என் மலர்

    நீங்கள் தேடியது "Schools Reopen"

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • பள்ளிகள் துவங்கும் நேரம், முடிவடையும் நேரம் குறித்து பள்ளி நிர்வாகமே முடிவெடுக்கலாம்.
    • பள்ளிகள் 8 பாடவேளைகள் கொண்டதாக செயல்பட வேண்டும்.

    தமிழகத்தில் கொரோனா தொற்று பரவல் காரணமாக நடப்பு கல்வி ஆண்டில் தாமதமாக இறுதி தேர்வுகள் நடைபெற்றதால் பள்ளிகளுக்கான விடுமுறை ஜூன் 12ந் தேதிவரை அறிக்கப்பட்டது.

    இன்றுடன் கோடை விடுமுறை முடிவடைவதால், நாளை முதல் பள்ளிகள் திறக்கப்படுகின்றன. இதையொட்டி அனைத்து பள்ளிகளிலும் தூய்மை பணிகள் மேற்கொள்ளப்பட்டன.

    இந்நிலையில் தமிழகத்தில் வெயில் வாட்டி வருவதால் பள்ளிகள் துவங்கும் நேரம் மற்றும் முடிவடையும் நேரம் குறித்து பள்ளி நிர்வாகமே முடிவெடுக்கலாம் என பள்ளி கல்வித்துறை அறிவித்துள்ளது.

    பள்ளி அமைவிடம், போக்குவரத்து வசதி போன்றவற்றை கருதி பள்ளி மேலாண்மை குழுவுடன் ஆலோசித்து முடிவெடுக்கலாம் என்றும், 8 பாடவேளைகள் கொண்டதாக வகுப்புகள் செயல்பட வேண்டும் என்றும் பள்ளி கல்வித்துறை தெரிவித்துள்ளது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    இந்த செய்தியை ஆடியோ வடிவில் கேட்க "Play" பட்டனை கிளிக் செய்யவும்
    • பள்ளிகளில் மாணவருக்கு நல்ல சுற்றுப்புறத்தை அளிக்க தூய்மையாக பள்ளிகளை பராமரிக்க வேண்டும்.
    • கட்டிடம் மற்றும் இருக்கைகள் பழுது பார்க்கப்பட்டு வண்ணம் தீட்டி நல்ல முறையில் இருக்க வேண்டும்.

    சென்னை:

    தலைமை செயலாளர் இறையன்பு அனைத்து மாவட்ட கலெக்டர்களுக்கும் எழுதி உள்ள கடிதத்தில் குறிப்பிட்டு இருப்பதாவது:-

    நீண்ட இடைவெளிக்குப் பிறகு வருகிற 13-ஆம் தேதி பள்ளிகள் திறப்பதால் பள்ளிகளில் தீவிர தூய்மை பணிகளை மேற்கொள்ள நடவடிக்கை மேற்கொள்ள வேண்டும்.

    பள்ளிகளில் மாணவருக்கு நல்ல சுற்றுப்புறத்தை அளிக்க தூய்மையாக பள்ளிகளை பராமரிக்க வேண்டும்

    வகுப்பறைகள் மற்றும் கரும்பலகைகள் தூய்மையாக இருக்க வேண்டும். கழிவறைகள் சுத்தமாக இருக்க வேண்டும். கதவுகள் சரி செய்யப்பட்டு இருக்க வேண்டும்.

    ஆய்வரங்குகளில் தேவையான பழுது பார்க்கும் பணியை மேற்கொண்டு ஆய்வகங்களை தூய்மையாக வைத்திருக்க வேண்டும்.

    கட்டிடம் மற்றும் இருக்கைகள் பழுது பார்க்கப்பட்டு வண்ணம் தீட்டி நல்ல முறையில் இருக்க வேண்டும்.

    கடந்த இரண்டு ஆண்டுகளாக குழந்தைகள் எந்தவித உடற்பயிற்சியும் இல்லாமல் இருந்து வருகின்றனர்.

    எனவே விளையாட்டு மைதானம் குழந்தைகள் விளையாடும் அளவுக்கு தயார் நிலையில் இருக்க வேண்டும்.

    குடிநீரில் சரியான அளவு குளோரின் கலந்து இருக்க வேண்டும்.

    பள்ளி கட்டிடம் மற்றும் மதிய உணவு கூடம் ஆகியவை தூய்மைபடுத்தப்பட்டு வெள்ளையடித்து இருக்க வேண்டும்.

    பெற்றோர் ஆசிரியர் சங்கத்துடன் இணைந்து இந்த பணிகளை தீவிரமாக மேற்கொள்ள வேண்டும்.

    தன்னார்வலர்கள் வந்தாலும் தூய்மை பணிக்கு சேர்த்துக் கொள்ளலாம். பள்ளி வளாகங்களை தூய்மைப்படுத்த நிதி வசூலிக்க கூடாது.

