என் மலர்

    நீங்கள் தேடியது "sunrisers Hyderabad"

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    ஐ.பி.எல். கிரிக்கெட்டின் வெளியேற்றுதல் சுற்றில் ஐதராபாத் அணி 2 விக்கெட் வித்தியாசத்தில் டெல்லி அணியிடம் தோல்வி கண்டு வெளியேறியது. IPL2019 #DCvSRH

    12-வது ஐ.பி.எல். கிரிக்கெட் திருவிழா இறுதி கட்டத்தை எட்டி விட்டது. சென்னையில் நேற்று முன்தினம் நடந்த முதலாவது தகுதி சுற்றில் மும்பை இந்தியன்ஸ் அணி, சென்னை சூப்பர் கிங்சை வீழ்த்தி இறுதிபோட்டிக்கு முன்னேறியது.

    இந்த நிலையில் விசாகப்பட்டினத்தில் நேற்று இரவு நடந்த வெளியேற்றுதல் (எலிமினேட்டர்) சுற்று ஆட்டத்தில் புள்ளி பட்டியலில் 3-வது இடம் பிடித்த டெல்லி கேப்பிட்டல்ஸ் அணி, 4-வது இடம் பெற்ற ஐதராபாத் சன் ரைசர்ஸ் அணியை சந்தித்தது. இரு அணிகளிலும் தலா ஒரு மாற்றம் செய்யப்பட்டது. டெல்லி அணியில் காலின் இங்ராம் நீக்கப்பட்டு காலின் முன்ரோ சேர்க்கப்பட்டார். ஐதராபாத் அணியில் யூசுப் பதானுக்கு பதிலாக தீபக் ஹூடா இடம் பிடித்தார்.

    ‘டாஸ்’ ஜெயித்த டெல்லி அணி பீல்டிங்கை தேர்வு செய்தது. இதன்படி முதலில் பேட்டிங் செய்த ஐதராபாத் அணியின் தொடக்க ஆட்டக்காரர்களாக விருத்திமான் சஹா, மார்ட்டின் கப்தில் ஆகியோர் களம் இறங்கினார்கள். முதல் ஓவரில் டிரென்ட் பவுல்ட் வீசிய முதல் பந்திலேயே விருத்திமான் சஹாவுக்கு நடுவர் ‘அவுட்’ வழங்கினார். ஆனால் நடுவரின் முடிவை எதிர்த்து விருத்திமான் சஹா அப்பீல் செய்து எல்.பி.டபிள்யூ. கண்டத்தில் இருந்து தப்பினார்.




    மறுமுனையில் மார்ட்டின் கப்தில் அதிரடியாக ஆடினார். அவர் இஷாந்த் ஷர்மா பந்து வீச்சில் ஒரு சிக்சரும், டிரென்ட் பவுல்ட் பந்து வீச்சில் தொடர்ந்து 2 சிக்சரும் அடித்து கலக்கினார். 3.1 ஓவர்களில் அணியின் ஸ்கோர் 31 ரன்னாக இருந்த போது விருத்திமான் சஹா (8 ரன்) இஷாந்த் ஷர்மா பந்து வீச்சில் கேப்டன் ஸ்ரேயாஸ் அய்யரிடம் கேட்ச் கொடுத்து வெளியேறினார். இதைத்தொடர்ந்து மனிஷ் பாண்டே களம் இறங்கினார். பவர்பிளேயில் (முதல் 6 ஓவரில்) ஐதராபாத் அணி ஒரு விக்கெட் இழப்புக்கு 54 ரன்கள் எடுத்தது.

    அணியின் ஸ்கோர் 6.3 ஓவர்களில் 56 ரன்னாக உயர்ந்த போது அடித்து ஆடிய மார்ட்டின் கப்தில் (36 ரன்கள், 19 பந்து, ஒரு பவுண்டரி, 4 சிக்சர்) அமித் மிஸ்ரா பந்து வீச்சில் கீமோ பாலிடம் கேட்ச் கொடுத்து அவுட் ஆனார். அதன் பிறகு அணியின் ரன் வேகம் குறைந்தது. அடுத்து நிதானமாக ஆடிய மனிஷ் பாண்டே (30 ரன்கள், 36 பந்து, 3 பவுண்டரி) கீமோ பால் பந்து வீச்சில் ரூதர்போர்டிடம் கேட்ச் கொடுத்து நடையை கட்டினார்.

    இதனை அடுத்து விஜய் சங்கர், கேப்டன் கேன் வில்லியம்சனுடன் ஜோடி சேர்ந்தார். இருவரும் அடித்து ஆடினார்கள். விஜய் சங்கர் ஆட்டத்தில் அதிரடி தென்பட்டது. 14.3 ஓவர்களில் ஐதராபாத் அணி 100 ரன்னை கடந்தது. நிலைத்து நின்று ஆடுவார் என்று எதிர்பார்க்கப்பட்ட கேன் வில்லியம்சன் (28 ரன்கள், 27 பந்து, 2 பவுண்டரி) இஷாந்த் ஷர்மா பந்து வீச்சில் போல்டு ஆனார். சற்று நேரத்தில் விஜய் சங்கரும் (25 ரன்கள், 11 பந்து, 2 பவுண்டரி, 2 சிக்சர்) டிரென்ட் பவுல்ட் பந்து வீச்சில் அக்‌ஷர் பட்டேலிடம் கேட்ச் கொடுத்து ஆட்டம் இழந்தார்.

    கடைசி ஓவரில் முகமது நபி (20 ரன்), தீபக் ஹூடா (4 ரன்), ரஷித் கான் (0) ஆகியோர் அடுத்தடுத்து ஆட்டம் இழந்தனர். நிர்ணயிக்கப்பட்ட 20 ஓவர்களில் ஐதராபாத் அணி 8 விக்கெட் இழப்புக்கு 162 ரன்கள் எடுத்தது. புவனேஷ்வர்குமார் ரன் எதுவும் எடுக்காமலும், பாசில் தம்பி 1 ரன்னுடனும் களத்தில் நின்றனர். டெல்லி அணி தரப்பில் கீமோ பால் 3 விக்கெட்டும், இஷாந்த் ஷர்மா 2 விக்கெட்டும், டிரென்ட் பவுல்ட், அமித் மிஸ்ரா தலா ஒரு விக்கெட்டும் கைப்பற்றினார்கள்.


