நீங்கள் தேடியது "ஆர்எஸ்எஸ்"

பாஜக தோல்வி 

விவசாயிகள் பிரச்சனை, அக்னிவீர் திட்ட எதிர்ப்பு உள்ளிட்டவை அரியானாவில் நடந்த தேர்தலில் தாக்கத்தை ஏற்படுத்தி காங்கிரசுக்கு வெற்றி வாய்ப்பை ஏற்படுத்தும் என்று கருதப்பட்டது. ஆனால் அதற்கு நேர்மாறாக 90 க்கு 48 தொகுதிகளைக் கைப்பற்றி தொடர்ந்து மூன்றாவது முறையாக பாஜக ஆட்சியமைக்கிறது. இதற்கு பலதரப்பட்ட காரணங்கள் முன்வைக்கப்படுகின்றன.

அதில் முக்கியமானது இந்த தேர்தலில் ஆர்எஸ்எஸ் அமைப்பின் கள செயல்பாடு. கடந்த மக்களவை தேர்தலில் பாஜகவுக்கு அரியானாவில் பெரும் பின்னடைவு ஏற்பட்டிருந்தது. மொத்தம் உள்ள 10 மக்களைவைத் தொகுதிகளில் 5 இடங்களில் பாஜகவும், 5 இடங்களில் இந்தியா கூட்டணியும் வென்றது. முன்னதாக 2019 தேர்தலில் 10 இடங்களிலும் பாஜக வென்ற இந்நிலையில் 2024 தேர்தல் பாஜகவுக்கு சறுக்களாக பார்க்கப்பட்டது.

 உதவி நாடி சென்ற இடம் 

இதில் சுதாரித்த பாஜக தங்கள் கொள்கை கூட்டாளியான ஆர்எஸ்எஸ் அமைப்பை நாடியது. அதன்படி அரியானாவில் பாஜகவுக்கு உள்ள மக்கள் ஆதரவு குறித்து ஆர்எஸ்எஸ் எடுத்த சர்வே, முதல்வராக இருந்த மனோகர் லால் கட்டாருக்கு தலைமைக்கு ஆதரவு குறைந்ததை சுட்டிக்காட்டியது.

இதனால் கட்டார் நீக்கப்பட்டு கடந்த மார்ச்சில் நயாப் சிங் சைனி முதல்வர் ஆக்கப்பட்டார். இது, அடுத்த தேர்தலை மனதில் வைத்து பாஜக எடுத்துவைத்த முதல் அடி. அதன்பின் விவசாயப் பெருநிலமாக விளங்கும் அரியானாவில் கிராமங்களில் கட்சிக்கான ஆதரவை மீட்டெடுக்கும் பொறுப்பை ஆர்எஸ்எஎஸ் இடம் பாஜக ஒப்படைத்தது.

களத்தில் ஆர்எஸ்எஸ்

ஜூன் 5 ஆம் தேதி மக்களவைத் தேர்தல் முடிவுகள் வெளியான நிலையில், மத்தியில் பதவியேற்பு ஆரவாரங்கள் முடிந்தபின்னர் சரியாக ஒரு மாதம் கழித்து ஜூலை 29 ஆம் தேதி புது தில்லியில் ஆர்எஸ்எஸ் பொதுச்செயலாளர் அருண் குமார், அரியானா பாஜக தலைவர் மோகன்லால் பர்தோலி, அப்போதைய மத்திய அமைச்சர் தர்மேந்திர பிரதான் உள்ளிட்டோர் அடங்கிய முக்கிய கூட்டம் ஒன்று நடந்தது.

இதில் தற்போது நடந்த சட்டமன்றத் தேர்தலுக்கான வியூகங்கள் வகுக்கப்பட்டன. கிராம மக்களின் நம்பிக்கையை மீளப்பெறுவதே இந்த கூட்டத்தில் எடுக்கப்பட்ட முக்கிய முடிவு. அதன்படி, உள்ளூர் வேட்பாளர்களைத் தேர்ந்தெடுப்பது, அவர்களை மக்களிடையே நிறுவுவது என வேலையைத் தொடங்கியது ஆர்எஸ்எஸ். செப்டம்பர் மாத தொடக்கத்தில் ஊரக வாக்காளரைக் கவரும் திட்டம் தொடங்கப்பட்டது.

கிராமங்கள் -  கூட்டங்கள் 

இதன்மூலம் ஒவ்வொரு மாவட்டத்துக்கும் குறைந்தது 150 ஆர்எஸ்எஸ் தன்னார்வலர்கள் நியமிக்கப்பட்டனர். கிராமப்புர சமூகங்களிடம் அதிகரித்து இருந்த பாஜவுக்கு எதிரான மனநிலையை மாற்றும் பணியில் அந்த குழு ஈடுபட்டது. மக்கள் முன் தோன்றி கைகட்டி ஆதரவு சேகரிப்பதை விட சிறந்த அரசியல் திட்டம் எதுவும் இல்லை என்று அரசியல் விமர்சகர் ராஜாத் சேத்தி ஆர்எஸ்எஸ்-ன் இந்த ஊரக மக்களை கவரும் திட்டம் குறித்து பேசியிருந்தார். 

