என் மலர்

    நீங்கள் தேடியது "O Panneerselvam"

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    இந்த செய்தியை ஆடியோ வடிவில் கேட்க "Play" பட்டனை கிளிக் செய்யவும்
    • பொதுவாகவே எடப்பாடி பழனிசாமிக்கும், ஓ.பன்னீர்செல்வத்துக்கும் இறை பக்தி அதிகம் உண்டு.
    • நேற்று ஆடி கடைசி வெள்ளிக்கிழமை என்பதால் அ.தி.மு.க.வினர் போட்டி போட்டு யாகம் வளர்த்தார்கள்.

    அ.தி.மு.க.வை வலிமைமிக்க இயக்கமாக மாற்றிய மறைந்த முதல்-அமைச்சர் ஜெயலலிதா, பூஜைகள், யாகங்கள் செய்வதில் மிகுந்த ஆர்வமும், நம்பிக்கையும் கொண்டவர். தேர்தல் வெற்றிக்காகவும், எதிரிகளை ஒடுக்கவும் அவர் பூஜைகள், யாகங்கள் செய்வதை வழக்கத்தில் வைத்திருந்தார். அவரது வழித்தோன்றல்களான எடப்பாடி பழனிசாமியும், ஓ.பன்னீர்செல்வமும் அதை அப்படியே பின்பற்றுகிறார்கள்.

    பொதுவாகவே எடப்பாடி பழனிசாமிக்கும், ஓ.பன்னீர்செல்வத்துக்கும் இறை பக்தி அதிகம் உண்டு. அதிலும் குல தெய்வ வழிபாட்டில் அவர்கள் இருவரும் ஒருவருக்கு ஒருவர் சளைத்தவர்கள் அல்ல. தற்போது அ.தி.மு.க.வை தங்கள் கட்டுப்பாட்டுக்குள் கொண்டு வர அவர்கள் நடத்தி கொண்டிருக்கும் யுத்தம் பூஜை, யாகங்கள் வரை போய்விட்டது. சமீபத்தில் இருவருமே சத்ரு சம்ஹார யாகம் நடத்தியதாக சொல்கிறார்கள்.

    இதைப்பார்த்துக் கொண்டிருக்கும் அவர்களது ஆதரவாளர்கள் சும்மா இருப்பார்களா? அவர்களும் போட்டி போட்டுக்கொண்டு யாகம் வளர்த்து பூஜைகள் போட ஆரம்பித்து விட்டனர்.

    அ.தி.மு.க பொதுக்குழு தொடர்பாக சென்னை ஐகோர்ட்டில் நீதிபதி ஜெயச்சந்திரன் முன்னிலையில் நடந்த விசாரணையில் இரு தரப்பு வக்கீல்கள் வாதம் முடிந்து தீர்ப்பு தேதி எதுவும் குறிப்பிடப்படாமல் ஒத்திவைக்கப்பட்டு இருக்கிறது. அந்த தீர்ப்பு எப்படி வருமோ என்று இரு தரப்பு அணித் தலைவர்களும் தவியாய் தவித்தபடி உள்ளனர்.

    கோர்ட்டு தீர்ப்பு தங்களுக்கு சாதகமாக வர வேண்டும் என்று கடந்த 2 நாட்களாக எடப்பாடி பழனிசாமி அணியைச் சேர்ந்தவர்களும், ஓ.பன்னீர்செல்வம் அணியைச் சேர்ந்தவர்களும் யாகம் வளர்த்து பூஜைகள் செய்வதை தொடங்கி உள்ளனர். நேற்று ஆடி கடைசி வெள்ளிக்கிழமை என்பதால் அ.தி.மு.க.வினர் போட்டி போட்டு யாகம் வளர்த்தார்கள். எந்த அணி நடத்திய யாகத்துக்கு அதிக சக்தி உள்ளது என்பது கோர்ட்டு வெளியிடப்போகும் தீர்ப்பு மூலம் தெரிந்துவிடும்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • ஓ.பன்னீர்செல்வத்திற்கு ஆதரவாக தமிழ்நாடு அரசும், போலீசாரும் செயல்படுகின்றனர்.
    • மனுதாரர் சி.வி.சண்முகம் சார்பில் வக்கீல் ரியாஸ் முகமது ஆஜராகி வாதிட்டார்.

    சென்னை:

    அ.தி.மு.க. பொதுக்குழு கூட்டம் கடந்த ஜூலை 11ந் தேதி வானகரத்தில் நடந்தது. அப்போது கட்சியில் ஒற்றை தலைமை கொண்டு வர தீர்மானம் இயற்றப்பட்டது.

    அதே நேரம் ஓ. பன்னீர்செல்வம் தன் ஆதரவாளர்களுடன் அ.தி.மு.க. அலுவலகத்திற்கு வந்தார். இதை எடப்பாடி பழனிசாமி ஆதரவாளர்கள் தடுத்ததால் அங்கு மிகப்பெரிய கலவரம் நடந்தது. பின்னர் அதிமுக அலுவலகம் மூடப்பட்டது. அலுவலக கதவை ஓ.பன்னீர்செல்வம் தரப்பினர் உடைத்து உள்ளே நுழைந்தனர்.

    பின்னர் அலுவலகத்தில் இருந்த முக்கிய ஆவணங்கள் உள்ளிட்டவைகளை ஓ. பன்னீர்செல்வம் தரப்பினர் எடுத்துச்சென்று விட்டதாக குற்றச்சாட்டு இருந்தது. இதுகுறித்து ராயப்பேட்டை போலீசில் திருட்டு புகார் செய்யப்பட்டது.

    போலீசார் சரிவர நடவடிக்கை எடுக்காததால் இந்த புகாரை சி.பி.ஐ. விசாரிக்க வேண்டும் என்று சென்னை ஐகோர்ட்டில் முன்னாள் சட்டதுறை அமைச்சர் சி.வி.சண்முகம் மனு தாக்கல் செய்தார்.

    அதில் ஓ.பன்னீர்செல்வத்திற்கு ஆதரவாக தமிழ்நாடு அரசும், போலீசாரும் செயல்படுகின்றனர். ஆவணங்களை திருடிய சம்பவத்தை சிவில் பிரச்சினையாக கொண்டு வருகின்றனர்.

    எனவே, இந்த வழக்கை சி.பி.ஐ. விசாரித்தால் தான் சரியாக இருக்கும். அதனால் சி.பி.ஐ. விசாரணைக்கு உத்தரவிட வேண்டும் என்று கூறியிருந்தார்.