    பல தலைமை ஆசிரியர்கள் பள்ளிகளை தூய்மைப்படுத்தும் பணியை மிகவும் சிறப்பாக மேற்கொண்டு வருகிறார்கள் என்பது அறிந்ததே.

    பல தலைமை ஆசிரியர்கள் பள்ளிகளை தங்களின் வீடுகளை போன்று தூய்மையாக வைத்துக் கொள்கிறீர்கள்.

    இது போன்று சிறப்பாக செயல்படும் பள்ளி தலைமை ஆசிரியர்களுக்கு சுதந்திர தின விழாவில் விருதுகள் வழங்கப்படும்.

    இவ்வாறு அதில் தலைமை செயலாளர் இறையன்பு எழுதி உள்ளார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    மாணவர்கள் கொரோனா தடுப்பு விதிமுறைகளை முறையாக கடைபிடிக்க வேண்டும் என்று தலைமை ஆசிரியர்கள் அறிவுறுத்தியுள்ளனர்.
    விழுப்புரம்:

    தமிழகத்தில் கொரோனா நோய் தொற்று பரவல் அதிகரித்து காணப்பட்டதால் அதனை கட்டுப்படுத்தும் பொருட்டு தமிழகத்தில் முழு ஊரடங்கு உத்தரவு அமல்படுத்தப்பட்டது.

    இதில் ஒரு கட்டமாக பள்ளி, கல்லூரிகள், சுற்றுலாத்தலங்கள், வழிபாட்டுத் தலங்கள் என அனைத்தும் மூடப்பட்டிருந்தன.

    தற்போது தொற்று நோய் பரவலின் தாக்கம் படிப்படியாக குறைந்து வருவதால் அரசு பல்வேறு தளர்வுகளை அறிவித்து வருகிறது.

    இதைத்தொடர்ந்து தமிழக அரசு முதல் கட்டமாக 9 முதல் 12-ம் வகுப்பு வரை உள்ள மாணவர்களுக்கு சுழற்சி முறையில் பள்ளிகள் திறந்து நேரடி வகுப்புகள் தொடங்கப்பட்டன.

    இதனைத் தொடர்ந்து தமிழகத்தில் கடந்த 1-ந் தேதி முதல் 1 முதல் 8-ம் வகுப்பு வரை உள்ள மாணவர்களுக்கு பள்ளிகளில் சுழற்சி முறையில் நேரடி வகுப்புகள் தொடங்கப்படும் என அரசு அறிவித்திருந்தது.

    தீபாவளி பண்டிகை முன்பே மழையின் தாக்கம் காரணமாக பள்ளிகள் திறப்பதில் தாமதம் ஏற்பட்டு தொடர் விடுமுறை அளிக்கப்பட்டு வந்தது.

    இந்நிலையில் இன்று முதல் விழுப்புரம் மாவட்டத்தில் 1,145 தொடக்கப்பள்ளிகள், 267 நடுநிலைப் பள்ளிகள், 187 உயர்நிலைப்பள்ளிகள், 205 மேல்நிலைப் பள்ளிகள் என மொத்தம் 1,804 பள்ளிகள் இன்று முதல் திறக்கப்பட்டன.

    மாணவர்கள் ஆர்வத்துடன் இன்று காலை பள்ளிக்கு வந்தனர். அவர்களை ஆசிரியர்கள் வரவேற்றனர். மாணவர்கள் கொரோனா தடுப்பு விதிமுறைகளை முறையாக கடைபிடிக்க வேண்டும் என்று தலைமை ஆசிரியர்கள் அறிவுறுத்தியுள்ளனர்.

    இந்த நிலையில் விழுப்புரம் மாவட்டத்தில் 1 முதல் 8-ம் வகுப்புவரை படிக்கும் பள்ளி மாணவ-மாணவிகளுக்கு 19 மாதங்களுக்கு பிறகு பள்ளிகள் திறக்கப்பட்டுள்ளதால் மாணவர்கள் இன்று உற்சாகமாக பள்ளிக்கு சென்றதை காண முடிந்தது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    கடலூர் மற்றும் அதன் சுற்று வட்டார பகுதியில் இன்று காலையும் பரவலாக மழை பெய்ததால் பெரும்பாலான பள்ளிகளில் மாணவர்களின் வருகை குறைவாகவே இருந்தது.
    கடலூர்:

    தமிழகத்தில் கொரோனா நோய் தொற்று பரவல் அதிகரித்து காணப்பட்டதால் அதனை கட்டுப்படுத்தும் பொருட்டு தமிழகத்தில் முழு ஊரடங்கு உத்தரவு அமல்படுத்தப்பட்டது.