செப்டம்பர் மாத தொடக்கத்திலிருந்து சுமார் 16,000 ஆர்எஸ்எஸ் சந்திப்புகள் மற்றும் நிகழ்ச்சிகள் அரியானாவில் நடத்தப்பட்டுள்ளது. வீடு வீடாக இந்த சந்திப்புகள், நிகழ்ச்சிகளுக்கு மக்கள் திரட்டப்பட்டனர். இங்கு பாஜக விரோத போக்கு காரணமாக இந்த ஆள் திரட்டுதலில் பாஜகவினரை விட ஆர்எஸ்எஸ் காரர்களே முக்கிய சக்தியாகச் செயல்பட்டனர்.

முகம் 

அதிக வாக்கு வங்கி உள்ள உள்ளூர் வேட்பாளர்களை தேர்ந்தெடுக்கும் விஷயத்தில் பாஜகவுக்கு ஆர்எஸ்எஸ் வழிகாட்டுதல் கைகொடுத்தது. புதிதாக ஆதரவு  திரட்டுவதை விட விவசாயிகள் பிரச்சனை உள்ளிட்டவற்றால் மனக்கசப்பில் பாஜக ஆதரவிலிருந்து விலகியவர்களை மீண்டும் தங்கள் பக்கம் இழுக்கும் விதமாகச் செயல்பட்டது ஆர்எஸ்எஸ். புதிதாக வந்த முதல்வர் நயாப் சிங்சையினியின் முகத்தை கிராமங்களுக்குக் கொண்டு சேர்க்கும் பணி நடந்தது. குறிப்பாக அவரின் சொந்த தொகுதியான லாட்வாவில் அவருக்கு எதிராக இருந்த மனநிலையை மாற்ற அதிக கவனம் செலுத்தப்பட்டது.

கிராமந்தோறும் பாஜக மீது அதிருப்தி தெரிவித்திருந்த சாதித் தலைவர்கள் , பஞ்சாயத்துத் தலைவர்களை முதல்வர் சைனி நேரடியாகச் சென்று சந்தித்தார் . அதிகம் உள்ள ஜாத் சமூகத்தினர், தலித்துகளின் வாக்கு வங்கிக்கு முக்கிய கவனம் தரப்பட்டது.

நம்பிக்கை 

பாஜக அரசு மற்றும் மக்களுக்கிடையே இருந்த இடைவெளியை ஆர்எஸ்எஸ் நிரப்பியது. மடல்கள் தோறும், பஞ்சாயத்துகள் தோறும் பொது சவுபல் [chaupals] எனப்படும் அமைப்புகள் தோறும் ஆர்எஸ்எஸ் தன்னார்வலர்கள் வாக்கு வங்கியை உறுதி செய்தனர்.

முன்னதாக கூறியபடி செப்டம்பர் 1 முதல் 9 வரை ஒவ்வொரு சட்டமன்றத் தொகுதிகளிலும் குறைந்தது 90 கூட்டங்கள் நடத்தப்பட்டன. கிராமப்புற பகுதிகளில் 200 வரை அது அதிகரித்தது. பாஜகவின் நிர்வாகம் மற்றும் தலைமை மீதான நம்பிக்கையை மீட்டெடுப்பதில் ஆர்எஸ்எஸ் உயர் தலைவர்கள் தீவிரம் காட்டினர்.

முதல் வெற்றி 

மக்களவைத் தேர்தலில் அமைதியாக இருந்த ஆர்எஸ்எஸ் அதில் பாஜக வாங்கிய அடியைப் பார்த்த பின் இந்த சட்டமன்றத் தேர்தலில் களத்தில் இறங்கியதால் கிடைத்த பலன், மோடி மூன்றாவது முறையாகப் பிரதமரான பிறகு தேசிய அளவில் பாஜக ஜெயிக்கும் முதல் தேர்தல் இதுவே என்பதாகும்.

கடவுள் 

பாஜகவுக்கும் ஆர்எஸ்எஸ் க்கும் சமீப காலமாக உரசல்கள் இருப்பது அனைவரும் அறிந்ததே. மோடி தன்னை கடவுளின் நேரடி அவதாரமாக  மட்டுமே முன்னிலைப் படுத்தியது ஆர்எஸ்எஸ் தலைவர்களைக் கோபப்படுத்தியிருந்தாலும் பாஜகவின் தாய் இயக்கமாக அதன் அதிகாரத்தை உறுதி செய்யவேண்டிய பொறுப்பையும் ஆர்எஸ்எஸ் உணர்ந்தே உள்ளது.

ஒருவரை முன்னிலைப் படுத்துவதன் மூலமாக அன்றி சத்தமில்லாமல் வேர்களில் கிராமங்களில் வீடுதோறும், சமூகங்கள் தோறும் கொள்கைகளைப் பரப்புவதன் மூலமே ஆதரவை அறுவடை செய்து அதன்மூலம் அதிகாரத்தை நிலைநிறுத்த முடியும் என்பதில் ஆர்எஸ்எஸ் உறுதியாக இருக்கிறது என்பதை இந்த தேர்தல் வெற்றி காட்டுகிறது.

