என் மலர்

    நீங்கள் தேடியது "dam"

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • 7 தடுப்பணைகள் கட்டும் பணி இந்த ஆண்டு தொடங்கப்படும் என அமைச்சர் பெரியகருப்பன் தெரிவித்தார்.
    • இந்த தடுப்பணை ரூ.5.42 கோடி ரூபாய் மதிப்பீட்டில் கட்டப்பட உள்ளது.

    சிவகங்கை

    சிவகங்கை மாவட்டம் காரைக்குடி வட்டம், ஒ.சிறுவயல் கிராமம் அருகே, தேனாற்றின் குறுக்கே ஒய்யகொண்டான் கண்மாய்க்கு பாசன வசதி அளிக்கும் வகையில் தடுப்பணை கட்டப்படுகிறது.

    தடுப்பணைக்கான அடிக்கல் நாட்டு விழா நடந்தது. இதில் பெரியகருப்பன் கலந்து கொண்டு தடுப்பணை கட்டும் பணிக்கு அடிக்கல் நாட்டினார். பின்னர் அவர் பேசியதாவது:-

    முதலமைச்சர் மு.க.ஸ்டாலின் அனைத்துத்தரப்பு மக்களும் சமமான வளர்ச்சி அடைய வேண்டும் என்பதற்காகவும், அனைத்துறைகளையும் வளர்ச்சி அடையச் செய்ய வேண்டும் என்பதற்காகவும் பாடுபட்டு வருகிறார். குறிப்பாக, வேளாண்துறைக்கு முக்கியத்துவம் அளித்து திட்டங்களை செயல்படுத்தி வருகிறார். சிவகங்கை மாவட்டம் ஏராளமான விளைநிலைங்களையும் ஏரி, குளம், கண்மாய்கள் நிறைந்த மாவட்டமுமாக உள்ளது. மேலும், பாலாறு, தேனாறு, வைகையாறு, மணிமுத்தாறு போன்ற ஆறுகள் சிவகங்கை மாவட்டத்தை கடந்து செல்கின்றன. இருப்பினும் கடைமடை பகுதியாக இருப்பதால் போதுமான அளவு நிரந்தரமான நீர் ஆதாரம் இல்லாமல் வறட்சி சூழ்ந்த மாவட்டமாக உள்ளது.

    இதனைக் கருத்தில் கொண்டு சிவகங்கை மக்களின் வேளாண் சார்ந்த தொழிலை மேம்படுத்தும் நோக்கத்தில் இந்தாண்டு 7 தடுப்பணைகள் கட்டும் பணி மேற்கொள்ளப்பட உள்ளன. ஏற்கனவே 4 தடுப்பணை கட்டும் பணி தொடங்கப்பட்டு நடைபெற்று வருகிறது.

    இந்த தடுப்பணை ரூ.5.42 கோடி ரூபாய் மதிப்பீட்டில் கட்டப்பட உள்ளது. 380 ஏக்கர் நிலங்கள் நேரடி பாசன வசதி பெற உள்ளன. 7 கண்மாய்களுக்கு இதில் இருந்து தண்ணீர் கொண்டு செல்லப்பட உள்ளது. மேலும் மறைமுகமாக இந்த பகுதிகளில் உள்ள அரண்மனைப்பட்டி, பலவான்குடி, ஒ.சிறுவயல், குன்றக்குடி, பாதரக்குடி போன்ற கிராமங்கள் பாசன வசதி பெற உள்ளன. ஏக்கர் ஒன்றுக்கு இதற்காக ரூ.1.42 லட்சம் செலவிடப்படவுள்ளது.

    இந்த திட்டத்தில் தடுப்பணை, மணல்போக்கி கட்டுதல் மற்றும் ஒய்யகொண்டான் கண்மாய்க்கும் சிறுவயல் கண்மாய்க்கும் புதிய தலைமதகுகள் கட்டுதல், வௌ்ளக்கரைகளை உயர்த்தி புனரமைத்தல், கால்வாய் மராமத்து பணி செய்தல் போன்ற பணிகள் மேற்கொள்ளப்பட உள்ளன. இதன் மூலம் விவசாயிகள் மற்றும் பொதுமக்களின் வாழ்க்கைத்தரம் உயர்வதோடு, வேளாண் சார்ந்த தொழில்க ளுக்கு உறுதுணையாக உள்ள ஆடு, மாடுகளுக்கு போன்ற கால்நடைகளுக்கும் கூடுதல் நீர் ஆதாரமாக அமையும்.

    இவ்வாறு அவர் பேசினார்.

    இந்த நிகழ்ச்சியில் குன்றக்குடி பொன்னம்பல அடிகளார், மாவட்ட வருவாய் அலுவலர் மணிவண்ணன், செயற்பொறியாளர் (நீர்வள ஆதாரத்துறை) கார்த்திகேயன், கோட்டையூர் பேரூராட்சித் தலைவர் கார்த்திக் சோலை, உதவி செயற்பொறியாளர்கள் பஞ்சவர்ணம், சங்கர், சீனிவாசன், விக்னேஸ்வரன், சரவணன், காரைக்குடி வட்டாட்சியர் மாணிக்கவாசகம், உதவிப்பொறியாளர்கள் பாலமுருகன், கலைவாணி, பிரகாஷ், ஆனந்த மாரியவளவன், மாவட்ட ஊராட்சி உறுப்பினர் ராதா பாலசுப்பிரமணியம், ஊராட்சி மன்றத்தலைவர் குழந்தைவேலு மற்றும் பலர் கலந்து கொண்டனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • கொள்ளிடம் ஆற்றில் திருக்கழிப்பாலை அளக்குடி கிராமங்களுக்கு இடையே கடல்நீர் உட்புகுவதை தடுப்பதற்கு தடுப்பணை கட்ட வேண்டும்.
    • தமிழ்நாடு அரசின் அனுமதி இல்லாமல் காவிரிப்படுகையில் கர்நாடக அரசு எந்த திட்டத்தையும் செயல்படுத்த முடியாது.

