என் மலர்

    நீங்கள் தேடியது "PM Modi"

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • மத்திய அமைச்சர்கள், திரையுலகினர் தேசிய கொடி ஏற்றினர்.
    • பல்வேறு பகுதிகளில் பொதுமக்களும் வீடுகளில் தேசிய கொடி ஏற்றினர்.

    நாட்டின் 75வது சுதந்திர தினக் கொண்டாட்டத்தையொட்டி இல்லம் தோறும் மூவண்ணக் கொடி ஏற்றும் ஹர் கர் திரங்கா இயக்கத்தை பிரதமர் மோடி அறிவித்தார்.

    இதையடுத்து மத்திய அமைச்சர்கள், நடிகர்கள் ரஜினிகாந்த், மோகன்லால், விஜய் உள்பட பிரபலங்கள் தங்களது வீடுகளில் தேசிய கொடியை ஏற்றினர்.

    மேலும் பொதுமக்களும் தங்கள் வீடுகளில் தேசியக்கொடியை ஏற்றி வருகின்றனர். இது குறித்து பிரதமர் மோடி மகிழ்ச்சி தெரிவித்துள்ளார்.

    இல்லம் தோறும் மூவண்ணக்கொடி இயக்கத்திற்கு கிடைத்த அற்புதமான பதிலில் நான் மிகுந்த மகிழ்ச்சியும் பெருமையும் அடைகிறேன் என்று அவர் கூறியுள்ளார்.

    இந்த இயக்கத்தில் பல்வேறு தரப்பு மக்களின் சாதனைப் பங்கேற்பைப் பார்க்கிறோம். விடுதலை அமிர்தப் பெருவிழாவை குறிக்க இது ஒரு சிறந்த வழியாகும். மூவண்ணக் கொடியுடன் உங்கள் புகைப்படத்தையும் hargartiranga.com என்ற இணையதளத்தில் பகிரவும் என்றும் தமது டுவிட்டர் பக்கத்தில் பிரதமர் குறிப்பிட்டுள்ளார்

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • சர்வதேச அரங்கில் மிகச் சிறப்பாக இந்திய வீரர்கள் செயல்பட்டிருப்பது மகிழ்ச்சி அளிக்கிறது.
    • விளையாட்டுக்களில் வெற்றிக்கான புதிய வழிமுறையை இந்தியா கண்டறிந்துள்ளது.

    இங்கிலாந்தில் நடைபெற்ற காமன்வெல்த் விளையாட்டில் பங்கேற்ற இந்திய அணியினர், பிரதமர் மோடியை இன்று சந்தித்தனர். அவரை வரவேற்ற பிரதமர், காமன்வெல்த் விளையாட்டில் இந்திய வீரர், வீராங்கணைகளின் சாதனைகள் மிகுந்த பெருமிதம் அளிப்பதாக தெரிவித்தார். அப்போது அவர் கூறியதாவது:

    நீங்கள் அனைவரும் பர்மிங்ஹம் போட்டியில் பங்கேற்றிருந்தபோது, இந்தியாவில் உள்ள கோடிக்கணக்கானோர் நள்ளிரவிலும் கண் விழித்திருந்து, உங்களது ஒவ்வொரு செயல்பாட்டையும் பார்த்துக் கொண்டிருந்தனர்.

    இந்திய அணியினரை வழியனுப்பியபோது தாம் வாக்குறுதி அளித்தபடி, இன்றைய தினம் வெற்றியைக் கொண்டாடிக் கொண்டிருக்கிறோம். 

    பல போட்டிகளில் நூல்இழையில் பதக்க வாய்ப்பை நழுவ விட்டோம். பதக்க எண்ணிக்கை என்பது செயல் திறனை முழுமையாக பிரதிபலிக்காது. முந்தைய போட்டியுடன் ஒப்பிடுகையில், 4 புதிய விளையாட்டுகளில், வெற்றிக்கான புதிய வழிமுறையை இந்தியா கண்டறிந்துள்ளது.

    லான் பவுல் முதல் தடகளம் வரை, நமது வீரர்கள் அற்புதமாக விளையாடியுள்ளனர். இந்த செயல்பாடு மூலம், இதுபோன்ற புதிய விளையாட்டுக்களில் ஈடுபாடு காட்டும் சூழல், இந்தியாவில் பெருமளவு அதிகரிக்கும்.

    குத்துச்சண்டை, ஜுடோ, மல்யுத்தப் போட்டிகளில் முதன்முறையாக களமிறங்கிய வீரர்கள் 31 பதக்கங்களை வென்றிருப்பது, இளைஞர்களிடையே நம்பிக்கை அதிகரித்து வருவதைப் பிரதிபலிக்கிறது.

    ஒன்றுபட்ட பாரதம் உன்னத பாரதம் என்பதற்கு நமது விளையாட்டு வீரர்கள் வலிமையூட்டியுள்ளனர். விளையாட்டு மட்டுமின்றி பிற துறைகளிலும் சாதனை படைக்க வேண்டுமென்ற உணர்வை, இந்திய இளைஞர்களிடையே விளையாட்டு வீரர்கள் ஏற்படுத்தி இருக்கின்றனர்.

    கேலோ இந்தியா விளையாட்டு மூலம் தங்களது திறமையை வெளிப்படுத்திய வீரர்கள், தற்போது சர்வதேச அரங்கில் மிகச் சிறப்பாக செயல்பட்டிருப்பது மகிழ்ச்சி அளிக்கிறது.

    புதிய திறமைசாலிகளை அடையாளங்கண்டு, அவர்கள் பதக்கம் வெல்வதற்கான பணிகளை மேற்கொள்ள வேண்டியது அவசியம்.