    இந்த வழக்கு நீதிபதி என். சதீஷ்குமார் முன்பு இன்று விசாரணைக்கு வந்தது. மனுதாரர் சி.வி.சண்முகம் சார்பில் வக்கீல் ரியாஸ் முகமது ஆஜராகி வாதிட்டார்.

    இதையடுத்து, சி.வி. சண்முகம் கொடுத்த புகாரின் மீது பதிவான வழக்கின் நிலை அறிக்கையையும், இந்த மனுவுக்கு பதில் மனுவும் தாக்கல் செய்யும்படி போலீசாருக்கு உத்தரவிட்ட நீதிபதி விசாரணையை வருகிற 28ந் தேதிக்கு தள்ளி வைத்தார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • கோர்ட்டு வழக்குகளை பற்றி கவலைப்பட வேண்டியதில்லை.
    • நீங்கள் உங்கள் பகுதியில் சென்று கட்சி வேலையில் தீவிரமாக ஈடுபடுங்கள்.

    சென்னை:

    சென்னையில் ஓ.பன்னீர் செல்வம் தனது ஆதரவாளர்களுடன் ஆலோசனை நடத்தினார். புதிதாக நியமிக்கப்பட்ட மாவட்ட செயலாளர்கள் பலர் இந்த கூட்டத்தில் கலந்து கொண்டனர்.

    இந்த கூட்டத்தில் ஓ.பன்னீர்செல்வம் தனது ஆதரவாளர்களுக்கு நம்பிக்கையூட்டும் வகையில் பேசினார்.

    அ.தி.மு.க. தொண்டர் அனைவரும் நம் பக்கமே இருக்கிறார்கள். நீங்கள் உங்கள் பகுதியில் சென்று கட்சி வேலையில் தீவிரமாக ஈடுபடுங்கள்.

    கோர்ட்டு வழக்குகளை பற்றி கவலைப்பட வேண்டியதில்லை. வழக்கின் தீர்ப்புகள் நமக்கு சாதகமாகவே வரும். எனவே எதிர்காலத்தை பற்றிய அச்சம் உங்களுக்கு தேவையில்லை என்றார்.

    இந்த கூட்டத்தில் எடப்பாடி பழனிசாமியின் சொந்த ஊரான சேலத்தில் இருந்தும் நிர்வாகிகள் வந்திருந்தனர். அவர்களிடம் அந்த பகுதியின் நிலவரங்கள் பற்றி கேட்டறிந்தார்.

    சுமார் 3.30 மணி நேரம் நடைபெற்ற இந்த ஆலோசனை கூட்டத்தில் நிர்வாகி களிடம் தனித்தனியாகவும் கருத்துக்கள் கேட்டார்.

    கூட்டம் முடிந்து வெளியே வந்த நிர்வாகிகள் உற்சாகத்துடன் காணப்பட்டனர். அவர்களிடம் கேட்டபோது, நிர்வாகிகள் மட்டுமே கட்சி இல்லை. தொண்டர்கள் ஆதரவு யாருக்கு என்பதை பார்க்க வேண்டும். எல்லாம் சில நாட்களில் சீராகும். எல்லோரும் ஓ.பி.எஸ். தலைமையில் அணிவகுப்பார்கள் என்றார்கள் நம்பிக்கையுடன்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • எடப்பாடி பழனிசாமியிடம் எனக்கு தனிப்பட்ட முறையில் எந்த விரோதமும் கிடையாது.
    • 2016-ம் ஆண்டு ஜெயலலிதா மரணம் அடைந்தபோது அமைச்சர்கள் அனைவரும் சசிகலாவிடம் தான் விசுவாசம் காட்டினார்கள்.

    சென்னை:

    அ.ம.மு.க. பொதுச்செயலாளர் டி.டி.வி.தினகரன் ஆங்கில நாளிதழ் ஒன்றிற்கு அளித்துள்ள பேட்டியில் கூறி இருப்பதாவது:-

    அ.தி.மு.க. கட்சியில் நடக்கும் சண்டையில் நான் இல்லை. நான் தனிக்கட்சி தொடங்கி 4 ஆண்டுகள் ஆகிவிட்டது. அ.ம.மு.க.வின் பொதுக்குழு கூட்டம் வருகிற 15-ந் தேதி நடைபெற உள்ளது. நாங்கள் நடத்தும் போராட்டத்தில் வெற்றிபெறுவோம். அ.தி.மு.க.வை திரும்பப்பெறுவோம் என்ற நம்பிக்கை எனக்கு உள்ளது.

    அ.தி.மு.க.வையும், அ.ம.மு.க.வையும் இணைப்பதற்கு டெல்லியில் சில நலம் விரும்பிகள் முயற்சி மேற்கொண்டது உண்மை தான். தி.மு.க. ஆட்சிக்கு வரக்கூடாது என்பதற்காக இந்த திட்டத்துக்கு நான் சம்மதித்தேன்.

    எடப்பாடி பழனிசாமியிடம் எனக்கு தனிப்பட்ட முறையில் எந்த விரோதமும் கிடையாது. ஆனால் அவர் மீது பல்வேறு ஊழல் குற்றச்சாட்டுகள் இருப்பதால் முதல்-அமைச்சர் வேட்பாளராக அவரை களம் இறக்கக்கூடாது என்று தெரிவித்தேன். அவரை முன்னிலைபடுத்தினால் அ.தி.மு.க. வெற்றி பெறாது என்றேன்.

    ஆனால் எங்களது முயற்சிகளை எடப்பாடி பழனிசாமி ஏற்கவில்லை. அதனால் டெல்லி மேலிடமும், எடப்பாடி பழனிசாமியை கை கழுவி விட்டனர்.

    கட்சியில் ஓ.பன்னீர்செல்வத்துக்கு அடுத்தபடியாக எடப்பாடி பழனிசாமி சீனியராக இருந்ததால் அவரை முதல்-மந்திரி பதவிக்கு சசிகலா தேர்வு செய்தார். ஆனால் அவர் கட்சி தொண்டர்களுக்கும், சசிகலாவுக்கும் மிகப்பெரிய துரோகத்தை செய்து விட்டார்.

    எடப்பாடி பழனிசாமியை எந்தவிதத்திலும் நம்ப முடியாது. சசிகலா பெங்களூரு சிறையில் இருந்தபோது அவர் தமிழகத்துக்கு வந்து செல்ல அனுமதி கொடுக்க மறுத்தார். சட்டம் ஒழுங்கு பிரச்சினை ஏற்பட்டுவிடும் என்று கூறினார். அந்த அளவுக்கு அவர் கொடூரராக நடந்து கொண்டார்.

