என் மலர்

    நீங்கள் தேடியது "Nupur Sharma"

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • நுபுர் சர்மாவை பகிரங்கமாக மன்னிப்பு கேட்க வைத்தார்கள்.
    • ஓவைசி மன்னிப்பு கேட்கும்படி யாரும் கேட்கவில்லை.

    மும்பை:

    தொலைக்காட்சி விவாத மேடை நிகழ்ச்சி ஒன்றில் பாஜகவை சேர்ந்த நுபுர் சர்மா, நபிகள் நாயகம் குறித்து கூறிய சர்ச்சைக்குரிய கருத்தால் பல்வேறு பகுதிகளில் அவருக்கு எதிராக போராட்டங்கள் நடைபெற்றது. பாஜகவில் இருந்து அவர் சஸ்பெண்ட் செய்யப்பட்ட நிலையில், பல்வேறு நீதிமன்றங்களில் வழக்கு தொடரப்பட்டுள்ளது. பொதுவெளியில் நுபுர் சர்மா மன்னிப்பு கேட்க வேண்டும் என்று உச்சநீதிமன்றம் தெரிவித்திருந்தது.

    இந்நிலையில் நுபுர் ஷர்மாவிற்கு ஆதரவாக தற்போது மகாராஷ்டிரா நவநிர்மாண் சேனா (எம்என்எஸ்) தலைவர் ராஜ் தாக்கரே களம் இறங்கி உள்ளார். மும்பையில் நடைபெற்ற கட்சிக் கூட்டத்தில் அவர் பேசியதாவது

    (முகமது நபிகள்) குறித்து நுபுர் சர்மா பேசியபோது, பகிரங்கமாக மன்னிப்பு கேட்க சொன்னார்கள். அக்பரூதீன் ஓவைசி (இந்திய மஜ்லிக் இ இதிஹாத் உல் முஸ்லிமின் கட்சி தலைவர்) அவரது சகோதரர் ஜாகிர் நாயக். ஜாகிர் நாயக்கின் பேட்டியை யாரும் பார்க்கலாம், அவரும் அதையே சொன்னார். ஆனால் யாரும் அவர் மன்னிப்பு கேட்க வேண்டும் என்று சொல்லவில்லை.

    இந்து கடவுள்களைப் பற்றி தெரிவித்த கருத்துக்களுக்காக அவர்கள் மீது இந்திய அளவில் ஏன் நடவடிக்கை எடுக்கப்படவில்லை? . அந்த இரண்டு ஓவைசி சகோதரர்கள் நமது (இந்து) கடவுள்களைப் பற்றி இழிவாக பேசுகிறார்கள், மேலும் நமது கடவுள்களுக்கு மோசமான பெயர்களை வைத்திருக்கிறார்கள். நமது கடவுள்கள் கேவலமானவர்களா? இதற்கு மன்னிப்பு கேட்கும்படி யாரும் அவரிடம் யாரும் கேட்கப் போவதில்லை. இவ்வாறு ராஜ் தாக்கரே பேசியுள்ளார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • முகமது நசீம் செல்போன் மெசேஜ்களை ஆய்வு செய்த போது அவனுக்கு பாகிஸ்தான் மற்றும் ஆப்கானிஸ்தானில் இயங்கி வந்த பயங்கரவாத அமைப்புகளுடன் நெருங்கிய தொடர்பு இருந்தது தெரியவந்தது.
    • ஜெயிஷ்-இ-முகமது-மற்றும் தெக்ரிக்-இ-தலிபான் ஆகிய அமைப்புகளுக்கு அவன் செல்போனில் பல்வேறு தகவல்களை பரிமாறி உள்ளதும் கண்டுபிடிக்கப்பட்டது.

    லக்னோ:

    இறை தூதர் நபிகள் நாயகம் பற்றி டி.வி. விவாத மேடை நிகழ்ச்சியில் பாரதிய ஜனதா தேசிய செய்தி தொடர்பாளர் நுபுர் சர்மா கூறிய சர்ச்சைக்குரிய கருத்து பரபரப்பை ஏற்படுத்தியது.