    இதில் ஒரு கட்டமாக பள்ளி, கல்லூரிகள், சுற்றுலாத்தலங்கள், வழிபாட்டுத் தலங்கள் என அனைத்தும் மூடப்பட்டிருந்தன.

    தற்போது தொற்று நோய் பரவலின் தாக்கம் படிப்படியாக குறைந்து வருவதால் அரசு பல்வேறு தளர்வுகளை அறிவித்து வருகிறது.

    இதைத்தொடர்ந்து தமிழக அரசு முதல் கட்டமாக 9 முதல் 12-ம் வகுப்பு வரை உள்ள மாணவர்களுக்கு சுழற்சி முறையில் பள்ளிகள் திறந்து நேரடி வகுப்புகள் தொடங்கப்பட்டன.

    இதனைத் தொடர்ந்து தமிழகத்தில் கடந்த 1-ந் தேதி முதல் 1 முதல் 8-ம் வகுப்பு வரை உள்ள மாணவர்களுக்கு பள்ளிகளில் சுழற்சி முறையில் நேரடி வகுப்புகள் தொடங்கப்படும் என அரசு அறிவித்திருந்தது.

    அதன்படி கடலூர் மாவட்டத்திலுள்ள அனைத்து அரசு பள்ளி அரசு உதவி பெறும் பள்ளி தனியார் பள்ளி சி.பி.எஸ்.இ. பள்ளி என மாவட்டம் முழுவதும் உள்ள 2,200 பள்ளிகளும் தயார் நிலையில் இருந்தன.

    இந்த நிலையில் கடந்த மாதம் (அக்டோபர்) 30-ந் தேதி முதல் கடலூர் மாவட்டத்தில் பல்வேறு பகுதிகளிலும் பெய்த தொடர் மழையின் காரணமாகவும், தீபாவளி பண்டிகையை முன்னிட்டும் பள்ளிகளுக்கு விடுமுறை அளிக்கப்பட்டு இருந்தது.

    தீபாவளி பண்டிகை முடிந்தும் மழையின் தாக்கம் குறையாததால் பள்ளிகள் திறப்பதில் தாமதம் ஏற்பட்டு தொடர் விடுமுறை அளிக்கப்பட்டு வந்தது.

    இந்த நிலையில் இன்று முதல் கடலூர் மாவட்டத்தில் உள்ள 2,200 பள்ளிகளும் திறக்கப்படும் என்று மாவட்ட நிர்வாகம் சார்பில் அறிவிக்கப்பட்டது.

    இதைத்தொடர்ந்து பள்ளிகளில் கிருமிநாசினி தெளித்து தூய்மைப்படுத்தும் பணிகள் தீவிரமாக நடைபெற்றன. இன்று காலை பள்ளிகள் அனைத்தும் திறக்கப்பட்டன. மாணவர்கள் உற்சாகமாக பள்ளிக்கு சென்றனர். 19 மாதங்கள் கழித்து பள்ளிக்கு வரும் மாணவர்களை ஆசிரியர்கள் பள்ளியின் நுழைவு வாயிலில் நின்று வரவேற்றனர்.

    கடலூர் மற்றும் அதன் சுற்று வட்டார பகுதியில் இன்று காலையும் பரவலாக மழை பெய்ததால் பெரும்பாலான பள்ளிகளில் மாணவர்களின் வருகை குறைவாகவே இருந்தது.

    பள்ளிக்கு வரும் மாணவர்கள் அனைவரும் முக கவசம் அணிந்து சமூக இடைவெளியை பின்பற்றப்பட வேண்டும் அறிவிக்கப்பட்டுள்ளது. மாணவர்கள் அவர்களது உணவு மற்றும் குடிநீரை மற்ற மாணவர்களுடன் பகிர்ந்து கொள்ள கூடாது எனவும், மேலும் பள்ளியில் பணியாற்றும் ஆசிரியர்கள் கட்டாயம் கொரோனா தடுப்பூசி செலுத்தி இருக்க வேண்டும் என அறிவுறுத்தப்பட்டுள்ளது.


    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    சென்னையில் மழை பாதிப்புக்கு இடையே பள்ளிகள் இன்று திறக்கப்பட்டதால் குழந்தைகளை பெற்றோர்கள் பாதுகாப்பாக அழைத்து சென்றனர்.
    சென்னை:

    தமிழகத்தில் 1 முதல் 8-ம் வகுப்பு வரை உள்ள மாணவர்களுக்கு கடந்த 1-ந்தேதி பள்ளிகள் திறக்கப்பட்டாலும் கனமழை காரணமாக பல மாவட்டங்களில் பள்ளிகள் செயல்படவில்லை.