சென்னை எழும்பூரில் பலத்த போலீஸ் பாதுகாப்புடன் ஆர்எஸ்எஸ் அணிவகுப்பு பேரணி நடைபெற்றது.

பேரணியில் மத்திய இணை அமைச்சர் எல்.முருகன் பங்கேற்றார். பேரணியை முன்னிட்டு பலத்த போலீஸ் பாதுகாப்பு போடப்பட்டுள்ளது.

இதேபோல், கோவையில் பலத்த பாதுகாப்புடன் ஆர்எஸ்எஸ் அமைப்பு பேரணி நடைபெற்றது. கோவை சவானந்தா காலனி முதல் அம்ருதா வித்யாலயா பள்ளி வரை பேரணி நடைபெறுகிறது.

நூற்றுக்கும் மேற்பட்ட உறுப்பினர்கள் காக்கி- வெள்ளை சீருடையுடன் பங்கேற்றுள்ளனர். விஜயதசமியையொட்டி 'பதசஞ்சலனம்' என்ற பெயரில் ஆர்எஸ்எஸ் அமைப்பு பேரணி நடத்துகிறது.

தென்காசியில் பலத்த போலீஸ் பாதுகாப்புடன் ஆர்எஸ்எஸ் அணிவகுப்பு பேரணி நடைபெற்றது. தென்காசியில் சுமார் 3 கிலோ மீட்டர் நடைபெறும் இந்த பேரணியில் 300க்கும் மேற்பட்ட ஆர்எஸ்எஸ் தொண்டர்கள் பங்கேற்றனர்.

இந்தியா என்பது அடிப்படையிலேயே இந்து ராஷ்டிரம்தான் என்று ஆர்எஸ்எஸ் தலைவர் மோகன் பகவத் தெரிவித்துள்ளார். ராஜஸ்தான் மாநிலம் பரான் [Baran] நகரில் நடத்த சுயம்சேவக் நிகழ்ச்சியில் பேசிய அவர், இந்தியா அல்லது பாரத் அடிப்படையிலேயே இந்து ராஷ்டிரம்தான், பழங்காலத்திலிருந்தே நாம் இங்கு வாழ்கிறோம்.

இந்து என்ற பதம் பலகாலம் கழித்தே வழக்கத்தில் வந்தது.இந்துக்கள் அனைவரையும் அரவணைப்பவர்கள், அவர்கள் ஒற்றுமையோடு வாழ்பவர்கள். சாதி, மதம், மொழி என்ற பாகுபாடுகளைச் சண்டைகளை மறந்து இந்துக்கள் ஒன்றிணைய வேண்டும்.

ஆனால் அனைத்துக்கும் கடவுளை எதிர்பார்க்கும் பழக்கம் இந்துக்களுக்கு உண்டு. ஆனால் தனது பிரச்சனைகளைத் தானே கவனித்துக் கொள்பவர்களுக்குத்தான் கடவுள் உதவி செய்வார். மகாபாரதத்தில் பாண்டவர்கள் தயாராக இருந்ததை அறிந்தபின்னரே பகவான் கிருஷ்ணர் அவர்களுக்குத் தேர் ஓட்டினார்.

அவர் நினைத்திருந்தால் போரை தடுத்து அவர்களைக் காப்பாற்றியிருக்க முடியும். ஆனால் தங்களின் பிரச்சனைகளைத் தீர்த்துக்கொள்ள அவர்கள் தான் முயற்சி செய்ய வேண்டும் என்று அவர் எதிர்பார்க்கிறார். பாரத மாதாவைக் காப்பாற்ற நாம் முயற்சி எடுத்தாக வேண்டும். அந்த முயற்சியில் நம்மோடு அனைவரையும் அரவணைத்துக்கொள்ள வேண்டும். அதுவே நமது கலாச்சாரம், பாரம்பரியம் என்று தெரிவித்தார். 

ஜார்கண்ட் மாநிலத்தில் விரைவில் சட்டமன்றத் தேர்தல் வர உள்ள நிலையில் அங்கு அரசியல் களம் சூடு பிடிக்கத்தொடங்கியுள்ளது. முதல்வர் ஹேமந்த் சோரன் மீண்டும் ஆட்சியைப் பிடிக்க மும்முரம் காட்டி வரும் வேலையில் பாஜக தேசிய தலைவர்கள் ஜார்கண்ட் மாநிலத்துக்கு விசிட் அடிக்கத் தொடங்கியுள்ளனர். ஹேமந்த் சோரன் பக்கம் இருந்த சம்பாய் சோரன் சமீபத்தில் பாஜக பக்கம் சாய்ந்தது ஜேஎம்எம் கட்சிக்கு சற்று பின்னடைவை ஏற்படுத்தலாம் என்று அரசியல் நோக்கர்கள் கருதுகின்றனர்.