    உலகிலேயே மிகச்சிறந்த, அனைத்தையும் உள்ளடக்கிய, பன்முகத்தன்மை மற்றும் ஆற்றல்மிக்க விளையாட்டுச் சூழலை உருவாக்கும் பொறுப்பு நமக்கு உள்ளது. திறமையுள்ள யாரையும் விட்டுவிடக் கூடாது.

    அடுத்து வரவிருக்கும் ஆசிய விளையாட்டுப் போட்டி மற்றும் ஒலிம்பிக் போட்டிகளிலும் சிறப்பான ஆட்டத்தை வெளிப்படுத்த வீரர்கள் ஆயத்தமாக வேண்டும். இவ்வாறு அவர் தெரிவித்தார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • காமன்வெலத் விளையாட்டு போட்டியில் பங்கேற்ற வீரர், வீராங்கனைகள் பிரதமர் மோடியை இன்று சந்தித்தனர்.
    • தனது வீட்டுக்கு வரழைத்து காமன்வெலத் வீரர், வீராங்கனைகளை அவர் பாராட்டினார்.

    புதுடெல்லி:

    22-வது காமன்வெலத் விளையாட்டு போட்டி இங்கிலாந்தில் உள்ள பர்மிங்காமில் சமீபத்தில் நடந்து முடிந்தது.

    இதில் 208 இந்திய வீரர், வீராங்கனைகள் 16 வகையான விளையாட்டுகளில் பங்கேற்றனர். பதக்க பட்டியலில் இந்தியா 4-வது இடத்தை பிடித்தது. இந்தியாவுக்கு 22 தங்கம், 16 வெள்ளி, 23 வெண்கலம் ஆக மொத்தம் 61 பதக்கம் கிடைத்தது.

    மல்யுத்தத்தில் தான் அதிகபட்சமாக 6 தங்கம் உள்பட 12 பதக்கமும், பளு தூக்குதலில் 3 தங்கம் உள்பட 10 பதக்கமும் கிடைத்தது. தமிழக டேபிள் டென்னிஸ் வீரர் சரத்கமல் 3 தங்கம் உள்பட 4 பதக்கம் பெற்று முத்திரை பதித்தார். அவர் ஒற்றையர், கலப்பு இரட்டையர், அணிகள் பிரிவில் தங்கமும், ஆண்கள் இரட்டையர் பிரிவில் வெள்ளி பதக்கமும் பெற்றார்.

    இந்த நிலையில் காமன்வெலத் விளையாட்டு போட்டியில் பங்கேற்ற வீரர், வீராங்கனைகள் பிரதமர் நரேந்திரமோடியை இன்று சந்தித்தனர். தனது வீட்டுக்கு வரழைத்து காமன்வெலத் வீரர், வீராங்கனைகளை அவர் பாராட்டினார்.

    பதக்கம் வென்ற வீரர், வீராங்கனைகளுக்கு பிரதமர் மோடி வாழ்த்து தெரிவித்தார். அவர்களுடன் மோடி கலந்துரையாடினார். வீரர், வீராங்கனைகள் தங்களது நினைவுகளை பகிர்ந்து கொண்டனர்.

    மத்திய விளையாட்டுத்துறை மந்திரி அனுராக் தாக்கூரும் இந்த நிகழ்ச்சியில் கலந்து கொண்டார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • காமன்வெல்த் போட்டியில் இந்தியா 61 பதக்கங்கள் வென்றது.
    • குத்துச்சண்டை வீராங்கனை நிகாத் சரின் பிரதமரை சந்திக்க ஆர்வமாக உள்ளேன் என்றார்.

    புதுடெல்லி:

    22-வது காமன்வெல்த் விளையாட்டுப் போட்டி இங்கிலாந்தின் பர்மிங்காம் நகரில் கடந்த 8-ம் தேதி முடிவடைந்தது. இதன் நிறைவு விழாவில் இந்திய அணிக்கு 4 பதக்கம் வென்ற தமிழக டேபிள் டென்னிஸ் வீரர் சரத் கமல், குத்துச்சண்டை வீராங்கனை நிகாத் ஜரீன் ஆகியோர் தலைமை தாங்கி தேசிய கொடியேந்தி அணிவகுத்துச் சென்றனர்.

    இந்தியா சார்பில் 210 வீரர், வீராங்கனைகள் களம் இறங்கினர். காமன்வெல்த் போட்டியில் இந்திய அணி 22 தங்கம், 16 வெள்ளி, 23 வெண்கலம் என்று மொத்தம் 61 பதக்கங்களை குவித்து பதக்கப் பட்டியலில் 4-வது இடத்தை பிடித்தது.

    இந்நிலையில், காமன்வெல்த் போட்டியில் பதக்கம் வென்ற வீரர்களுக்கு பிரதமர் நரேந்திர மோடி டெல்லியில் உள்ள தனது அதிகாரப்பூர்வ இல்லத்தில் இன்று விருந்தளிக்க உள்ளார். பிரதமர் மோடி காலை 11:00 மணிக்கு பதக்கம் வென்ற வீரர்களைச் சந்திக்கிறார்.

    காமன்வெல்த் குத்துச்சண்டையில் பதக்கம் வென்றவுடன் பேட்டியளித்த இந்திய வீராங்கனை நிகாத் சரின், பிரதமர் மோடியை சந்திக்க ஆர்வமாக உள்ளதாக தெரிவித்தார். மேலும், தனது குத்துச்சண்டை கையுறையில் பிரதமரிடம் ஆட்டோகிராப் வாங்குவேன் என அவர் தெரிவித்தது குறிப்பிடத்தக்கது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • 5ஜி அலைக்கற்றை ஏலத்தில் மிகப்பெரிய முறைகேடு நடைபெற்றுள்ளது.
    • எந்த தகுதியும் இல்லாத அதானி ஏலத்தில் பங்கு கொள்வதற்கு மத்திய அரசு அனுமதி அளித்துள்ளது.