    சென்னை, காஞ்சிபுரம், திருவள்ளூர், செங்கல்பட்டு மாவட்டங்களில் தொடர் மழை காரணமாக 2-ந்தேதி முதல் பள்ளிகளுக்கு விடுமுறை அளிக்கப்பட்டது. தொடர்ந்து வந்த தீபாவளி பண்டிகையால் பள்ளிகள் திறக்கப்படவில்லை.

    தீபாவளிக்கு பின்னர் வெளுத்து வாங்கிய கன மழை சென்னை மற்றும் புறநகர் பகுதிகளை கடுமையாக பாதித்தது. இதனால் பள்ளிகள் திறப்பதில் தாமதம் ஏற்பட்டது.

    இந்த நிலையில் மழை குறைந்து படிப்படியாக இயல்பு நிலை திரும்பியதையடுத்து இன்று அனைத்து பள்ளிகளும் திறக்கப்பட்டன.

    மழைநீர் சூழ்ந்த பள்ளிகள் மற்றும் நிவாரண முகாம்களாக செயல்படுகின்ற பள்ளிகள் தவிர மற்ற பள்ளிகளை திறக்கலாம் என்று அரசு உத்தரவிட்டுள்ளது.

    இதையடுத்து சென்னையில் இன்று அனைத்து பள்ளிகளும் திறக்கப்பட்டன. 1 முதல் 8-ம் வகுப்பு வரையுள்ள மாணவ-மாணவிகள் சுழற்சி முறையில் வகுப்புகளுக்கு சென்றார்கள்.

    சென்னையில் பெரும்பாலான இடங்களில் மழை நீர் தேங்கி சேறும் சகதியுமாக இருப்பதால் பள்ளி வாகனங்கள் இயக்கப்படவில்லை. அதனால் பெற்றோர்களே தங்கள் குழந்தைகளை பள்ளிகளுக்கு அழைத்து சென்றனர்.

    சென்னையில் அரசு, உதவி பெறும் பள்ளி மற்றும் மாநகராட்சி, தனியார் மெட்ரிக்குலே‌ஷன், சி.பி.எஸ்.இ. பள்ளிகள் என 1,447 பள்ளிகள் செயல்படுகின்றன. இந்த பள்ளிகளில் எம்.கே.பி. நகர் மற்றும் சைதாப்பேட்டையில் செயல்படும் அரசு பள்ளிகள் மற்றும் 42 மாநகராட்சி பள்ளிகள் உள்ளிட்ட மொத்தம் 44 பள்ளிகளில் மழையால் பாதிக்கப்பட்ட மக்கள் தங்க வைக்கப்பட்டுள்ளனர்.

    இதனால் அந்த பள்ளிக்கூடங்கள் இன்று திறக்கப்படவில்லை. மற்ற அனைத்து பள்ளிகளும் திறக்கப்பட்டு இருப்பதாக சென்னை மாவட்ட முதன்மை கல்வி அதிகாரி மார்ஸ் தெரிவித்தார்.

    பள்ளிகளில் மழை நீர் தேங்கி இருந்தால் அந்த பள்ளிக்கு தலைமை ஆசிரியரே விடுமுறை அளிக்கும் அதிகாரம் வழங்கப்பட்டுள்ளது. 44 பள்ளிகள் தவிர அனைத்து பள்ளிகளும் இன்று செயல்படுகின்றன.

    இவ்வாறு அவர் கூறினார்.

    சென்னையில் மழை பாதிப்புக்கு இடையே பள்ளிகள் இன்று திறக்கப்பட்டதால் குழந்தைகளை பெற்றோர்கள் பாதுகாப்பாக அழைத்து சென்றனர். ஒரு சில பள்ளிகளில் மதியம் வரை வகுப்பும், சில பள்ளிகளில் பிற்பகல் 3 மணி வரை வகுப்புகளும் நடத்தப்படுகிறது.

    மாணவர்கள் சமூக இடைவெளியுடன் முகக்கவசம் அணிந்து வகுப்பில் அமர்ந்தனர். சளி, இருமல் போன்றவை காணப்பட்டால் அவர்கள் வீடுகளிலேயே இருக்குமாறு அறிவுறுத்தப்பட்டுள்ளது.

    கடந்த 1-ந்தேதி பள்ளிகள் திறக்கப்பட்டாலும் இன்று தான் பெரும்பாலான பள்ளிகள் முழு அளவில் செயல்படுகின்றன.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    புதுவையில் 1 முதல் 8 வரை இப்போதைக்கு பள்ளிகள் திறப்பு இல்லை என்றும், 9 முதல் 12-ம் வகுப்பு வரை வழக்கம் போல் செயல்படும் என்று அறிவிக்கப்பட்டுள்ளது.
    புதுச்சேரி:

    புதுச்சேரி மாநிலத்தில் கொரோனா தொற்று பரவல் காரணமாக பள்ளிகள் மூடப்பட்ட நிலையில் ஆன்லைனில் வகுப்புகள் நடந்து வந்தன. இந்தநிலையில் தொற்று பாதிப்பு குறைந்ததையடுத்து முதல்கட்டமாக 9 முதல் 12-ம் வகுப்பு வரை பள்ளிகள் திறக்கப்பட்டு மாணவர்களுக்கு சுழற்சி முறையில் நேரடி வகுப்புகள் நடந்து வந்தன.