ஆனால் அடுத்த இரண்டு மூன்று மாதங்களுக்கு நடக்க உள்ள பிரச்சாரமே வாக்கு வங்கியில் தாக்கத்தை ஏற்படும். எனவே எதிரணிகள் ஒருவரை ஒருவர் கடுமையாக விமர்சனம் செய்யத் தொடங்கியுள்ளனர். ஜார்கண்ட் தலைநகர் ராஞ்சியில் இருந்துது டிஜிட்டல் திரை மூலம் பேரணியில் பேசிய ஹேமந்த் சோரன், பாஜகவை சேர்ந்த அசாம் மாநில முதல்வர் ஹிமந்த பிஸ்வா ஜார்கண்டில் பிரச்சாரம் செய்து வருவதை சுட்டிக்காட்டி பாஜக அங்குள்ள இந்து முஸ்லீம் சமூகங்களிடையே சண்டை மூட்ட முயற்சிப்பதாக குற்றம்சாட்டியுள்ளார்.

பாஜகவின் தாய் அமைப்பான ஆர்எஸ்எஸ் பெருச்சாளிகளை போல் மாநிலத்துக்கும் ஊடுருவி அழிவு வேலைகளில் ஈடுபட்டு வருகிறார்கள் என்றும் ஹந்தியா[handia] தாறு [daru] [உள்ளூர் மது வகைகள் ] உடன் ஊருக்குள் புகுந்து மக்களை மயக்கி பிளவுபடுத்தி கலவரங்களை ஏற்படுத்த முயலும் அத்தகு தீய சக்திகளை மக்கள் விரட்டி அடிக்க வேண்டும் என்று தெரிவித்துள்ளார்.

மேலும் சமீபத்தில் அம்மாநிலத்தில் பல பகுதிகளில் கோவில்கள் மற்றும் மசூதிகள் மீது இறைச்சித் துண்டுகள் வீசப்பட்ட  சம்பவங்களை சுட்டிக்காட்டி மக்களை எச்சரிக்கையுடன் இருக்கும்படி அறிவுறுத்தியுள்ளார். வியாபாரிகளும் தொழிலதிபர்களும் நடத்தும் பாஜக கட்சி தனது பண பாலத்தின் மூலம் அரசியல் தலைவர்களையும் விலைக்கு வாங்குகிறது என்று சம்பாய் சோரன் பாஜக பக்கம் சென்றதையும் மறைமுகமாக சாடியுள்ளார்.

நாக்பூர்:

ஆர்.எஸ்.எஸ். அமைப்பின் தலைவராக மோகன் பகவத் இருக்கிறார். அவரது பாதுகாப்பு நிலையை மத்திய உள்துறை அமைச்சகம் உயர்த்தியுள்ளது. பிரதமர் நரேந்திர மோடி, மத்திய உள்துறை மந்திரி அமித்ஷா ஆகியோருக்கு வழங்கப்படும் பாதுகாப்புக்கு இணையாக மோகன் பகவத்துக்கு தற்போது பாதுகாப்பு அளிக்கப்பட்டுள்ளது.

இசட் பிளஸ் பாதுகாப்பில் இருந்து மேம்படுத்தப்பட்ட பாதுகாப்பு இணைப்பு (ஏ.எஸ்.எல்) பாதுகாப்பு அவருக்கு வழங்கப்படுகிறது.

மோகன் பகவத்தின் பாதுகாப்பை மறு ஆய்வு செய்ததன் அடிப்படையில் இந்த பாதுகாப்பு நடவடிக்கை இறுதி செய்யப்பட்டது.

1948 ஆம் ஆண்டு தேசப்பிதா மகாத்மா காந்தி சுட்டுக்கொல்லப்பட்டதன் எதிரொலியாக முதல் முறையாக தீவிர வலதுசாரி இந்துத்துவ அமைப்பான ஆர்எஸ்எஸ் அமைப்புக்கு சர்தார் வல்லபாய் படேல் தடை விதித்தார்.

சில காலங்களுக்கு பிறகு நன்னடத்தை பேரில் அந்த தடை நீக்கப்பட்டது. பின்னர், 1966 ஆம் ஆண்டு அப்போதைய பிரதமர் இந்திரா காந்தி ஆர்எஸ்எஸ் அமைப்பில் அரசு ஊழியர்கள் சேரவும், அதன் நிகழ்ச்சிகளில் பங்கேற்கவும் தடை விதித்தார்.

அரசு ஊழியர்கள் ஆர்எஸ்எஸ் அமைப்பில் சேர்வதற்கும் அதன் நிகழ்ச்சிகளில் பங்கேற்பதற்கும் 58 ஆண்டு காலமாக இருந்து வந்த தடையை மோடி தலைமையிலான மத்திய பாஜக அரசு அண்மையில் நீக்கியது.

இந்நிலையில், ராஜஸ்தான் மாநில அரசு ஊழியர்கள் ஆர்எஸ்எஸ் அமைப்பின் செயல்பாடுகளில் பங்கேற்க, 1972ம் ஆண்டில் விதிக்கப்பட்ட தடையை, 52 ஆண்டுகளுக்குப் பிறகு ராஜஸ்தான் மாநில பாஜக அரசு நீக்கியுள்ளது.

ஹரியானா, இமாச்சலப் பிரதேசம், மத்தியப் பிரதேசம், சத்தீஸ்கர் உள்ளிட்ட பல மாநில அரசுகள், அரசு ஊழியர்களை ஆர்எஸ்எஸ் அமைப்பில் இணைக்கும் கட்டுப்பாடுகளை ஏற்கனவே நீக்கிவிட்டன என்பது குறிப்பிடத்தக்கது.