    இதையடுத்து அவர் பாரதிய ஜனதா கட்சியில் இருந்து சஸ்பெண்ட் செய்யப்பட்டார். அவருக்கு பல கொலை மிரட்டல்களும் வந்தன.

    இந்தநிலையில் நுபுர் சர்மாவை கொல்வதற்காக வந்த பயங்கரவாதி ஒருவன் உத்தரபிரதேச மாநிலத்தில் கைது செய்யப்பட்டு உள்ளான். அவனது பெயர் முகமது நசீம் ( வயது 25) உத்தரபிரதேச மாநிலம் சகாரன்பூர் மாவட்டம் குண்டகலா கிராமத்தை சேர்ந்தவன்.

    பயங்கரவாத தடுப்பு பிரிவு போலீசார் அவனை கைது செய்து விசாரணை நடத்தினார்கள். மேலும் அவனிடம் இருந்து வரைபடம், செல்போன், 2 சிம்கார்டு மற்றும் வெடி குண்டுகளை பறிமுதல் செய்தனர்.

    போலீசார் அவனிடம் நடத்திய விசாரணையில் பல்வேறு திடுக்கிடும் தகவல் வெளியானது. முகமது நசீம் செல்போன் மெசேஜ்களை ஆய்வு செய்த போது அவனுக்கு பாகிஸ்தான் மற்றும் ஆப்கானிஸ்தானில் இயங்கி வந்த பயங்கரவாத அமைப்புகளுடன் நெருங்கிய தொடர்பு இருந்தது தெரியவந்தது.

    அந்த நாடுகளை சேர்ந்த ஜெயிஷ்-இ-முகமது-மற்றும் தெக்ரிக்-இ-தலிபான் ஆகிய அமைப்புகளுக்கு அவன் செல்போனில் பல்வேறு தகவல்களை பரிமாறி உள்ளதும் கண்டுபிடிக்கப்பட்டது. முகமது நசீம் ஜெயிஷ்-இ-முகமது பயங்கரவாதிகளுடன் கடந்த 2018-ம் ஆண்டு முதல் தொடர்பில் இருந்து வந்து உள்ளான்.

    மேலும் பாகிஸ்தான் மற்றும் ஆப்கானிஸ்தான் பயங்கரவாத கும்பலிடம் இருந்து அவனுக்கு பயிற்சி பெற வருமாறு அழைப்பு வந்து உள்ளது. இதனால் அவன் விரைவில் பாகிஸ்தான் சென்று அங்கிருந்து சிரியா, எகிப்து, ஆப்கானிஸ்தான் செல்ல திட்டமிட்டு இருந்தான். இதற்காக அவன் விசாவுக்கு விண்ணப்பித்து இருந்தான்.

    இந்த சமயத்தில் தான் அவனுக்கு நபிகள் நாயகம் குறித்து சர்ச்சை கருத்து தெரிவித்த நுபுர் சர்மாவை கொல்லுமாறும், அரசு அலுவலக கட்டிடங்கள் அல்லது போலீஸ் படை மீது தாக்குதல் நடத்துமாறும் ஜெய்ஷ்-இ-முகமது அமைப்பிடம் இருந்து உத்தரவு வந்தது.

    இந்த கட்டளையை ஏற்று அவன் நுபுர் சர்மாவை கொல்ல வந்த போது தான் ஆயுதங்களுடன் சிக்கி உள்ளான்.

    அவனிடம் இந்தியாவில் பயங்கரவாத அமைப்புடன் இருக்கும் தொடர்பு குறித்து பயங்கரவாத தடுப்பு பிரிவு போலீசார் தொடர்ந்து விசாரணை நடத்தி வருகின்றனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • நூபுர் சர்மா மீது பல்வேறு மாநிலங்களில் உள்ள காவல் நிலையங்களில் வழக்கு பதிவு செய்யப்பட்டுள்ளது.
    • பாஜக செய்தித் தொடர்பாளர் பதவியில் இருந்து நூபுர் சர்மா கடந்த ஜூன் மாதம் சஸ்பெண்ட செய்யப்பட்டார்