    இதையடுத்து தீபாவளி உள்ளிட்ட பண்டிகை விடுமுறைகள் முடிந்ததும் 1-ம் வகுப்பு முதல் 8-ம் வகுப்பு வரை கடந்த வாரம் பள்ளிகள் திறக்கப்படும் என அறிவிக்கப்பட்டு இருந்தது.

    ஆனால் கனமழை காரணமாக கடந்த 8-ந் தேதி முதல் 11-ந் தேதி வரை 4 நாட்கள் விடுமுறை விடப்பட்டது. இதனால் ஏற்கனவே அறிவித்திருந்தபடி இந்த வகுப்புகள் தொடங்குவதில் தாமதம் ஆனது. தற்போது இன்றும், நாளையும் (வெள்ளி, சனிக்கிழமை) பள்ளிகளுக்கு விடுமுறை என சமூக வலைதளங்களில் தகவல் பரவியது.

    இதனால் மாணவர்கள் மற்றும் பெற்றோர்கள் இடையே மீண்டும் பள்ளிகள் தொடங்குவது எப்போது? என்பதில் குழப்பம் ஏற்பட்டது. இதுகுறித்து பள்ளிக்கல்வித்துறை இயக்குனர் ருத்ரகவுடுவிடம் கேட்டபோது, சமூக வலைதளத்தில் வைரலான தகவலை மறுத்தார்.

    மேலும் அவர் கூறுகையில், இன்று (வெள்ளிக்கிழமை) முதல் வழக்கம்போல் 9 முதல் 12-ம் வகுப்பு வரையிலான மாணவர்களுக்கு பள்ளிகள் திறக்கப்பட்டு நேரடியாக பாடங்கள் நடத்தப்படும்.

    மழையின் காரணமாக 1 முதல் 8-ம் வகுப்பு வரை மறு அறிவிப்பு வரும் வரை பள்ளிகள் திறக்கப்படுவது இப்போதைக்கு தள்ளி வைக்கப்படுகிறது. இந்த வகுப்புகளில் படிக்கும் மாணவர்களுக்கு எப்போதும் போல் ஆன்லைன் மூலம் வகுப்புகள் நடைபெறும் என்றார்.


    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    பயிற்சி நிறுவனங்களில் 100 சதவீத இருக்கையுடன் செயல்பட ஆசிரியர் மற்றும் ஊழியர்கள் கொரோனா தடுப்பூசி கட்டாயம் செலுத்தி இருக்க வேண்டும் என்று கூறப்பட்டுள்ளது.
    ஜெய்ப்பூர்:

    நாடு முழுவதும் கொரோனா தொற்று பரவல் காரணமாக பள்ளி, கல்லூரிகள் இயங்க தடை விதிக்கப்பட்டன. கொரோனாவின் முதல் அலை, இரண்டாம் அலை என நீடித்ததால் கடந்த ஒன்றரை ஆண்டுகளாக பள்ளிகள் திறக்கப்படாமல்  இருந்தன. இதனால் பெரும்பாலான பள்ளிகளில் ஆன்லைன் வகுப்புகளே நடத்தப்பட்டு வந்தன.

    இந்நிலையில், கடந்த சில மாதங்களாக கொரோனா தொற்று பரவலின் எண்ணிக்கை குறைந்து வருவதால், பல்வேறு மாநிலங்களில் 50 சதவீத இருக்கையுடன் பள்ளிகளை திறக்க அனுமதி அளிக்கப்பட்ட நிலையில்,  1-ம் வகுப்பு முதல் 12-ம் வகுப்பு வரையிலான பள்ளிகள், கல்லூரிகள், பல்கலைக்கழகங்களில் வகுப்பறை செயல்பாடுகள் 100 சதவீத திறனுடன் நடைபெறலாம் என்று நேற்று உள்துறை அமைச்சகம் தெரிவித்தது.

    இதையடுத்து, ராஜஸ்தான் மாநிலத்தில் வரும் 15-ம் தேதி முதல் 100 சதவீத இருக்கைகளுடன் பள்ளி, கல்லூரி, பல்கலைக்கழகங்கள், பயிற்சி நிறுவனங்கள் இயங்க அனுமதி அளித்து அம்மாநில அரசு உத்தரவிட்டுள்ளது.