அரசு ஊழியர்கள் ஆர்எஸ்எஸ் அமைப்பில் சேர்வதற்கும், அதன் நிகழ்ச்சிகளில் பங்கேற்பதற்கும் 58 ஆண்டு காலமாக இருந்து வந்த தடையை மோடி தலைமையிலான மத்திய பாஜக அரசு தற்போது நீக்கி அரசாணை வெளியிட்டுள்ளது. 1948 ஆம் ஆண்டு தேசப்பிதா மகாத்மா காந்தி சுட்டுக்கொல்லப்பட்டதன் எதிரொலியாக முதல் முறையாக தீவிர வலதுசாரி இந்துத்துவ அமைப்பான ஆர்எஸ்எஸ் அமைப்புக்கு சர்தார் வல்லபாய் படேல் தடை விதித்தார்.

சில காலங்களுக்கு பிறகு நன்னடத்தை பேரில் அந்த தடை நீக்கப்பட்டது. அதனைத்தொடர்ந்து 1966 வாக்கில் பசுக்கொலைகளுக்கு போராடுகிறோம் என்று வெகுஜன ஆதரவை ஆர்எஸ்எஸ் அமைப்பு திரட்டி போராட்டம் நடந்தத் துவங்கியது. இதன் உச்சமாக பாராளுமன்றத்தில் பசுக்கொலைகளுக்கு எதிராக மாபெரும் போராட்டம் நடந்தது.

இதனைத்தொடர்ந்து அப்போதைய பிரதமர் இந்திரா காந்தி ஆர்எஸ்எஸ் அமைப்பில் அரசு ஊழியர்கள் சேரவும், அதன் நிகழ்ச்சிகளில் பங்கேற்கவும் தடை விதித்தார். இடையில் ஆர்எஸ்எஸ் அமைப்பினோடு நெருங்கிய தொடர்புடைய பாஜக ஆட்சி அமைந்த போதும் பிரதமர் வாஜ் பாய் ஆர்எஸ்எஸ் மீதான இந்த தடையை நீக்காத நிலையில் தற்போது 3 வது முறையாக பிரதமர் ஆகியுள்ள மோடி தலைமையிலான பாஜக அரசு இந்த தடையை நீக்கி உத்தரவிட்டுள்ளது.

நடந்து முடிந்த மக்களவைத் தேர்தலுக்குப் பின் மோடி மீது ஆர்எஸ்எஸ் தலைவர்கள் அதிருப்தியில்  இருப்பது  சமீப காலமாக பொது வெளியில் அவர்களின் பேச்சில் இருந்து தெரிகிறது. இந்த விரிசலை சரி செய்யவே ஆர்எஸ்எஸ் அமைப்புக்கு இந்த உபகாரத்தை மோடி செய்து கொடுத்துள்ளதாக அரசியல் நோக்கர்கள் கருதுகின்றனர். இதற்கிடையில் தடையை நீக்கியதற்க்கு காங்கிரஸ் உள்ளிட்ட எதிர்க்கதசிகள் கண்டம் தெரிவித்து வருகின்றன.

இந்த தடை நீக்கம் குறித்து தனது எக்ஸ் தளத்தில் கருத்து தெரிவித்துள்ள மதுரை எம்.பி சு.வெங்கடேசன், மத்திய அரசு ஊழியர்கள் RSS இயக்கத்தில் சேர அனுமதி மறுக்கப்பட்டிருந்தது. இப்பொழுது அனுமதி கொடுத்து உத்தரவிடப்பட்டுள்ளது. சாவர்கரின் பிறந்தநாளில் புதிய பாராளுமன்றத்தை திறந்து, அரசு ஊழியர்களை RSS க்கு அனுப்பிவைக்கும் வேலையை துவக்கியிருக்கிற மோடி அரசுக்கு எனது கண்டனத்தை தெரிவித்துக் கொள்கிறேன் என்று பதிவிட்டுள்ளார்.

கன்னியாகுமரி:

ஆர்.எஸ்.எஸ். இயக்கத்தின் அகில பாரத தலைவர் மோகன் பகவத் இன்று (திங்கட்கிழமை) மாலை 4 மணிக்கு கன்னியாகுமரி வருகிறார். அங்கு விவேகானந்த கேந்திராவுக்கு செல்லும் அவருக்கு விவேகானந்த கேந்திர நிர்வாகம் சார்பில் வரவேற்பு அளிக்கப்படுகிறது. பின்னர் கேந்திர நிர்வாகிகளை சந்தித்து பேசுகிறார். இரவு அங்கு தங்குகிறார்.

நாளை (செவ்வாய்க்கிழமை) காலையில் விவேகானந்த கேந்திர பணிகள் குறித்து நிர்வாகிகளுடன் ஆலோசனை நடத்துகிறார். பின்னர் அங்குள்ள வளாகத்தில் ரூ.1 கோடியில் கட்டப்பட்டுள்ள சுதந்திர போராட்ட வீரர்களின் தியாக பெருஞ்சுவரை திறந்து வைக்கிறார். இந்த நிகழ்ச்சியை முடித்துவிட்டு மோகன் பகவத் இரவு விவேகானந்த கேந்திராவில் தங்குகிறார். 24-ந் தேதி பகவதி அம்மன் கோவிலில் சாமி தரிசனம் செய்யும் அவர் கடலின் நடுவில் உள்ள விவேகானந்தர் நினைவு மண்டபத்தையும் பார்வையிடுகிறார். அன்று இரவு கன்னியாகுமரியில் தங்கும் அவர் 25-ந் தேதி காலை 10 மணிக்கு கார் மூலம் திருவனந்தபுரம் சென்று விமானம் மூலம் டெல்லி செல்கிறார்.