    அரசியலுக்காக அவர் எதையும் செய்வார். ஓ.பன்னீர்செல்வம் சசிகலாவுக்கு எதிராக செயல்பட்டு எடப்பாடி பழனிசாமியுடன் கை கோர்த்தது மிகப்பெரிய தவறாகும். அதை அவர் இப்போதுதான் உணருகிறார்.

    எதிர்காலத்தில் ஓ.பன்னீர்செல்வத்துடன் நாங்கள் இணைந்து செயல்படுவதற்கு வாய்ப்புகள் உள்ளன. ஆனால் எடப்பாடி பழனிசாமியை நம்ப இயலாது. எனவே எந்த காலத்திலும் அவருடன் சேரும் எண்ணம் இல்லை.

    நான் நினைத்திருந்தால் ஜெயலலிதா டான்சி வழக்கில் சிறை சென்றபோதே மிக எளிதாக முதல்-மந்திரி ஆகி இருக்க முடியும். ஆனால் எனது இயல்பு அப்படிப்பட்டது அல்ல. ஆனால் நாங்கள் ஓ.பன்னீர்செல்வத்தை பரிந்துரை செய்து முதல்-மந்திரி ஆக்கினோம்.

    நான் போராட்ட குணம் கொண்டவன். போராடி மக்கள் ஆதரவுடன் நிச்சயமாக ஆட்சியை பிடிக்க முடியும்.

    2016-ம் ஆண்டு ஜெயலலிதா மரணம் அடைந்தபோது அமைச்சர்கள் அனைவரும் சசிகலாவிடம் தான் விசுவாசம் காட்டினார்கள். அதனால்தான் ஓ.பன்னீர்செல்வத்தை பதவி விலக சொன்னார்கள். ஆனால் அவர் தர்மயுத்தம் செய்தார். பிறகு மோடி பேச்சை கேட்டு எடப்பாடி பழனிசாமியிடம் போய் சேர்ந்தார்.

    தற்போது ஓ.பன்னீர்செல்வம் என்னுடன் ரகசிய தொடர்பில் இருப்பதாக தகவல்கள் வெளியாகி இருக்கிறது. அதில் உண்மை இல்லை. அவர் என்னிடம் எப்போதும் தொடர்பு கொண்டதே கிடையாது. அவர் எனது நண்பர். 10 ஆண்டுகள் நாங்கள் இணைந்து அரசியல் பணிகள் செய்துள்ளோம்.

    பிரச்சினை ஏற்பட்ட சமயத்தில் ஒரு வாரம் மட்டும் அவர் அமைதியாக இருந்திருந்தால் இப்போது நடக்கும் அரசியல் நாடகம் எல்லாம் நடந்திருக்காது.

    சசிகலாவுக்காக நாங்கள் தலைவர் பதவியை தயாராக வைத்துள்ளோம். கோர்ட்டில் அவர் அ.தி.மு.க. பொதுச் செயலாளர் உரிமையை கேட்டு வழக்கு தொடர்ந்துள்ளார். அதில் அவருக்கு வெற்றி கிடைத்தால் அ.தி.மு.க. பொதுச் செயலாளர் பதவியை ஏற்பார்.

    அதன்பிறகு மக்கள் ஆதரவு நிச்சயம் கிடைக்கும். நாங்கள்தான் அம்மாவின் உண்மையான விசுவாசிகள் என்பதை நிரூபித்து காட்டுவோம். அதன்பிறகு ஒவ்வொருவராக நிச்சயம் எங்கள் பக்கம் வருவார்கள்.

    2024-ம் ஆண்டு பாராளுமன்ற தேர்தலில் தமிழகத்தில் நிச்சயம் கூட்டணி மாற்றம் இருக்கும் என்று நினைக்கிறேன். காங்கிரஸ் கூட்டணியில் இருந்து தி.மு.க. விலக வாய்ப்பு உள்ளது. தமிழக காங்கிரஸ் தலைவர்களின் சமீபத்திய பேச்சுகள் இதை பிரதிபலிப்பதாக உள்ளன.

    அமைச்சர் செந்தில் பாலாஜி அமலாக்கத்துறை விசாரணை வளையத்தில் இருக்கிறார். மேற்கு வங்காளத்தில் நடந்தது போல தமிழ்நாட்டிலும் நடக்கலாம். எனவே தமிழகத்தில் அரசியல் மாற்றங்கள் நடக்க வாய்ப்பு இருக்கிறது.

    அ.தி.மு.க. தொண்டர்கள் என்னை விரும்புகிறார்கள். மக்கள் எனக்கு ஆதரவு அளிப்பார்கள் என்ற நம்பிக்கை இருக்கிறது. அதை நோக்கித்தான் நான் உழைத்து கொண்டிருக்கிறேன்.

    2024-ம் ஆண்டு பாராளுமன்ற தேர்தல் பா.ஜனதாவுக்கு மிக மிக முக்கியமானது. பா.ஜனதா உரிய மரியாதை கொடுத்தால் தேசிய கட்சியுடன் கூட்டணி அமைக்க முயற்சி செய்வேன். இல்லையென்றால் தனியாக போட்டியிடுவோம்.

    இவ்வாறு டி.டி.வி.தினகரன் கூறியுள்ளார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • கொரோனா பாதிப்புக்கு பிறகு ஓ.பன்னீர்செல்வம் மீண்டும் ஆதரவாளர்களை திரட்டி முக்கிய முடிவுகள் எடுக்க உள்ளதால் அவரது அணியினர் உற்சாகம் அடைந்துள்ளனர்.
    • ஓ.பன்னீர்செல்வம் தரப்பினர் தனி அலுவலகம் பார்க்கும் பணி தீவிரப்படுத்தப்பட்டுள்ளது.

    சென்னை:

    அ.தி.மு.க.வில் ஓ.பன்னீர்செல்வம், எடப்பாடி பழனிசாமி தனித்தனி அணியாக தற்போது செயல்பட்டு வருகின்றனர்.

    அ.தி.மு.க. தற்காலிக பொதுச்செயலாளர் என எடப்பாடி பழனிசாமியும், ஒருங்கிணைப்பாளர் என ஓ.பன்னீர்செல்வமும் தனித்தனியாக அறிக்கை மற்றும் அறிவிப்புகளை வெளியிட்டு வருகின்றனர்.

