நீங்கள் தேடியது "thyroid"

1. ஆறு மாதங்களுக்கு முன்பே கர்ப்பத்தை திட்டமிடத் தொடங்குங்கள்

முடிந்தவரை, நீங்கள் கருத்தரிக்க முயற்சிக்கும் முன்பு குறைந்தது ஆறு மாதங்களுக்கு முன்பே கர்ப்பத்தை திட்டமிடத் தொடங்குங்கள். உங்கள் உடலின் ஊட்டச்சத்துக்களை பரிசோதிக்கவும், தைராய்டு அளவுகள் கருவுறுதலுக்கு சரியாக உள்ளதா என்பதை உறுதிப்படுத்தவும், உங்கள் மருத்துவரிடம் ஆலோசனையை கேட்பது அவசியம்.

2. தைராய்டு அளவை சரியாக கட்டுப்பாட்டில் வைத்துக் கொள்ளுதல்

கருவுறுதல் மற்றும் கர்ப்பத்திற்கு உங்கள் தைராய்டு அளவை சரியாக வைக்க வேண்டும். உங்கள் தைராய்டு- ஹார்மோன் (TSH) அளவு 2.5 mIU/L -க்கும் குறைவாக இருக்கும்.

உங்கள் TSH அளவுகள் அதிகமாக இருந்தால், உங்கள் மருத்துவர் உங்கள் தைராய்டு ஹார்மோன் அளவை உயர்த்த மற்றும் உங்கள் TSH அளவு 2.5 அல்லது அதற்கும் குறைவாக இருக்கும் வரை உங்கள் அளவை மீண்டும் சரிபார்பார்கள்.

3. அயோடின் குறைபாடு இல்லாமல் இருப்பது அவசியம்

அயோடின் குறைபாடு இல்லை என்பதை உறுதிப்படுத்திக் கொள்ளுங்கள். அயோடின் தைராய்டு ஹார்மோனின் முக்கியமான அமைப்பு ஆகும், மேலும் கர்ப்பத்தின் ஆரம்ப காலத்தில் அயோடின் தேவை அதிகமாக இருக்க வேண்டும். கருத்தரிப்பதற்கு முன் அயோடின் குறைபாட்டை பரிசோதிக்க வேண்டும். உங்களிடம் அயோடின் குறைவாக இருந்தால், மருத்துவர் சரியான அளவிலான அயோடின் சப்ளிமெண்ட்டை பரிந்துரைக்கலாம்.

அயோடின் அளவு குறையவில்லை என்றால், குறைந்தபட்சம் 150 μg அயோடைனை உள்ளடக்கிய மல்டி வைட்டமின் அல்லது மகப்பேறுக்கு முன்னால் உள்ள வைட்டமினை எடுத்துக்கொள்ள டாக்டர்கள் பரிந்துரைக்கின்றன.

4. ஃபோலிக் அமிலம் சப்ளிமெண்ட்டை எடுத்துக் கொள்ளுங்கள்

கர்ப்பத்திற்கு முன்னும் பின்னும் ஃபோலிக் அமிலம் முக்கியமானது ஏனெனில், கர்ப்ப காலத்தில் குழந்தை ஆரம்பத்தில் வளரும் போது, ஃபோலிக் அமிலம் நரம்புக் குழாயை உருவாக்க உதவுகிறது. ஃபோலிக் அமிலம் மிகவும் முக்கியமானது, ஏனெனில் இது குழந்தையின் மூளை மற்றும் முதுகெலும்பு போன்ற சில பெரிய பிறப்பு குறைபாடுகளைத் தடுக்க உதவும்.

5. மருத்துவ ஆலோசனையை பெறுவது அவசியம்

உங்கள் கர்ப்பத்தை திட்டமிடுவதை பற்றி குறித்து ஏதேனும் கவலைகள் இருந்தால் உடனே மருத்துவரின் ஆலோசனையை பெறுவது அவசியம். ஆண்களுக்கும், பெண்களுக்கும், கர்ப்பத்திற்காக முயற்சிக்கும்போது தேவைப்பட்டால் உங்கள் மருந்து சிகிச்சையை மாற்ற வேண்டியிருக்கலாம். கர்ப்பம் தரிக்க முயற்சிக்கும் முன், உங்கள் உடல்நிலை சரியாக பரிசோதனை செய்து, நீங்கள் ஹார்மோனின் சரியான அளவை பெறுவதும் முக்கியம். இது கர்ப்ப காலத்தில் உங்கள் உடலில் மற்றும் குழந்தைக்கு ஏற்படும் அபாயத்தை குறைக்கிறது. மருத்துவரின் ஆலோசனை இல்லாமல் தைராய்டு சப்ளிமெண்ட் பயன்படுத்துவதை நிறுத்த வேண்டாம்.