    புதுடெல்லி:

    நபிகள் நாயகம் குறித்து சர்ச்சைக்குரிய வகையில் கருத்து தெரிவித்த நூபுர் சர்மா மீது பல்வேறு மாநிலங்களில் உள்ள காவல்நிலையங்களில் வழக்கு பதிவு செய்யப்பட்டுள்ளது. ஆனால், தன் உயிருக்கு அச்சுறுத்தல் ஏற்பட்டுள்ளதால் நாடு முழுவதும் தனக்கு எதிராக தொடரப்பட்ட வழக்குகளை விசாரணைக்காக டெல்லிக்கு மாற்றக்கோரி நூபுர் சர்மா உச்ச நீதிமன்றத்தில் மனு அளித்திருந்தார்.

    இந்த மனுவை விசாரித்த நீதிமன்றம் இன்று தீர்ப்பு வழங்கியது. அப்போது, நூபுர் சர்மாவுக்கு எதிரான அனைத்து வழக்குகளையும் டெல்லி காவல்துறைக்கு மாற்றி உத்தரவு பிறப்பித்தது.

    நபிகள் நாயகம் குறித்த பேச்சு சர்ச்சையாகி நாடு முழுவதும் போராட்டங்கள் வெடித்த நிலையில், பாஜக செய்தித் தொடர்பாளர் பதவியில் இருந்து நூபுர் சர்மா கடந்த ஜூன் மாதம் சஸ்பெண்ட செய்யப்பட்டார் என்பது குறிப்பிடத்தக்கது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • நூபுர் ஷர்மா மீது பல்வேறு மாநிலங்களில் வழக்குகள் பதிவு செய்யப்பட்டன.
    • நூபுர் ஷர்மா மீது நடவடிக்கை எடுக்க உச்சநீதிமன்றம் தடை விதித்தது.

    புதுடெல்லி:

    பா.ஜ.க. செய்தி தொடர்பாளராக இருந்த நூபுர் சர்மா டிவி விவாதம் ஒன்றில் பேசுகையில், நபிகள் நாயகம் குறித்து தெரிவித்த கருத்து சர்ச்சையை ஏற்படுத்தியது. இதனால் பல்வேறு மாநிலங்களில் கலவரம் ஏற்பட்டது.

    இதைத்தொடர்ந்து அவரை பா.ஜ.க. தலைமை கட்சியில் இருந்து சஸ்பெண்ட் செய்தது. பல்வேறு நாடுகளும் இவரது பேச்சுக்கு கண்டனம் தெரிவித்தன. நூபுர் ஷர்மா மீது பல்வேறு மாநிலங்களில் வழக்குகள் பதிவுசெய்யப்பட்டன.

    இதற்கிடையே, தன்னை கைது செய்ய தடை விதிக்கவும், பல்வேறு மாநிலங்களில் உள்ள வழக்குகளை ஒன்றாக விசாரிக்க வேண்டும் எனக்கூறி உச்சநீதிமன்றத்தில் நூபுர் ஷர்மா வழக்கு தொடர்ந்தார். அவர் சார்பில் ஆஜரான வழக்கறிஞர், நூபுர் சர்மா உயிருக்கு மிரட்டல் வந்துள்ளதாக கூறினார்.

    இந்நிலையில், நூபுர் சர்மா மீது எந்த நடவடிக்கையும் எடுக்கக்கூடாது. அவர்மீது வழக்குப்பதிவு செய்துள்ள மாநிலங்கள் பதிலளிக்க வேண்டும் என உத்தரவிட்ட உச்சநீதிமன்றம் இந்த வழக்கை ஆகஸ்ட் 10-ம் தேதிக்கு ஒத்திவைத்தது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • பாஜக சமூகவலைதளங்களை தவறாக பயன்படுத்துகிறது.
    • நூபுர் சர்மாவின் சர்ச்சைக்குரிய பேச்சு எனது நாட்டை பிளவுபடுத்துகிறது.