    பின்னர் 163 ரன்கள் எடுத்தால் வெற்றி என்ற இலக்குடன் ஆடிய டெல்லி அணியின் தொடக்க ஆட்டக்காரர்கள் பிரித்வி ஷா, ஷிகர் தவான் ஆகியோர் நல்ல தொடக்கம் ஏற்படுத்தினார்கள். 7.3 ஓவர்களில் அணியின் ஸ்கோர் 66 ரன்னாக இருந்த போது ஷிகர் தவான் (17 ரன்) தீபக் ஹூடா பந்து வீச்சில் விக்கெட் கீப்பர் விருத்திமான் சஹாவால் ஸ்டம்பிங் செய்யப்பட்டு அவுட் ஆனார். அடுத்து வந்த கேப்டன் ஸ்ரேயாஸ் அய்யர் (8 ரன்) விரைவில் ஆட்டம் இழந்து ஏமாற்றம் அளித்தார்.

    இதனை அடுத்து ரிஷாப் பான்ட், பிரித்வி ஷாவுடன் ஜோடி சேர்ந்தார். அடித்து ஆடிய பிரித்வி ஷா 38 பந்துகளில் 6 பவுண்டரி, 2 சிக்சருடன் 56 ரன்கள் எடுத்த நிலையில் கலீல் அகமது பந்து வீச்சில் விஜய் சங்கரிடம் கேட்ச் கொடுத்து வெளியேறினார். அடுத்து வந்த காலின் முன்ரோ (14 ரன்), அக்‌ஷர் பட்டேல் (0), ரூதர்போர்டு (9 ரன்) ஆகியோர் வந்த வேகத்திலேயே ஆட்டம் இழந்து நடையை கட்டினார்கள். ஆனால் மறுமுனையில் ரிஷாப் பான்ட் அதிரடியாக ஆடி அணியை வெற்றியை நோக்கி அழைத்து சென்றார். அணியின் ஸ்கோர் 18.5 ஓவர்களில் 158 ரன்னாக இருந்த போது ரிஷாப் பான்ட் (49 ரன்கள், 21 பந்து, 2 பவுண்டரி, 5 சிக்சர்) புவனேஷ்வர்குமார் பந்து வீச்சில் முகமது நபியிடம் கேட்ச் கொடுத்து ஆட்டம் இழந்தார்.

    கடைசி ஓவரில் டெல்லி அணி வெற்றிக்கு 5 ரன்கள் தேவைப்பட்டது. அந்த ஓவரில் 4-வது பந்தில் அமித் மிஸ்ரா(1 ரன்) சர்ச்சைக்குரிய முறையில் ரன்-அவுட் ஆனதால் ஆட்டத்தில் பரபரப்பு ஏற்பட்டது. அடுத்த பந்தை கீமோ பால் பவுண்டரிக்கு விரட்டி அணியை வெற்றி பெற வைத்தார். 19.5 ஓவரில் டெல்லி அணி 8 விக்கெட் இழப்புக்கு 165 ரன்கள் எடுத்து 2 விக்கெட் வித்தியாசத்தில் வெற்றி பெற்று இறுதிப்போட்டி வாய்ப்பில் நீடிக்கிறது. தோல்வி கண்ட ஐதராபாத் அணி வெளி யேறியது. #IPL2019 #DCvSRH

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    ஐ.பி.எல். கிரிக்கெட்டின் வெளியேற்றுதல் சுற்று ஆட்டத்தில் டெல்லி-ஐதராபாத் அணிகள் இன்று இரவு மோதுகின்றன. #IPL2019 #DelhiCapitals #SunrisersHyderabad
    விசாகப்பட்டினம்:

    ஐ.பி.எல். கிரிக்கெட் போட்டி தொடரில் விசாகப்பட்டினத்தில் இன்று (புதன்கிழமை) இரவு நடைபெறும் வெளியேற்றுதல் (எலிமினேட்டர்) சுற்று ஆட்டத்தில் டெல்லி கேப்பிட்டல்ஸ்-ஐதராபாத் சன் ரைசர்ஸ் அணிகள் மோதுகின்றன.

    டெல்லி கேப்பிட்டல்ஸ் அணி லீக் சுற்றில் 9 வெற்றி, 5 தோல்வியுடன் 18 புள்ளிகளுடன் 3-வது இடத்தை பிடித்து ‘பிளே-ஆப்’ சுற்றுக்கு தகுதி பெற்றது. ஆஸ்திரேலிய முன்னாள் கேப்டன் ரிக்கி பாண்டிங்கை பயிற்சியாளராகவும், இந்திய அணியின் முன்னாள் கேப்டன் கங்குலியை ஆலோசகராகவும் கொண்டுள்ள டெல்லி அணி பெயர் மாற்றம் செய்ததுடன், இந்த சீசனில் ரசிகர்களை குஷிப்படுத்தும் வகையில் எழுச்சி பெற்றுள்ளது. அத்துடன் 2012-ம் ஆண்டுக்கு பிறகு அந்த அணி முதல்முறையாக ‘பிளே-ஆப்’ சுற்றுக்கு தகுதி கண்டு இருக்கிறது.

    டெல்லி அணியில் ஷிகர் தவான் (486 ரன்கள்), கேப்டன் ஸ்ரேயாஸ் அய்யர் (442 ரன்கள்), ரிஷாப் பான்ட் (401 ரன்கள்), பிரித்வி ஷா உள்ளிட்டோர் பேட்டிங்கில் நல்ல பார்மில் உள்ளனர். 25 விக்கெட்டுகள் வீழ்த்திய ரபடா (தென்ஆப்பிரிக்கா) உலக கோப்பை போட்டிக்கான தங்கள் நாட்டு அணிக்கு விளையாடுவதற்கு ஆயத்தமாக நாடு திரும்பி விட்டாலும், இஷாந்த் ஷர்மா, அமித் மிஸ்ரா, அக்‌ஷர் பட்டேல் உள்ளிட்ட சிறந்த பவுலர்கள் அணியில் இருக்கிறார்கள்.

    2016-ம் ஆண்டு சாம்பியனான ஐதராபாத் சன் ரைசர்ஸ் அணி லீக் சுற்றில் 6 வெற்றி, 8 தோல்வியுடன் 12 புள்ளிகள் பெற்றது. 4-வது இடத்துக்கான போட்டியில் ஐதராபாத், கொல்கத்தா, பஞ்சாப் அணிகள் ஒரே புள்ளியுடன் சமநிலை வகித்த போதிலும் ‘ரன்-ரேட்’ அடிப்படையில் ஐதராபாத் அணி 4-வது இடம் பிடித்து ‘பிளே-ஆப்’ சுற்றுக்குள் நுழைந்தது.