    நாகர்கோவில்:

    தமிழ்நாடு காங்கிரஸ் தலைவர் கே.எஸ். அழகிரி இன்று நாகர்கோவிலில் நிருபர்களுக்கு பேட்டி அளித்தார். அப்போது அவர் கூறியதாவது:-

    காங்கிரஸ் தலைவர் ராகுல் காந்தி அடுத்த மாதம் 7, 8-ந் தேதிகளில் கன்னியாகுமரி மாவட்டத்தில் பாத யாத்திரை செய்கிறார். இன்று நடைபெறும் ஆலோசனைக் கூட்டத்தில் அவர் நடைபயண நிகழ்ச்சி குறித்த விபரங்கள் இறுதிச் செய்யப்படும்.

    மத்திய அரசு அரிசி உள்ளிட்ட அத்தியாவசிய பொருட்களுக்கு ஜிஎஸ்டி வரியை விதித்துள்ளது. இது ஏழை, எளிய மக்களை கடுமையாக பாதிக்கும். ஆனால் மத்திய அமைச்சர் நிர்மலா சீதாராமன் இதை ஏழை எளிய மக்களை பாதிக்காது என்று கூறி உள்ளார். இது ஏற்கத்தக்கது அல்ல. மத்திய அரசு கடந்த 5 ஆண்டுகளில் 10 லட்சம் கோடி ரூபாய் பெரிய தொழில் அதிபர்களுக்கு வங்கி கடன் தள்ளுபடி செய்துள்ளது.

    அதே நேரத்தில் ஏழை எளிய மக்கள் மீது பல்வேறு வரிகளை விதித்து வருகிறது. பொருளாதார பிரச்சனையில் இந்திய அரசு பெரிய தோல்வியை சந்தித்துள்ளது. பொருளாதாரம் குறித்து அவர்களுக்கு எடுத்து சொல்வதற்கு யாரும் இல்லாத நிலை இருந்து வருகிறது. அதே நேரத்தில் காங்கிரஸ் ஆட்சி காலத்தில் பிரதமர் மன்மோகன் சிங் பொருளாதர நிபுணராக இருந்துள்ளார். அதனால் பொருளாதாரம் பிரச்சனைகளை அவர் எளிதாக கையாண்டார். ஆனால் தற்போதைய மோடி அரசுக்கு பொருளாதாரம் பற்றி தெரியாதவர்கள் இருக்கிறார்கள். அதனால் மத்திய நிதியமைச்சரை மாற்ற வேண்டும் என்ற கோரிக்கையை நான் வலியுறுத்த மாட்டேன். பிரதமர் மோடியை மாற்ற வேண்டும்.

    பீகார் நிலவரத்தை சபாஷ் என்றே கூறலாம். அங்கு சரியான போட்டி ஏற்பட்டுள்ளது. மகாராஷ்டிராவில் பலம் வாய்ந்த சிவ சேனாவை உடைத்து பாரதிய ஜனதா கட்சி அங்கு மறைமுகமாக ஆட்சியை ஏற்படுத்தி உள்ளது. அது போன்ற நிலையை பீகாரில் செய்ய அவர்கள் முயற்சித்தனார். அது அவர்களுக்கு மிகப்பெரிய தோல்வியாக வந்துள்ளது.

    ஆங்கில பத்திரிக்கை கருத்துக்கணிப்பில் தமிழக முதலமைச்சர் மு.க .ஸ்டாலின் சிறந்த முதலமைச்சர்களின் 3-வது இடத்தை கொடுத்துள்ளது. ஆனால் உண்மையிலேயே அவர் இந்தியாவிலேயே சிறந்த முதல்வராக செயல்பட்டு வருகிறார். பல்வேறு திட்டங்களை அவர் செயல்படுத்தி வருகிறார். தமிழ்நாட்டில் சட்டம் ஒழுங்கு மிகச் சிறப்பாக இருக்கிறது. பொதுவாக ஆட்சியில் உள்ளவர்கள் தவறுகளை ஏற்றுக் கொள்வதில்லை. ஆனால் தமிழக முதலமைச்சர் மு.க.ஸ்டாலினை பொறுத்தவரையில் அவர் தவறுகள் நடந்தால் உடனடியாக அதன் மீது நடவடிக்கை மேற்கொள்கிறார். தவறுகள் நடைபெறாமல் இருப்பதற்கான நடவடிக்கைகளை எடுக்கிறார். தமிழ்நாட்டில் சட்டம் ஒழுங்கு சிறப்பாக உள்ளது.

    5ஜி அலைக்கற்றை ஏலத்தில் மிகப்பெரிய முறைகேடு நடைபெற்றுள்ளது. எந்த தகுதியும் இல்லாத அதானி இந்த ஏலத்தில் பங்கு கொள்வதற்கு மத்திய அரசு அனுமதி அளித்துள்ளது.

    இதிலிருந்து முறைகேடு நடைபெற்று உள்ளது தெளிவாக உள்ளது.