    கொல்கத்தா :

    நூபுர் சர்மாவின் சர்ச்சைக்குரிய கருத்து பாஜகவின் பிளவுப்படுத்தும் கொள்கையை மேலும் மேம்படுத்துவதற்கான சதி என மேற்குவங்காள முதல்-மந்திரி மம்தா பானர்ஜி குற்றம் சுமத்தினார். கொல்கத்தாவில் தனியார் தொலைக்காட்சி நடத்திய நிகழ்ச்சி ஒன்றில் கலந்துகொண்டு அவர் பேசினார்.அதில் அவர் கூறியதாவது,

    "நூபுர் சர்மா சர்ச்சை முற்றிலும் ஒரு சதி...வெறுப்பு மற்றும் பாஜகவின் பிளவுபடுத்தும் கொள்கை. நூபுர் சர்மா ஏன் கைது செய்யப்படவில்லை. நூபுர் சர்மாவை கைது செய்யுங்கள் ஏனென்றால் உங்களால் நெருப்புடன் விளையாட முடியாது.

    நமது நாட்டில் அனைவரும் ஒன்றாக இருக்கிறோம். நீங்கள் மக்களை நம்பவில்லை என்றால், உங்களை எப்படி நம்புவீர்கள்? நான் இந்துக்கள், முஸ்லிம்கள், சமணர்கள், கிறிஸ்தவர்கள், சீக்கியர்கள் மற்றும் பௌத்தர்கள் என அனைத்து சமூகத்தினருக்காகவும் இருக்கிறேன்.

    பாஜக சமூகவலைதளங்களை தவறாக பயன்படுத்துகிறது. அவர்கள் போலியான செய்திகள் மற்றும் வகுப்புவாத வீடியோக்களை பரப்பி விட பணம் கொடுக்கிறார்கள். அவ்வாறு பணம் பெறும் பல ஊடகங்கள் உள்ளன. நூபுர் சர்மாவின் சர்ச்சைக்குரிய பேச்சு எனது நாட்டை பிளவுபடுத்துகிறது மற்றும் எங்கள் நாட்டின் நற்பெயரை பாதிக்கிறது.

    ஒரு குறிப்பிட்ட கட்சிக்காக எனது நாடு மற்றவர்களுக்கு பணிந்து செல்வதை என்னால் பார்க்க முடியவில்லை. மேலும், சில நாடுகள் நமது பொருட்களை புறக்கணித்துள்ளன. இது வெட்கக்கேடான விஷயம்"

    இவ்வாறு அவர் பேசினார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • பலமுறை காவல்துறை வலியுறுத்தியும் நூபுர் சர்மா விசாரணைக்கு ஆஜராகவில்லை.
    • அனைத்து வழக்குகளையும் டெல்லிக்கு மாற்ற உச்சநீதிமன்றத்தில் நூபுர் சர்மா மனு.

    கொல்கத்தா:

    தொலைக்காட்சி விவாதம் ஒன்றில் கலந்துகொண்டு பேசிய டெல்லி பா.ஜ.க. செய்தி தொடர்பாளர் நூபுர் சர்மா இறைதூதர் முகமது நபி பற்றி தெரிவித்த கருத்துக்கள் நாடு முழுவதும் பெரும் சர்ச்சையை உருவாக்கியது. கட்சி பதவியில் இருந்து அவர் நீக்கப்பட்ட நிலையில், நூபுர் சர்மா மீது கடும் நடவடிக்கை எடுக்கக்கோரி பல்வேறு மாநிலங்களிலும் வழக்குகள் தொடரப்பட்டன.

    இந்நிலையில், மேற்கு வங்காள மாநிலத்தில் உள்ள ஆம்ஹெர்ஸ்ட் மற்றும் நர்கெல்டங்கா காவல் நிலையங்களில் நூபுர் சர்மா மீது பதிவு செய்யப்பட்ட வழக்குகளில் அவர் ஆஜராகாமல் இருந்து வந்தார். அவருக்கு பலமுறை காவல்துறை சார்பில் வலியுறுத்தப்பட்ட நிலையில் விசாரணைக்கு ஆஜராகாததால், அவருக்கு எதிராக கொல்கத்தா காவல்துறை சார்பில் லுக் அவுட் நோட்டீஸ் சுற்றறிக்கை வெளியிடப்பட்டுள்ளது.