    பொதுக்குழு தொடர்பான வழக்கு விசாரணை நாளை வரும் நிலையில் இருவரும் அதன் முடிவை எதிர்பார்த்து உள்ளனர். கடந்த சில நாட்களாக சொந்த ஊரில் இருந்து வந்த ஓ.பன்னீர்செல்வம் நேற்று இரவு சென்னை திரும்பினார்.

    கொரோனா தொற்று பாதிப்புக்கு பிறகு சில நாட்கள் ஓய்வில் இருந்து வந்த ஓ.பன்னீர்செல்வம் தொடர்ந்து அரசியல் ரீதியான பல்வேறு அறிக்கையினை வெளியிட்டு வருகிறார்.

    அடுத்த கட்ட நடவடிக்கை குறித்து தனது ஆதரவாளர்களுடன் ஓ.பன்னீர்செல்வம் இன்று மாலை 5 மணியளவில் ஆழ்வார்பேட்டையில் உள்ள தனியார் ஓட்டலில் ஆலோசனை நடத்த உள்ளார்.

    கோர்ட்டு தீர்ப்பு முடிவை தொடர்ந்து அடுத்த கட்டமாக செய்ய வேண்டிய பணிகள், சுற்றுப்பயணம் குறித்து ஆலோசிக்கப்படுகிறது. தமிழ்நாடு முழுவதும் மாவட்டம் வாரியாக எப்போது சுற்றுப்பயணம் தொடங்கலாம், அதற்கு முன்பாக அனைத்து மாவட்டத்திற்கும் புதிய நிர்வாகிகளை நியமிக்கவும் இக்கூட்டத்தில் விவாதிக்கப்படுகிறது.

    ஏற்கனவே 54 மாவட்டங்களுக்கு மாவட்ட செயலாளர்களை நியமித்து உள்ள நிலையில் மீதமுள்ள 21 மாவட்டங்களுக்கு யாரை நியமிப்பது, எடப்பாடி பழனிசாமி ஆதரவாளர்களை தங்கள் பக்கம் இழுப்பது மட்டுமின்றி நடுநிலையில் உள்ளவர்கள், கட்சியில் ஓரம் கட்டப்பட்டவர்களையும் இழுத்து பொறுப்புகளை அறிவிக்க வேண்டும் என இந்த கூட்டத்தில் அறிவுறுத்தப்படுகிறது.

    கொரோனா பாதிப்புக்கு பிறகு ஓ.பன்னீர்செல்வம் மீண்டும் ஆதரவாளர்களை திரட்டி முக்கிய முடிவுகள் எடுக்க உள்ளதால் அவரது அணியினர் உற்சாகம் அடைந்துள்ளனர்.

    இதற்கிடையில் ஓ.பன்னீர்செல்வம் தரப்பினர் தனி அலுவலகம் பார்க்கும் பணியும் தீவிரப்படுத்தப்பட்டுள்ளது. மந்தைவெளியில் 4 ஏக்கரில் ஆபீசுக்கு இடம் தேர்வு செய்யப்பட்டுள்ளது. அந்த இடத்தையும் ஓ.பன்னீர்செல்வம் ஓரிரு நாட்களில் பார்க்க இருப்பதாக கூறப்படுகிறது.

    15 அறைகள், கொண்ட அந்த இடம் கட்சி செயல்பாட்டிற்கு உகந்ததாக இருக்கும் என்று நிர்வாகிகள் கூறியிருப்பதை தொடர்ந்து அதற்கு ஓ.பன்னீர்செல்வம் ஓ.கே. சொல்வார் என்று தெரிகிறது.

    தொண்டர்கள் வந்தால் சந்திக்கவும் போதிய இட வசதியும் அதில் இருப்பதால் மந்தைவெளி இடத்தை ஓ.பன்னீர்செல்வம் முடிவு செய்வார் என்றும் ஆதரவாளர்கள் தெரிவித்தனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • வழக்கை விசாரிப்பதில் இருந்து நீதிபதி கிருஷ்ணன் ராமசாமி விலகினார்.
    • தனி நீதிபதி விலகியதை ஓ.பன்னீர்செல்வம் தரப்பினர் வலைத்தளங்களில் பதிவேற்றி கொண்டாடினார்கள்.

    சென்னை:

    அ.தி.மு.க. பொதுக்குழு தொடர்பாக ஓ.பன்னீர்செல்வம் தரப்பில் தொடரப்பட்ட வழக்கை ஐகோர்ட்டு நீதிபதி கிருஷ்ணன் ராமசாமி விசாரித்து வந்தார்.

    இந்த நிலையில் இந்த வழக்கை வேறு நீதிபதிக்கு மாற்ற வேண்டும் என்று தலைமை நீதிபதியிடம் ஓ.பன்னீர்செல்வம் தரப்பு முறையிட்டது. இதற்கு நீதிபதி கிருஷ்ணன் ராமசாமி கடும் கண்டனம் தெரிவித்தார். நீதித்துறையை தரம் தாழ்த்தும் வகையில் அமைந்து இருப்பதாக குறிப்பிட்டார்.

    இதனால் சிக்கலுக்குள்ளான ஓ.பி.எஸ். தரப்பில் கோர்ட்டில் மன்னிப்பு கோரப்பட்டது. தலைமை நீதிபதிக்கு அனுப்பிய கடிதத்தை திரும்ப பெற்றுக் கொள்வதாகவும் தெரிவித்தனர்.

    அதை எழுத்துப் பூர்வமாக தாக்கல் செய்ய நீதிபதி உத்தரவிட்டார். ஆனால் அதற்கு மறுப்பு தெரிவித்து விட்டனர்.

    இதையடுத்து இந்த வழக்கை விசாரிப்பதில் இருந்து நீதிபதி கிருஷ்ணன் ராமசாமி விலகினார். வேறு நீதிபதியை நியமிக்கும்படி தலைமை நீதிபதிக்கு பரிந்துரையும் செய்தார். புதிய நீதிபதியாக ஜெயச்சந்திரன் நியமிக்கப்பட்டுள்ளார்.

    தனி நீதிபதி விலகியதை ஓ.பன்னீர்செல்வம் தரப்பினர் வலைத்தளங்களில் பதிவேற்றி கொண்டாடினார்கள்.