    சீர்காழி:

    கடலூர் மாவட்டம் சிதம்பரம் வட்டம் திருக்கழிப்பாலை -மயிலாடுதுறை மாவட்டம் சீர்காழி வட்டம் அளக்குடி கிராமங்களுக்கு இடையே கடல்நீர் உட்புகுவதை தடுப்பதற்கு தடுப்பணை கட்ட வலியுறுத்தி பா.ம.க தலைவர் அன்புமணி ராமதாஸ் அளக்குடி பகுதியில் நேரில் சென்று கொள்ளிடம் ஆற்றில் பார்வையிட்டார்.

    அப்போது பொதுப்பணித் துறை அதிகாரியிடம் திட்ட வரைப்படத்தினை பார்வையிட்டு விவரம் கேட்டறிந்தார். பின்னர் செய்தியாளர்களிடம் அவர் கூறுகையில், கொள்ளிடம் ஆற்றில் திருக்கழிப்பாலை அளக்குடி கிராமங்களுக்கு இடையே கடல்நீர் உட்புகுவதை தடுப்பதற்கு தடுப்பணை கட்ட வேண்டும். இவ்வழியாக கடல் நீர் 22 கி.மீ உட்புகுந்துள்ளது. கோடை காலத்தில் நீர் நிலைகள் உப்பு நீராக மாறிவிடுகிறது. குடிப்பதற்கு தண்ணீர் இல்லாத நிலை ஏற்படுகிறது. இதனை தடுத்து நிறுத்த நீண்ட நாளாக வலியுறுத்தப்படுகிறது.

    இது குறித்து முதல்-அமைச்சர் மு.க.ஸ்டாலினை சந்தித்து தடுப்பணை கட்ட வலியுறுத்தினேன். அதன்படி இப்பகுதி ஆய்வு செய்யப்பட்டு ரூ.580 கோடியில் தடுப்பணை கட்ட அரசு பரிசீலனையில் உள்ளது. இதன் மூலம் 25 கிலோ மீட்டர் தண்ணீரை தேக்கிவைக்க முடியும். 200 கிராமங்கள் பயன் அடையலாம். அரசு உடனடியாக தடுப்பணை கட்ட வேண்டும்.காலநிலை மாற்றத்தினை எதிர் கொள்ளும் வகையில் அரசு திட்டங்கள் தயார் செய்து செயல்படுத்த வேண்டும். தமிழகத்தில் அதிக அளவு தடுப்பணைகள் கட்ட வேண்டும் என்றார்

    .டெல்லி நீர் மேலாண்மை ஆணையம் மேகதாது அணை விவகாரத்தில் கர்நாடக திட்ட அறிக்கையைவிவாதிக்கும் வகையில் கூட்டத்திற்கு ஏற்பாடு செய்யப்பட்டிருந்தது இந்த கூட்டம் வரும் 23ம் தேதிக்கு தள்ளிவைக்கப்பட்டுள்ளது. அதற்குள் தமிழக அரசு தலையிட்டு உச்சநீதிமன்றத்தில் சட்டரீதியாக இதற்கு தடை பெற வேண்டும். தமிழ்நாடு அரசின் அனுமதி இல்லாமல் காவிரிப்படுகையில் கர்நாடக அரசு எந்த திட்டத்தையும் செயல்படுத்த முடியாது. காவிரி விவகாரத்தில் மத்திய அரசு நடுநிலையோடு செயல்பட வேண்டும்.

    மத்திய நீர்வளத்துறை அமைச்சர் கர்நாடக பாஜக அரசுக்கு ஆதரவாக இருப்பது கண்டிக்கத்தக்கது என்றார்.2017ம் ஆண்டில் கொள்ளிடம் ஆற்றில் தடுப்பணை கட்ட ரூ.430 கோடி அப்போதைய அ.தி.மு.க அரசால் ஒதுக்கப்ப–ட்டது. முன்னாள் அமைச்சர் ஓ எஸ் மணியன் தனது தொகுதிக்கு திட்டத்தை மாற்றி எடுத்து சென்றதாக குற்றச்சாட்டு உள்ளது. தற்போதைய ஆட்சியாளர்கள் உடனடியாக தடுப்பணை கட்டும் விவகாரத்தில் முக்கியத்துவம் அளித்து செயல்படுத்த வேண்டும். தடுப்பணை கட்ட தாமதித்தால் எனது தலை–மையில் போராட்டம் நடத்தப்படும். கொள்ளிடம் ஆற்றில் மணல் கொள்ளை நடப்பது தடுக்கப்பட வேண்டும் என்றார்.

    அப்போது பா.ம.க மாவட்ட செயலாளர் சித்தமல்லி.ஆ.பழனிசாமி, மாவட்ட தலைவர் ரெ.அன்ப–ழகன், மாநில இளைஞர் சங்க துணை செயலாளர் ஜி.வி.முருகவேல், ஒன்றிய கவுன்சிலர் சிவபாலன், ஒன்றிய செயலாளர்கள் பாலதண்டாயுதம், தியாகராஜன், குமார், நகர செயலாளர் சின்ணையன், செயற்குழு உறுப்பினர் தேனூர்.ரவிச்சந்திரன், நகர செயலாளர் சின்னையன், நீர்வளத்துறை காவிரி வடிநில கோட்ட உதவி செயற்பொறியாளர் கே.மனோகரன் ஆகியோர் உடனிருந்தனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • 54 ஆயிரத்து, 637 ஏக்கர் நிலங்கள் பாசன வசதி பெற்று வருகின்றன.
    • 2,074 மில்லியன் கன அடி நீர் வழங்கப்பட உள்ளது.