பெண்கள் பல்வேறு காரணங்கலால் கர்ப்பமாவதில் பிரச்சனைகளை சந்திக்க நேரிடலாம், சில சமயங்களில் அதற்கான சரியான காரணத்தை குறிப்பிடுவது கடினம். கருவுறுதல் பிரச்சனைகள் உள்ள பல பெண்கள் தங்களுக்கு தைராய்டு இருப்பதை கண்டறியாமல் இருப்பார்கள்.

 தைராய்டு என்றால் என்ன?

தைராய்டு சுரப்பி, என்பது குரல்வளை கீழே கழுத்தின் முன்புறத்தில் அமைந்துள்ளது. இது பட்டாம்பூச்சி வடிவமானது மற்றும் மூச்சுக்குழாய் இருபுறமும் அமைந்துள்ள இரண்டு மடல்களைக் கொண்டுள்ளது. தைராய்டு சுரப்பி பொதுவாக வெளியில் தெரிவது இல்லை, கழுத்தில் விரல் கொண்டு அழுத்துவதால் அதை உணர முடியாது. தைராய்டு சுரப்பி உடலின் வளர்சிதை மாற்ற விகிதம் மற்றும் வளர்ச்சியைக் கட்டுப்படுத்தும் ஹார்மோன்களை உற்பத்தி செய்கிறது. இதயம், தசை, செரிமான செயல்பாடு, மூளை வளர்ச்சி மற்றும் எலும்பு பராமரிப்பு ஆகியவற்றை கட்டுப்படுத்துவதில் இது முக்கிய பங்கு வகிக்கிறது.

தைராய்டின் சரியான செயல்பாடு என்னவென்றால் நமது உணவில் இருந்து அயோடின் சத்தை பெறுவது. இந்த ஹார்மோன்களை உற்பத்தி செய்யும் செல்கள் ரத்தத்தில் இருந்து அயோடினை பிரித்தெடுத்து அதை தைராய்டு ஹார்மோன்களில் சேர்ப்பதில் முக்கிய வேலை ஆகும். தைராய்டு ஹார்மோன் சரியாக வேலை செய்யவில்லை என்றால், அது உங்கள் முழு உடலையும் பாதிக்கும்.

உங்கள் உடல் தைராய்டு ஹார்மோனை அதிகமாக உற்பத்தி செய்தால், ஹைப்பர் தைராய்டிசம் என்ற நிலையை உருவாக்கலாம். உங்கள் உடல் தைராய்டு ஹார்மோனை குறைவாக உற்பத்தி செய்தால், அது ஹைப்போ தைராய்டிசம் என்று அழைக்கப்படுகிறது. இந்த இரண்டு நிலைகளும் தீவிரமானவை மற்றும் சிகிச்சை அளிக்கப்பட வேண்டும்.

(ஹைப்பர் தைராய்டிசம்) அறிகுறிகள்:

எரிச்சல் மற்றும் பதட்டம் அனுபவிக்கிறது.

தூங்குவதில் சிக்கல் ஏற்படும்

உடல் எடை குறையும்.

தசை பலவீனம் மற்றும் நடுக்கம்.

ஒழுங்கற்ற மாதவிடாய் அல்லது உங்கள் மாதவிடாய் சுழற்சியை நிறுத்துதல்.

உடலின் வெப்பத்தின் உணர்திறன் அதிகரிப்பது.

பார்வை பிரச்சினைகள் அல்லது கண் எரிச்சல்.

(ஹைப்போ தைராய்டிசம்) அறிகுறிகள்:

உடல் சோர்வு

எடை அதிகரித்தல்

மறதி ஏற்படுதல்

அடிக்கடி மற்றும் அதிகமான ரத்த போக்கு கொண்ட மாதவிடாய் ஏற்படுவது

உடலில் வறண்ட மற்றும் அதிகமான முடி வளர்ச்சி

கரகரப்பான குரல் கொண்டவர்

 கர்ப்பம் தரிப்பதில் சிக்கல் ஏற்படுமா?

ஆண்களில், ஹைப்பர் தைராய்டிசம் விந்தணுக்களின் எண்ணிக்கையில் குறிப்பிடத்தக்க குறைப்பை ஏற்படுத்தும், இதன் விளைவாக கருவுறுதல் குறைகிறது. தைராய்டு நிலைக்கு சிகிச்சைய அளிக்கப்பட்டவுடன் விந்தணுக்களின் எண்ணிக்கை பொதுவாக இயல்பு நிலைக்குத் திரும்பும். தைராய்டு எதிர்ப்பு மருந்துகளுடன் சிகிச்சை பெறும் ஆண்களுக்கு, குழந்தை பெறுவதில் எந்த ஆபத்தும் இல்லை. பெண்களுக்கு தைராய்டு நோய் இருப்பது கருவுறுதலையும், நீங்கள் கர்ப்பமாகிவிட்டால் குழந்தையையும் பாதிக்கும்.