    மேலும், பயிற்சி நிறுவனங்களில் 100 சதவீத இருக்கையுடன் செயல்பட ஆசிரியர் மற்றும் ஊழியர்கள் கொரோனா தடுப்பூசி கட்டாயம் செலுத்தி இருக்க வேண்டும் என்று கூறப்பட்டுள்ளது.

    ஏற்கனவே ராஜஸ்தானில் 50 சதவீத இருக்கையுடன் பள்ளி, கல்லூரிகள் இயங்கி வருவது குறிப்பிடத்தக்கது.
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    கேரளாவில் அரசு மற்றும் அரசு உதவி பெறும் பள்ளிகளில் படிக்கும் 8 வகுப்பு மாணவர்களுக்கு நாளை மறுநாள் வகுப்புகளை தொடங்க அரசு முடிவு செய்துள்ளது.
    திருவனந்தபுரம்:

    நாடு முழுவதும் கடந்த ஆண்டு கொரோனா 2-வது அலை தீவிரமாக பரவியது. இதனால் ஏராளமானோர் பாதிக்கப்பட்டனர். கேரள மாநிலத்தில் பாதிப்பு மிக அதிக அளவில் இருந்தது. இதனால் அரசு மற்றும் தனியார் பள்ளிகள் மூடப்பட்டது. மேலும் பல்வேறு கட்டுப்பாடுகள் விதிக்கப்பட்டது.

    கொரோனாவை கட்டுப்படுத்த மாநில சுகாதாரத்துறையினர் தீவிர நடவடிக்கையில் ஈடுபட்டனர். இதன் காரணமாக கொரோனா பரவல் குறைந்துள்ளது. இதையடுத்து கேரளாவில் கொரோனா பாதுகாப்பு விதிகளுடன் பள்ளிகள் திறக்க மாநில அரசு முடிவு செய்தது. பள்ளிகளில் கிருமி நாசினி தெளிக்கப்பட்டு சுத்தம் செய்யப்பட்டது.

    மேலும் மாணவர்கள் குறிப்பிட்ட இடைவெளியில் அமர ஏற்பாடு செய்யப்பட்டது. இதையடுத்து கடந்த 1-ந்தேதி முதல் 1-ம் வகுப்பு முதல் 7-ம் வகுப்பு வரையிலும், 10 மற்றும் 12-ம் வகுப்புகளுக்கு பள்ளிகள் திறக்கப்பட்டு மாணவர்களுக்கு பாடம் நடத்தப்பட்டு வருகிறது.

    மாணவர்கள்

    ஆனால் 8,9 மற்றும் 11-ம் வகுப்பு மாணவர்களுக்கு மட்டும் பள்ளிகள் திறக்கப்படவில்லை.

    இந்த நிலையில் மத்திய கல்வி அமைச்சகம் நடத்திய சர்வேயின் அடிப்படையில் அனைத்து பள்ளிகளையும் திறக்க முடிவு செய்யப்பட்டது. இதையடுத்து நாளை மறுநாள் (8-ந்தேதி) முதல் அரசு மற்றும் அரசு உதவி பெறும் பள்ளிகளில் படிக்கும் 8 வகுப்பு மாணவர்களுக்கு வகுப்புகளை தொடங்க அரசு முடிவு செய்துள்ளது. 9 மற்றும் 11 ம் வகுப்புகளுக்கு வருகிற 15-ந்தேதி பள்ளிகள் திறக்கப்பட உள்ளது.

    இதற்கான ஏற்பாடுகளை மாநில கல்வித்துறை அதிகாரிகள் மற்றும் சுகாதார பணியாளர்கள் செய்து வருகிறார்கள்.


    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    நீண்ட நாட்களுக்கு பிறகு மாணவ-மாணவிகள் பள்ளிகளுக்கு வந்ததால் முதல் 15 நாட்களுக்கு கதை, பாடல், விளையாட்டு, ஓவியம் வரைந்து வர்ணம் தீட்டுதல், கலந்துரையாடல் போன்ற பல்வேறு மனமகிழ்ச்சி தரும் நிகழ்ச்சிகள் நடத்தப்படுகின்றன.
    சென்னை:

    தமிழகத்தில் 19 மாதங்களுக்கு பிறகு இன்று (திங்கட்கிழமை) 1-ம் வகுப்பு முதல் 8-ம் வகுப்பு வரை பள்ளிக்கூடங்கள் முழுமையாக திறக்கப்பட்டன.

    சுமார் 1½ ஆண்டுகாலத்துக்கு பிறகு மாணவ-மாணவிகள் பள்ளிக்கூடங்களுக்கு வருகை தந்ததால் அவர்களை உற்சாகப்படுத்தும் வகையில் முதல்- அமைச்சர் மு.க.ஸ்டாலின் சென்னை கிண்டி மடுவங்கரையில் உள்ள மாநகராட்சி பள்ளிக்கூடத்துக்கு இன்று காலை நேரில் சென்றார்.