    தாராபுரம் :

    திருப்பூா் மாவட்டம் தாராபுரம் அருகே உள்ள உப்பாறு அணையானது 24 அடி கொள்ளளவைக் கொண்டது. இதில்தற்போது 13.54 அடி நீா் இருப்பு உள்ளது. இந்த நிலையில் குடிநீா்த் தேவைக்காகவும், பாசனத்துக்காகவும் ஜூன் 15 -ந்தேதி முதல் ஜூலை 4 -ந் தேதி வரையில் இரு சுற்று வீதம் தண்ணீா் திறக்க தமிழக அரசு உத்தரவிட்டது.

    இதன்படி 15-ந்தேதி முதல் வருகிற 19-ந் தேதி வரையில் 5 நாள்களுக்கு தண்ணீா் திறக்கப்பட்டுள்ளது. இதன் பின்னா் 10 நாள்கள் நிறுத்திவைக்கப்பட்டு இரண்டாவது சுற்றாக ஜூன் 30-ந் தேதி முதல் ஜூலை 4 -ந் தேதி வரையில் 5 நாட்களுக்கு தண்ணீா் திறக்கப்படவுள்ளது. அணையின் இடது மற்றும் வலது கால்வாய்களின் மூலமாக நாள்தோறும் 161.57 மில்லியன் கன அடிக்கு மிகாமல் தண்ணீா் திறக்கப்படுவதால் தாராபுரம் வட்டத்தில் 6 ஆயிரத்து 60 ஏக்கா் நிலங்கள் பாசன வசதி பெறவுள்ளது குறிப்பிடத்தக்கது.

    உடுமலை அருகேயுள்ள அமராவதி அணை வழியாகதிருப்பூர், கரூர் மாவட்டத்திலுள்ள54 ஆயிரத்து, 637 ஏக்கர் நிலங்கள் பாசன வசதி பெற்று வருகின்றன.அணையின் பழைய ஆயக்கட்டு பாசனத்திற்குட்பட்ட, கல்லாபுரம், ராமகுளம், கொமரலிங்கம், கண்ணாடிப்புத்தூர்,சோழமாதேவி, கணியூர், கடத்தூர், காரத்தொழுவு ஆகிய8 ராஜவாய்க்கால்களின் கீழ் பாசன வசதி பெறும் 7,520 ஏக்கர் நிலங்களுக்கு, கடந்த மே 16ல், தண்ணீர் திறக்கப்பட்டது.

    வரும் செப்டம்பர் 28 வரை 135 நாட்களில் 80 நாட்கள் தண்ணீர் திறப்பு, 55 நாட்கள் நிறுத்தம் என்ற அடிப்படையில் 2,074 மில்லியன் கன அடி நீர் வழங்கப்பட உள்ளது.அணையிலிருந்து பாசனத்திற்கு நீர் திறக்கப்பட்டதையடுத்து பழைய ஆயக்கட்டு பாசன பகுதிகளில் குறுவை பருவ நெல் சாகுபடி பணிகள் தீவிரமடைந்துள்ளது.வயல்களில், நாற்றங்கால் அமைத்தல், வயல்களில் உழவு பணிகள் என விவசாயிகள் ஈடுபட்டு வருகின்றனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    மேகதாது மட்டுமல்ல காவிரியின் குறுக்கே கர்நாடகா எங்கு அணை கட்டினாலும் அனுமதிக்க மாட்டோம் என்று தமிழக செய்தி மற்றும் விளம்பரத்துறை அமைச்சர் கடம்பூர் ராஜூ கூறினார். #MinisterKadamburRaju
    கோவில்பட்டி:

    தமிழக செய்தி மற்றும் விளம்பரத்துறை அமைச்சர் கடம்பூர் ராஜூ கோவில்பட்டியில் நிருபர்களிடம் கூறியதாவது:-

    எம்.ஜி.ஆர். காலத்தில் இருந்தே அ.தி.மு.க.வில் இருந்து பிரிந்து சென்றவர்கள் மீண்டும் கட்சிக்கு திரும்புவது நடந்து வருகிறது. 18 சட்டமன்ற உறுப்பினர்களின் பதவி செல்லாது என்று உச்ச நீதிமன்றம் வழங்கிய தீர்ப்பின் அடிப்படையில் அவர்கள் மீண்டும் வந்தால் கட்சியில் இணைத்துக் கொள்வோம் என ஒருங்கிணைப்பாளர் மற்றும் துணை ஒருங்கிணைப்பாளர் ஏற்கனவே அறிவித்து உள்ளனர். அதை ஏற்று அவர்கள் வந்தால் இணைத்துக் கொள்ள தயாராக உள்ளோம். தி.மு.க., காங்கிரஸ் உள்ளிட்ட கட்சிகள் மக்களை சந்திக்க பயந்து கூட்டணி அமைப்பதில் கவனம் செலுத்தி வருகின்றனர். ஆனால் அ.தி.மு.க. தேர்தலை சந்திக்க தயாராகி வருகிறோம்.

    2014 பாராளுமன்ற தேர்தலிலும், 2016-ம் ஆண்டு சட்டமன்றத் தேர்தலிலும் அ.தி.மு.க. தனித்துப் போட்டியிட்டு வெற்றி பெற்றுள்ளது. தேர்தல் நேரத்தில் கூட்டணிக்கு யாராவது வந்தால் அது குறித்து தலைமை முடிவு செய்யும். மேகதாது அணை பிரச்சினையைப் பொறுத்தவரை தமிழக அரசு சிறப்பு சட்டமன்ற கூட்டத்தை கூட்டி, அணை கட்ட எதிர்ப்பு தெரிவித்து தீர்மானம் நிறைவேற்றி அதனை மத்திய அரசுக்கு அனுப்பி உள்ளோம்.