கர்ப்ப காலத்தில் உங்கள் தைராய்டு முக்கியமானது, ஏனெனில் தைராய்டு ஹார்மோன்கள் ட்ரையோடோதைரோனைன் (T3) மற்றும் தைராக்ஸின் (T4) உற்பத்தியை சரிசெய்கிறது, இவை இரண்டும் உங்கள் குழந்தையின் மூளை மற்றும் நரம்பு மண்டலத்தின் வளர்ச்சியில் முக்கிய பங்கு வகிக்கின்றன. கர்ப்ப காலத்தில் உங்களுக்கு தைராய்டு நோய் இருப்பது கண்டறியப்பட்டால், உங்கள் கர்ப்பம் முழுவதும் தொடர்ந்து கண்காணிக்கப்பட வேண்டும்.

உங்களுக்கு தைராய்டு நிலையின் அறிகுறிகள் இருந்தாலும், ஆனால் நீங்கள் கண்டறியப்படவில்லை என்றால், மருத்துவர் உங்களுக்கு தெரியப்படுத்துவது முக்கியம், இதன் மூலம் உங்களையும் உங்கள் குழந்தையையும் ஆரோக்கியமாக வைத்திருக்க சரியாக சிகிச்சை பெறலாம்.

நீங்கள் ஹைப்போ தைராய்டிசம் அல்லது ஹைப்பர் தைராய்டிசத்தால் பாதிக்கப்பட்டிருந்தால், கருத்தரித்தல் கடினமாகிறது, ஏனெனில் இந்த இரண்டு நிலைகளிலும் பெண்களுக்கு ஒழுங்கற்ற மாதவிடாய் ஏற்படுகிறது, இது பெண்களுக்கு கருவுறுதல் ஏற்படுவதை நேரடியாக பாதிக்கிறது. மேலும், தைராய்டு கொண்ட கர்ப்பம் உங்கள் குழந்தைக்கு சில உடல்நல சிக்கல்களின் அபாயத்தை அதிகரிக்கலாம்.

கர்ப்ப காலத்தில் குழந்தைக்கு ஏற்படும் ஆபத்துக்கள்:

உடல் எடை குறைந்த குழந்தை பிறப்பு

இதய செயலிழப்பை ஏற்படுத்தக்கூடிய வேகமான இதயத் துடிப்பு

குழந்தையின் மண்டை ஓட்டில் உள்ள மென்மையான இடத்தை முன்கூட்டியே மூடுவது

மோசமான எடை அதிகரிப்பு

கருச்சிதைவு

ப்ரீ எக்லாம்சியா (Preeclampsia)

குறைந்த IQ மெதுவான உடல் வளர்ச்சி

முறையான சிகிச்சைக்குப் பிறகு, நீங்கள் ஒரு குழந்தையைப் பெற்றெடுக்க திட்டமிட்டால், முதலில் உங்கள் தைராய்டு செயல்பாட்டை சரிபார்க்க ரத்தப் பரிசோதனை செய்ய வேண்டும்.

40 வயதை தாண்டிய பெண்கள் தங்கள் உடல் நலத்தில் அதிக அக்கறை எடுத்துக்கொள்ள வேண்டும். நீங்கள் 40 வயதை தாண்டிய பெண் என்றால் பின்வரும் ஆரோக்கியம் தொடர்பான விஷயங்களில் கவனமாகவும், அக்கறையாகவும் இருங்கள்.

சர்க்கரை நோய்:

40 வயதுக்கு மேற்பட்ட பெண்களுக்கு ஏற்படும் ஹார்மோன் மாற்றங்கள், தொப்பையை அதிகரிக்கச் செய்யும். அதிகப்படியான கொழுப்பு, இன்சுலின் செயல்பாட்டை தடுக்கிறது. இது சர்க்கரை நோய்க்கு வழிவகுக்கிறது.

உயர் ரத்தஅழுத்தம்:

நடுத்தர வயதில் பெண்கள் சந்திக்கும் பொதுவான பிரச்சினைகளில் ஒன்று, ரத்த அழுத்தத்தில் ஏற்ற இறக்கம் உயர் ரத்த அழுத்தம், நீரிழிவு போன்ற வாழ்க்கை முறை நோய்கள், பரம்பரை நோய்களாகும். வாழ்க்கைச் சூழல் மாற மாற உடற்பயிற்சி குறைகிறது. உணவுப்பழக்கமும் மாறுகிறது. இது ரத்த அழுத்தத்துக்கும் காரணமாகிறது.