    குற்ற வழக்கில் தேடப்படும் நபர், வெளிநாடுகளுக்கு தப்பிச் செல்வதை தடுக்கும் வகையில் காவல்துறையினரால் சுற்றறிக்கை வெளியிடுவது வழக்கம். அதன் அடிப்படையில் நூபுர் சர்மாவுக்கு எதிராக கொல்கத்தா காவல்துறை லுக் அவுட்  சுற்றறிக்கை வெளியிட்டுள்ளது.

    முன்னதாக தம் மீது பல்வேறு மாநிலங்களில் தொடரப்பட்ட வழக்குகள் அனைத்தையும் டெல்லிக்கு மாற்றி விசாரணை நடத்த வேண்டும் என்று நூபுர் சர்மா உச்சநீதிமன்றத்தில் மனுத் தாக்கல் செய்துள்ளது குறிப்பிடத்தக்கது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • நூபுர் சர்மா பங்கேற்ற தொலைக்காட்சி விவாதத்தை நாங்கள் பார்த்தோம். அவரது வாதம் பொறுப்பற்ற வகையில் இருந்தது.
    • நீதிமன்றத்தில் ஒரு வழக்கு நிலுவையில் இருக்கும் நிலையில் அது தொடர்பாக நூபுர் சர்மா எப்படி பேச முடியும்?

    புதுடெல்லி:

    தொலைக்காட்சி விவாதம் ஒன்றில் கலந்துகொண்டு பேசிய டெல்லி பா.ஜ.க. செய்தி தொடர்பாளர் நூபுர் சர்மா இறைதூதர் முகமது நபி பற்றி தெரிவித்த கருத்துக்கள் நாடு முழுவதும் பெரும் சர்ச்சையை உருவாக்கியது.

    முக்கிய நகரங்களில் வன்முறை வெடித்தது. இதையடுத்து நூபுர் சர்மாவை கட்சி பதவியில் இருந்து பா.ஜனதா நீக்கியது.

    இதற்கிடையே நூபுர் சர்மா மீது கடும் நடவடிக்கை எடுக்கக்கோரி பல்வேறு மாநிலங்களிலும் வழக்குகள் தொடரப்பட்டன. இந்த வழக்குகள் அனைத்தையும் டெல்லிக்கு மாற்றி விசாரணை நடத்த வேண்டும் என்று நூபுர் சர்மா சுப்ரீம் கோர்ட்டில் மனு செய்தார்.

    அவர் தனது மனுவில் வழக்கு விசாரணைக்காக வெளி மாநிலங்களுக்கு சென்றால் அது தனக்கு பாதுகாப்பாக இருக்காது என்று தெரிவித்திருந்தார். அவரது மனு மீதான விசாரணை இன்று சுப்ரீம் கோர்ட்டு நீதிபதி சூரியகாந்த் முன்னிலையில் விசாரணைக்கு எடுத்துக் கொள்ளப்பட்டது.

    அப்போது நீதிபதி சூர்யகாந்த் கருத்து தெரிவிக்கும்போது நூபுர் சர்மாவுக்கு கடும் கண்டனம் தெரிவித்தார். அவர் கூறியதாவது:-

    நூபுர் சர்மா பங்கேற்ற தொலைக்காட்சி விவாதத்தை நாங்கள் பார்த்தோம். அவரது வாதம் பொறுப்பற்ற வகையில் இருந்தது. அதன்பிறகு அவர் நடந்துகொண்ட விதமும் வெட்கக்கேடாக காணப்பட்டது.

    அவரது வக்கீல்களும் அவருக்கு ஆதரவாக செயல்படுவது வெட்கக்கேடானது. நூபுர் சர்மா தனக்கு எதிராக செயல்படுவதாக போலீசில் புகார் கொடுத்ததும், ஒருவரை கைது செய்தனர்.