    முதல்-அமைச்சர் மு.க.ஸ்டாலின் சிறப்பாக செயல்பட்டு வருகிறார். ஈரோட்டில் நடந்த நெசவாளர் பிரச்சனையாக இருந்தாலும் சரி, கள்ளக்குறிச்சி பள்ளி விவகாரத்திலும் துரித நடவடிக்கை எடுத்தார். தேர்தல் அறிக்கையில் கூறியது போல் பெட்ரோல், டீசல் விலையை ரூ.3 குறைத்துள்ளார். 75-வது சுதந்திர தின விழா சிறப்பாக கொண்டாடுவது பாராட்டுக்குரியது. ஆர்.எஸ்.எஸ். அமைப்பினர் ஏற்கனவே 2 முறை மட்டுமே கொண்டாடி உள்ளனர். இப்போது சிறப்பாக கொண்டாட காரணம் தெரியவில்லை. மக்கள் விரும்புவது காமராஜர் ஆட்சியை தான். அதனை சித்தாந்தா முறையில் செயல்படுத்தப்படும். 2024-ம் ஆண்டு ராகுல்காந்தி பிரதமர் பொறுப்புக்கு வருவார்.

    இவர் அவர் கூறினார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • பிரதமர் அலுவலகத்தில் பணிபுரியும் ஊழியர்களின் குழந்தைகளுடன் பிரதமர் ரக்‌ஷா பந்தன் கொண்டாடினார்.
    • பெண்களும், குழந்தைகளும் பிரதமர் மோடியின் கைகளில் ராக்கி கயிறு கட்டி அவரிடம் வாழ்த்து பெற்றனர்.

    புதுடெல்லி:

    சகோதரி, சகோதர அன்பினை வெளிப்படுத்தும் ரக்‌ஷா பந்தன் இன்று கொண்டாடப்படுகிறது. பிரதமர் மோடி டெல்லியில் உள்ள பிரதமர் அலுவலகத்தில் குழந்தைகளுடன் ரக்சா பந்தன் கொண்டாடினார்.

    துப்புரவு பணியாளர்கள், பியூன்கள், தோட்டக்காரர்கள், டிரைவர்கள் உள்பட பிரதமர் அலுவலகத்தில் பணிபுரியும் ஊழியர்களின் குழந்தைகளுடன் இந்த சிறப்பு ரக்‌ஷா பந்தனை பிரதமர் கொண்டாடினார். குழந்தைகள் பிரதமர் மோடியின் கைகளில் ராக்கி கயிறு கட்டி அவரிடம் ஆசி பெற்றனர்.

    பிரதமருக்கு சிறுமிகள் ராக்கி கட்டும்போது எடுக்கப்பட்ட வீடியோவை பிரதமர் அலுவலகம் வெளியிட்டுள்ளது. பிரதமர் மோடி தனது டுவிட்டர் பக்கத்தில் புகைப்படங்களை வெளியிட்டுள்ளார். 

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • 2004 முதல் 2014 வரையிலான தி.மு.க. கூட்டணியில் இருந்த காங்கிரஸ் ஆட்சியில் அமலாக்கத்துறையால் மீட்கப்பட்ட தொகை 4156 கோடி ரூபாய்.
    • கடந்த 8 ஆண்டுகளில் மீட்கப்பட்ட தொகை 1,04,845 கோடி ரூபாய்.

    சென்னை:

    தமிழக பா.ஜனதா தலைவர் அண்ணாமலை 'மாலைமலருக்கு' சிறப்பு பேட்டி அளித்தார். அப்போது அவரிடம் கேட்கப்பட்ட கேள்விகளும் அதற்கு அவர் அளித்த பதில்களும் வருமாறு:-

    கேள்வி:- தமிழ்நாட்டில் பா.ஜ.க. வளர்ச்சியை பற்றி...

    பதில்:-கடந்த 8 ஆண்டுகளில் பிரதமர் மோடியின் நல்லாட்சியில் மத்திய அரசின் நலத்திட்டங்களால் தமிழகத்தில் குறைந்த பட்சம் 4 கோடி மக்கள் பயனடைந்துள்ளனர். ஆனால் இங்கு பொய்களை மட்டுமே வைத்து அரசியல் பிழைப்பு நடத்தி வரும் பலர், பல கட்டுக்கதைகளை அவிழ்த்துவிட்டு இந்த சாதனைகளை இருட்டடிப்பு செய்ய முயற்சித்தனர் என்பது தமிழகத்தில் அனைவரும் அறிந்ததே.

    தி.மு.க. ஆட்சிக்கு வந்த பின்பு மக்களுக்கு திமுகவின் இரட்டை நிலைப்பாடுகள், மக்கள் விரோத போக்குகள், இவர்கள் கட்டவிழ்த்து விட்ட பொய்கள் ஆகியவை புரிய தொடங்கிவிட்டது. நகர்ப்புற உள்ளாட்சி தேர்தலில் தனித்து போட்டியிட்டு மூன்றாம் பெரிய கட்சியாக பா.ஜ.க. முன்னேற்றம் கண்டது. மக்கள் பாஜக பக்கம் திரளாக வரத் தொடங்கி விட்டதற்கான சான்று.

    இதற்கு முன்னர் தமிழக பா.ஜனதாவின் தலைவர்களாக இருந்தவர்கள் போட்ட விதை தான் இன்றைய வளர்ச்சி.

    கேள்வி:- பா.ஜனதாவை 2-வது பெரிய கட்சி என்று நினைக்கிறீர்களா? அல்லது 3-வது பெரிய கட்சி என்று நினைக்கிறீர்களா?

    பதில்:- இன்று தமிழகத்தில் மக்களின் குரலாக ஒலிப்பது பா.ஜ.க. தான். மத்திய அரசின் திட்டத்தை மக்களிடம் கொண்டு சேர்ப்பது, மாநில அரசின் தவறுகளை தரவுகளுடன் சுட்டி காட்டி மக்கள் அவதிக்குள்ளாதவாறு மாநில அரசு செயல்பட வேண்டும் என்பதில் தான் முனைப்புடன் இருக்கிறோம்.

