கிராண்ட் ஸ்லாம் டென்னிஸ் தொடரில் ஒன்றான பிரெஞ்ச் ஓபன் நாளைமறுநாள் (25-ந்தேதி) தொடங்குகிறது. இதில் 1999 மற்றும் 2010-ல் பெண்கள் இரட்டையர் பிரிவில் தங்கப் பதக்கம் வென்ற செரீனா வில்லியம்ஸ் - வீனஸ் வில்லியம்ஸ் ஜோடி விளையாடுகிறது. இவர்களுக்கு போட்டி ஒருங்கிணைப்பாளர்கள் வைல்டுகார்டு அளித்துள்ளனர். இந்த ஜோடி 2013-ம் ஆண்டு முதல் சுற்றிலும், 2016-ல் 3-வது சுற்றிலும் தோல்வியடைந்து வெளியேறியது.
இருவரும் இணைந்து 14 முறை கிராண்ட் ஸ்லாம் பட்டத்தை வென்றுள்ளனர். கடைசியாக இவர்கள் 2016-ல் விம்பிள்டன் கிராண்ட் ஸ்லாம் பட்டத்தை வென்றிருந்தனர். அதன்பின் இணைந்து விளையாடவில்லை. தற்போது மீண்டும் இணைந்துள்ளனர்.
செரீனா 2017-ம் ஆண்டின் முதல் தொடரான ஆஸ்திரேலியா ஓபனில் விளையாடி சாம்பியன் பட்டம் வென்றார். அதன்பின் கர்ப்பம் காரணமாக மற்ற மூன்று, இந்த வருடத்தின் ஆஸ்திரேலியா ஓபனில் விளையாடவில்லை. குழந்தை பெற்ற பிறகு முதன்முறையாக கிராண்ட் ஸ்லாம் தொடரில் களம் இறங்குகிறார்.