    ஐதராபாத் அணியின் பேட்டிங் தூணாக விளங்கிய டேவிட் வார்னர் (ஆஸ்திரேலியா), பேர்ஸ்டோ (இங்கிலாந்து) ஆகியோர் உலக கோப்பை போட்டிக்கான தங்கள் நாட்டு அணிக்கு தயாராக சொந்த நாட்டுக்கு திரும்பி விட்டதால் அந்த அணியின் பேட்டிங் பலவீனம் அடைந்துள்ளது. மனிஷ் பாண்டே (314 ரன்கள்) பேட்டிங்கில் நன்றாக செயல்பட்டு வருகிறார். கேப்டன் கேன் வில்லியம்சன், மார்ட்டின் கப்தில், விஜய் சங்கர் ஆகியோர் தங்களது பேட்டிங்கில் முன்னேற்றம் காண வேண்டியது அவசியமானதாகும். பந்து வீச்சில் கலீல் அகமது, ரஷித் கான், புவனேஷ்வர்குமார் ஆகியோர் நல்ல ரிதத்தில் உள்ளனர்.

    ஐ.பி.எல். போட்டி வரலாற்றில் ஐதராபாத், டெல்லி அணிகள் இதுவரை 14 முறை நேருக்கு நேர் மோதி இருக்கின்றன. இதில் ஐதராபாத் அணி 9 முறையும், டெல்லி அணி 5 தடவையும் வெற்றி பெற்று இருக்கின்றன. நடப்பு சீசனில் இரு அணிகளும் லீக் ஆட்டத்தில் 2 முறை சந்தித்தன. இதில் முதலாவது லீக் ஆட்டத்தில் ஐதராபாத் அணியும், 2-வது ஆட்டத்தில் டெல்லி அணியும் வெற்றி பெற்றன. டெல்லி அணியின் அதிரடி ஆட்டத்துக்கு முன்பு ஐதராபாத் அணி தாக்குப்பிடிக்குமா? என்பது சற்று சந்தேகம் தான்.

    இந்த ஆட்டத்தில் வெற்றி பெறும் அணி நேரடியாக இறுதிப்போட்டிக்கு தகுதி பெற முடியாது. 10-ந் தேதி நடைபெறும் 2-வது தகுதி சுற்று ஆட்டத்தில், முதல் தகுதி சுற்றில் தோல்வி அடைந்த சென்னை அணியுடன் மோதும். இந்த மோதலில் வெற்றி பெறும் அணி இறுதிப்போட்டிக்கு முன்னேறும். இன்றைய ஆட்டத்தில் தோல்வி அடையும் அணி போட்டியை விட்டு வெளியேறும்.

    போட்டிக்கான இரு அணிகளின் உத்தேச பட்டியல் வருமாறு:-

    டெல்லி கேப்பிட்டல்ஸ்: பிரித்வி ஷா, ஷிகர் தவான், ஸ்ரேயாஸ் அய்யர் (கேப்டன்), ரிஷாப் பான்ட், காலின் இங்ராம், ரூதர்போர்டு, கீமோ பால், அக்‌ஷர் பட்டேல், அமித் மிஸ்ரா, இஷாந்த் ஷர்மா, டிரென்ட் பவுல்ட்.

    ஐதராபாத் சன் ரைசர்ஸ்: விருத்திமான் சஹா, மார்ட்டின் கப்தில், மனிஷ் பாண்டே, கேன் வில்லியம்சன் (கேப்டன்), விஜய் சங்கர், யூசுப் பதான், முகமது நபி, ரஷித் கான், புவனேஷ்வர்குமார், கலீல் அகமது, பாசில் தம்பி.

    இரவு 7.30 மணிக்கு தொடங்கும் இந்த போட்டியை ஸ்டார் ஸ்போர்ட்ஸ் சேனல் நேரடியாக ஒளிபரப்பு செய்கிறது.  #IPL2019 #DelhiCapitals #SunrisersHyderabad 
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    ஐதராபாத்துக்கு எதிராக நேற்றைய ஆட்டத்தில் அஸ்வின் மீண்டும் ‘மன்கட்’ முறையில் ரன் அவுட் செய்ய முயற்சித்தது பரபரப்பை ஏற்படுத்தி உள்ளது. #MankadRunOut #IPL2019 #SRHvKXIP
    கிங்ஸ் லெவன் பஞ்சாப் அணி கேப்டனும், சென்னையை சேர்ந்தவருமான ஆர்.அஸ்வின் ராஜஸ்தான் வீரர் பட்லரை ‘மன்கட்’ முறையில் ஏற்கனவே ‘ரன்அவுட்’ செய்து இருந்தார். இது மிகுந்த சர்ச்சையை ஏற்படுத்தியது.

    இந்த நிலையில் ஐதராபாத்துக்கு எதிராக நேற்றைய ஆட்டத்தில் அஸ்வின் மீண்டும் ‘மன்கட்’ முறையில் ரன் அவுட் செய்ய முயற்சித்தாரா? என்ற பரபரப்பு ஏற்பட்டுள்ளது. அவர் 2 முறை பந்தை வீச முயன்று வீசாமல் நிறுத்தினார். களத்தில் இருந்த விர்த்திமான் சகாவை அவர் ‘மன்கட்’ முறையில் அவுட் செய்ய முயற்சித்தாரா? என்பது உறுதியாக தெரியவில்லை.

    இதுதொடர்பாக அவரிடம் நடுவர் பேசினார். அஸ்வினை நடுவர் எச்சரித்தாரா? என்பது தெரியவில்லை. #MankadRunOut #IPL2019 #SRHvKXIP
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    ஐ.பி.எல். கிரிக்கெட்டில் ஐதராபாத் சன்ரைசர்சை வீழ்த்தி ராஜஸ்தான் ராயல்ஸ் அணி 5-வது வெற்றியை பதிவு செய்தது. #IPL2019 #SRHvsRR #IPL2019 #SRHvsRR

    ஜெய்ப்பூர்:

    12-வது ஐ.பி.எல். கிரிக்கெட் தொடரில் ஜெய்ப்பூரில் நேற்றிரவு நடந்த 45-வது லீக் ஆட்டத்தில் முன்னாள் சாம்பியன்கள் ராஜஸ்தான் ராயல்சும், ஐதராபாத் சன் ரைசர்சும் மோதின. ராஜஸ்தான் அணியில் பென் ஸ்டோக்ஸ், ஜோப்ரா ஆர்ச்சருக்கு பதிலாக லியாம் லிவிங்ஸ்டோன், ஆஷ்டன் டர்னர் இடம் பிடித்தனர். ஐதராபாத் அணியில் ஜானி பேர்ஸ்டோ தாயகம் திரும்பி விட்டதால் விக்கெட் கீப்பர் இடத்திற்கு விருத்திமான் சஹா சேர்க்கப்பட்டார்.