    தொடர்ந்து புதுச்சேரி மாநில முதல்வர் நாராயணசாமியும் மேகதாது அணைக்கு எதிர்ப்பு தெரிவித்துள்ளார். காவிரி மேலாண்மை வாரியம் சரத்துகளின் அடிப்படையில் ஏதாவது ஒரு மாநிலத்தில் அணை கட்ட வேண்டும் என்றால் மற்ற 4 மாநிலங்களிடமிருந்து கருத்து கேட்க வேண்டும்.

    மேகதாது மட்டுமல்ல மற்ற எந்த இடத்தில் அணை கட்டினாலும் தமிழக அரசு எதிர்ப்பு தெரிவிப்பதோடு, அந்தப் பணியை தடுத்து நிறுத்தும். காவிரி மேலாண்மை வாரியம் தமிழகத்துக்கு ஒதுக்கி உள்ள டிஎம்சி தண்ணீரில் ஒரு டிஎம்சி கூட குறையக் கூடாது என்பதில் உறுதியாக உள்ளோம். முதல்வர் தமிழக அரசின் நிலைப்பாட்டை தெளிவாக தெரிவிப்பார்.

    இவ்வாறு அவர் கூறினார். #MinisterKadamburRaju

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    திண்டுக்கல் மாவட்டத்தில் புயல் மழையால் பெரும்பாலான அணைகள் நிரம்பியது. #GajaStorm
    திண்டுக்கல்:

    திண்டுக்கல் மாவட்டத்தில் கஜாபுயல் காரணமாக நேற்று முன்தினம் இரவு முதல் இடைவிடாது கன மழை பெய்தது. இதனால் பல்வேறு அணைகளுக்கு நீர்வரத்து அதிகரித்தது. பழனி அருகே உள்ள வரதமா நதி அணையில் கடந்த சில தினங்களுக்கு முன்பு மொத்த கொள்ளளவான 67.47 அடியில் 49 அடி மட்டுமே தண்ணீர் இருந்தது.

    2 நாட்களாக பெய்த கன மழையால் அணைக்கு வினாடிக்கு 8 ஆயிரம் கன அடி வரை தண்ணீர் வரத்து ஏற்பட்டது. இதனால் 3 மணி நேரத்தில் அணையின் நீர் மட்டம் 17 அடி வரை எட்டி முழு கொள்ளளவை கடந்தது. இதனால் அணையை தாண்டி அதிக நீர்வரத்து ஏற்பட்டது.

    எனவே அணைக்கு வரும் நீர் முழுவதும் வெளியேற்றப்பட்டது. இதனால் வறட்டாறு, சண்முகா நதியில் திடீர் வெள்ளப்பெருக்கு ஏற்பட்டது. அணையை ஒட்டி அமைந்த குட்டிக் கரடு பாலத்தை தண்ணீர் மூழ்கடித்து சென்றதால் போக்குவரத்து பாதிக்கப்பட்டது. மேலும் கரையோரங்களில் இருந்த குடிசை வீடுகள் மற்றும் சிறிய கோவில்களையும் மழை நீர் சூழ்ந்தது.

    இதே போல் பாலாறு பொருந்தலாறு அணைக்கும் நீர் வரத்து திடீரென அதிகரித்தது. வினாடிக்கு 20 ஆயிரம் கன அடி நீர் வந்ததால் நீர் மட்டம் கிடுகிடு என உயர்ந்தது. அணையை ஒட்டி அமைந்துள்ள ஆறுகளிலும் வெள்ளப்பெருக்கு ஏற்பட்டது.

    தேவதானப்பட்டி அருகே உள்ள மஞ்சளாறு அணை நேற்று மாலை 4 மணி நிலவரப்படி 54 அடியாக இருந்தது. கன மழை காரணமாக அணைக்கு 3,400 கன அடி நீர் வரத்து வந்ததால் நீர் மட்டம் கிடு கிடு என உயர்ந்து அதன் முழு கொள்ளளவை எட்டியது.

    இதனால் அணைக்கு வரும் உபரி நீர் முழுவதும் வெளியேற்றப்பட்டது. இதன் காரணமாக ஆற்றின் கரையோரம் வசிப்பவர்களுக்கு வத்தலக்குண்டு வருவாய்த்துறையினர் சார்பில் தண்டோரா அடித்து பாதுகாப்பான இடங்களுக்கு செல்லுமாறு அறிவுறுத்தப்பட்டனர்.

    வைகை அணை நீர் மட்டம் 68 அடியில் இருந்தது. பாசனத்துக்கு தண்ணீர் திறக்கப்பட்டதால் நீர் மட்டம் சரிந்து வந்த நிலையில் கன மழை காரணமாக மீண்டும் நீர் வரத்து அதிகரித்ததால் முழு கொள்ளளவை எட்டியது. இதனால் வைகை அணையில் இருந்து அதிக அளவு தண்ணீர் திறக்கப்படுகிறது.

    வைகை ஆற்று நீர் செல்லும் தேனி, திண்டுக்கல், மதுரை மாவட்ட மக்களுக்கும் வெள்ள அபாய எச்சரிக்கை விடப்பட்டுள்ளது.  #GajaStorm
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    பொள்ளாச்சி அருகே என்ஜினீயரிங் மாணவர் அணையில் குளித்தபோது நீர்வரத்து அதிகமாக இருந்ததால் நீரில் மூழ்கி பரிதாபமாக இறந்தார்.
    கோவை:

    கோவை மாவட்டம் பொள்ளாச்சி அருகே உள்ள மாக்கினாம்பட்டியை சேர்ந்தவர் நாகராஜ். இவரது மகன் ஹரி சங்கர் (வயது 20). இவர் கோவையில் உள்ள என்ஜினீயரிங் கல்லூரியில் இறுதியாண்டு படித்து வந்தார். சம்பவத்தன்று இவர் ஆழியாற்றில் உள்ள ஆரியாபுரம் அணையில் குளித்துக்கொண்டு இருந்தார்.