    இதைத் தான் மக்களும் ஒரு அரசியல் கட்சியிடம் எதிர்பார்க்கிறார்கள். இரண்டாவது அல்லது மூன்றாவது பெரிய கட்சியாக இருப்பது எங்கள் இலக்கல்ல. தமிழகத்தில் மக்களின் நல்லாதரவுடன் ஆட்சி அமைப்பதே எங்கள் இலக்கு.

    கேள்வி:- அ.தி.மு.க.வில் ஏற்பட்டுள்ள பிளவு பா.ஜ.க.விற்கு சாதகமா?

    பதில்:- பா.ஜனதா என்றைக்குமே மற்ற கட்சியில் உள்ள பிரச்சினைகளில் தலையிடுவது இல்லை. அ.தி.மு.க. தமிழகத்தை ஆட்சி செய்த ஒரு கட்சி. மூத்த மற்றும் அனுபவம் வாய்ந்த பல தலைவர்களை கொண்ட ஒரு கட்சி. தேசிய ஜனநாயக கூட்டணியில் முக்கிய அங்கம் வகிக்கும் அ.தி.மு.க. பலமாக இருக்க வேண்டும் என்றே நாங்கள் விரும்புகிறோமே தவிர அவர்களின் பிளவை சாதகமாக்கிக் கொள்ள நினைத்ததில்லை.

    தமிழகத்தில் இதுவரை ஆட்சி செய்த கட்சிகளை சாராத லட்சக்கணக்கானோர் உள்ளனர். அவர்களை சென்றடைய தான் தமிழகத்தில் பாஜக வேலை செய்து வருகிறது. இன்று இளைஞர்களுக்கு வாய்ப்பளிக்கும் ஒரே கட்சி பா.ஜ.க. அதனால் இளைஞர்கள் திரளாக வந்து பா.ஜ.க.வில் இணைகிறார்கள். இது வேறொரு கட்சியை பிளவுபடுத்துவதாக எண்ணுவது தவறு.

    கேள்வி:-திராவிட கட்சிகளை வீழ்த்தி அதிகாரத்திற்கு வரமுடியுமா ? எந்த அடிப்படையில் நம்புகிறீர்கள்?

    பதில்:-தமிழகம் ஒரு ஆன்மீக பூமி. காவேரி, வைகை கரைகளில் பல நூற்றாண்டுகளாக சீரும் சிறப்புமாக வாழ்ந்த ஒரு மண். ஆழ்வார்கள், நாயன்மார்கள் பண்படுத்திய மண். ஆங்கிலேயர்களின் பிரித்தாளும் சூழ்ச்சியால் பிளவுபட்ட பூமி இது. 60 ஆண்டுகளாக ஆட்சி அதிகாரத்தில் இருந்து வந்த தி.மு.க.வினால் இன்றுவரை சமூக நீதியையும் சம உரிமையையும் வழங்க முடியவில்லை.

    இங்கு நடப்பது தேர்தல் கணக்கு. வளர்ந்த மாநிலம் என்று கூறப்படும் தமிழகத்திற்கு பிரதம மந்திரி வீடு கட்டும் திட்டத்தில் இதுவரை 13,000 கோடி ரூபாய் வழங்கப்பட்டுள்ளது. தமிழகத்தில் உள்ள கிராமபுறங்களில் 2019ஆம் ஆண்டு வரை 17 சதவீதம் வீடுகளில் குடிநீர் வசதி இருந்துள்ளது. இன்று 2 ஆண்டுகளில் 50 சதவீத வீடுகளுக்கு குடிநீர் வசதி ஜல்ஜீவன் திட்டம் மூலமாக வழங்கப்பட்டுள்ளது.

    மக்களின் அடிப்படை வசதிகளை பூர்த்தி செய்ய கூட ஒரு மோடி தேவைப்படுகிறார். காமராஜர் போட்ட கனமான அடித்தளத்தில் தான் தமிழகம் தொழில்துறை மற்றும் கல்வித்துறையில் வளர்ந்தது.

    மாற்றம் என்பது வருவதற்கு காலதாமதம் ஆகலாம் ஆனால் மாற்றம் கண்டிப்பாக வரும். ஏற்றம் என்று ஒன்று இருந்தால், இறங்கி தான் ஆகவேண்டும். இது இயற்கையின் விதி. தி.மு.க. மட்டும் இயற்கைக்கு அப்பாற்பட்டதா?

    கேள்வி:- திராவிட கட்சிகளே கூட்டணியை நம்பிதான் உள்ளன. பா.ஜ.க.வால் கூட்டணி இல்லாமல் சாதிக்க முடியுமா?

    பதில்- கேள்வியில் பதிலும் உள்ளது. இங்கு கூட்டணி இல்லாமல் தி.மு.க. தேர்தலை சந்திக்குமா? 70 ஆண்டுகளாக அரசியலில் இருக்கும் தி.மு.க.வுக்கு கூட்டணி தேவைப்படுகிறது, அது அவர்களின் பலவீனத்தின் வெளிப்பாடு. தமிழகத்தில் பா.ஜ.க. வேகமாக வளர்ந்து வரும் ஒரு கட்சி. திமுக தனியாக போட்டியிட முன்வரட்டும் அவர்களை தனியாக எதிர்கொள்ள நாங்கள் காத்திருக்கிறோம்.

    கேள்வி:-அ.தி.மு.க. பிளவுபட்டுள்ள நிலையில் 2024 தேர்தலில் கூட்டணி மாற வாய்ப்பு உண்டா?