    ‘டாஸ்’ ஜெயித்த ராஜஸ்தான் கேப்டன் ஸ்டீவன் சுமித் முதலில் பந்துவீசுவதாக அறிவித்தார். இதன்படி முதலில் பேட்டிங் செய்த ஐதராபாத் அணியில் கேப்டன் வில்லியம்சன் 13 ரன்னில், சுழற்பந்து வீச்சாளர் ஸ்ரேயாஸ் கோபாலின் பந்து வீச்சில் கிளன் போல்டு ஆனார்.

    இதன் பின்னர் டேவிட் வார்னரும், மனிஷ் பாண்டேவும் இணைந்து சரிவை தடுத்தனர். ஆனால் வார்னர் வழக்கத்திற்கு மாறாக நிதானமாக ஆடினார். 10 ஓவர்களுக்கு மேல் களத்தில் நின்ற போதிலும் அவர் பந்தை ஒரு முறை கூட எல்லைக்கோட்டிற்கு விரட்ட முடியாமல் தவித்தது ஆச்சரியம் அளித்தது. அதே சமயம் பாண்டே வேகம் காட்டினார். 11.3 ஓவர்களில் அந்த அணி 100 ரன்களை தொட்டது. இவர்கள் ஆடிய விதம் அந்த அணி 180 ரன்கள் வரை எடுக்கும் என்று எதிர்பார்ப்பை உருவாக்கியது. ஆனால் இந்த கூட்டணி உடைந்ததும், நிலைமை தலைகீழாக மாறியது.




    டேவிட் வார்னர் 37 ரன்களில் (32 பந்து) கேட்ச் ஆனார். மனிஷ் பாண்டே 61 ரன்களில் (36 பந்து, 9 பவுண்டரி) வெளியேறினார். விஜய் சங்கர் (8 ரன்), தீபக் ஹூடா (0), விருத்திமான் சஹா (5 ரன்), ஷகிப் அல்-ஹசன் (9 ரன்) உள்ளிட்டோர் தாக்குப்பிடிக்கவில்லை. எப்படியோ கடைசி ஓவரில் ரஷித்கான் (17 ரன், நாட்-அவுட்) பவுண்டரி, சிக்சர் அடித்து அணி 150 ரன்களை கடப்பதற்கு உதவினார்.

    20 ஓவர் முடிவில் ஐதராபாத் அணி 8 விக்கெட் இழப்புக்கு 160 ரன்கள் எடுத்தது. ராஜஸ்தான் தரப்பில் வருண் ஆரோன், ஒஷானே தாமஸ், ஸ்ரேயாஸ் கோபால், உனட்கட் தலா 2 விக்கெட்டுகளை கைப்பற்றினர்.


    தொடர்ந்து ஆடிய ராஜஸ்தான் அணிக்கு ரஹானேவும், லிவிங்ஸ்டோனும் (இங்கிலாந்து நாட்டவர்) அட்டகாசமான தொடக்கத்தை தந்தனர். ‘பவர்-பிளே’யான முதல் 6 ஓவருக்குள் 60 ரன்களை திரட்டினர். ரன்மழை பொழிந்து ரசிகர்களை குதூகலப்படுத்திய லிவிங்ஸ்டோன் 44 ரன்களில் (26 பந்து, 4 பவுண்டரி, 3 சிக்சர்) கேட்ச் ஆனார். மற்றொரு தொடக்க வீரர் ரஹானே 39 ரன்கள் எடுத்தார். அடுத்து வந்த கேப்டன் சுமித் 22 ரன்களில் பெவிலியன் திரும்பினார்.



    ராஜஸ்தான் அணி 19.1 ஓவர்களில் 3 விக்கெட்டுக்கு 161 ரன்கள் சேர்த்து 7 விக்கெட் வித்தியாசத்தில் வெற்றி பெற்றது. சஞ்சு சாம்சன் 48 ரன்களுடனும் (32 பந்து, 4 பவுண்டரி, ஒரு சிக்சர்), டர்னர் 3 ரன்னுடனும் களத்தில் இருந்தனர். ராஜஸ்தானுக்கு இது 5-வது வெற்றியாகும். ஏற்கனவே ஐதராபாத் அணியிடம் 5 விக்கெட் வித்தியாசத்தில் அடைந்த தோல்விக்கும் பழிதீர்த்துக் கொண்டது. 11-வது லீக்கில் ஆடிய ஐதராபாத் அணிக்கு இது 6-வது தோல்வியாகும். #IPL2019 #SRHvsRR

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    ஐதராபாத்தில் நடைபெற்ற ஐபிஎல் போட்டியில் ஐதராபாத் அணியை 39 ரன்கள் வித்தியாசத்தில் வீழ்த்தி டெல்லி கேப்பிடல்ஸ் அணி வெற்றி பெற்றது . #IPL2019 #SRHvDC
    ஐபிஎல் கிரிக்கெட் போட்டியின் 30வது லீக் ஆட்டம் ஐதராபாத் ராஜிவ் காந்தி மைதானத்தில் இன்று இரவு 8 மணிக்கு தொடங்கியது. டாஸ் வென்ற சன்ரைசர்ஸ் ஐதராபாத் அணி கேப்டன் கேன் வில்லியம்சன் முதலில் பந்துவீச்சை தேர்வு செய்தார்.

    இதையடுத்து, டெல்லி அணியின் தொடக்க ஆட்டக்காரர்களாக பிரித்வி ஷா, ஷிகர் தவான் ஆகியோர் இறங்கினர். கடந்த போட்டியில் சிறப்பாக ஆடிய தவான் இந்த முறை 7 ரன்னிலும், பிரித்வி ஷா 4 ரன்னிலும் அவுட்டாகி அதிர்ச்சி அளித்தனர். அடுத்து இறங்கிய காலின் முன்ரோ அதிரடியாக ஆடி 24 பந்தில் 3 சிக்சர், 4 பவுண்டரியுடன் 40 ரன்னில் ஆட்டமிழந்தார்.

    அவரை தொடர்ந்து இறங்கிய கேப்டன் ஷ்ரேயாஸ் அய்யர் நிதானமாகவும் பொறுப்புடனும் ஆடினார்.  அவர் 45 ரன்னில் வெளியேறினார். அவருக்கு ஒத்துழைப்பு கொடுத்த ரிஷப் பன்ட் 23 ரன்னில் அவுட்டானார். இறுதியில், டெல்லி அணி நிர்ணயிக்கப்பட்ட 20 ஓவரில் 7 விக்கெட் இழப்புக்கு 155 ரன்களை எடுத்துள்ளது. ஐதராபாத் அணி வெற்றிபெற 156 ரன்களை இலக்காக நிர்ணயித்துள்ளது.