தைராய்டு:

தைராய்டு ஹார்மோன்கள் கழுத்தின் முன்பகுதியில் அமைந்துள்ள தைராய்டு சுரப்பி மூலம் உற்பத்தி செய்யப்படுகின்றன. இந்த ஹார்மோன்கள், நமது உடல் வெப்ப நிலை, இதயத் துடிப்பு மற்றும் பல உடல் செயல்பாடுகளை ஒழுங்குபடுத்துகின்றன. தைராய்டு சமநிலை இல்லாதபோது, வளர்சிதைமாற்றம், உடல் வெப்பநிலை, கருவுறுதல், எடை அதிகரிப்பு, இழப்பு, மாதவிடாய், முடி ஆரோக்கியம், மனநலம், இதயத் துடிப்பு போன்ற நமது உடலின் ஒவ்வொரு செயல்பாடும் பாதிக்கப்படுகின்றன.

மெனோபாஸ்:

பெரும்பாலான பெண்களுக்கு பொதுவாக 45 முதல் 55 வயதுக்குள் மாதவிடாய் நிறுத்தம் தொடங்குகிறது. இது முன்னதாகவோ அல்லது அதற்குப் பின்னரோ இருக்கலாம். இதற்கான அறிகுறிகள் பல. உதாரணமாக, இரவில் அதிகமாக வியர்த்தல், பிறப்புறப்பு வறட்சி, பதற்றம் மற்றும் மனநிலை மாற்றங்கள் போன்றவற்றை கூறலாம்.

மாதவிடாய் நின்ற பிறகு கால்சியம் இழப்பானது, எலும்புச்சிதைவு மற்றும் இதய பிரச்சினைகளுக்கு வழிவகுக்கும். எனவே, இந்த காலகட்டத்தில் நல்ல தூக்கம் பழக்கத்தை பின்பற்றுவதும் போதுமான ஓய்வு எடுப்பதும் அவசியம். வலுவான, ஆரோக்கியமான எலும்புகளுக்கு கால்சியம், வைட்டமின் டி மற்றும் மக்னீசியம் நிறைந்த உணவுகளை பெண்கள் அதிகம் சாப்பிட வேண்டும். மூச்சுப்பயிற்சி, தியானம் போன்றவற்றிலும் கவனம் செலுத்தலாம்.

பெண்களுக்கு மாதவிடாய் நாட்கள் ஒவ்வொரு மாதமும் முன், பின் என மாறிவருவது இயல்பு. அதுவே 10 நாட்களுக்கு மேல் தள்ளிப்போதல், ஒரே மாதத்தில் இரண்டு முறை வருதல் போன்ற பிரச்சினைகளை உடனே கண்டறிந்து உரிய சிகிச்சை பெற்றுக்கொள்ளுதல் அவசியம். அப்படி ஒரே மாதத்தில் இரண்டு முறை மாதவிடாய் வர என்ன காரணம் என்று பார்க்கலாம்.

* முதலில் ஒரே மாதத்தில் இரண்டாவது முறையும் வருவது மாதவிடாய்தானா அல்லது அது ரத்தக் கசிவா எனக் கண்டறிவது அவசியம்.

* மாதவிடாய் போன்று உதிரப்போக்கு வந்துகொண்டிருந்தால் அது மாதவிடாய்தான். அவ்வாறு அல்லாமல் சிறிது உதிரம் மட்டுமே வந்து, நெப்கின் முழுமையாக பயன்படுத்தவில்லை எனில், அது ரத்த கசிவதாக இருக்கலாம்.

* பிறப்புறுப்பில் இருந்து ரத்தக் கசிவு என்பது உடலுறவு கொள்ளுதல், கருக்கலைதல் அல்லது பிரசவ காலத்திலோதான் பெரும்பாலும் நிகழும். இதுதான் காரணம் என்றால் உடனே மருத்துவரை அணுகி ஆலோசனை பெறுதல் அவசியம்.

* உங்களுக்கு மாதவிடாயாக இருக்கும் பட்சத்தில் அது ஒவ்வொரு மாதமும் தொடர்கதையானால் சில பிரச்சினைகள் காரணமாக இருக்கலாம். உங்களுக்கு தைராய்டு அதிகம் சுரந்தாலோ அல்லது குறைவாக சுரந்தாலோ இந்த பிரச்சினை வரலாம்.

* ஒருவேளை நீங்கள் மாதவிடாய் நிற்கும் தருவாயில் இருக்கிறீர்கள் என்றாலும் இந்த பிரச்சினை வரலாம்.

* நீங்கள் அதிகம் கருக்கலைப்பு மாத்திரைகளை உட்கொள்கிறீர்கள் என்றாலும் இரண்டு முறை மாதவிடாய் வரலாம். மன அழுத்தம் காரணங்களால் சரியான உணவின்மை, தூக்கமின்மை காரணங்களாலும் மாதவிடாய் இரண்டு முறை வரலாம்.

* திடீரென உடல்பருமன் குறைந்தாலும் கூடினாலும் இந்த பிரச்சினை இருக்கலாம். மேலே குறிப்பிட்ட விஷயங்கள் உங்கள் வாழ்க்கை முறையோடு ஒத்துப்போவதாகக் கருதினால், இதை சாதாரணமாக கடந்து செல்லாமல் மருத்துவரை அணுகி உரிய சிகிச்சைப் பெறுவது அவசியம்.