    பதில் :-இன்று பா.ஜனதாவின் தலைமையில் உள்ள தேசிய ஜனநாயக கூட்டணியில் அ.தி.மு.க. உள்ளது. அவர்களின் உட்கட்சி விவகாரத்தில் பாஜக தலையிடாது.

    இன்று எங்கள் சிந்தனை செயல் தமிழக பா.ஜ.க.வின் வளர்ச்சியை சுற்றியே உள்ளது. அது மட்டும் அல்லாது, கூட்டணி முடிவுகளை எங்கள் தேசிய தலைமை தான் முடிவு செய்யும், கட்சியை மாநிலத்தில் வலுப்படுத்துவது மட்டுமே எங்கள் குறிக்கோள்.

    கேள்வி:- மதசார்புள்ள கட்சி என்ற திரையை இன்னும் உங்களால் முற்றிலுமாக நீக்க முடியவில்லையே?

    பதில்:-மற்ற சாட்சிகளுக்கு சிறுபான்மையினர் வாக்கு வங்கி உள்ளது. பா.ஜ.க.வை பொறுத்தவரை இந்தியாவில் உள்ள அனைத்து குடிமக்களும் சமம்.

    இங்குள்ள சில கட்சிகளின் இரட்டை நிலைப்பாடுகளை நாம் ஒரு நாள் முழுவதும் பேசலாம். குடியுரிமை சட்டத்தை கொண்டு வந்தது தி.மு.க. மற்றும் காங்கிரஸ் கட்சி. ஆனால் அதே சட்டத்திற்கு எதிராக சிறுபான்மையினரிடம் பொய்களை பரப்பி அவர்களை போராட்டத்தில் தள்ளிவிட்டு வேடிக்கை பார்த்தவர்களும் தி.மு..க மற்றும் காங்கிரஸ் தான் என்பதை மறுக்கமுடியுமா?

    சிறுபான்மை மக்களுக்கு திமுக மற்றும் காங்கிரசின் இரட்டை நிலைப்பாடு விரைவில் புரியும்.

    கேள்வி :- ஜி.எஸ்.டி. வரிவிதிப்பு அரசுக்கு பலன் அளித்திருக்கலாம். மக்களுக்கு பலன் இல்லையே!

    பதில்:-ஏற்றத்தாழ்வுகள் இல்லாத ஒரு சமூகத்தை உருவாக்க நமது மத்திய அரசு செயல்பட்டு வருகிறது. பல நலத்திட்டங்களை மக்களின் பயனுக்காக வகுத்து அதை செயல்படுத்த முற்படும் போது அதற்கு நிதி தேவைபடுகிறது. ஒரு பகுதியை மக்களிடம் வரியாகவும் மீதமுள்ள தொகையை கடனாக பெற்று நலத்திட்டங்களை செயல்படுத்துகிறது மத்திய அரசு.

    சமீபத்தில் கொண்டுவரப்பட்ட ஜி.எஸ்.டி. வரித்திருத்தங்கள் தமிழக நிதி அமைச்சரின் ஒப்புதலோடு தான் நிறைவேற்றப்பட்டது.

    ஆனால் இங்கோ ஆவின் பொருட்களின் விலை ஜி.எஸ்.டி. விலை உயர்வை விட கூடுதலாக உள்ளது என்று நான் உட்பட நமது மத்திய நிதி அமைச்சர் கூட பாராளுமன்றத்தில் தெரிவித்தார். இதுவரை திமுக அரசிடமிருந்து எந்த பதிலும் இல்லை.

    கேள்வி:- கருப்புப்பண மீட்பில் தோல்வி தானே!

    பதில்:-இந்தியாவில் நேரடி வரி வருவாய் பண மதிப்பிழப்பீடு நடவடிக்கைக்கு பிறகு அதிகரித்துள்ளது. முந்தைய காலத்தை ஒப்பிடுகையில் இப்போது அதிக மக்கள் வருமான வரி செலுத்துகிறார்கள்.

    பண மதிப்பிழப்பீடு நடவடிக்கைக்கு 5 வருடங்களுக்கு பிறகு, இன்று இந்தியாவில் புதிய வீடுகள் வாங்குவதில் 2016-க்கு முந்தைய காலத்தை ஒப்பிடுகையில் கருப்பு பணத்தின் பங்கு 75 முதல் 80 சதவீதம் குறைந்துள்ளது.

    ரியல் எஸ்டேட் தொழிலில் தான் அதிகமாக கருப்பு பணம் முதலீடாக மாறும். அதில் கருப்பு பணத்தின் தாக்கம் குறைந்துள்ளது என்பது கருப்பு பணத்தின் புழக்கத்தின் குறைவாகவே நாம் எடுத்து கொள்ள வேண்டும்.

    2004 முதல் 2014 வரையிலான தி.மு.க. கூட்டணியில் இருந்த காங்கிரஸ் ஆட்சியில் அமலாக்கத்துறையால் மீட்கப்பட்ட தொகை 4156 கோடி ரூபாய். கடந்த 8 ஆண்டுகளில் மீட்கப்பட்ட தொகை 1,04,845 கோடி ரூபாய்.

    கடந்த 8 ஆண்டுகளில் கருப்பு பணத்தை பாதுகாக்க முடியாமல் பணமுதலைகள் தோல்வியுற்றுள்ளார்கள் என்று வேண்டுமானால் சொல்லலாம்.

    கேள்வி:- நாடுமுழுவதும் எதிர்கட்சிகளை பலவீனப்படுத்த முயற்சிப்பதாக குற்றம் சாட்டுகிறார்களே?