    அவரை பள்ளிக்கூட வாசலில் தலைமை ஆசிரியர் மற்றும் ஆசிரியர்கள் வரவேற்றனர்.

    பள்ளிக்கு வந்திருந்த மாணவ- மாணவிகளுக்கு முதல்- அமைச்சர் மு.க.ஸ்டாலின் இனிப்பு, பூங்கொத்து கொடுத்து, வாழ்த்து தெரிவித்து உற்சாகமாக வரவேற்றார்.

    பள்ளிக்கூடத்துக்கு முதல்- அமைச்சர் மு.க.ஸ்டாலின் நேரில் வந்ததை பார்த்த மாணவ-மாணவிகள் அளவில்லா மகிழ்ச்சியுடன் காணப்பட்டனர்.

    மு.க.ஸ்டாலினை பார்த்து “வணக்கம், முதல்-அமைச்சருக்கு எங்களது வணக்கம்” என்று மாணவ-மாணவிகள் இருகை கூப்பி வணங்கினார்கள். பதிலுக்கு மு.க.ஸ்டாலினும் மாணவ- மாணவிகளுக்கு வணக்கம் தெரிவித்தப்படியே வந்தார்.

    “நீண்ட நாட்களுக்கு பிறகு பள்ளிக்கூடத்துக்கு நீங்கள் வருகை தந்துள்ளதால் உங்களை வரவேற்பதில் நான் மிகவும் மகிழ்ச்சி அடைகிறேன்” என்று மாணவ-மாணவிகளுடன் முதல்-அமைச்சர் கலந்துரையாடினார்.

    மாணவ-மாணவிகளும் முதல்-அமைச்சரிடம் சகஜமாக பேசினார்கள். அப்போது மாணவர்களுக்கு நோட்டு, புத்தகங்களையும் வழங்கினார். பள்ளிக்கூடத்தில் இருந்த ஒவ்வொரு வகுப்பறைக்கும் மு.க.ஸ்டாலின் சென்று பார்வையிட்டு ஆய்வு செய்தார்.

    சுமார் 10 நிமிட நேரம் மாணவ-மாணவிகளுடன் மகிழ்ச்சியுடன் பேசிக்கொண்டு இருந்தார். அதன் பிறகு அங்கிருந்து புறப்பட்டு சென்றார்.

    இதே போல் தமிழகம் முழுவதும் அமைச்சர்கள், எம்.பி.க்கள், எம்.எல்.ஏ.க்கள், உள்ளாட்சி அமைப்பு பிரதிநிதிகள் உள்பட முக்கிய பிரமுகர்கள் பள்ளிக்கூடங்களுக்கு நேரில் சென்று மாணவ- மாணவிகளுக்கு பிஸ்கெட் பாக்கெட், இனிப்புகள், பேனா, பென்சில், மலர்கொத்து கொடுத்து வரவேற்றனர்.

    அமைச்சர் மா. சுப்பிரமணியன்

    சென்னை சைதாப்பேட்டை மாந்தோப்பில் உள்ள பெண்கள் மேல்நிலைப்பள்ளி வளாகத்தில் உள்ள பள்ளிக்கூடத்துக்கு சுகாதாரத்துறை அமைச்சர் மா. சுப்பிரமணியன் சென்று 1,650 மாணவ- மாணவிகளுக்கு இனிப்புகள், பேனா, பென்சில், மலர் கொத்துக்கள் கொடுத்து வாழ்த்து தெரிவித்தார். வகுப்பறையில் மாணவ- மாணவிகளுடன் அமர்ந்து அமைச்சர் மா.சுப்பிரமணியன் கலந்துரையாடினார்.

    மாணவர்களின் மன சோர்வை போக்கும் விதமாக அவர்களுடன் சகஜமாக பேசினார்.

    இதே போல் அறநிலையத்துறை அமைச்சர் பி.கே.சேகர் பாபு சென்ட்ரல் ரெயில் நிலையம் அருகே வால்டாக்ஸ் சாலையில் உள்ள அரசு மேல்நிலைப் பள்ளிக்கு சென்று அங்குள்ள மாணவ- மாணவிகளுக்கு இனிப்பு, பூங்கொத்து கொடுத்து வரவேற்றார்.

    பால்வளத்துறை அமைச்சர் சா.மு.நாசர் ஆவடி டி.எஸ்.பி. அலுவலகம் பின்புறம் உள்ள நகராட்சி மேல்நிலைப் பள்ளிக்கு சென்று மாணவ- மாணவிகளை வாழ்த்தி வரவேற்றார். அங்குள்ள காமராஜர் நகர் நகராட்சி நடுநிலைப் பள்ளிக்கும், அரசு உயர்நிலை பள்ளிக்கும் சென்று மலர் கொத்து, இனிப்புகள் கொடுத்து வரவேற்றார்.