    அப்போது திடீரென ஆழமான பகுதிக்கு சென்றார். அங்கு நீர்வரத்து அதிகமாக இருந்ததால் நீரில் மூழ்கி பரிதாபமாக இறந்தார்.

    இதனை பார்த்த அந்த வழியாக சென்றவர்கள் இது குறித்து ஆழியாறு போலீசாருக்கு தகவல் தெரிவித்தனர். உடனடியாக போலீசார் சம்பவஇடத்துக்கு விரைந்து வந்தனர். பின்னர் தீயணைப்பு வீரர்கள் உதவியுடன் ஹரிசங்கரின் உடலை மீட்டு பொள்ளாச்சி அரசு ஆஸ்பத்திரிக்கு அனுப்பி வைத்து வழக்குப்பதிவு செய்து விசாரணை நடத்தி வருகிறார்கள்.
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    மேகதாது அணை கட்டும் கர்நாடக அரசின் முயற்சியை தமிழக அரசு தடுக்க வேண்டும் என்று தமிழ் மாநில காங்கிரஸ் தலைவர் ஜி.கே.வாசன் வெளியிட்டுள்ள அறிக்கையில் தெரிவித்துள்ளார். #GKVasan #karnataka #cauvery

    சென்னை:

    தமிழ் மாநில காங்கிரஸ் தலைவர் ஜி.கே.வாசன் வெளியிட்டுள்ள அறிக்கையில் கூறி இருப்பதாவது:-

    கர்நாடக அரசு மேகதாதுவில் அணைக்கட்ட முயற்சிகள் மேற்கொள்வது மிகவும் கண்டிக்கத்தக்கது. மேகதாதுவில் அணைக் கட்டுவது தொடர்பாக சாத்தியக்கூறு அறிக்கையை கர்நாடக அரசு, மத்திய நீர் வளத்துறையிடம் சமர்பித்துள்ளது.

    இதனை மத்திய நீர்வளத்துறை நிராகரிக்க மத்திய அரசு நடவடிக்கை எடுக்க வேண்டும். காரணம் காவிரியில் குறுக்கே தன்னிச்சையாக அணைக்கட்ட எந்த ஒரு குறிப்பிட்ட மாநிலத்திற்கும் அதிகாரம் இல்லை. அப்படி இருக்கும் போது கர்நாடக அரசு தமிழகத்தின் எதிர்ப்பையும் மீறி மேகதாதுவில் அணைக்கட்ட முயற்சிகள் எடுப்பது ஏற்புடையதல்ல.

    உச்சநீதிமன்றத்தால் அமைக்கப்பட்ட காவிரி மேலாண்மை ஆணையம், நீர் ஒழுங்காற்றுக்குழு ஆகியவை இருக்கும் போது, தன்னிச்சையாக மேகதாதுவில் அணைக்கட்ட மத்திய அரசை கர்நாடக அரசு நாடுவதை ஒருபோதும் ஏற்றுக் கொள்ள முடியாது.


    கர்நாடகாவின் குடிநீருக்கும், மின்சார உற்பத்திக்கும் மேகதாதுவில் அணைக்கட்ட திட்டமிடுவது தமிழகத்திற்கு காவிரி நதிநீரை முறையாக, உரிய காலத்தில், பங்கீடான தண்ணீரை வழங்கக்கூடாது என்ற நோக்கமே. இதனால் தமிழகத்தின் விவசாயத்திற்கும், காவிரி நதிநீரை குடிநீராக பயன்படுத்தும் பொது மக்களுக்கும் தண்ணீர் கிடைக்காமல் பெரும் பாதிப்புக்கு உள்ளாவார்கள் என்பதை மத்திய அரசு கவனத்தில் கொள்ள வேண்டும்.

    இது சம்பந்தமாக மத்திய அரசு உறுதியான நிலைப்பாட்டை எடுத்து கர்நாடக அரசை கண்டிப்பதோடு, அதன் சாத்தியக்கூறு அறிக்கையை நிராகரிக்க வேண்டும்.

    கர்நாடக அரசு மேகதாதுவில் அணைக்கட்ட தமிழக அரசு தடையாக இருக்கும் என்பதை நிரூபிக்கும் வகையில் தீவிர நடவடிக்கையில் தொடர்ந்து ஈடுபட வேண்டும்.

    இவ்வாறு ஜி.கே.வாசன் கூறியுள்ளார். #GKVasan #karnataka #cauvery

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    காவிரி தண்ணீரை முழுமையாக தடுக்கும் வகையில் மேகதாதுவில் அணை கட்ட மீண்டும் அனுமதி அளிக்க கோரி நீர்வள ஆணையத்திடம் கர்நாடக அரசு செயல்திட்ட அறிக்கையை சமர்ப்பித்துள்ளது. #karnataka #cauvery

    பெங்களூர்:

    கர்நாடகாவில் உள்ள கபினி, கிருஷ்ணராஜா சாகர் அணைகளில் இருந்து வெளியேறும் உபரிநீர் தமிழகத்துக்கு வருகிறது.

    இந்த காவிரி தண்ணீரை முழுமையாக தடுக்கும் விதமாக கர்நாடக அரசு காவிரியின் குறுக்கே மேகதாது தடுப்பணை கட்ட திட்டமிட்டுள்ளது.

    கர்நாடகா மாநிலம் சாம்ராஜ்நகர் மாவட்டம் கொள்ளேகாலிருந்து 15 கிலோ மீட்டர் தொலைவில் காவிரி ஆற்றின் குறுக்கே சிவசமுத்திரம் அருவின் அருகே மேகதாது எனும் இடத்தில் இரண்டு தடுப்பணைகள் அமைக்க முடிவு செய்துள்ளது.