    பொதுக்குழுவில் இருந்து ஓ.பன்னீர்செல்வம் வெளியேறும் வீடியோ காட்சி, தனி நீதிபதி விலகல் என்ற அறிவிப்பு ஆகியவற்றை தங்கள் ஸ்டேட்டஸ்களில் வைத்து மகிழ்ச்சியை வெளிப்படுத்தி வருகிறார்கள்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • எடப்பாடி பழனிசாமியின் சொந்த மாவட்டமான சேலத்தில் இருந்து ஏராளமானோர் ஓ.பன்னீர்செல்வத்தை சந்தித்தனர்.
    • அ.தி.மு.க உருவான காலத்தில் இருந்து நிர்வாகிகளை அரவணைத்து செல்லும் தலைமையே கட்சியில் இருந்து வந்தது.

    பெரியகுளம்:

    அ.தி.மு.க.வில் தலைமை பதவியை கைப்பற்றுவதில் ஓ.பி.எஸ் மறறும் இ.பி.எஸ் இடையே மோதல் உச்சகட்டத்தை எட்டியுள்ளது. பெரும்பாலான நிர்வாகிகள் எடப்பாடி பழனிசாமிக்கு ஆதரவு தெரிவித்து வரும் நிலையில் கடந்த ஒரு மாதத்திற்கு பின் தனது சொந்த ஊரான பெரியகுளத்திற்கு வந்த ஓ.பன்னீர்செல்வம் தனது பண்ணை வீட்டில் ஆதரவாளர்களுடன் ஆலோசனை நடத்தி வருகிறார்.

    கட்சியை கைப்பற்ற மேற்கொள்ளவேண்டிய அடுத்தகட்ட நடவடிக்கை குறித்து சட்ட வல்லுநர்களுடனும், ஆதரவாளர்களுடனும் ஆலோசனையில் ஈடுபட்டுள்ளார். தேனி மாவட்ட நிர்வாகிகள் மட்டுமின்றி வெளிமாவட்ட நிர்வாகிகளும் ஓ.பன்னீர்செல்வத்தை சந்தித்து வருகின்றனர். இந்நிலையில் எடப்பாடி பழனிசாமியின் சொந்த மாவட்டமான சேலத்தில் இருந்து ஏராளமானோர் ஓ.பன்னீர்செல்வத்தை சந்தித்தனர்.

    சேலம் மாநகர மாவட்ட அண்ணா தொழிற்சங்க தலைவர் பாலகிருஷ்ணன் மற்றும் நாமக்கல் மாவட்ட ஒன்றிய கவுன்சிலர் பழனிசாமி, சேலம் ரவி உள்பட ஏராளமானோர் ஓ.பன்னீர்செல்வத்தை சந்தித்தனர். அதன்பிறகு அவர்கள் நிருபர்களுக்கு அளித்த பேட்டியில் கூறியதாவது,

    அ.தி.மு.க உருவான காலத்தில் இருந்து நிர்வாகிகளை அரவணைத்து செல்லும் தலைமையே கட்சியில் இருந்து வந்தது. ஆனால் அதுபோன்ற நிலை தற்போது இல்லை. உண்மையாக உழைப்பவர்களுக்கு மரியாதை இல்லை. முன்னாள் முதல் அமைச்சர் ஜெயலலிதாவால் அடையாளம் காணப்பட்ட ஓ.பன்னீர்செல்வத்தை கட்சியில் இருந்து நீக்கி ஓரம்கட்ட நினைப்பது பெரும்பாலான அ.தி.மு.க தொண்டர்களிடையே வேதனையை ஏற்படுத்தி உள்ளது.

    மீண்டும் அ.தி.மு.க ஆட்சி அமைய வேண்டுமானால் அனைவரும் ஒற்றுமையாக இருந்து செயல்பட்டால் மட்டுமே சாத்தியமாகும். தனக்கு வேண்டியவர்களுக்கு மட்டும் பதவி கொடுத்துவிட்டு வேண்டாதவர்களை காரணம் கூறாமல் கட்சியில் இருந்து நீக்கி வருகின்றனர். சேலம் மாநகர மாவட்ட அண்ணா தொழிற்சங்க நிர்வாகிகள் அனைவரும் ஓ.பன்னீர்செல்வத்தை சந்தித்து தங்கள் ஆதரவை தெரிவிக்க உள்ளோம். இதேபோல் நாமக்கல் மாவட்டத்தில் இருந்தும் பெரும்பாலான நிர்வாகிகள் ஓ.பன்னீர்செல்வத்திற்கு ஆதரவான நிலையையே எடுத்து வருகிறோம் என்றனர்.

    மரியாதை இல்லாத இடத்தில் இருப்பதை தவிர்த்து ஓ.பன்னீர்செல்வத்திற்கு தங்கள் ஆதரவை தெரிவித்து வருவதாகவும், நாமக்கல் மாவட்ட நிர்வாகிகள் தெரிவித்தனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • தமிழகத்தில் உள்ள தேவர் அமைப்புகள் சசிகலாவுடன் இணைந்து அ.தி.மு.க.வை மீட்டெடுக்க வேண்டும் என ஓ.பன்னீர்செல்வத்துக்கு கோரிக்கை விடுத்திருந்தனர்.
    • ஓ.பன்னீர்செல்வத்தின் அடுத்த கட்ட நகர்வு எதுவாக இருக்கும்? என தொண்டர்கள் மத்தியில் எதிர்பார்ப்பு ஏற்பட்டுள்ளது.

    சென்னை:

    அ.தி.மு.க. பொதுக்குழு கூட்டம் கடந்த 11-ந்தேதி நடந்தது. இதில் ஓ.பன்னீர்செல்வத்தின் ஒருங்கிணைப்பாளர் பதவி பறிக்கப்பட்டது. அ.தி.மு.க. இடைக்கால பொதுச்செயலாளராக எடப்பாடி பழனிசாமி தேர்ந்தெடுக்கப்பட்டார்.

    இதன் தொடர்ச்சி ஓ.பன்னீர்செல்வத்தின் சட்டமன்ற எதிர்க்கட்சி துணைத்தலைவர் பதவியையும் எடப்பாடி பழனிசாமி பறித்து அறிவிப்பு வெளியிட்டார்.

    இதை எதிர்த்து ஓ.பன்னீர்செல்வம் சுப்ரீம் கோர்ட்டில் வழக்கு தொடர்ந்தார். அவரது மனுவை சுப்ரீம் கோர்ட்டு தள்ளுபடி செய்து இதுதொடர்பாக சென்னை ஐகோர்ட்டை அணுகும்படி கூறியது.