    ஆனால் நாடு முழுவதும் அவருக்கு எதிராக பல மாநிலங்களில் வழக்குகள் உள்ளன. என்றாலும் டெல்லி போலீசார் இன்னமும் அவரை கைது செய்யவில்லை.

    உதய்பூரில் நடந்த கொலைக்கு நூபுர் சர்மாவின் பொறுப்பற்ற பேச்சுதான் காரணம். அவரது செயல்பாடுகளால் நாட்டில் இன்று இந்த நிலை ஏற்பட்டுள்ளது. அவரது தொலைக்காட்சி விவாதம் கண்டனத்துக்குரியது.

    நீதிமன்றத்தில் ஒரு வழக்கு நிலுவையில் இருக்கும் நிலையில் அது தொடர்பாக நூபுர் சர்மா எப்படி பேச முடியும்? அவர் பொறுப்பற்ற முறையில் பேசியதால் நாட்டுக்கு மிகப்பெரிய இழப்புகள் ஏற்பட்டுள்ளன. அவரை ஏன் இன்னும் கைது செய்யவில்லை?

    ஒரு கட்சியின் செய்தி தொடர்பாளராக இருப்பதால் அவர் எதையும் பேசிவிட முடியாது. அவருக்கு அந்த அதிகாரமும் இல்லை. ஜனநாயகம் எல்லோருக்கும் பேச்சுரிமை வழங்கியுள்ளது. ஆனால் அந்த உரிமையை தவறாக பயன்படுத்தக்கூடாது.

    ஜனநாயக வரம்பை மீற இந்த கோர்ட்டு அனுமதிக்க முடியாது. சர்ச்சை ஏற்பட்டதும் அவர் தனது கருத்துக்களை திரும்ப பெறுவதாக சொல்வது மிக மிக தாமதமான முடிவாகும். நாட்டு மக்களின் உணர்வை நூபுர் சர்மா கண்டுகொள்ளாமல் புறம் தள்ளியுள்ளார்.

    நாட்டில் இன்று ஏற்பட்டுள்ள இந்த நிலைக்கு நூபுர் சர்மா தனிப்பட்ட முறையில் பொறுப்பு ஏற்க வேண்டும். நாடு முழுவதும் அவர் மீது பதிவான வழக்குகள் கவனத்தில் கொள்ளப்படும். இதற்கு தீர்வு காணப்பட வேண்டும்.

    ஒட்டுமொத்த நாட்டு மக்களிடமும் நூபுர் சர்மா முதலில் மன்னிப்பு கேட்க வேண்டும். தொலைக்காட்சியில் நேரில் தோன்றி அவர் மன்னிப்பு கேட்பதுதான் நல்லது.

    இவ்வாறு நீதிபதி சூர்யகாந்த் தெரிவித்தார்.

    பொதுவாக சுப்ரீம் கோர்ட்டு நீதிபதிகள் வழக்கு விசாரணையின்போது மிக கடுமையான வார்த்தைகளை பயன்படுத்தி கண்டனம் தெரிவிப்பது இல்லை. ஆனால் நூபுர் சர்மா வழக்கு விவகாரத்தில் கடுமையான வார்த்தைகளை நீதிபதி பயன்படுத்தி இருப்பது குறிப்பிடத்தக்கது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • கோர்ட்டில் வழக்கு இருப்பதால் நூபுர் சர்மாவின் பெயர் தீர்மானத்தில் குறிப்பிடப்படவில்லை.
    • தீர்மானத்தைக் கண்டித்து மேற்கு வங்காள பா.ஜ.க. உறுப்பினர்கள் வெளிநடப்பு செய்தனர்.

    கொல்கத்தா:

    பா.ஜ.க. செய்தித் தொடர்பாளராக இருந்த நூபுர் சர்மா டி.வி. விவாதம் ஒன்றில் பங்கேற்றுப் பேசுகையில் நபிகள் நாயகம் பற்றி ஆட்சேபகரமான கருத்துகளை வெளியிட்டார். இதில் நூபுர் சர்மாவின் கருத்தை ஆதரித்து மற்றொரு பா.ஜ.க. நிர்வாகியான நவீன் ஜிண்டால் கருத்து வெளியிட்டார். இது கடும் சர்ச்சையை ஏற்படுத்தியது.