    ரூ.5912 கோடி செலவில் 67.14 டி.எம்.சி. கொள்ளளவு கொண்ட அணையையும், 400 மெகாவாட் உற்பத்தி திறன் கொண்ட நீர் மின் நிலையத்தையும் அமைக்க திட்டமிட்டு உள்ளது.

    மேகதாது அணைத்திட்டம் ஒகேனக்கல்லில் இருந்து 15 கிலோ மீட்டர் தொலைவிலும், மேட்டூரில் இருந்த 65 கிலோ மீட்டர் தொலைவிலும் செயல்பட உள்ளது.

    கர்நாடகாவின் மேகதாது அணை திட்டத்துக்கு தமிழக அரசும், விவசாயிகளும் கடும் எதிர்ப்பு தெரிவித்து உள்ளனர்.


    இந்த திட்டம் நிறைவேறினால் சேலம், நாமக்கல், கரூர், திருச்சி, தஞ்சை, நாகப்பட்டினம் உள்பட காவிரி வடிநில மாவட்டங்கள் காவிரி ஆற்று நீர் வரத்து இல்லாமல் தமிழக விவசாயிகள் பாதிக்கப்படுவார்கள் என்று கூறி எதிர்ப்பை தெரிவித்து வருகிறார்கள்.

    இந்த நிலையில் மேகதாதுவில் அணை கட்ட கர்நாடக அரசு மீண்டும் தீவிரம் காட்டியுள்ளது.

    பெங்களூர் மற்றும் அதனை சுற்றியுள்ள பகுதிகளுக்கு குடிநீர் வழங்க உதவும் இந்த அணை திட்டத்துக்கு அனுமதி அளிக்க கோரி மத்திய நீர்வள கமி‌ஷனிடம் கர்நாடக அரசு செயல்திட்ட அறிக்கையை சமர்ப்பித்துள்ளது.

    இந்த திட்டம் தொடர்பான கருத்தை தெரிவிக்குமாறு தமிழ்நாடு மற்றும் கேரள அரசுகளை மத்திய நீர்வள கமி‌ஷன் கேட்டுக் கொண்டுள்ளது.

    இதேபோல மத்திய மின் ஆணையம் உள்ளிட்ட சம்பந்தப்பட்ட பல துறைகளிடமும் மத்திய நீர்வள ஆணையம் கருத்து கேட்க உள்ளது.

    இதற்கிடையே மத்திய மந்திரி நிதின் கட்காரியை சந்தித்து கர்நாடக முதல்- மந்திரி குமாரசாமி மேகதாது பிரச்சினைக்கு தீர்வு காண தமிழ்நாடு மற்றும் கர்நாடக முதல்- அமைச்சர்கள் கூட்டு கூட்டம் நடத்த வேண்டும் என்று கோரிக்கை வைத்துள்ளார்.

    மேகதாது அணை தொடர்பாக தமிழக, கேரள அரசு அதிகாரிகளுக்கு விளக்கம் அளிப்பதற்காக ஒரு கூட்டத்திற்கு ஏற்பாடு செய்யவும் கர்நாடக அரசு நடவடிக்கை எடுத்து வருகிறது. #karnataka #cauvery

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    மத்திய அரசு அனுமதி வழங்கியவுடன் மேகதாதுவில் புதிய அணை விரைவாக கட்டப்படும் என்றும், தமிழகத்திற்கு இதுவரை 310 டி.எம்.சி. தண்ணீர் திறந்துவிடப்பட்டுள்ளது என்றும் கர்நாடக மந்திரி டி.கே.சிவக்குமார் கூறினார்.
    பெங்களூரு:

    கர்நாடக மருத்துவ கல்வி மற்றும் நீர்ப்பாசனத்துறை மந்திரி டி.கே.சிவக்குமார் பெங்களூருவில் நேற்று நிருபர்களுக்கு பேட்டி அளித்தார். அப்போது அவர் கூறியதாவது:-

    காவிரி ஆற்றின் குறுக்கே மேகதாதுவில் புதிய அணை கட்ட கர்நாடக அரசு முடிவு செய்துள்ளது. இதற்கு அனுமதி வழங்குமாறு மத்திய அரசிடம் கோரிக்கை விடுத்துள்ளோம். 67 டி.எம்.சி.(ஒரு டி.எம்.சி. என்பது 100 கோடி கனஅடி) தண்ணீரை தேக்கி வைக்கும் அளவுக்கு புதிய அணை கட்டுவோம். அதில் பெங்களூரு நகரின் குடிநீர் தேவைக்கு போக மீதமுள்ள நீர் தமிழ்நாட்டுக்கு வழங்கப்படும்.

    காவிரி நடுவர்மன்ற தீர்ப்பின்படி மாதந்தோறும் தமிழகத்திற்கு நீர் வழங்க முடியும். 4 ஆயிரம் ஏக்கர் நிலம் அணை தேக்க நீரில் மூழ்கும். இதில் வனம், வருவாய் மற்றும் விவசாய நிலங்கள் அடங்கும். நடப்பு ஆண்டில் இதுவரை 310 டி.எம்.சி. நீர் தமிழகத்திற்கு திறந்துவிடப்பட்டுள்ளது. தமிழ்நாட்டுக்கு இந்த காலக்கட்டத்தில் 82 டி.எம்.சி. நீர் மட்டுமே திறந்துவிட்டு இருக்க வேண்டும். ஆனால் கூடுதலாக தண்ணீர் திறந்துவிடப்பட்டுள்ளது.

    புதிய அணை கட்ட ரூ.6,000 கோடி நிதி செலவாகும் என்று மதிப்பிடப்பட்டுள்ளது. குடிநீர் நோக்கத்திற்காக தான் மேகதாதுவில் மாநில அரசு அணை கட்டுகிறது. மேகதாதுவுக்கு நேரில் சென்று ஆய்வு நடத்த உள்ளோம்.