    இந்த நிலையில் கொரோனாவால் பாதிக்கப்பட்டு சிகிச்சை பெற்ற ஓ.பன்னீர்செல்வம் அதில் இருந்து குணம் அடைந்தார். சில நாட்கள் ஓய்வுக்கு பிறகு அவர் நேற்று முன்தினம் தனது சொந்த ஊரான பெரிய குளத்துக்கு வந்தார். அவருக்கு கட்சி நிர்வாகிகள் மற்றும் தொண்டர்கள் உற்சாக வரவேற்பு அளித்தனர்.

    நேற்று பெரியகுளத்தில் உள்ள பண்ணை வீட்டில் ஓ.பன்னீர்செல்வம் தனது ஆதரவாளர்களுடன் தீவிர ஆலோசனை நடத்தினார். இன்று 2-வது நாளாக அவர் தனது ஆதரவாளர்களுடன் தீவிர ஆலோசனையில் ஈடுபட்டுள்ளார்.

    கட்சியை தனது கட்டுப்பாட்டில் கொண்டு வர வேண்டிய சட்டப் போராட்டம் மற்றும் மாவட்டம் முழுவதும் சுற்றுப்பயணம் ஆகியவை குறித்தும் நிர்வாகிகளிடம் ஆலோசனை கேட்டார்.

    தேனி மாவட்ட நிர்வாகிகள் மட்டுமின்றி தமிழகத்தில் உள்ள பல்வேறு பகுதியைச் சேர்ந்த தனது ஆதரவாளர்களிடமும் ஓ.பன்னீர்செல்வம் கருத்துகளை கேட்டு வருகிறார். தேனி மாவட்ட அ.தி.மு.க. செயலாளராக உள்ள சையது கான் கடந்த சில தினங்களுக்கு முன்பு நிர்வாகிகளுடன் ஆலோசனை கூட்டம் நடத்தினார்.

    அதில் நிர்வாகிகள் தெரிவித்த கருத்துக்களை ஓ.பன்னீர்செல்வத்திடம் தெரிவித்தார். உண்மையான அ.தி.மு.க. என்பது ஓ.பன்னீர்செல்வம் பக்கமே உள்ளது. அ.தி.மு.க.வை வழி நடத்திச் செல்லக்கூடிய அனைத்து தகுதியும் அவருக்கு மட்டுமே உள்ளது.

    ஜெயலலிதாவின் விசுவாசியாகவும், அவரது நம்பிக்கைக்கு பாத்திரமாகவும் விளங்கியதால்தான் அவருக்கு முதல்-அமைச்சர் பதவி கொடுத்து ஜெயலலிதா அழகு பார்த்தார். அவருக்கு பின்னரும் கட்சியையும், ஆட்சியையும் தலைமையில் இருந்து வழிநடத்தினார்.

    தொண்டர்கள் எப்போதும் அவரை அ.தி.மு.க.வின் நம்பிக்கைக்கு உரிய தலைவராக எப்போதோ பார்க்கத்தொடங்கி விட்டனர் என நிர்வாகிகள் தெரிவித்ததாக சையதுகான், ஓ.பன்னீர்செல்வத்திடம் கூறினார்.

    மேலும் அவர் கூறுகையில், சசிகலா மற்றும் டி.டி.வி. தினகரனை கட்சியில் இணைத்து அ.தி.மு.க.வை மீட்டெடுக்க போராடுவோம் என ஓ.பன்னீர்செல்வத்திடம் வலியுறுத்தினோம்' என்றார்.

    இதனிடையே தமிழகத்தில் உள்ள தேவர் அமைப்புகள் சசிகலாவுடன் இணைந்து அ.தி.மு.க.வை மீட்டெடுக்க வேண்டும் என ஓ.பன்னீர்செல்வத்துக்கு கோரிக்கை விடுத்திருந்தனர்.

    இந்தநிலையில் ஓ.பன்னீர்செல்வத்தின் அடுத்த கட்ட நகர்வு எதுவாக இருக்கும்? என தொண்டர்கள் மத்தியில் எதிர்பார்ப்பு ஏற்பட்டுள்ளது. சட்டப்போராட்டங்களுக்கு பிறகு மாவட்டம் தோறும் சென்று நிர்வாகிகளை சந்திப்பதா? அல்லது தற்போதே அதனை தொடங்குவதா? என்றும் தீவிர ஆலோசனை செய்து வருகிறார்.

    பிரசாரத்தின்போது எடப்பாடி பழனிசாமி எவ்வாறு முதல்-அமைச்சர் பதவிக்கு வந்தார்? தற்போது பதவிக்காக அவர் எவ்வாறு செயல்படுகிறார்? என்பது குறித்து மக்களிடம் விளக்க ஆதாரங்களை சேகரித்து வருவதாகவும், நிர்வாகிகள் தெரிவித்துள்ளனர்.

    இதனால் ஓ.பன்னீர்செல்வத்தின் அடுத்தகட்ட நகர்வு அ.தி.மு.க. மட்டுமின்றி அரசியல் களத்திலும் மிகப்பெரிய தாக்கத்தை ஏற்படுத்தும் என எதிர்பார்க்கப்படுகிறது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    இந்த செய்தியை ஆடியோ வடிவில் கேட்க "Play" பட்டனை கிளிக் செய்யவும்
    • ஓ.பன்னீர்செல்வம் தரப்பினர் அந்த பொதுக்குழுவே செல்லாது. கட்சியின் விதிமுறைகள் முறையாக பின்பற்றப்படவில்லை என்பதையும் சுட்டி காட்டி இருக்கிறார்கள்.
    • கோர்ட்டு மூலம் கட்சி அலுவலகம் எடப்பாடி பழனிசாமி கைகளுக்கு வந்து விட்டது.

    சென்னை:

    அ.தி.மு.க.வில் ஏற்பட்ட மோதலை தொடர்ந்து எடப்பாடி பழனிசாமியும், ஓ.பன்னீர்செல்வமும் கட்சியை கைப்பற்ற தீவிரமாக களம் இறங்கினார்கள்.

    66 எம்.எல்.ஏ.க்களில் 63 பேரின் ஆதரவையும், மொத்தம் உள்ள பொதுக்குழு உறுப்பினர்களில் 90 சதவீதத்துக்கும் மேற்பட்ட ஆதரவை தக்க வைத்துள்ள எடப்பாடி பழனிசாமி கடந்த மாதம் பொதுக்குழுவை கூட்டி இடைக்கால பொதுச்செயலாளரானார்.