குடும்ப நலன் நாடும் பெண்கள் தங்கள் நலனில் போதிய அக்கறை கொள்ளாததால் பல்வேறு உடல்நல பாதிப்புகளுக்கு ஆளாகிறார்கள். குறிப்பிட்ட கால இடைவெளியில் ஒருசில பரிசோதனைகளை மேற்கொள்வதன் மூலம் பெரிய அளவிலான ஆபத்தில் இருந்து தற்காத்துக்கொள்ள முடியும். அதற்கு செய்ய வேண்டிய சில பரிசோதனைகள் குறித்து பார்ப்போம்..

புற்றுநோய்

உயிருக்கு அச்சுறுத்தலாக விளங்கும் புற்றுநோய் பெண்களுக்கு அதிக பாதிப்புகளை ஏற்படுத்தக்கூடியது. அதிலும் பல பெண்கள் கருப்பை வாய் புற்றுநோய் பாதிப்புக்கு ஆளாகிறார்கள். இளம் வயது பெண்கள் கூட இந்த புற்றுநோயால் அவதிக்குள்ளாகிறார்கள். அதனால் 20 வயதை கடந்த பெண்கள் கருப்பை வாய் புற்றுநோய் பரிசோதனை செய்து கொள்வது நல்லது.

மார்பக புற்றுநோயும் வயது வித்தியாசமின்றி பாதிப்பை ஏற்படுத்துவதால் அதற்குரிய பரிசோதனையையும் அவசியம் மேற்கொள்ள வேண்டும். 40 வயதை கடந்த பெண்கள் மார்பக புற்றுநோய்க்கான மேமோகிராம் சோதனையை இரண்டு ஆண்டுகளுக்கு ஒருமுறை செய்து கொள்வது நல்லது.

கொழுப்பு பரிசோதனை

ரத்தத்தில் கெட்ட கொழுப்பு அதிகம் சேர்ந்தால், பல்வேறு வகையான பிரச்சினைகள் ஏற்படலாம். அதனால் குறிப்பிட்ட காலகட்டத்தில் கொழுப்பு அளவை கண்டறிய வேண்டியது அவசியமானது. சாதாரண ரத்தப் பரிசோதனை மூலமே கொழுப்பின் அளவை கண்டறிந்துவிடலாம். அதனால் 5 ஆண்டு களுக்கு ஒருமுறையாவது கொழுப்பு பரிசோதனை மேற்கொள்ள வேண்டியது அவசியமானது. 20 வயதை கடந்த பெண்கள் இந்த பரிசோதனையை மேற்கொள்வது நல்லது.

தைராய்டு பரிசோதனை

கழுத்து பகுதியில் அமைந்திருக்கும் தைராய்டு சுரப்பியின் முக்கியமான பணி, தைராக்சின் என்ற ஹார்மோனை சுரப்பதுதான். இந்த ஹார்மோன் சுரப்பு அதிகமானால் ஹைப்பர் தைராய்டிசம், குறைந்தால் ஹைப்போ தைராய்டிசம் என்ற பாதிப்பு உண்டாகும். ஆரம்ப நிலையிலேயே தைராய்டு சுரப்பியின் செயல்பாடுகளில் ஏற்படும் மாற்றத்தை கண்டறிந்தால் மருந்துகளின் மூலம் குணப்படுத்திவிட முடியும்.

கழுத்தில் வீக்கம் அல்லது கட்டி இருந்தால் அது பெரும்பாலும் தைராய்டு கட்டியாக இருக்க வாய்ப்புள்ளது. குறிப்பிட்ட இடைவெளியில் பரிசோதனை செய்வதன் மூலமே கண்டறிய முடியும். ஆரம்ப நிலையிலேயே பரிசோதனை செய்துவிட்டால் நோய் பாதிப்பின் வீரியத்தை கட்டுப்படுத்திவிடலாம்.

கண்பார்வை பரிசோதனை

பெண்கள் பலரும் கண் பார்வை பரிசோதனை மேற்கொள்வதற்கு ஆர்வம் காட்டுவதில்லை. அதன் அவசியத்தை புரிந்து கொள்வதுமில்லை. கண் பார்வையில் சிறு குறைபாடு தென்படும்போதே கவனம் செலுத்தாமல் அலட்சியப்படுத்திவிடுகிறார்கள்.

நாளடைவில் கண் பார்வை குறைபாடு பிரச்சினை அதிகரிக்க தொடங்கிவிடுகிறது. ஆண்டுக்கு ஒருமுறையாவது கண் பரிசோதனை மேற்கொள்வது நல்லது. கண்ணாடி அணியுமாறு மருத்துவர் பரிந்துரைத்த நபர்கள் 6 மாதங்களுக்கு ஒரு முறை பரிசோதனை செய்து கொள்வது அவசியம்.