மோகன்பகவத் வருகையையொட்டி கன்னியாகுமரியில் பலத்த போலீஸ் பாதுகாப்பு போடப்பட்டுள்ளது. இதைத்தொடர்ந்து இன்று காலை முதல் கன்னியாகுமரி விவேகானந்தபுரம் பகுதி முழுவதும் போலீசாரின் பாதுகாப்பு வளையத்துக்குள் கொண்டு வரப்பட்டுள்ளது.

போபால்:

மத்திய பிரதேச மாநிலத்தின் ஜபல்பூரில் முன்னாள் முதல் மந்திரியும், மூத்த தலைவருமான திக்விஜய் சிங் கட்சி தொண்டர்களைச் சந்தித்தார். அப்போது அவர் பேசியதாவது:

செய்தியை திறம்பட தெரிவிப்பது மற்றும் அமைப்பை விரிவுபடுத்துவதில் கவனம் செலுத்துவது எப்படி என்பதை ராஷ்டிரிய ஸ்வயம்சேவக் சங்கத்திடம் இருந்து கற்றுக் கொள்ளுங்கள்.

ஆர்.எஸ்.எஸ் அமைப்பின் தீவிர எதிர்ப்பாளர்களாக இருந்தாலும் அவர்களிடம் இருந்து கற்றுக்கொள்ளுங்கள். அவர்கள் மன விளையாட்டுகளை விளையாடுகிறார்கள். அவர்கள் ஒருபோதும் எதிர்ப்பு தெரிவிக்க மாட்டார்கள். ஒருபோதும் ஆர்ப்பாட்டம் செய்ய மாட்டார்கள். ஒருபோதும் அடிக்க மாட்டார்கள். ஒருபோதும் சிறைக்குச் செல்ல மாட்டார்கள், மாறாக எங்களை சிறைக்கு அனுப்புவார்கள்.

ஆர்.எஸ்.எஸ் பொதுவாக 3 விஷயங்களில் கவனம் செலுத்துகிறது. துண்டுப் பிரசுரங்களை விநியோகித்தல், விவாதங்கள் நடத்துதல் மற்றும் இறுதியாக இயக்கத்திற்கு ஏற்படும் செலவுகள்.

நீங்கள் அவர்களை எதிர்த்துப் போராட விரும்பினால் அவர்களின் சொந்த விளையாட்டில் அவர்களை வெல்லுங்கள், நிச்சயமாக, உடல் ரீதியாக அல்ல, ஆனால் அறிவுபூர்வமாக என தெரிவித்தார்.

முன்னால் இந்திய பிரதமர் இந்திரா காந்தியால் கடந்த 1975-ம் ஆண்டு ஜூன் 25-ந்தேதி எமர்ஜென்சி அறிவிக்கப்பட்ட நாளானது அரசியல் சாசன படுகொலை தினமாக அனுசரிக்கப்படும் என மத்திய அரசு நேற்று தெரிவித்துள்ளது.

தேர்தல் பிரகாரங்களில், பாராளுமன்றத்திலும் 50 வருடங்களுக்கு முன் அமல்படுத்தப்பட்ட எமர்ஜென்சியை சுட்டிக்காட்டி காங்கிரஸை தொடர்ந்து பாஜக விமர்சித்து வரும் நிலையில் அதன் உச்சமாக இந்த அறிவிப்பு பார்க்கப்படுகிறது. இந்நிலையில்  மகாராதிராவில் இந்தியா கூட்டணியில் உள்ள உத்தவ் தாக்கரே சிவ சேனா அணியின் மூத்த தலைவர் சஞ்சய் ராவத் எமெர்ஜென்சி குறித்து தெரிவித்துள்ள கருத்து அரசியல் களத்தில் விவாதப்பொருளாக மாறியுள்ளது.

'அந்த சமயத்தில் நாட்டில் சிலர் அமைதியின்மையை ஏற்படுத்த முயன்றனர். இந்திரா காந்தி அரசை எதிர்த்து டெல்லி ராம்லீலா மைத்தனத்தில் போராட்டம் நடத்திக்கொண்டிருந்த அரசியல்வாதிகள், நமது வீரர்களிடமும் ராணுவத்திடமும் அரசின் உத்தரவுகளுக்கு கீழ்ப்படிய வேண்டாம் என்று அவர்கள் நேரடியாகவே வலியுறுத்த தொடங்கினர்.