    பதில்:-அவர்களின் குற்றங்களை, ஊழலை மக்கள் மன்றத்தில் நாங்கள் வைப்பது அவர்களை பலவீனப்படுத்தினால் அதற்கு நாங்கள் எப்படி பொறுப்பாக முடியும்.

    கேள்வி:-2024 தேர்தலில் தமிழகத்தில் உங்கள் லட்சியம்?

    பதில்:- இதற்கு முன் பல மேடைகளில் சொன்னது போல, குறைந்தபட்சம் 25 பாராளுமன்ற உறுப்பினர்களை தமிழகத்திலிருந்து அனுப்புவதே எங்கள் லட்சியம்.

    கேள்வி:- பா.ஜனதா மாடல் எப்படி இருக்கும்?

    பதில்:- ஊழலற்ற உன்னதமான ஆட்சியின் எடுத்துக்காட்டாக விளங்கி வரும் மோடியின் நல்லாட்சியின் பிரதிபலிப்பாக தமிழகத்தில் பா.ஜ.க.வின் ஆட்சி இருக்கும்.

    காலம் காலமாக அடிப்படை தேவைகளுக்காக ஏங்கி வரும் மக்கள் முதல் முறையாக முன்னேற்றம் காண்பார்கள். குடும்ப கட்சிகளின் ஆதிக்கம் இல்லாத மக்கள் ஆட்சியே பா.ஜ.க. மாடல் ஆட்சி.

    இவ்வாறு அவர் கூறினார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • நாட்டில் பணவீக்கம் அல்லது வேலையில்லா திண்டாட்டத்தை பிரதமரால் பார்க்க முடியவில்லையா?
    • பிரதமர் பதவியின் கண்ணியத்தை குறைப்பதை நிறுத்துங்கள். நாட்டை தவறாக வழி நடத்தாதீர்கள்.

    புதுடெல்லி:

    விலைவாசி, பணவீக்கம் மற்றும் வேலைவாய்ப்பின்மை ஆகியவற்றை கண்டித்து காங்கிரஸ் கட்சி சார்பில் கடந்த 5-ந்தேதி நாடு தழுவிய போராட்டம் நடைபெற்றது.

    இந்த போராட்டத்தில் பங்கேற்ற ராகுல்காந்தி, பிரியங்கா காந்தி உள்ளிட்ட காங்கிரஸ் தலைவர்கள் பலர் கைது செய்யப்பட்டனர். இந்த போராட்டத்தில் கலந்து கொண்ட அனைவரும் கருப்புச் சட்டை அணிந்து இருந்தனர்.

    காங்கிரஸ் கட்சியின் கருப்பு சட்டை போராட்டத்தை பிரதமர் மோடி விமர்சித்து இருந்தார். அந்த கட்சியின் பெயரை குறிப்பிடாமல் சாடினார். இது தொடர்பாக அவர் கூறி இருப்பதாவது:-

    சிலர் ஆகஸ்டு 5-ல் பில்லி, சூனிய மந்திரத்தை பயன்படுத்தினர். ஆனால் அது எடுபடவில்லை. தங்கள் விரக்தியை போக்கி கொள்ள அவர்கள் கருப்பு சட்டை அணிந்தனர். ஆனால் பில்லி, சூனியம் மூட நம்பிக்கைகளால் மக்களின் நம்பிக்கையை வெல்ல முடியாது என்பது அவர்களுக்கு தெரியவில்லை.

    இவ்வாறு மோடி தெரிவித்து இருந்தார்.

    இதற்கு காங்கிரஸ் எம்.பி. ராகுல்காந்தி கண்டனம் தெரிவித்துள்ளார். இது தொடர்பாக அவர் தனது டுவிட்டர் பதிவில் கூறி இருப்பதாவது:-

    நாட்டில் பணவீக்கம் அல்லது வேலையில்லா திண்டாட்டத்தை பிரதமரால் பார்க்க முடியவில்லையா? பிரதமர் பதவியின் கண்ணியத்தை குறைப்பதை நிறுத்துங்கள். நாட்டை தவறாக வழி நடத்தாதீர்கள்.

    பிரச்சினைக்குரிய விஷயங்களில் நாட்டு மக்களுக்கு பதில் சொல்ல நீங்கள் கடமைப்பட்டு இருக்கிறீர்கள்.

    இவ்வாறு ராகுல்காந்தி கூறியுள்ளார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • சுயநல அரசியலில் ஈடுபடுபவர்கள் யார் வேண்டுமானாலும் வந்து இலவசமாக பெட்ரோல், டீசல் தருவதாக அறிவிக்கலாம்.
    • நமது அரசு குறுக்கு வழிகளை பின்பற்றுவதற்கு பதிலாக பிரச்சினைகளுக்கு நிரந்தர தீர்வு காணும் பணியை மேற்கொண்டு உள்ளது.

    பானிபட்:

    இந்தியன் ஆயில் நிறுவனம் சார்பில் பானிபட்டில் அமைக்கப்பட்டு உள்ள ரூ.900 கோடி மதிப்பிலான 2ஜி எத்தனால் ஆலையை பிரதமர் மோடி காணொலியில் திறந்து வைத்தார்.

    அப்போது அவர் பேசியதாவது:-

    சுயநல அரசியலில் ஈடுபடுபவர்கள் யார் வேண்டுமானாலும் வந்து இலவசமாக பெட்ரோல், டீசல் தருவதாக அறிவிக்கலாம்.

    இந்த மாதிரி இலவச திட்டங்களை அறிவிப்பதால் நாட்டின் முன்னேற்றம் தடைபடும்.