எலும்பு அடர்த்தி சோதனை

எலும்புகள் பலவீனம் அடைந்தால் ஆஸ்டியோபோரோசிஸ் என்னும் நோய் பாதிப்பை எதிர்கொள்ள நேரிடும். எலும்புகளின் அடர்த்தியில் மாறுபாடு ஏற்படும்போது கடுமையான விளைவுகளை அனுபவிக்க நேரிடும். எலும்பின் அடர்த்தியை முன்கூட்டியே பரிசோதனை செய்து அறிந்து கொண்டால் இந்த நோய் பாதிப்பில் இருந்து தற்காத்துக்கொள்ள முடியும்.

பெண்கள் 5 வருடங்களுக்கு ஒருமுறை இந்த பரிசோதனையை மேற்கொள்வது நல்லது. அதிலும் 65 வயதை கடந்த பெண்கள் கட்டாயம் பரிசோதனை செய்து கொள்ள வேண்டும். மாதவிடாய் நிற்கும் காலகட்டமான மெனோபாஸ் சமயத்தில் கட்டாயம் பரிசோதனை செய்ய வேண்டும்.

மதுரை

சிவகங்கை மாவட்டத்தை சேர்ந்த பெண்ணின் வயிற்றில் இருந்த 2 கிலோ எடையுள்ள தைராய்டு கட்டி வெற்றிகரமாக அகற்றப்பட்டது. இதுகுறித்து மதுரை நரிமேடு சரவணா மருத்துவமனை டாக்டர் சரவணன் கூறியதாவது:-

சிவகங்கை மாவட்டத்தை சேர்ந்த 63 வயது பெண் எங்களது மருத்துவ மனைக்கு வெளி நோயா ளியாக வந்தார். அவரை பரிசோதித்ததில் கழுத்துப் பகுதியில் பெரிய அளவி லான தைராய்டு கட்டி இருப்பது கண்டறி யப்பட்டது.

சுமார் 30 வருடங்களுக்கு மேலாக அந்த கட்டி இருந்துள்ளது. உடனடியாக சரவணா மருத்துவ மனை அறுவை சிகிச்சை குழுவி னரின் உதவியுடன் அந்த கட்டி வெற்றிகரமாக அகற்றப்பட்டது. இந்த கட்டி சுமார் 2 கிலோ எடையுள்ளதாக இருந்தது.

கிராமப்புற மக்கள் அறியாமையால் ஆரம்ப கட்டத்திலேயே இது போன்ற கட்டிகளை கண்டு கொள்ளாமல் விட்டு விடுகின்றனர். இது போன்ற கட்டிகள் தென்பட்டால் உடனடியாக அருகில் உள்ள மருத்துவரை அணுக வேண்டும். இதற்காக ஆரம்பத்திலேயே சிகிச்சை எடுத்துக்கொண்டு ஆரோக்கியமாக வாழ வேண்டும். இல்லையெனில் இது போன்ற பிரச்சினைகள் புற்றுநோயாக கூட மாறிவிடும்.

இவ்வாறு அவர் கூறினார்.

சினைப்பை நீர்கட்டிக்கு அடுத்தாற்போல், பெண்களுக்கு அதிக மாதவிடாய் தொந்தரவுகளை ஏற்படுத்துபவை தைராய்டு சுரப்பி கோளாறுகள். மாதவிடாய் சரிவர ஆகவில்லை என்று மருத்துவரை அணுகும் பெண்களுக்கு அதிர்ச்சி தர காத்திருப்பது தைராய்டு சுரப்பி கோளாறுகளும் தான். டாக்டர் எனக்கு மாதவிடாய் சரிவர நிகழவில்லை, ஸ்கேன் பண்ணி பாத்தாச்சு, நீர்க்கட்டி தொந்தரவும் இல்லை என்று கூறும் போது மருத்துவர் அடுத்ததாக தைராய்டு பரிசோதனையை ஆய்வு செய்ய விரும்புவது வழக்கமான ஒன்று.

உடல் எடை கூடிக்கொண்டே செல்கிறதா? அல்லது குறைகிறதா? உடல் அசதியாக உள்ளதா? மலச்சிக்கல் உள்ளதா ? அல்லது கழிச்சல் உள்ளதா?மாதவிடாய் சுழற்சி சரிவர நிகழ்கிறதா? மாதவிடாயின் போது வலி உள்ளதா? அதிக உதிரப்போக்கு உள்ளதா? வறண்ட தோலா? உடையக்கூடிய நகங்களா? கருச்சிதைவா? குழந்தை பேறின்மையா ? என்று அடுக்கடுக்கான கேள்விகளை கேட்டு அணுக இருப்பது இந்த தைராய்டு பரிசோதனையைத் தான். அவ்வாறு செய்யப்படும் தைராய்டு பரிசோதனையில் பெரும்பாலான பெண்கள் பாதிக்கப்படுவது குறைவீதனம் எனப்படும் தைராய்டு சுரப்பு குறைந்த நிலை (ஹைப்போதைராய்டு) தான். ஆய்வுக் கூட பரிசோதனையில் கண்டறியப்படும் டி.எஸ்.எச் (TSH) அளவைப்பொறுத்து இந்நோயின் நிலையை கண்டறியலாம்.

