர் கொரோனா தொற்றால் பாதிக்கப்பட்டுள்ளனர். காய்ச்சல் யாருக்காவது இருந்தால் அவர்களை பரிசோதனை செய்து கொள்ள அறிவுறுத்த வேண்டும். மாநகர பகுதியில் இதுவரை 2,867 பேர் முதல் தவணை தடுப்பூசி கூட போடாமல் இருக்கின்றனர். 25 ஆயிரம் பேர் 2-வது தவணை தடுப்பூசி போடவில்லை.

இவர்களின் வசதிக்காக வருகிற 10-ந் தேதி தஞ்சை மாநகரில் 100 இடங்களில் மெகா தடுப்பூசி முகாம் நடக்கிறது. 60 வயதிற்கு மேற்பட்டோர் பூஸ்டர் தடுப்பூசி போட்டு கொள்ள வேண்டும். 10-ந் தேதி நடைபெறும் முகாமில் அமைச்சர்கள் மா.சுப்பிரமணியன், அன்பில் மகேஷ் பொய்யா–மொழி, மெய்யநாதன் ஆகியோர் கலந்து கொண்டு ஆய்வு செய்கின்றனர். மாநகர பகுதியில் வசிக்கும் மக்கள் கண்டிப்பாக முககவசம் அணிந்து கொள்ள வேண்டும். சமூக இடைவெளியை கடைபிடிக்க வேண்டும்.

இவ்வாறு அவர் பேசினார்.

கூட்டத்தில் துணை மேயர் அஞ்சுகம்பூபதி, மாநகர் நல அலுவலர் நமச்சிவாயம் மற்றும் சுகாதார ஆய்வாளர்கள் உள்பட பலர் கலந்து கொண்டனர்.

நெல்லை:

தமிழகத்தில் குறைந்திருந்த கொரோனா பாதிப்பு கடந்த சில நாட்களாக மீண்டும் அதிகரித்து வருகிறது.

நீண்ட நாட்களுக்கு பிறகு தினசரி பாதிப்பு நேற்று 500-ஐ தாண்டி உள்ளது. இதைத்தொடர்ந்து தடுப்பு நடவடிக்கைகளில் அரசு தீவிரம் காட்டி வருகிறது.

குறிப்பாக பொது மக்களுக்கு தடுப்பூசி செலுத்தும் பணிகள் மீண்டும் வேகப்படுத்தப்பட்டுள்ளது. மேலும் பரிசோதனை எண்ணிக்கையும் அதிகரிக்கப்பட்டுள்ளது.

நெல்லையில் கடந்த 2 நாட்களுக்கு முன்பு புதிதாக 8 பேருக்கு தொற்று கண்டறியப்பட்டது. ஆனால் அடுத்த 2 நாட்களில் புதிய பாதிப்புகள் எதுவும் இல்லை.

இந்நிலையில் இன்று நெல்லை அரசு ஆஸ்பத்திரியில் 9 பேருக்கு புதிதாக தொற்று கண்டறியப்பட்டுள்ளது. இதில் மாநகர பகுதியில் மட்டும் 7 பேர் அடங்குவர். இதுதவிர களக்காடு, மானூர் பகுதியில் தலா ஒருவருக்கு தொற்று உறுதியாகி உள்ளது.

புதிதாக 7 பேர் பாதிக்கப்பட்டிருந்தாலும் அவர்களில் ஒருவர் மட்டுமே ஆஸ்பத்திரியில் அனுமதிக்கப்பட்டுள்ளார். மற்ற 6 பேரும் வீட்டு தனிமையிலேயே சிகிச்சை பெற்று வருகிறார்கள்.

இதுகுறித்து நெல்லை அரசு மருத்துவ கல்லூரி டீன் ரவிச்சந்திரன் கூறியதாவது:-

நெல்லையில் கடந்த சில நாட்களாக தொற்று பாதிப்பு சற்று உயர்ந்து வருகிறது. எனினும் புதிதாக தொற்றால் பாதிக்கப்படுபவர்களுக்கு, பாதிப்பு தீவிரமாக இல்லை. எனவே பெரும்பாலானோர் வீட்டு தனிமையிலேயே சிகிச்சை பெறுகிறார்கள்.

தற்போதைய நிலவரப்படி, கொரோனா வார்டில் ஒருவர் மட்டுமே சிகிச்சையில் உள்ளார்.

புதிய பாதிப்பு தீவிரமாக இல்லாவிட்டாலும் பொது மக்கள் தடுப்பூசி செலுத்திக் கொள்வது, முகக்கவசம் அணிவது ஆகியவற்றை கடைபிடிக்க வேண்டும். இவ்வாறு அவர் கூறினார்.

வீ. கே. புதூர்:

தென்காசி மாவட்டத்தில் வருகிற 12-ந் தேதி (ஞாயிற்றுக்கிழமை) 2004 மையங்களில் மெகா கொரோனா தடுப்பூசி முகாம் நடைபெறுகிறது. தென்காசி மாவட்டத்தில் இதுவரை கொரோனா தடுப்பூசி போடாதவர்கள்,

2-வது தவணை போட வேண்டியவர்கள் பயனடையும் வகையில் காலை, நண்பகல்,பிற்பகல் என வெவ்வேறு இடத்திலும் நகராட்சி, பேரூராட்சி, ஊராட்சி உள்ள வார்டு பகுதிகளிலும் பேருந்து நிலையங்கள், அரசு ஆரம்ப சுகாதார நிலையங்கள்,அரசு மருத்துவமனை மற்றும் தடுப்பூசி செலுத்தும் இடங்களில் நடைபெற உள்ளது.

இந்த வாய்ப்பினை பொதுமக்கள் அனைவரும் தவறாது பயன்படுத்திக் கொள்ள வேண்டும் எனவும், இதில் 12 வயதிற்கு மேற்பட்ட முதல் தவணை செலுத்தாதவர்கள் இரண்டாவது தவணை தடுப்பூசி செலுத்த காலம் தவறியவர்கள் 60 வயதுக்கு மேற்பட்ட முன்னெச்சரிக்கை தவணை தடுப்பூசி செலுத்த வேண்டியவர்கள் அனைவரும் முழுமையாக பயன்படுத்திக் கொள்ளலாம் என தென்காசி மாவட்ட நிர்வாகம் வெளியிட்டுள்ள செய்திக்குறிப்பில் தெரிவிக்கப்பட்டுள்ளது.