    ஐதராபாத் அணி சார்பில் கலீல் அகமது 3 விக்கெட்டும், புவனேஷ்வர் குமார் 2 விக்கெட்டும், அபிஷேக் சர்மா, ரஷித் கான் ஆகியோர் தலா ஒரு விக்கெட்டும் வீழ்த்தினர்.

    பின்னர் 156 ரன்கள் எடுத்தால் வெற்றி என்ற இலக்குடன் ஆடிய ஐதராபாத் அணி 9.5 ஓவர்களில் 72 ரன்கள் எடுத்து நல்ல தொடக்கம் கண்ட நிலையில் தொடக்க ஆட்டக்காரர் பேர்ஸ்டோ (41 ரன்) கீமோ பால் பந்து வீச்சில் ரபடாவிடம் கேட்ச் கொடுத்து அவுட் ஆனார். அதன் பின்னர் அந்த அணியின் விக்கெட்டுகள் மளமளவென சரிந்தன. மற்றொரு தொடக்க ஆட்டக்காரர் டேவிட் வார்னரை (51 ரன்கள்) தவிர மற்ற வீரர்கள் ஒற்றை இலக்க ரன்னில் ஆட்டம் இழந்து ஏமாற்றம் அளித்தனர்.


    18.5 ஓவர்களில் ஐதராபாத் அணி 116 ரன்னில் ‘ஆல்-அவுட்’ ஆனது. இதனால் டெல்லி அணி 39 ரன்கள் வித்தியாசத்தில் வெற்றி பெற்றது. கடைசி 15 ரன்களுக்குள் ஐதராபாத் அணி 8 விக்கெட்டுகளை பறிகொடுத்தது. டெல்லி அணி தரப்பில் ரபடா 4 விக்கெட்டும், கிறிஸ் மோரிஸ், கீமோ பால் தலா 3 விக்கெட்டும் வீழ்த்தினார்கள். டெல்லி அணி வேகப்பந்து வீச்சாளர் கீமோ பால் ஆட்டநாயகன் விருது பெற்றார். 8-வது ஆட்டத்தில் ஆடிய டெல்லி அணி சுவைத்த 5-வது வெற்றி இதுவாகும். அத்துடன் முந்தைய ஆட்டத்தில் ஐதராபாத்திடம் கண்ட தோல்விக்கும் பதிலடி கொடுத்தது.

    #IPL2019 #SRHvDC
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    கிங்ஸ் லெவன் பஞ்சாப் அணிக்கெதிராக 62 பந்தில் 70 ரன்கள் அடித்த டேவிட் வார்னர் ஐபிஎல் வரலாற்றில் மோசமான சாதனையைப் படைத்துள்ளார். #IPL2019 #KXIPvSRH
    கிங்ஸ் லெவன் பஞ்சாப் - சன்ரைசர்ஸ் ஐதராபாத் அணிகளுக்கு இடையிலான ஆட்டம் நேற்று மொகாலியில் நடைபெற்றது. முதலில் சன்ரைசர்ஸ் ஐதராபாத் பேட்டிங் செய்தது. கிங்ஸ் லெவன் பஞ்சாப் அணியின் வேகப்பந்து வீச்சை தாக்குப்பிடிக்க முடியாமல் 150 ரன்களே சேர்த்தது.

    டேவிட் வார்னர் கடைசி வரை களத்தில் நின்று 62 பந்துகள் சந்தித்தார். இதில் 70 ரன்களே அடித்தார். இதன்மூலம் அதிக பந்துகளை சந்தித்து குறைவான ரன்கள் அடித்த பேட்ஸ்மேன் பட்டியலில் 3-வது இடத்தை பிடித்துள்ளார். ஜேபி டுமினி கிங்ஸ் லெவன் பஞ்சாப் அணிக்கெதிராக 63 பந்தில் 59 ரன்களும், ஆரோன் பிஞ்ச் மும்பை இந்தியன்ஸ் அணிக்கெதிராக 62 பந்தில் 68 ரன்களும் எடுத்து முதல் மற்றும் 2-வது இடத்தில் உள்ளனர்.
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    மொகாலியில் நடக்கும் 22-வது ‘லீக்’ ஆட்டத்தில் கிங்ஸ் லெவன் பஞ்சாப்- சன்ரைசர்ஸ் ஐதராபாத் அணிகள் மோதுகின்றன. #IPL2019 #SRH #KXIP

    ஐ.பி.எல். போட்டியில் 22-வது ‘லீக்’ ஆட்டம் மொகாலியில் இன்று இரவு 8 மணிக்கு நடக்கிறது. இதில் கிங்ஸ் லெவன் பஞ்சாப்- சன்ரைசர்ஸ் ஐதராபாத் அணிகள் மோதுகின்றன.

    இரு அணிகளுமே 5 ஆட்டத்தில் 3 வெற்றி, 2 தோல்வியுடன் 6 புள்ளிகள் பெற்றுள்ளன. இதனால் 4-வது வெற்றி யாருக்கு? என்று எதிர்பார்க்கப்படுகிறது. இரு அணிகளும் கடைசியாக விளையாடிய ஆட்டத்தில் தோற்று இருந்தது. எனவே வெற்றிக்காக கடுமையாக போராடும்.

    அஸ்வின் தலைமையிலான பஞ்சாப் அணி ராஜஸ்தான் (14 ரன்), மும்பை (8 விக்கெட்), டெல்லியை (14 ரன்) வீழ்த்தி இருந்தது. கொல்கத்தா (28 ரன்), சென்னை (22 ரன்) அணிகளிடம் தோற்று இருந்தது.