    நேர்மையாக வரி செலுத்துபவர்கள் மீது சுமையை ஏற்றி விடும். புதிய தொழில் நுட்பங்களில் முதலீடுகளையும் தடுக்கும். நாடு எதிர்கொள்ளும் பிரச்சினைகளுக்கு தீர்வு காண தெளிவான நோக்கமும், உறுதிப்பாடும் தேவை.

    அரசியல் சுயநலத்துக்காக குறுக்கு வழிகளை பின்பற்றுபவர்கள் சில நேரங்களில் கைதட்டல் மற்றும் அரசியல் ஆதாயங்களை பெறலாமே தவிர பிரச்சினைகளுக்கு தீர்வு காண முடியாது.

    நமது அரசு குறுக்கு வழிகளை பின்பற்றுவதற்கு பதிலாக பிரச்சினைகளுக்கு நிரந்தர தீர்வு காணும் பணியை மேற்கொண்டு உள்ளது.

    இவ்வாறு அவர் பேசினார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • செஸ் ஒலிம்பியாட் போட்டியை சிறப்பாக நடத்தியதற்கு பாராட்டிய பிரதமர் மோடிக்கு நன்றி.
    • சர்வதேச விளையாட்டு போட்டிகளை நடத்த தமிழ்நாட்டிற்கு அதிக வாய்ப்புகள் வழங்கப்பட வேண்டும் என்று உங்கள் ஆதரவை கோருகிறேன்.

    சென்னை:

    "44-வது செஸ் ஒலிம்பியாட் போட்டிகளை தமிழக மக்களும், அரசும் மிகச் சிறப்பாக நடத்தி உள்ளார்கள். உலகெங்கிலும் இருந்து இந்த போட்டியில் பங்கு பெற்றவர்களை வரவேற்று, நமது மகத்தான கலாச்சாரத்தையும் விருந்தோம்பல் பண்பையும் பறைசாற்றியமைக்கு எனது பாராட்டுக்கள்" என பிரதமர் நரேந்திர மோடி சமூக வலைத்தளப்பதிவு மூலம் தனது வாழ்த்துகளை தெரிவித்திருந்தார்

    இது குறித்து முதலமைச்சர் மு.க.ஸ்டாலின் வெளியிட்டுள்ள டுவிட்டர் பதிவில் கூறி இருப்பதாவது:-

    பிரதமர் நரேந்திர மோடி அவர்களே, தங்களது கனிவுமிகு பாராட்டுகளுக்கு மிக்க நன்றி.

    விருந்தோம்பலும் தன்மானமும் தமிழர்களின் இணைபிரியா இருபெரும் பண்புகள் ஆகும்!

    தொடர்ச்சியான உங்களது ஆதரவையும், இதுபோல இன்னும் பல உலக அளவிலான போட்டிகளை நடத்தும் வாய்ப்புகளையும் தமிழ்நாட்டுக்கு வழங்குமாறு தங்களைக் கோருகிறேன்.

    யாதும் ஊரே யாவரும் கேளிர்.

    இவ்வாறு அதில் கூறப்பட்டுள்ளது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • 2024-ம் ஆண்டு பாராளுமன்ற தேர்தலில் வெற்றிபெற எதிர்க்கட்சிகள் ஒன்றுபட வேண்டும்.
    • நாடு முழுவதும் எதிர்க்கட்சிகளுக்கு புத்துயிரூட்டுவேன்.

    8-வது முறையாக பீகார் மாநில முதல் மந்திரியாக நிதிஷ்குமார் நேற்று மீண்டும் பதவியேற்றார். பதவி ஏற்புக்கு பிறகு, கவர்னர் மாளிகையில் நிதிஷ்குமார் நிருபர்களுக்கு பேட்டி அளித்தார். அப்போது, பிரதமர் மோடியின் பெயரை குறிப்பிடாமல் அவரை கடுமையாக விமர்சித்தார்.அவர் கூறியதாவது:-

    எதிர்காலம் பற்றி யாருக்கும் தெரியாது. ஆனால், 2014-ம் ஆண்டு பதவிக்கு வந்தவர் (மோடி), 2024-ம் ஆண்டு மீண்டும் ஆட்சிக்கு வர மாட்டார்.

    நாடு முழுவதும் எதிர்க்கட்சிகளுக்கு புத்துயிரூட்டுவேன். எதிர்க்கட்சிகளே இருக்காது என்று சொன்னவர்கள், நிதிஷ்குமார் இப்போது எதிர்க்கட்சியில் இருப்பதை புரிந்து கொள்ள வேண்டும்.

    2024-ம் ஆண்டு பாராளுமன்ற தேர்தலில் வெற்றிபெற எதிர்க்கட்சிகள் ஒன்றுபட வேண்டும்.

    2020-ம் ஆண்டு சட்டசபை தேர்தலில் பா.ஜனதாவுடன் சேர்ந்து போட்டியிட்டபோது, எங்கள் கட்சியின் பலம் குறைந்தது. ஆனால், 2015-ம் ஆண்டு சட்டசபை தேர்தலில் ராஷ்டிரீய ஜனதாதளத்துடன் சேர்ந்து போட்டியிட்டபோது, எங்கள் பலம் நன்றாக இருந்தது.

    கடந்த இரண்டரை மாதங்களில் நடந்த அரசியல் நிகழ்வுகள் அனைவருக்கும் தெரியும். உரிய நேரத்தில் உண்மைகளை அம்பலப்படுத்துவேன். விரைவில் சட்டசபையை கூட்டுவோம்.

    இவ்வாறு அவர் கூறினார்.

    • Whatsapp
    • Telegram
    • Linkedin
    • Print