இதுபோன்ற ஒரு சூழலில் வாஜ் பாய் பிரதமராக இருந்திருந்தாலும் எமெர்ஜென்சியை அறிவிக்கும் முடிவையே எடுத்திருப்பார்.வெடிகுண்டுகள் தயாரிக்கப்பட்டு பல்வேறு பகுதிகளில் தாக்குதல் நடத்தும் திட்டங்களும் அரங்கேறின.எனவே எம்ர்ஜென்சி தேச பாதுகாப்பு சம்பந்தப்பட்டது. சிவ சேனாவின் பால் சாஹேப் தாக்கரே எமர்ஜென்சிக்கு ஆதரவு தெரிவித்தார்.

ஆர்எஸ்எஸ் அமைப்பும் வெளிப்படையாகவே எமெர்ஜென்சிக்கு ஆதரவு தெரிவித்தது. அமித் ஷாவுக்கு எமர்ஜென்சி குறித்து முழுமையாக தெரியவில்லை என்றே சொல்ல வேண்டும். எமெர்ஜென்சிக்கு பிறகு ஆட்சிக்கு வந்த வாஜ் பாய் அதை அரசியலமைப்பு படுகொலையாக பார்க்கவில்லை. தற்போதுள்ள மோடி தலைமையிலான 10 ஆண்டு கால ஆட்சியே எமெர்ஜென்சி போல உள்ளது' என்று சஞ்சய் ராவத் தெரிவித்தார். 

இந்தியாவில் 1975 ஆம் ஆண்டு ஆட்சியில் இருந்த காங்கிரசைச் சேர்ந்த அப்போதைய இந்தியப் பிரதமர் இந்திரா காந்தி நாட்டின் பாதுகாப்புக்கு அச்சுறுத்தல் இருப்பதாகக் கூறி அவசர நிலையை அறிவித்தார். இந்த அவசர நிலையானது 25 ஜூன் 1975 முதல் 21 மார்ச் 1977 வரை சுமார் 21 மாதங்கள் நீடித்தது. அவசர நிலையின்போது மக்களின் அடிப்படை உரிமைகள் செயலிழந்தது. எதிர்கட்சிகளை சேர்ந்தவர்கள் பலர் அதிரடியாக கைது செய்யப்பட்டு சிறையில் அடைக்கப்பட்டனர்.

கைது நடவைடிக்கையில் இருந்து தப்பிக்க பலர் தலைமறைவாக திரிந்தனர். அந்த சமயத்தில் ஆர்.எஸ்.எஸ் இயக்கத்தில் தீவிரமாக செயல்பட்டு வந்த தற்போதைய இந்திய பிரதமர் நரேந்திர மோடி போலீசிடம் இருந்து தப்பிக்க பல்வேறு மாறுவேடங்களில் உலவியுள்ளார். குஜராத்தில் ஆர்எஸ்எஸ் அமைப்பினருக்கிடையில் செய்திப் பாலமாக செயல்பட்ட நரேந்திர மோடி, ஒருமுறை மாறுவேடம் அணிந்து ஜெயிலில் உள்ள ஆர்எஸ்எஸ் பிரமுகர் ஒருவருக்கு செய்தியைக் கொண்டு சேர்க்கும் ரகசிய மிஷனிலும் ஈடுபட்டதாக தெரிகிறது.

டர்பன் அணிந்து சீக்கியராகவும், தனது இயல்புக்கு மாறான தாடி மீசையுடன் பெரிய மூக்குக்கண்ணாடி அணிந்து வேறொரு வேடத்திலும், காவி உடை தரித்து சாமியார் வேடத்திலும் குஜராத் முழுவதும் எமெர்ஜெசிக்கு எதிரான ஆர்எஸ்எஸ் பிரச்சாரங்களையும் செய்திகளும் கொண்டுசேர்த்துள்ளார். குஜராத்தின் வதோதரா, அகமதாபாத், ராஜ்கோட் உள்ளிட்ட நகரங்களுக்கு 'பதுக் பாய்' என்ற புனைபெயருடன் மோடி பயணம் செய்துள்ளதாகவும் கூறப்படுகிறது.

அக்காலத்திய ஆர்.எஸ்.எஸ் வட்டாரங்களில் மாறுவேடங்களின் மன்னன் [ MASTER OF DISGUISE] என்று பெயர் வாங்கும் அளவுக்கு மோடியின் மாறுவேடங்கள் கச்சித்தமாக யாருக்கும் துளியும் சந்தேகம் வராத அளவுக்கு இருக்கும் என்று அவரது அபிமானிகள் இப்போதும்கூட சிலாகிக்கின்றனர்.

நேற்று ஜூன் 25 ஆம் தேதி எமெர்ஜென்சி கொண்டுவரப்பட்டு 50 வது ஆண்டுகள் ஆன நிலையில் மோடி அச்சமயத்தில் புனைந்திருந்த மாறுவேடங்களின் புகைப்படங்கள் வெளியாகி சமூக வலைதளங்களில் வைரலாகத் தொடங்கியுள்ளன. 

இதற்கிடையில் எமெர்ஜென்சி காலம் குறித்து நேற்று மோடி தனது எக்ஸ் தள பக்கத்தில், அவசர நிலையை எதிர்த்த அனைத்து மாமனிதர்களுக்கும், பெண்களுக்கும் மரியாதை செலுத்தும் நாள் இன்றாகும். அவசர நிலையில் இருட்டு நாட்கள் என்பது ஒவ்வொரு இந்தியருக்கும், இந்திய அரசியலமைப்பு சட்டத்தை காங்கிரஸ் எப்படி எதிர்த்தது என்பதை நினைவூட்டுகிறது துன்று தெரிவித்திருந்தது குறிப்பிடத்தக்கது.