    இவ்வாறு மந்திரி டி.கே.சிவக்குமார் கூறினார்.
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    தருமபுரி மாவட்டம் பாலக்கோடு பகுதியில் அணைகள், ஏரிகள் வறண்டதால் குடிநீர் தட்டுப்பாடு மற்றும் கடும் வறட்சி நிலவி போதிய தண்ணீரின்றி கரும்பு, நிலக்கடலை பயிர்கள் காய்ந்து வருகின்றன.
    பாலக்கோடு:

    தருமபுரி மாவட்டம் பாலக்கோடு பகுதியில் அணைகள், ஏரிகள் வறண்டதால் குடிநீர் தட்டுப்பாடு மற்றும் கடும் வறட்சி நிலவி போதிய தண்ணீரின்றி கரும்பு, நிலக்கடலை பயிர்கள் காய்ந்து வருகின்றன.

    நடப்பு ஆண்டில் பாலக்கோடு கூட்டுறவு சர்க்கரை ஆலை மூலம் சுமார் 2 லட்சம் மெட்ரிக் டன் அளவிற்கு அரவை நிர்ணயித்து கரும்பு நடவு செய்யப்பட்டு உள்ளது.

    தற்போது மாவட்டத்தில் கடும் வறட்சி நிலவி வருவதாலும், பஞ்சப்பள்ளி சின்னாறு அணை, தும்பல அள்ளி அணை, மற்றும் பொதுப்பணித்துறை ஏரிகள் முற்றிலும் வறண்டு இருப்பதால் ஆற்றுப்பாசனம் மற்றும் நிலத்தடிநீர் பாசனம் போதிய தண்ணீரின்றியும், நிலத்தடிநீர் ஆயிரம் அடிக்குகீழ் சென்றதாலும் கரும்பு, நிலக்கடலை, காய்கறி பயிர்கள் காய்ந்து வருகின்றன.

    கரும்பு அருவடைக்கு இன்னும் சில மாதங்களே உள்ள நிலையில் கரும்பு காய்ந்ததால் வெல்லம் தயாரிக்க விவசாயிகள் கரும்பை வெட்டி வருகின்றனர். இதற்கு அரசு அதிகாரிகள் எதிர்ப்பு தெரிவித்ததால் விவசாயிகள் அதிகாரிகளை முற்றுகையிட்டு வாக்குவாதத்தில் ஈடுபடுகின்றனர்.

    ஒகேனக்கலில் சுமார் 2 லட்சம் கனஅடி வரை தண்ணீர் கரைபுரண்டு ஓடுகின்றது. தருமபுரி மாவட்டத்தில் ஓடும் காவிரி ஆற்றால் தருமபுரி, பாலக்கோடு பகுதி பொதுமக்களுக்கு எந்த ஒரு பயனும் கிடைப்பதில்லை.

    மேலும், குடிநீருக்காக ஒகேனக்கல்லில் இருந்து ராட்சத மோட்டர்கள் மூலம் தருமபுரி, பாலக்கோடு பகுதிகளுக்கு குடிநீர் குழாய் மூலம் தண்ணீர் வினியோகிக்கப்பட்டு வருகின்றது.

    தற்போது வரும் உபரிநீரை ஒகேனக்கல் குடிநீர் குழாய் மூலம் மாவட்டத்தில் உள்ள பொதுப்பணிதுறை ஏரிகள், அணைகள் என தண்ணீரை நிறப்பினால் நிலத்தடிநீர் மட்டம் உயரும், குடிநீர் தட்டுபாடு குறையும், விவசாயம் செழிக்கும் என விவசாயிகள் தெரிவிக்கின்றனர். மேலும், கூடுதலாக ஒருசில மின்மோட்டர்கள் பொருத்தினால் பொதுப்பணித் துறை ஏரிகளுக்கு தண்ணீர் நிரப்பலாம் எனவும் கூறுகின்றனர்.

    எனவே, பொதுப் பணித் துறை ஏரிகளில் தண்ணீரை நிரப்ப பரிசீலனை செய்து உடனடியாக நடவடிக்கை எடுக்க வேண்டும் என்று விவசாயிகள் கோரிக்கை விடுத்துள்ளனர்.

    மேலும், வறட்சியால் கரும்பு பயிர்கள் காய்ந்து வருவதால் உடனடியாக கூட்டுறவு சர்க்கரை ஆலையின் மூலம் கரும்பை வெட்டவும், காய்ந்த கரும்பிற்கு இழப்பீடு வழங்கவும், கரும்பு பயிருக்காக வாங்கிய கடனை தள்ளுபடி செய்யவும் தமிழக அரசு முன்வர வேண்டும் என்று விவசாயிகள் கோரிக்கை விடுத்துள்ளனர்.
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    கன்னியாகுமரி மாவட்டத்தில் தொடர்ந்து பெய்து வரும் மழையினால் அணைகளுக்கு வரும் நீர்வரத்து அதிகரித்துள்ளது.
    நாகர்கோவில்:

    குமரி மாவட்டத்தில் கடந்த சில நாட்களாகவே அவ்வப்போது மழை பெய்து வருகிறது. கடந்த 2 நாட்களாக தொடர்ந்து மழை பெய்து வருகிறது. நேற்று மாலை முதல் விட்டு விட்டு மழை பெய்தது. இரவு விடிய விடிய கொட்டி தீர்த்தது. கன்னிமார், சுருளோடு, புத்தன் அணை பகுதியில் இரவு கனமழை பெய்தது. சுமார் 2 மணி நேரத்திற்கு மேலாக தொடர்ந்து கொட்டி தீர்த்த மழையினால் அந்த பகுதியில் வெள்ளம் பெருக்கெடுத்து ஓடியது.