    ஐதராபாத் அணி ராஜஸ்தான் (5 விக்கெட்), பெங்களூர் (118 ரன்), டெல்லியை (5 விக்கெட்) தோற்கடித்து இருந்தது. கொல்கத்தா (6 விக்கெட்), மும்பை (40 ரன்) அணிகளிடம் தோற்று இருந்தது. #IPL2019 #SRH #KXIP
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    டெல்லி பெரோஸ் ஷா கோட்லா ஆடுகளம் உள்ளூர் அணிக்கு உகந்த மாதிரி இல்லை என்று பயிற்சியாளர் ரிக்கிபாண்டிங் புகார் கூறியுள்ளார். #IPL2019 #RickyPonting
    புதுடெல்லி:

    ஐ.பி.எல். கிரிக்கெட்டில் நேற்று முன்தினம் இரவு டெல்லி பெரோஸ் ஷா கோட்லா மைதானத்தில் நடந்த 16-வது லீக் ஆட்டத்தில் ஐதராபாத் சன்ரைசர்ஸ் அணி 5 விக்கெட் வித்தியாசத்தில் டெல்லி கேப்பிட்டல்சை வீழ்த்தியது. வேகமின்றி (ஸ்லோ) காணப்பட்ட இந்த ஆடுகளத்தில் முதலில் பேட் செய்த டெல்லி அணி 129 ரன்களுக்கு கட்டுப்படுத்தப்பட்டது.

    எளிய இலக்கை ஐதராபாத் அணி 18.3 ஓவர்களில் எட்டிப்பிடித்தது. அதிரடியாக ஆடிய ஐதராபாத் தொடக்க ஆட்டக்காரர் ஜானி பேர்ஸ்டோ (48 ரன், 9 பவுண்டரி, ஒரு சிக்சர்) ஆட்டநாயகன் விருது பெற்றார்.

    தோல்விக்கு பிறகு நிருபர்களை சந்தித்த டெல்லி அணியின் தலைமை பயிற்சியாளர் ரிக்கிபாண்டிங் ஆடுகள பராமரிப்பாளர் மீது சாடினார். பாண்டிங் கூறியதாவது:-

    இந்த ஆடுகளத்தன்மை (பிட்ச்) எங்களை மிகுந்த அதிர்ச்சிக்குள்ளாக்கியது என்று சொல்வதே நியாயமாக இருக்கும். போட்டிக்கு முன்பாக ஆடுகள பராமரிப்பாளரிடம் பேசியபோது, முந்தைய ஆட்டங்களை காட்டிலும் இது மிகச்சிறந்த ஆடுகளமாக இருக்கும் என்று கூறினார். ஆனால் அதற்கு நேர்மாறாக மோசமான பிட்ச்சாகி விட்டது. பந்து குறைந்த அளவே பவுன்ஸ் ஆனதையும், ஆடுகளம் எவ்வளவு மந்தமாக இருந்தது என்பதையும் நீங்களே பார்த்து இருப்பீர்கள்.

    இந்த ஆடுகளம் ஐதராபாத் அணியினருக்கே கன கச்சிதமாக பொருந்தியது. மிகச்சிறந்த சுழற்பந்து வீச்சாளர்களும், பந்தை வேகம் குறைத்து வீசக்கூடிய திறமையான வேகப்பந்து வீச்சாளர்களும் அவர்களிடம் உள்ளனர். இங்குள்ள சூழலுக்கு ஏற்ப தங்களை மாற்றிக்கொண்டு அருமையாக பந்து வீசினர். இத்தகைய ஆடுகளத்தில் பந்தை மெதுவாக வீசும் போது அது ஏறக்குறைய அடிக்க முடியாத பந்துகளாகவே இருக்கும். அடுத்து வரும் ஆட்டங்களுக்கும் ஆடுகளத்தின் போக்கு தொடர்ந்து இது போன்றே இருக்குமே என்றால், ஆடும் லெவன் அணியில் மாற்றம் செய்வது குறித்து சிந்திக்க வேண்டியது இருக்கும். மொத்தத்தில் இன்றைய நாளில் இந்த ஆடுகளம் எங்களது பந்து வீச்சாளர்களுக்கு சாதகமாக இல்லை. இது நாங்கள் எதிர்பார்த்த மாதிரி அமையவில்லை.

    ஆடுகளம் மெதுவாக இருந்தாலும் கூட டெல்லி பேட்ஸ்மேன்கள் 160 முதல் 165 ரன்கள் வரை எடுப்பார்கள் என்று எதிர்பார்த்தேன். ஆனால் வீரர்கள் ஷாட்களை தேர்வு செய்து அடித்த விதம் மோசமாக இருந்தது. அது தான் பாதிப்பை ஏற்படுத்தி விட்டது. இந்த குறைபாடுகளை சரி செய்ய வேண்டியது முக்கியம்.

    மேலும் இது தான் எங்களது சொந்த ஊர் ஆடுகளம். எனவே இங்குள்ள சீதோஷ்ண நிலையில் எதிரணியை விட எப்படி சிறப்பாக செயல்படுவது என்பதை கற்றுக்கொள்ள வேண்டும். இதுவரை இங்கு நடந்துள்ள 3 ஆட்டங்களில் 2-ல் வெளியூர் அணி வெற்றி பெற்று இருக்கிறது. அதனால் நிச்சயம் நாங்கள் முன்னேற்றம் காண வேண்டும்.

    இவ்வாறு பாண்டிங் கூறினார்.

    பாண்டிங்கின் குற்றச்சாட்டு குறித்து டெல்லி கிரிக்கெட் சங்க மூத்த நிர்வாகி ஒருவர் கூறும் போது, ‘எனக்கு தெரிந்த மட்டில், இந்த ஆடுகளம் எந்த மாதிரி இருக்கும் என்பதை டெல்லி கேப்பிட்டல்ஸ் அணிக்கு என்று நியமிக்கப்பட்டிருந்த பிட்ச் ஒருங்கிணைப்பாளரிடம் தான் பாண்டிங் கேட்டு அறிந்துள்ளார். ஆனால் டெல்லி கிரிக்கெட் சங்கத்தை சேர்ந்த பிட்ச் பராமரிப்பாளர்கள் யாரும் பாண்டிங்கிடம், இது வேகப்பந்து வீச்சுக்கு உகந்த ஆடுகளமாக இருக்கும் என்று சொல்லவில்லை. இந்த விஷயத்தில் டெல்லி கேப்பிட்டல்ஸ் அணியின் பிட்ச் ஒருங்கிணைப்பாளர் பாண்டிங்கை தவறாக வழிநடத்தி விட்டதாக நினைக்கிறேன். ஆனால் அந்த நபர், பிட்ச் பராமரிப்பாளருக்குரிய தகுதி படைத்தவர் கிடையாது’ என்றார்.

