நீங்கள் தேடியது "ICC rankings"

இந்தியா - வெஸ்ட் இண்டீஸ் இடையிலான மூன்று போட்டிகள் கொண்ட டி20 கிரிக்கெட் தொடரை இந்தியா 3-0 என கைப்பற்றியது. அதேபோல் பாகிஸ்தான் - நியூசிலாந்து இடையிலான டி20 கிரிக்கெட் தொடரை பாகிஸ்தான் 3-0 என ஒயிட்வாஷ் செய்தது.

இதனால் இன்று வெளியிடப்பட்ட ஐசிசி-யின் டி20 அணிகளுக்கான தரவரிசையில் பாகிஸ்தான் தொடர்ந்து முதல் இடம் வகிக்கிறது. இந்தியா 2-வது இடத்தில் உள்ளது.



பாகிஸ்தான் இரண்டு புள்ளிகள் பெற்று 138 புள்ளிகளுடனும், இந்தியா 3 புள்ளிகள் பெற்று 127 புள்ளிகளுடனும் உள்ளன. வெஸ்ட் இண்டீஸ் அணிக்கெதிரான முதல் இரண்டு போட்டியில் ஐந்து விக்கெட்டுக்கள் வீழ்த்தியதன் மூலம் 14 இடங்கள் முன்னேறி குல்தீப் யாதவ் 23-வது இடத்தை பிடித்துள்ளார்.

பாகிஸ்தான் வீரர் பாபர் ஆசம் முதல் இடத்திலும், ஆரோன் பிஞ்ச் 2-வது இடத்திலும் உள்ளனர். ரோகித் சர்மா 7-வது இடத்திலும், கேன் வில்லியம்சன் 12-வது இடத்திலும், தவான் 16-வது இடத்திலும், கேஎல் ராகுல் நான்காவது இடத்திலும் உள்ளனர்.

துபாய்:

வெஸ்ட் இண்டீசுக்கு எதிரான ஒரு நாள் கிரிக்கெட் தொடரை இந்திய அணி 3-1 என்ற கணக்கில் கைப்பற்றியது. இதைத் தொடர்ந்து ஒரு நாள் போட்டி வீரர்களின் புதிய தரவரிசை பட்டியலை சர்வதேச கிரிக்கெட் கவுன்சில் (ஐ.சி.சி.) நேற்று வெளியிட்டது.

இதன்படி பேட்ஸ்மேன்களின் தரவரிசையில் இந்திய கேப்டன் விராட் கோலி தொடர்ந்து முதலிடத்தில் நீடிக்கிறார். வெஸ்ட் இண்டீசுக்கு எதிரான 5 போட்டிகள் கொண்ட தொடரில் 3 சதம் உள்பட 453 ரன்கள் குவித்து சாதனை படைத்த விராட் கோலி கூடுதலாக 15 புள்ளிகள் பெற்று தனது தரவரிசை புள்ளி எண்ணிக்கையை 899 ஆக உயர்த்தியுள்ளார். இதே தொடரில் 2 சதம் உள்பட 389 ரன்கள் சேர்த்த, இந்திய துணை கேப்டன் ரோகித் சர்மா 29 புள்ளிகளை கூடுதலாக சேகரித்து மொத்தம் 871 புள்ளிகளுடன் 2-வது இடத்தில் தொடருகிறார். இது அவரது அதிகபட்ச புள்ளி எண்ணிக்கை ஆகும். இங்கிலாந்து வீரர் ஜோ ரூட் 3-வது இடமும் (807 புள்ளி), ஆஸ்திரேலியாவின் டேவிட் வார்னர் 4-வது இடமும் (803 புள்ளி), பாகிஸ்தானின் பாபர் அசாம் 5-வது இடமும் (798 புள்ளி) வகிக்கிறார்கள்.

வெஸ்ட்இண்டீஸ் தொடரில் ஒரு அரைசதம் கூட அடிக்காத மற்றொரு இந்திய வீரர் ஷிகர் தவான் 4 இடங்கள் சரிந்து 9-வது இடத்துக்கு தள்ளப்பட்டார். அதே சமயம் அம்பத்தி ராயுடு 72-வது இடத்தில் இருந்து 48-வது இடத்துக்கு வந்துள்ளார். விக்கெட் கீப்பர் டோனி 21-வது இடத்தில் இருக்கிறார்.

இந்தியாவுக்கு எதிரான போட்டியில் கணிசமான ரன்கள் திரட்டிய வெஸ்ட் இண்டீஸ் இளம் வீரர்கள் ஷாய் ஹோப், ஹெட்மயர் ஏற்றம் கண்டுள்ளனர். இந்த தொடரில் 250 ரன்கள் எடுத்த ஷாய் ஹோப் 22 இடங்கள் எகிறி 25-வது இடத்தை பிடித்துள்ளார். தற்போது வெஸ்ட் இண்டீஸ் பேட்ஸ்மேனின் சிறந்த தரவரிசை இது தான். சதம் உள்பட 259 ரன்கள் சேர்த்த ஹெட்மயர் 31 இடங்கள் முன்னேறி 26-வது இடத்தை பிடித்துள்ளார்.

பந்து வீச்சாளர்களின் தரவரிசையில் இந்திய வேகப்பந்து வீச்சாளர் ஜஸ்பிரித் பும்ரா 841 புள்ளிகளுடன் ‘நம்பர் ஒன்’ ஆக வலம் வருகிறார். 2-வது இடத்தில் ஆப்கானிஸ்தானின் ரஷித்கானும் (788 புள்ளி), 3-வது இடத்தில் இந்தியாவின் குல்தீப் யாதவும் (723 புள்ளி) உள்ளனர். வெஸ்ட் இண்டீஸ் தொடரில் 3 ஆட்டத்தில் ஆடி 5 விக்கெட்டுகள் வீழ்த்திய இந்திய சுழற்பந்து வீச்சாளர் யுஸ்வேந்திர சாஹல் 3 இடங்கள் உயர்ந்து 8-வது இடத்தை (683 புள்ளி) பிடித்துள்ளார். சாஹல் டாப்-10 இடத்திற்குள் நுழைவது இதுவே முதல் முறையாகும். ரவீந்திர ஜடேஜா 16 இடங்கள் அதிகரித்து 25-வது இடத்தை பெற்றுள்ளார்.