    கன்னிமாரில் அதிகபட்சமாக 54.2 மி.மீ. மழை பதிவானது. இரணியல், ஆணைக்கிடங்கு, கொட்டாரம், மயிலாடி, ஆரல்வாய்மொழி, குளச்சல், முள்ளங்கினாவிளை பகுதிகளிலும் மழை பெய்தது. நாகர்கோவிலிலும் இரவு மழை தூறிக்கொண்டே இருந்தது.

    இன்று காலையிலும் மழை பெய்தது. இதனால் பள்ளி மாணவ-மாணவிகள் குடை பிடித்தவாறு சென்றனர். திருவட்டார், தக்கலை, மார்த்தாண்டம், கீரிப்பாறை, தடிக்காரன்கோணம் பகுதிகளில் இன்று காலையில் கனமழை கொட்டி தீர்த்தது.

    தொடர் மழையின் காரணமாக மாவட்டம் முழுவதும் குளு குளு சீசன் நிலவுகிறது. திற்பரப்பு அருவி பகுதியில் பெய்து வரும் மழையினாலும் அணைகளில் இருந்து கூடுதல் தண்ணீர் வெளியேற்றப்படுவதாலும், அருவியில் வெள்ளம் ஆர்ப்பரித்து கொட்டுகிறது.

    மலையோர பகுதியான பாலமோர் பகுதியிலும் கனமழை நீடித்தது. இதனால் பேச்சிப்பாறை, பெருஞ்சாணி அணைகளுக்கு வரக் கூடிய நீர்வரத்து கணிசமாக உயர்ந்தது. பேச்சிப்பாறை அணை நீர்மட்டம் இன்று காலை 20.10 அடியாக இருந்தது. அணைக்கு 1,466 கனஅடி தண்ணீர் வந்து கொண்டிருக்கிறது. அணையில் இருந்து 762 கனஅடி தண்ணீர் வெளியேற்றப்படுகிறது.

    77 அடி கொள்ளளவு கொண்ட பெருஞ்சாணி அணை நீர்மட்டம் 75 அடியை எட்டியது. அணைக்கு 1,137 கனஅடி தண்ணீர் வந்து கொண்டிருக்கிறது. அணையில் இருந்து 285 கனஅடி தண்ணீர் வெளியேற்றப்படுகிறது.

    சிற்றாறு-1 அணையின் நீர்மட்டம் 16.60 அடியாக இருந்தது. அணைக்கு 200 கனஅடி தண்ணீர் வந்து கொண்டிருக்கிறது. அணையில் இருந்து 100 கனஅடி தண்ணீர் வெளியேற்றப்படுகிறது. அணைகளின் நீர்மட்டம் உயர்ந்து வருவதையடுத்து பொதுப்பணித்துறை அதிகாரிகள் 24 மணி நேரமும் கண்காணிப்பு பணியில் ஈடுபட்டுள்ளனர்.

    அணைக்கு வரக்கூடிய தண்ணீருக்கேற்ப கூடுதல் தண்ணீரை வெளியேற்றவும் நடவடிக்கை மேற்கொண்டுள்ளனர். பேச்சிப்பாறை, பெருஞ்சாணி, சிற்றாறு அணைகளில் இருந்து வெளியேற்றப்படும் தண்ணீரால் குழித்துறை ஆற்றில் வெள்ளம் கரைபுரண்டு ஓடுகிறது. தோவாளை சானல், அனந்தனாறு சானல், புத்தனாறு சானல்களிலும் வெள்ளம் கரைபுரண்டு ஓடுகிறது.

    இது குறித்து பொதுப் பணித்துறை செயற்பொறியாளர் வேத அருள்சேகர் கூறுகையில், அணைகளின் நீர்மட்டத்தை தீவிரமாக கண்காணித்து வருகிறோம். மழை தொடர்ந்து பெய்தால் பெருஞ்சாணி, சிற்றாறு அணைகளில் இருந்து இன்று மாலை உபரிநீர் வெளியேற்றப்படும்.

    எனவே குழித்துறை ஆற்றின் கரையோர பகுதி மக்கள் பாதுகாப்பான இடங்களுக்கு செல்லுமாறு எச்சரிக்கப்பட்டுள்ளனர் என்றார்.

    மாவட்டம் முழுவதும் பெய்த மழையினால் நேற்றிரவு பல்வேறு இடங்களில் மின்தடை ஏற்பட்டது. சூறைக்காற்றிற்கு மரக்கிளைகளும் முறிந்து விழுந்தன.

    செண்பகராமன்புதூர், தோவாளை, தடிக்காரன் கோணம் பகுதியில் செங்கல் உற்பத்தி பாதிக்கப்பட்டுள்ளது. தொழிலாளர்கள் வேலையின்றி தவிப்பிற்கு ஆளாகி உள்ளனர். கீரிப்பாறை, காளிகேசம் பகுதிகளில் ரப்பர் பால் உற்பத்தியும் பாதிக்கப்பட்டுள்ளது.

    மாவட்டம் முழுவதும் பெய்த மழை அளவு மி.மீட்டரில் வருமாறு:-

    பேச்சிப்பாறை-46.2, பெருஞ்சாணி-39, சிற்றாறு-1-52, சிற்றாறு-2-31, மாம்பழத்துறையாறு-30, திற்பரப்பு-39, நாகர் கோவில்-10.8, பூதப் பாண்டி-22.4, சுருளோடு- 43.2, கன்னிமார்-54.2, ஆரல்வாய் மொழி-6, பால மோர்-47.2, மயிலாடி-9.6, கொட்டாரம்-22.6, குருந்தன் கோடு-14.6, இரணியல்-19.6, ஆணைக்கிடங்கு-28.2, குளச்சல்-14, அடையாமடை- 23, கோழிப்போர்விளை-31, முள்ளங்கினாவிளை-36, புத்தன் அணை-41.
    • Whatsapp