    இந்த ஆட்டம் முடிந்ததும் டெல்லி பிட்ச் பராமரிப்பாளர் அங்கித் தத்தாவிடம் அணியின் ஆலோசகர் சவுரவ் கங்குலி நீண்ட நேரம் பேசிக்கொண்டிருந்தார். அடுத்த உள்ளூர் ஆட்டத்திற்கு முன்பாக (ஏப்ரல் 18-ந்தேதி) முடிந்த வரை ஆடுகளத்தன்மையை மாற்ற முயற்சிப்பதாக டெல்லி அணிக்கு உறுதி அளிக்கப்பட்டிருக்கிறது. #IPL2019 #RickyPonting
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    ராஜஸ்தான் அணிக்கு எதிரான ஆட்டத்தில் 5 விக்கெட் வித்தியாசத்தில் சன்ரைசர்ஸ் ஐதராபாத் அணி வெற்றி பெற்றது. #IPL2019 #RRvSRH

    ஐதராபாத்:

    ஐ.பி.எல். கிரிக்கெட்டில் ராஜஸ்தானுக்கு எதிரான ஆட்டத்தில் ஐதராபாத் அணி 199 ரன்கள் இலக்கை விரட்டிப்பிடித்து அபார வெற்றி பெற்றது. ராஜஸ்தான் வீரர் சஞ்சு சாம்சனின் சதம் வீண் ஆனது.

    8 அணிகள் இடையிலான 12-வது ஐ.பி.எல். 20 ஓவர் கிரிக்கெட் போட்டி பல்வேறு நகரங்களில் நடந்து வருகிறது. இதில் ஐதராபாத்தில் உள்ள ராஜீவ்காந்தி ஸ்டேடியத்தில் நேற்றிரவு நடந்த 8-வது லீக் ஆட்டத்தில் ராஜஸ்தான் ராயல்ஸ் - ஐதராபாத் சன்ரைசர்ஸ் அணிகள் மல்லுகட்டின. ஐதராபாத் அணியில் இரு மாற்றமாக ஷகிப் அல்-ஹசன், தீபக் ஹூடா நீக்கப்பட்டு அவர்களுக்கு பதிலாக காயத்தில் இருந்து தேறிய கேப்டன் கேன் வில்லியம்சன், ஷபாஸ் நதீம் ஆகியோர் சேர்க்கப்பட்டனர்.

    ‘டாஸ்’ ஜெயித்த ராஜஸ்தான் கேப்டன் ரஹானே முதலில் பேட்டிங்கை தேர்வு செய்தார். இதன்படி ஜோஸ் பட்லரும், ரஹானேவும் ராஜஸ்தான் அணியின் தொடக்க ஆட்டக்காரர்களாக களம் புகுந்தனர். ஐதராபாத் பவுலர்களின் தாக்குதலில் ராஜஸ்தான் அணி ஆரம்பத்தில் தடுமாறியது. ஜோஸ் பட்லர் 5 ரன்னில், ரஷித்கானின் சுழலில் கிளன் போல்டு ஆனார். அடுத்து சஞ்சு சாம்சன், ரஹானேவுடன் கைகோர்த்தார். மேலும் சில ஓவர்கள் இவர்கள் நிதானம் காட்டினர். பவர்-பிளேயான முதல் 6 ஓவர்களில் அந்த அணி ஒரு விக்கெட்டுக்கு 35 ரன்கள் மட்டுமே எடுத்திருந்தது. அதன் பிறகு ரன்வேகத்தை இருவரும் தீவிரப்படுத்தினர். நதீம், சித்தார்த் கவுல் ஓவர்களில் சாம்சன் சிக்சரை பறக்க விட்டார். ரஹானேவும் ஏதுவான பந்துகளை எல்லைக்கோட்டிற்கு விரட்டியடித்தார். 11.5 ஓவர்களில் ராஜஸ்தான் அணி 100 ரன்களை தொட்டது.

    அணியின் ஸ்கோர் 134 ரன்களாக உயர்ந்த போது ரஹானே 70 ரன்களில் (49 பந்து, 4 பவுண்டரி, 3 சிக்சர்) பந்தை தூக்கியடித்து கேட்ச் ஆனார். அடுத்து ஆல்-ரவுண்டர் பென் ஸ்டோக்ஸ் நுழைந்தார். மறுமுனையில் சஞ்சு சாம்சன் ஐதராபாத்தின் பந்து வீச்சை நொறுக்கியெடுத்தார். துணை கேப்டன் புவனேஷ்வர்குமாரின் ஒரே ஓவரில் 4 பவுண்டரி, ஒரு சிக்சர் உள்பட 24 ரன்கள் திரட்டி திகைப்பூட்டினார். சதத்தை நோக்கி முன்னேறிய அவர் கடைசி ஓவரில் பவுண்டரி விளாசி தனது 2-வது ஐ.பி.எல். சதத்தை எட்டினார்.

    20 ஓவர் முடிவில் ராஜஸ்தான் ராயல்ஸ் அணி 2 விக்கெட் இழப்புக்கு 198 ரன்கள் குவித்தது. கடைசி 5 ஓவர்களில் அந்த அணி 76 ரன்கள் சேகரித்தது குறிப்பிடத்தக்கது. சஞ்சு சாம்சன் 102 ரன்களுடனும் (55 பந்து, 10 பவுண்டரி, 4 சிக்சர்), பென் ஸ்டோக்ஸ் 16 ரன்களுடனும் (9 பந்து, 3 பவுண்டரி) அவுட் ஆகாமல் இருந்தனர். ஐதராபாத் தரப்பில் ரஷித்கான், ஷபாஸ் நதீம் தலா ஒரு விக்கெட் கைப்பற்றினர். முதல் 2 ஓவரில் 10 ரன்கள் மட்டுமே கொடுத்த புவனேஷ்வர்குமார் அடுத்த 2 ஓவர்களில் 45 ரன்களை வாரி வழங்கி நொந்து போனார்.

    அடுத்து 199 ரன்கள் எடுத்தால் வெற்றி என்ற நோக்குடன் ஐதராபாத் அணியின் தொடக்க ஆட்டக்காரர்களாக டேவிட் வார்னரும், ஜானி பேர்ஸ்டோவும் இறங்கினர். பவுண்டரியுடன் ரன் கணக்கை தொடங்கிய வார்னர், ராஜஸ்தானின் பவுலர்களை ரணகளப்படுத்தினார். ஸ்டோக்ஸ், ஆர்ச்சர் ஓவர்களில் பவுண்டரிகளாக ஓடவிட்டு ரசிகர்களை குஷிப்படுத்தினார். ஸ்கோரும் மளமளவென எகிறியது. ரன்ரேட் 10 ரன்களுக்கு குறையாமல் நகர்ந்தது. இவர்கள் முதல் விக்கெட்டுக்கு 110 ரன்கள் (9.4 ஓவர்) எடுத்த நிலையில் பிரிந்தனர். 38-வது அரைசதத்தை பூர்த்தி செய்த வார்னர் 69 ரன்களில் (37 பந்து, 9 பவுண்டரி, 2 சிக்சர்) ஆட்டம் இழந்தார். அடுத்த ஓவரில் பேர்ஸ்டோவும் (45 ரன், 28 பந்து, 6 பவுண்டரி, ஒரு சிக்சர்) வெளியேறினார். பேர்ஸ்டோ சிக்சர் நோக்கி தூக்கிய பந்தை எல்லைக்கோடு அருகே தவால் குல்கர்னி தாவி குதித்து பிரமாதமாக கேட்ச் செய்தார். அடுத்து வந்த கேப்டன் வில்லியம்சன் 14 ரன்னிலும், விஜய் சங்கர் 35 ரன்களிலும் (15 பந்து, ஒரு பவுண்டரி, 3 சிக்சர்), மனிஷ் பாண்டே ஒரு ரன்னிலும் பெவிலியன் திரும்பினர். ஆனாலும் ஐதராபாத் அணி சிரமமின்றி இலக்கை எட்டிப்பிடித்தது.