அதிகரிக்கும் உடல் எடையும், வளர்ச்சிதை மாற்ற குறைப்பாட்டால் உடல் அசதியும், மாதாந்திர பூப்பு சுழற்சி மாறுபடுதலும் இந்த ஹைப்போதைராய்டு பிரச்சினை உள்ள மகளிர்க்கு அதிகம். ஏன் தைராய்டுக்கு இவ்வளவு முக்கியத்துவம் என்று கவனித்தால், கழுத்தின் முன் பகுதியில் உள்ள தைராய்டு சுரப்பியில் சுரக்கும் 'தைராக்சின்' எனும் ஒற்றை ஹார்மோன் உடலில் உள்ள மற்ற அனைத்து ஹார்மோன்களோடும் தொடர்புடையதே இதற்கு காரணம்.

அங்கொன்றும் இங்கொன்றுமாக இருந்த இந்த தைராய்டு சுரப்பி கோளாறுகள் இன்று வீட்டுக்கு வீடு வாசப்படியைப் போல மாறிவிட்டதற்கு காரணம் மாறிப்போன வாழ்வியல் முறையும் உணவு முறையும் தான். மன அழுத்தம் என்பது பலரும் அறிந்தது. மனதோடு தொடர்புடைய மன அழுத்தத்தால் பாதிக்கப்படுவது உடலும் தான். இது பல்வேறு உடல் உபாதைகளுக்கு காரணம்.

சற்று உற்றுநோக்கினால், அதைப்போல் நம் உடலில் உள்ள ஒவ்வொரு செல்லுக்குள்ளும் இந்த ஆக்ஸிடேடிவ் ஸ்ட்ரெஸ் சென்று ஏற்படுத்தும் சேதங்களே இவ்வாறு அதிகமாகும் ஹார்மோன் குறைபாடுகளுக்கு காரணம். இது இயல்பாக செயல்பட்டுக் கொண்டிருக்கும் ஹார்மோன் சுழற்சியை தடுத்து செல்லுக்குள் இருக்கும் டி.என்.ஏ. வரை சென்று தாக்கி சேதாரத்தை ஏற்படுத்தக் கூடியது.

இந்த 'ஆக்ஸிடேடிவ் ஸ்ட்ரெஸ்' தான் இன்றைய பெரும்பாலான நவீன ஆராய்ச்சியாளர்களின் பரிசோதனைப் பொருள். இதனை குறைப்பதும், தடுப்பதும் தான் பல்வேறு நோய் நிலைகளை தடுப்பதற்கு ஒரே ஆயுதம்.

'பாட்டி எனக்கு தைராய்டு இருக்குனு சொல்லிட்டாங்க, நான் காலத்துக்கும் மருந்து சாப்பிட்டே ஆகணுமாம்' என்று வருத்தத்தில் ஆழ்ந்திருக்கும் இன்றைய இளம் தலைமுறைப்பெண்கள் சித்த மருத்துவத்தை அணுக வேண்டியது அவசியம். ஏனெனில் நோயின் சப் கிளினிக்கல் ஹைப்போ தைராய்டு என்று கூறப்படும் ஆரம்ப நிலையிலே சித்த மருந்துகளை எடுத்துக்கொண்டால் தைராய்டு கோளாறுக்கு நல்ல தீர்வு எட்ட முடியும்.

தைராய்டு சுரப்பி குறைந்த நிலையில் பயன்படும் சித்த மருத்துவ மூலிகைகளில் முக்கிய இடத்தை பிடிப்பது மந்தாரை பட்டையும், அமுக்கரா கிழங்கும், குங்கிலியமும் தான்.

இந்தியன் ஜின்செங் என்று அழைக்கப்படும் அமுக்கரா கிழங்கு பெண்களுக்கு மிகப்பெரிய வரப்பிரசாதம் என்றே சொல்லலாம். தினசரி அமுக்கரா சூரணம் என்ற சித்த மருந்தை எடுத்துக்கொள்ள தைராய்டு சுரப்பி கோளாறு மட்டுமின்றி, பல்வேறு ஹார்மோன் சுரப்பிகளை சீராக்கும் தன்மை உடையது. பெண்களின் மலட்டு நோய்க்கு பல்வேறு ஆண்டுகளாக பாரம்பரியமாக பயன்படுத்தப்பட்டு வருவதும் குறிப்பிடத்தக்கது. வித்தாபெரின்-எ என்ற வேதிப்பொருள் சினைப்பை நீர்கட்டிகளை கரைக்கும் தன்மையும், மாதவிடாய் சீராக்கும் தன்மையும், தைராய்டு சுரப்பியை தூண்டி இயற்கையாக செயல்பட வைக்கும் தன்மையும் உடையது.