    இதுபற்றி தகவலையும் தேர்தல் ஆணையத்துக்கு அனுப்பி இருக்கிறார். அதேபோல் ஓ.பன்னீர்செல்வம் கட்சியில் இருந்து நீக்கப்பட்டது பற்றியும் தகவல் அனுப்பி இருக்கிறார்கள். பெரும்பான்மை ஆதரவு இருப்பது பற்றியும் உரிய ஆவணங்களுடன் புகார் கொடுத்துள்ளார்.

    அதே நேரம் ஓ.பன்னீர்செல்வம் தரப்பினர் அந்த பொதுக்குழுவே செல்லாது. கட்சியின் விதிமுறைகள் முறையாக பின்பற்றப்படவில்லை என்பதையும் சுட்டி காட்டி இருக்கிறார்கள்.

    இரு தரப்பினரின் கோரிக்கைகளையும் தேர்தல் ஆணையம் பரிசீலித்து வருகிறது.

    கோர்ட்டு மூலம் கட்சி அலுவலகம் எடப்பாடி பழனிசாமி கைகளுக்கு வந்து விட்டது.

    இதற்கிடையில் தமிழக தேர்தல் அதிகாரி நேற்று நடத்திய அனைத்து கட்சி கூட்டத்துக்கு அ.தி.மு.க. தலைமை கழகத்துக்கு கடிதம் அனுப்பினர். இதன் மூலம் தேர்தல் ஆணையமும் அங்கீகரிப்பதற்கான முதல் வெற்றி என்று எடப்பாடி அணியினர் கொண்டாடுகிறார்கள்

    இதற்கிடையே ஓ.பன்னீர்செல்வமும் தேர்தல் ஆணையத்துக்கு கடிதம் எழுதி அனைத்து கட்சி கூட்டத்தில் கலந்து கொள்ள அனுமதி பெற்றார்.

    இரு தரப்பும் கலந்துகொண்டதால் தேர்தல் ஆணையத்தின் அங்கீகாரம் பெற்றது எந்த அணி? என்ற கேள்வி எழுந்தது.

    எந்த அணிக்கு அங்கீகாரம் என்பது தொடர்பாக மத்திய தேர்தல் ஆணையம் தான் முடிவெடுக்கும் என்று தமிழக தலைமை தேர்தல் அதிகாரி சத்யபிரதா சாகு தெரிவித்தார்.

    இதனால் தலைமை தேர்தல் ஆணையத்தின் முடிவுக்காக இரு அணிகளும் காத்திருக்கின்றன.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • அ.தி.மு.க.வில் உள்ள உண்மையான தொண்டன் எதிர்பார்ப்பை பிரதிபலிக்கும் வண்ணம் கோர்ட்டு தீர்ப்பு அமையும்.
    • கட்சியில் இருக்கும் கருத்து வேறுபாடுகளை தாண்டி தற்போது வரை அ.தி.மு.க. எம்.பி.யாக நான் மக்களவையில் பணியாற்றி வருகிறேன்.

    ராஜபாளையம்:

    விருதுநகர் மாவட்டம் ராஜபாளையத்தில், தேனி தொகுதி எம்.பி. ரவீந்திரநாத் ஆதரவாளர்களை சந்தித்து பேசினார். பின்னர் அவர் நிருபர்களிடம் கூறியதாவது:-

    அ.தி.மு.க. இணை ஒருங்கிணைப்பாளராக இருந்த எடப்பாடி பழனிசாமி, ஒருங்கிணைப்பாளர் ஓ.பன்னீர்செல்வத்தை நீக்க முடியாது. அ.தி.மு.க.வை பொறுத்தவரை எளிய தொண்டன்தான் தலைமை பொறுப்புக்கு வர முடியும். தலைமை கழகம் யாருக்கு சொந்தம் என்று தற்போது தெளிவுபடுத்த முடியாத நிலை உள்ளது.

    கோர்ட்டு உத்தரவுப்படி தலைமைக்கழக அலுவலகத்தில் சாவி கொடுக்கப்பட்டது. இதுகுறித்து மேல் முறையீடு செய்தபோது 2 வாரங்களில் இந்த வழக்கை மீண்டும் விசாரிக்க சுப்ரீம் கோர்ட்டு அறிவுறுத்தி உள்ளது. அ.தி.மு.க.வில் உள்ள உண்மையான தொண்டன் எதிர்பார்ப்பை பிரதிபலிக்கும் வண்ணம் கோர்ட்டு தீர்ப்பு அமையும்.

    தற்போது ஒவ்வொரு மாவட்டத்திலும் புதிய பொறுப்பாளர்கள் நியமனம் நடைபெற்று வருகிறது. என்னுடைய பங்களிப்பு குறித்து ஒருங்கிணைப்பாளர்தான் முடிவு எடுப்பார்.

    டி.டி.வி.தினகரன், ஓ.பன்னீர்செல்வம் சந்திப்பு நடைபெறுமா? என்பது தொண்டர்களின் மனதை பொறுத்து அமையும்.

    கட்சியில் இருக்கும் கருத்து வேறுபாடுகளை தாண்டி தற்போது வரை அ.தி.மு.க. எம்.பி.யாக நான் மக்களவையில் பணியாற்றி வருகிறேன். அ.தி.மு.க. பொதுக்குழு குறித்து கருத்து சொல்ல விரும்பவில்லை.

    இவ்வாறு அவர் கூறினார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • எடப்பாடி பழனிசாமி, அ.தி.மு.க.வில் உள்ள ஓ.பி.எஸ். ஆதரவாளர்களை நீக்கி விட்டு புதிய பொறுப்பாளர்களை நியமித்து வருகிறார்.
    • சுற்றுப்பயணத்தை தனது சொந்த ஊரான தேனியில் இருந்தே தொடங்குவதற்கு ஓ.பி.எஸ். முடிவு செய்திருப்பதாக தகவல்கள் வெளியாகி உள்ளன.

    சென்னை:

    அ.தி.மு.க. ஒருங்கிணைப்பாளராக இருந்து வந்த ஓ.பன்னீர்செல்வத்தை அந்த பதவியில் இருந்தும், கட்சியில் இருந்தும் அதிரடியாக நீக்கி விட்டு எடப்பாடி பழனிசாமி அ.தி.மு.க. இடைக்கால பொதுச்செயலாளராகி இருக்கிறார்.

    கடந்த மாதம் 11-ந்தேதி நடைபெற்ற அ.தி.மு.க. பொதுக்குழு கூட்டத்தில் இது தொடர்பாக முக்கிய தீர்மானங்கள் நிறைவேற்றப்பட்டன. இதனை எதிர்த்து ஓ.பன்னீர்செல்வம் சட்ட போராட்டங்களை நடத்தி வருகிறார்.