    ஊரக தொழில்துறை அமைச்சர் தா.மோ. அன்பரசன் குன்றத்தூரில் உள்ள கலப்பு பள்ளியில் மாணவ-மாணவிகளுக்கு பூங்கொத்து, கடலைமிட்டாய், சீருடைகள் மற்றும் புத்தகங்கள் கொடுத்து இன்முகத்துடன் வரவேற்றார்.

    பல்லாவரம் எம்.எல்.ஏ. இ.கருணாநிதி பல்லாவரம் மறைமலை அடிகளார் அரசினர் மேல்நிலைப் பள்ளிக்கு சென்று மாணவ- மாணவிகளுக்கு இனிப்பு, பூங்கொத்து, பேனா, பென்சில் வழங்கி இன்முகத்துடன் வாழ்த்து தெரிவித்து வரவேற்றார்.

    தாம்பரம் எம்.எல்.ஏ. எஸ்.ஆர்.ராஜா தாம்பரம் நகராட்சி நடுநிலைப் பள்ளிக்கு சென்று மாணவ- மாணவிகளை வரவேற்றார்.

    செங்கல்பட்டு எம்.எல்.ஏ. வரலட்சுமி மதுசூதனன் சிங்கபெருமாள் கோவில் ஆரம்ப பள்ளிக்கும், கூடுவாஞ்சேரி மற்றும் ஓட்டேரி அரசு பள்ளிக்கூடத்துக்கும் சென்று மாணவ- மாணவிகளை உற்சாகத்துடன் வரவேற்றார். அங்குள்ள மாணவ-மாணவிகளுக்கு இனிப்பு, மலர்கொத்து, பேனா, பென்சில்கள் வழங்கினார்.

    அம்பத்தூர் எம்.எல்.ஏ. ஜோசப் சாமுவேல் அத்திப்பட்டு வானகரம் ரோட்டில் உள்ள அம்பத்தூர் நகராட்சி ஆரம்ப பள்ளிக்கு சென்று மாணவ- மாணவிகளை வரவேற்று இனிப்புகள் வழங்கினார்.

    விருகம்பாக்கம் எம்.எல்.ஏ. ஏ.எம்.வி.பிரபாகராஜா கோயம்பேடு அரசு மேல்நிலைப்பள்ளி மற்றும் விருகம்பாக்கம் அரசு மேல்நிலைப்பள்ளிக்கு சென்று மாணவ-மாணவிகளை வரவேற்றார். அங்குள்ள மாணவ-மாணவிகளுக்கு பிஸ்கெட் பாக்கெட், பேனா, பென்சில் வழங்கினார்.

    தியாகராயநகர் எம்.எல்.ஏ. ஜெ.கருணாநிதி கோடம்பாக்கம் ரெங்கராஜபுரம் மாநகராட்சி உயர்நிலை பள்ளிக்கு சென்று மாணவ- மாணவிகளை வரவேற்றார். மாதவரம் சுதர்சனம் எம்.எல்.ஏ. புழல் ஒன்றியம் அழிஞ்சிவாக்கம் ஊராட்சி ஒன்றிய நடுநிலைப்பள்ளிக்கு சென்று மாணவ-மாணவிகளை வரவேற்றார்.

    இதேபோல் அந்தந்த தொகுதி எம்.பி.க்கள், எம்.எல்.ஏ.க்கள் மற்றும் அமைச்சர்கள் பள்ளிக்கூடங்களுக்கு சென்று மாணவ- மாணவிகளை வரவேற்றனர்.

    நீண்ட நாட்களுக்கு பிறகு மாணவ-மாணவிகள் பள்ளிகளுக்கு வந்ததால் முதல் 15 நாட்களுக்கு கதை, பாடல், விளையாட்டு, ஓவியம் வரைந்து வர்ணம் தீட்டுதல், கலந்துரையாடல் போன்ற பல்வேறு மனமகிழ்ச்சி தரும் நிகழ்ச்சிகள் நடத்தப்படுகின்றன.

    15 நாட்களுக்கு முக்கியமான கருத்துக்களை உள்ளடக்கிய புத்தாக்க பயிற்சிகளை மாணவ- மாணவிகளுக்கு சொல்லி கொடுக்க உள்ளனர். இவற்றை செயல்படுத்திய பிறகு முறையாக பாடத்திட்டத்தை தொடங்க உள்ளனர்.

    மாணவ-மாணவிகள் முககவசம் அணிந்து தனி நபர் இடைவெளியை கடைபிடித்து வகுப்பறையில் அமரவும் தேவையான ஏற்பாடுகள் செய்யப்பட்டு இருந்தது.


    ×