    ஐதராபாத் அணி 19 ஓவர்களில் 5 விக்கெட்டுக்கு 201 ரன்கள் குவித்து 5 விக்கெட் வித்தியாசத்தில் வெற்றி பெற்றது. ரஷித் கான் (15 ரன்), யூசுப் பதான் (16 ரன்) களத்தில் இருந்தனர். 2-வது ஆட்டத்தில் ஆடிய ஐதராபாத் அணிக்கு இது முதலாவது வெற்றியாகும். ராஜஸ்தான் அணிக்கு 2-வது தோல்வியாகும். #IPL2019 #RRvSRH

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    ஐ.பி.எல். கிரிக்கெட் போட்டி தொடரில் இன்று ஐதராபாத்தில் நடக்கும் 8-வது லீக் ஆட்டத்தில் சன்ரைசர்ஸ் ஐதராபாத்- ராஜஸ்தான் ராயல்ஸ் அணிகள் மோதுகின்றன. #IPL2019 #SRHvRR
    ஐதராபாத்:

    ஐ.பி.எல். கிரிக்கெட் போட்டி தொடரில் இன்று ஐதராபாத்தில் நடக்கும் 8-வது லீக் ஆட்டத்தில் சன்ரைசர்ஸ் ஐதராபாத்- ராஜஸ்தான் ராயல்ஸ் அணிகள் மோதுகின்றன. இரு அணிகளும் தங்களது முதல் ஆட்டத்தில் தோல்வியை சந்தித்துள்ளன.

    ஐதராபாத் அணி கொல்கத்தாவிடம் 6 விக்கெட் வித்தியாசத்திலும், ராஜஸ்தான், பஞ்சாப்பிடம் 14 ரன் வித்தியாசத்திலும் தோற்றன. முதல் வெற்றியை பெறும் ஆர்வத்தில் உள்ளன.

    வில்லியம்ஸ் தலைமையிலான ஐதராபாத் அணியில் வார்னர், மனிஷ்பாண்டே பேர்ஸ்டோவ், புவனேஸ்வர்குமார், விஜய் சங்கர், ரஷித்கான், கவுல், யூசுப் பதான் போன்ற வீரர்கள் உள்ளனர்.

    கொல்கத்தாவுக்கு எதிரான ஆட்டத்தின் போது கடைசி கட்டத்தில் ஐதராபாத்தின் பந்து வீச்சு மோசமாக இருந்தது.

    இதனால் பந்து வீச்சில் கூடுதல் கவனம் செலுத்த வேண்டியது அந்த அணிக்கு அவசியமாகும். சொந்த மண்ணில் விளையாடுவது ஐதராபாத்துக்கு கூடுதல் உத்வேகம்.

    ரகானே தலைமையிலான ராஜஸ்தான் ராயல்ஸ் அணியில் ஜோஸ்பட்சர், ஸ்டீபன் சுமித், பென் ஸ்டோக்ஸ், சாம்சன், ஆர்ச்சர், ஜெய்தேவ் உன்கட் குல்கர்னி போன்ற வீரர்கள் உள்ளனர்.

    அந்த அணி முதல் ஆட்டத்தில் வெற்றியை நோக்கி சென்ற போது ஜோஸ் பட்லர் (69), மன்கட் முறையில் ரன் அவுட் செய்யப்பட்டது. பின்னடைவாக அமைந்தது. அந்த சர்ச்சையில் இருந்து வெளியே வந்து முதல் வெற்றியை ருசிக்க ராஜஸ்தான் போராடும். #IPL2019 #SRHvRR
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    சன்ரைசர்ஸ் ஐதராபாத் அணிக்காக விளையாடி வரும் ஷிகர் தவான் டெல்லி டேர்டெவில்ஸ் அணிக்கு மாற உள்ளார். அவருக்கு மூன்று வீரர்களை விடுவிக்கிறது. #IPL2019
    ஐபிஎல் 2019 சீசனுக்கான ஆயத்த பணிகளை அணிகள் மேற்கொண்டு வருகிறது. வீரர்களை டிரான்ஸ்பர் செய்யும் வேலையில் ஈடுபட்டு வருகிறது. ராயல் சேலஞ்சர்ஸ் பெங்களூர் அணியில் இடம்பிடித்திருந்த விக்கெட் கீப்பர் குயிண்டான் டி காக் மும்பை அணிக்கு செல்ல இருக்கிறார். மந்தீப் சிங் கிங்ஸ் லெவன் பஞ்சாப் அணிக்கு செல்ல இருக்கிறார்.

    இந்நிலையில் சன்ரைசர்ஸ் ஐதராபாத் அணிக்காக 2013-ல் இருந்து விளையாடி வந்த ஷிகர் தவான் டெல்லி டேர்டெவில்ஸ் அணிக்கு செல்கிறார். இதற்காக டெல்லி டேர்டெவில்ஸ் அணி விஜய் ஷங்கர், அபிஷேக் ஷர்மா, ஷபாஸ் நதீம் ஆகியோரை சன்ரைசர்ஸ் ஐதராபாத் அணிக்கு கொடுக்கிறது.



    தவானை சன்ரைசர்ஸ் ஐதராபாத் அணி 5.2 கோடி ரூபாய்க்கு வாங்கியிருந்தது. அதேவேளையில் டெல்லி டேர்டெவில்ஸ் விஜய் ஷங்கர், நதீம் ஆகியோரை தலா 3.2 கோடி ரூபாய்க்கும், அபிஷேக்கை 50 லட்சம் ரூபாய்க்கும் வாங்கியிருந்தது.
    • Whatsapp
    • Telegram