மக்களவை தேர்தலில் பாஜக-வுக்கு நினைத்த மாதிரி வெற்றி கிடைக்கவில்லை. மகாராஷ்டிரா மாநிலத்தில் உள்ள 48 இடங்களில் தேசிய ஜனநாயக கூட்டணியில் பாஜக 9 இடங்களிலும், அஜித் பவாரின் தேசியவாத காங்கிரஸ் கட்சி ஒரு இடத்திலும், ஏக்நாத் ஷிண்டே தலைமையிலான சிவசேனா 7 இடங்களிலும் வெற்றி பெற்றது. இந்த கூட்டணிக்கு மொத்தம் 17 இடங்கள் மட்டுமே கிடைத்தன.

இந்த நிலையில்தான் ஆர்எஸ்எஸ் தனது வாரந்திர பத்திரிகையில் (Organiser) மகாராஷ்டிரா மாநில தோல்வி குறித்து கட்டுரை எழுதியிருந்தது. அதில் பாஜக-அஜித் பவார் தலைமையிலான தேசியவாத காங்கிரஸ் கட்சி கூட்டணி குறித்து விமர்சித்திருந்தது.

மகாராஷ்டிரா மாநிலத்தில் அஜித் பவார் கட்சியுடன் கூட்டணி வைத்தது தேவையில்லாத அரசியல். தேசிய ஜனநாயக கூட்டணியில் அஜித் பவார் தலைமையிலான தேசியவாத காங்கிரஸ் கட்சியை இணைத்தது பாஜகவின் பிராண்ட் மதிப்பை குறைத்துள்ளது. பாஜக எந்தவித மாறுபாடு இன்றி மற்றொரு அரசியல் கட்சியாகியுள்ளது என விமர்சித்திருந்தது.

இதனால் அஜித் பவார் தலைமையிலான தேசியவாத காங்கிரஸ்- பாஜக கட்சி தலைவர்கள் இடையே வார்த்தை போர் மூண்டுள்ளது.

ஆர்எஸ்எஸ் கருத்து தேசியவாத காங்கிரஸ் கட்சியின் தலைவரும், மாநில முதல்வருமான சாகன் புஜ்வால் கூறுகையில் "அதில் மேலும் எழுதப்பட்ட சில கருத்துகள் உண்மையாக இருக்கலாம். சிலர் ஏற்கனவே பாஜகவை காங்கிரஸ் தலைவர்களை இணைத்ததால் விமர்சனம் செய்தனர். அசோக் சவான் உள்ளிட்டோர் இணைந்தது குறித்து விமர்சனம் செய்தனர். ஏக்நாத் ஷிண்டே முன்னாள் காங்கிரஸ் தலைவர் மிலிந்த் தியோராவை இணைத்துக்கொண்டு ஆர்எஸ்எஸ் உறுப்பினராக்கியது குறித்துகூட விமர்சனம் எழுந்தது.

உத்தர பிரதேச மாநிலத்தில் பாஜக-வுக்கு பெரும்பாலான இடங்கள் குறைந்ததே, அதைப்பற்றி யார் பேசுவார்கள்?. மற்ற மாநிலங்களில் கூட கடந்த முறையை விட குறைவான இடங்கள்தான் கிடைத்தது. இதைப் பற்றி யார் பேசுவார்கள்?" என்றார்.

தேசியவாத காங்கிரஸ் தலைவரும் மாநிலங்களவை எம்.பி.யுமான பிரபுல் பட்டேல் "ஆர்எஸ்எஸ் கட்டுரை பாஜக-வின் நிலைப்பாட்டை வெளிப்படுத்தாது. தேசியவாத காங்கிரஸ் கட்சியின் இளைஞர் அணி தலைவர் சூரஜ் சவான், பாஜக சிறப்பாக செயல்பட்டபோது, கிரெடிட் ஆர்எஸ்எஸ்-க்கு கொடுக்கப்படுகிறது. ஆனால், தோல்வியடைந்தால் அஜித் பவாரை குறை கூறுவதா? என ததக்க பதிலடி கொடுத்துள்ளார்" என்றார்.

ஆர்எஸ்எஸ் கருத்து ஆதரிக்கும் பாஜக எம்எல்சி பிரவின் தரேகார் "எங்களுக்கு எல்லாம் ஆர்எஸ்எஸ் தந்தை போன்றது. ஆர்எஸ்எஸ் குறித்து கருத்துகளை கூற வேண்டியதில்லை. ஆர்எஸ்எஸ் மீது சூரஜ் சவான் அதுபோன்று கடுமையான கருத்துகளை தெரிவித்திருக்கக் கூடாது. பாஜக தேசியவாத காங்கிரஸ் கட்சிக்கு எதிராக கருத்து கூறவில்லை. தேசியஜனநாயக கூட்டணி ஆலோசனை கூட்டத்தில் இது குறித்து விவாதம் செய்தால் சிறந்ததாக இருக்கும்" என்றார்.