அடுத்து அதிக பலனை தருவது மந்தாரை பட்டை. மந்தாரை இலை எனும் மகத்தான விருந்தளிக்கும் இலையை இன்றைய தலைமுறைக்கு தெரிய வாய்ப்பில்லை. அந்த இலையில் அறுசுவை விருந்து உண்டால், அதன் சுவைக்கும் மணத்திற்கும் நிகரில்லை என்றே சொல்லலாம். நோய்க்கு ஆதாரமாகும் பிளாஸ்டிக் தட்டுக்களும், பேப்பர் பிளேட்களும் பழகிவிட்ட இக்காலத்தில் மருத்துவ குணமிக்க பல மூலிகைகள் மறந்தே போய்விட்டன. இதனால் மறந்துபோன பல நோய்களும், மீண்டெழுந்து நம் ஆரோக்கியத்தை சிதைக்கின்றன.

அந்த வகையில், மந்தாரை மரத்தின் பட்டையானது தைராய்டு சுரப்பியின் வீக்கத்தை குறைப்பதோடு, அதைத்தூண்டி இயற்கையாக செயல்பட வைக்கும் தன்மை உடையது. பல ஆண்டுகளாக தைராய்டு சுரப்பி குறைவுக்கு பயன்படுத்தப்பட்டு வரும் இந்த மூலிகை எலிகளில் ஆய்வு செய்யப்பட்டு உறுதி செய்யப்பட்டுள்ளது. இது பாரம்பரிய மருத்துவம் மீதான நம்பிக்கையை உலக அரங்கில் அதிகரிக்கிறது. இதில் உள்ள மூன்று முக்கிய பிளவனாய்டு வேதிப்பொருட்கள் இதன் மருத்துவ தன்மைக்கு காரணமாகின்றன.

குங்கிலியம் எனும் மற்றொரு மூலிகைப்பிசின் தைராய்டு கோளாறுக்கு நல்ல பலன் தருவதாக உள்ளது. காலம்காலமாக வீட்டில் சாம்பிராணி புகைக்கு பயன்படுத்தப்பட்டு வரும் குங்கிலியம் காற்றில் உள்ள கிருமிகளை மட்டுமல்லாது, நம் உடலில் உள்ள கிருமிகளையும் அழித்து, நோய் எதிர்ப்பாற்றலை அதிகரிக்கும். மேலும் தைராய்டு சுரப்பியை இயற்கையாக தூண்டி செயல்பட வைக்கும் தன்மையுடையது குறிப்பிடத்தக்கது.

நம் உடலுக்கு தேவையான முக்கிய ஊட்டச்சத்துக்கள் இல்லாதது, ஹைப்போ தைராய்டு நிலையைத் தூண்டும் தன்மையுடையன என்று ஆய்வுகள் கூறுகின்றது. ஆக, தாதுஉப்புக்கள் மற்றும் வைட்டமின்களின் உட்கொள்ளலை அதிகரிக்க செய்வது, அவைகளை அடிப்படையாக கொண்ட கீரைகளையும், பழங்களையும், பாரம்பரிய உணவுகளையும் உணவில் சேர்ப்பதால் தைராய்டு குறைபாடு மட்டுமின்றி பல்வேறு ஹார்மோன் குறைபாடுகளை போக்க உதவும்.

பரம்பரை வழியாக வரும் தைராய்டு குறைவு நோயினை கண்டு அஞ்சி வருந்தும் மகளிர் தினசரி மஞ்சளை பாலில் கலந்து எடுத்துக்கொள்வதுடன் சர்வாங்காசனம்,தியானம் ஆகியவற்றை பழகுதல் மூலம் ஹைப்போதைராய்டு வராமல் தடுக்க முடியும். பல்வேறு உடல் உறுப்புகளையும், எண்டோகிரைன் சுரப்பிகளையும் இயற்கையாக தூண்டும் மருத்துவ குணமிக்க மஞ்சளை அடிக்கடி உணவில் பயன்படுத்துவது பெண்களுக்கு நல்ல பயன் தரும். காய்டர் என்று சொல்லப்படும் தைராய்டு சுரப்பியின் வீக்கத்திலும், இது வீக்கத்தை குறைப்பதில் நல்ல பயனளிக்கும். மஞ்சளில் உள்ள 'குர்குமின்' என்ற வேதிப்பொருள் உலகமே வியக்கும் வண்ணம் பல்வேறு நோய்களுக்கும் மருந்தாகிறது.

தொடர்புக்கு:drthillai.mdsiddha@gmail.com

தொடர்புக்கு:drthillai.mdsiddha@gmail.com