ஒரு நாள் போட்டி அணிகளின் தரவரிசையில் முதலிடத்தில் இங்கிலாந்தும் (126 புள்ளி), 2-வது இடத்தில் இந்தியாவும் (121 புள்ளி) தொடருகின்றன. 3 முதல் 6-வது இடங்களில் முறையே நியூசிலாந்து (112 புள்ளி), தென்ஆப்பிரிக்கா (110 புள்ளி), பாகிஸ்தான் (101 புள்ளி), ஆஸ்திரேலியா (100 புள்ளி) ஆகிய அணிகள் உள்ளன. #YuzvendraChahal

டெஸ்ட் கிரிக்கெட்டில் ஆஸ்திரேலியா அணியின் கேப்டனாக விளங்கிய ஸ்மித் ஐசிசி பேட்ஸ்மேன் தரவரிசையில் 929 புள்ளிகள் பெற்று முதல் இடத்தில் உள்ளார். இந்திய அணி கேப்டன் விராட் கோலி 903 புள்ளிகளுடன் 2-வது இடத்தில் உள்ளார். ஜோ ரூட் 855 புள்ளிகளுடன் 3-வது இடத்திலும், நியூசிலாந்து அணியின் கேன் வில்லியம்சன் 4-வது இடத்திலும் உள்ளனர்.

தென்ஆப்பிரிக்காவிற்கு எதிரான டெஸ்ட் தொடரில் பந்தை சேதப்படுத்திய விவகாரத்தில் ஸ்மித் ஓராண்டு தடைபெற்றுள்ளார். அவர் அடுத்த வருடம் மார்ச் மாதம் வரை டெஸ்ட் போட்டியில் விளையாட முடியாது.



அதேவேளையில் இந்தியா - இங்கிலாந்து இடையிலான ஐந்து போட்டிகள் கொண்ட டெஸ்ட் தொடர் வருகிற புதன்கிழமை தொடங்குகிறது. இந்த டெஸ்ட் தொடரில் விராட் கோலி சிறப்பான ஆட்டத்தை வெளிப்படுத்தினால் ஸ்மித்தை பின்னுக்குத்தள்ளி முதல் இடத்தை பிடிக்க வாய்ப்புள்ளது. அதேபோல் 920 புள்ளிகளுக்கு மேல் குவித்து சாதனைப் படைக்க வாய்ப்புள்ளது.

டான் பிராட்மேன் 961 புள்ளிகள் பெற்று முதல் இடத்தில் உள்ளார். ரிக்கி பாண்டிங் அதிகபட்சமாக 941 புள்ளிகளும், ஸ்மித் 941 புள்ளிகளும், ஜோ ரூட் 917 புள்ளிகளும் பெற்றுள்ளனர்.



டெஸ்ட் தரவரிசையில் இந்தியா 125 புள்ளிகளுடன் முதல் இடத்திலும், இங்கிலாந்து 97 புள்ளிகளுடன் 5-வது இடத்திலும் உள்ளனர். ஒருவேளை இங்கிலாந்து 5-0 என இந்தியாவை ஒயிட் வாஷ் செய்தால், 10 புள்ளிகள் பெற்று 107 புள்ளிகளுடன் 2-வது இடத்திற்கு முன்னேறிவிடும். தென்ஆப்பிரிக்கா 106 புள்ளிகளுடன் 3-வது இடத்திற்கும், ஆஸ்திரேலியா 106 புள்ளிகளுடன் 4-வது இடத்திற்கும், நியூசிலாந்து 102 புள்ளிகளுடன் 5-வது இடத்திற்கும் சரியும். #ICCRankings #ENGvIND

இங்கிலாந்து - ஆஸ்திரேலியா இடையிலான ஐந்து போட்டிகள் கொண்ட ஒருநாள் கிரிக்கெட் தொடர் நடைபெற்று வந்தது. நேற்றுடன் முடிவடைந்த இந்த தொடரை இங்கிலாந்து 5-0 எனக் கைப்பற்றியது. 2-0 என இங்கிலாந்து முன்னிலையில் இருக்கும்போது, ஆஸ்திரேலியா சுமார் 30 ஆண்டுகளுக்குப் பிறகு தரவரிசையில் 6-வது இடத்திற்கு சரிந்தது.

தற்போது ஒயிட்வாஷ் ஆன பின்னர் தரவரிசையில் நான்கு புள்ளிகள் குறைந்து சரியாக 100 புள்ளிகளுடன் 6-வது இடத்தில் உள்ளது. இங்கிலாந்து 126 புள்ளிகளுடன் தொடர்ந்து முதல் இடத்தில் நீடிக்கிறது. பாகிஸ்தான் 102 புள்ளிகளுடன் 5-வது இடத்திலும், வங்காள தேசம் 93 புள்ளிகளுடன் 7-வது இடத்திலும் உள்ளது.



இந்தியா 122 புள்ளிகளுடன் 2-வது இடத்திலும், தென்ஆப்பிரிக்கா 113 புள்ளிகளுடன் 3-வது இடத்திலும், நியூசிலாந்து 112 புள்ளிகளுடன் 4-வது இடத்திலும் உள்ளது.