    அ.தி.மு.க. பொதுச்செயலாளராக எடப்பாடி பழனிசாமி தேர்வு செய்யப்பட்டது செல்லாது என்று அறிவிக்க வேண்டும் என்பதை வலியுறுத்தி தேர்தல் ஆணையத்திலும் ஓ.பன்னீர்செல்வம் மனு செய்துள்ளார். அதில் அ.தி.மு.க. ஒருங்கிணைப்பாளராக நான் நீடிக்கிறேன். எனது ஒப்புதலின்றி நடைபெற்ற பொதுக்குழு கூட்டம் செல்லாது என்றும் அவர் குறிப்பிட்டிருக்கிறார்.

    கட்சியின் இணை ஒருங்கிணைப்பாளராக இருந்த எடப்பாடி பழனிசாமியை நான் நீக்கி இருக்கிறேன். அவருக்கு பதில் வைத்தியலிங்கம் புதிய இணை ஒருங்கிணைப்பாளராக நியமிக்கப்பட்டுள்ளார் என்கிற தகவலையும் ஓ.பன்னீர்செல்வம் தேர்தல் ஆணையத்தில் தெரிவித்து உள்ளார்.

    எடப்பாடி பழனிசாமி, அ.தி.மு.க.வில் உள்ள ஓ.பி.எஸ். ஆதரவாளர்களை நீக்கி விட்டு புதிய பொறுப்பாளர்களை நியமித்து வருகிறார். அதே நேரத்தில் ஓ.பன்னீர்செல்வம், எடப்பாடி பழனிசாமியின் ஆதரவாளர்களை நீக்கி விட்டு அந்த இடத்துக்கு புதிய பொறுப்பாளர்களை நியமித்து வருகிறார்.

    மேலும் அ.தி.மு.க.வில் எடப்பாடி பழனிசாமியால் ஓரம் கட்டப்பட்டு ஒதுக்கி வைக்கப்பட்டுள்ள பழைய முன்னணி நிர்வாகிகளையும் ஓ.பன்னீர்செல்வம் தன்பக்கம் இழுத்து வருகிறார். அந்த வகையில் அ.தி.மு.க. முன்னாள் அமைச்சர்கள் சிலருக்கும் ஓ.பி.எஸ். குறி வைத்துள்ளார்.

    எடப்பாடி பழனிசாமியால் நீண்ட நாட்கள் கட்சியை வழி நடத்தி செல்ல முடியாது என்றும், பாராளுமன்ற தேர்தலுக்குள் கட்சியில் ஏகப்பட்ட மாற்றங்கள் நிச்சயம் அரங்கேறும் என்றும் ஓ.பி.எஸ். ஆதரவாளர்கள் கூறி வருகிறார்கள். இதுபோன்ற கருத்துக்களை கூறியே அ.தி.மு.க. முன்னணி நிர்வாகிகள் பலரையும் வளைத்துப்போட ஓ.பன்னீர்செல்வம் காய் நகர்த்தி வருகிறார். தமிழகம் முழுவதும் இது போன்று ஆதரவு திரட்டும் முயற்சியில் ஓ.பி.எஸ். தீவிரம் காட்டி வருகிறார்.

    இதற்காக விரைவில் மாநிலம் முழுவதும் சுற்றுப்பயணம் மேற்கொள்ள ஓ.பி.எஸ். தயாராகி வருகிறார். அ.தி.மு.க. பொதுக்குழுவுக்கு எதிராக சென்னை ஐகோர்ட்டில் மனுதாக்கல் செய்வது தொடர்பான ஆலோசனையில் ஈடுபட்டுள்ள ஓ.பன்னீர்செல்வம் அதில் முடிவு எப்படி வந்தாலும் கவலைப்படாமல் சுற்றுப்பயண திட்டத்தை வகுத்து வருவதாக அவரது ஆதரவாளர்கள் கூறியுள்ளனர்.

    இந்த சுற்றுப்பயணத்தை தனது சொந்த ஊரான தேனியில் இருந்தே தொடங்குவதற்கு ஓ.பி.எஸ். முடிவு செய்திருப்பதாகவும் தகவல்கள் வெளியாகி உள்ளன.

    எடப்பாடி பழனிசாமியை வீழ்த்துவதற்கு ஓ.பன்னீர்செல்வம் சசிகலாவுடன் இணைந்து செயல்பட வேண்டும் என்று தேவர் அமைப்புகள் வலியுறுத்தி உள்ள நிலையில் அது தொடர்பாகவும் ஓ.பி.எஸ். தீவிர ஆலோசனையில் ஈடுபட்டார். எடப்பாடி பழனிசாமியை அ.தி.மு.க.வில் இருந்து ஓரம் கட்டுவதற்கு சசிகலாவுடன் கைகோர்ப்பதில் தவறு இல்லை என்றே ஆதரவாளர்களும் ஓ.பன்னீர்செல்வத்திடம் தொடர்ந்து வலியுறுத்தி வருகிறார்கள்.

    அப்படி ஒருங்கிணைந்து செயல்பட்டால் மட்டுமே அ.தி.மு.க.வை கைப்பற்ற முடியும் என்றும் அவர்கள் அறிவுறுத்தி உள்ளனர். இதையெல்லாம் மனதில் வைத்தே ஓ.பன்னீர்செல்வம் சுற்றுப்பயணத்துக்கு தயாராகி வருகிறார்.

    அ.தி.மு.க.வில் எடப்பாடி பழனிசாமிக்கு எதிராக இருப்பவர்களையெல்லாம் ஒருங்கிணைத்தால் மட்டுமே தலைமை பதவியை கைப்பற்ற முடியும் என்கிற கருத்தையும் ஓ.பன்னீர் செல்வத்திடம் ஆதரவாளர்கள் தெரிவித்து இருக்கிறார்கள்.

    இதன்படி ஒவ்வொரு மாவட்டத்திலும் உள்ள எடப்பாடி பழனிசாமியின் அதிருப்தியாளர்களை ஒருங்கிணைக்கும் பணியையும் ஓ.பி.எஸ். முடுக்கி விட்டுள்ளார். இதன்மூலம் ஓ.பி.எஸ். விரைவில் எடப்பாடிக்கு எதிராக அதிரடி அரசியலில் குதிப்பார் என்று எதிர்பார்க்கப்படுகிறது.

    • Whatsapp