    சர்ச்சைக்குரிய பா.ஜ.க. நிர்வாகிகள் இருவர் மீதும் கட்சி மேலிடம் நடவடிகை எடுத்துள்ளது. நூபுர் சர்மாவின் கருத்துக்கு எதிர்ப்பு தெரிவித்து டெல்லி, உத்தர பிரதேசம், மேற்கு வங்காளம், ஜார்க்கண்ட் மாநிலங்களில் இஸ்லாமியர்கள் போராட்டத்தில் ஈடுபட்டனர்.

    இந்நிலையில், பா.ஜ.க. முன்னாள் செய்தித் தொடர்பாளர் நூபுர் சர்மாவைக் கண்டித்து மேற்கு வங்காள சட்டசபையில் நேற்று தீர்மானம் நிறைவேற்றப்பட்டது. அதை சட்டசபை விவகார மந்திரி பார்த்தா சட்டர்ஜி தாக்கல் செய்தார்.

    அப்போது பேசிய முதல் மந்திரி மம்தா பானர்ஜி, சில தலைவர்கள் பேசியதை வன்மையாகக் கண்டிக்கிறேன். பாராளுமன்ற தேர்தலுக்கு முன்பாக மதங்களுக்கிடையே வெறுப்பை பரப்பும் மிகப்பெரிய சதியில் இது ஓர் அங்கம் என தெரிவித்தார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • நுபுர் சர்மாவிடம் விசாரணை நடத்துவதற்காக மும்பை போலீசார் டெல்லி வந்தனர்.
    • கடந்த 4 நாட்களாக அவரை காணவில்லை என்றும், அவர் எங்கு இருக்கிறார் என்ற விவரத்தை கண்டறிய முடியவில்லை என்றும் மும்பை போலீசார் தெரிவித்தனர்.

    நபிகள் நாயகம் குறித்து சரச்சையான கருத்துக்களை தெரிவித்த பா.ஜனதா முன்னாள் செய்தி தொடர்பாளர் நுபுர் சர்மாவை கைது செய்யக்கோரி இஸ்லாமியர்கள் நாடு முழுவதும் போராட்டத்தில் ஈடுபட்டனர். அவர் மீது மும்பை உள்ளிட்ட பல்வேறு நகரங்களில் வழக்கு பதிவாகி இருந்தது. விசாரணைக்காக மும்பை பைகோர்னி போலீசார் நுபுர் சர்மாவுக்கு சம்மன் அனுப்பி இருந்தனர்.

    இந்த நிலையில் நுபுர் சர்மாவிடம் விசாரணை நடத்துவதற்காக மும்பை போலீசார் டெல்லி வந்தனர். ஆனால் கடந்த 4 நாட்களாக அவரை காணவில்லை என்றும், அவர் எங்கு இருக்கிறார் என்ற விவரத்தை கண்டறிய முடியவில்லை என்றும் மும்பை போலீசார் தெரிவித்தனர்.

    டெல்லி போலீசார் இந்த விஷயத்தில் தங்களுக்கு ஒத்துழைப்பு கொடுக்கவில்லை என்றும் அவர்கள் தெரிவித்தனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • பாஜக செய்திதொடர்பாளர் நுபுர் சர்மா முகமது நபிகள் குறித்து சர்ச்சை கருத்தை வெளியிட்டார்.
    • அவருடைய கருத்துக்கு இஸ்லாமிய நாடுகள் கண்டங்களை பதிவு செய்தன.

    தோகா:

    பாஜக செய்தி தொடர்பாளர் நுபுர் சர்மா முகமது நபிகள் குறித்த சர்ச்சை கருத்தை வெளியிட்டது தொடர்ந்து முஸ்லீம்கள் போராட்டத்தில் ஈடுபட்டு வருகின்றனர்.

    அவரது கருத்துக்கு ஐக்கிய அரபு அமீரகம் உள்ளிட்ட இஸ்லாமிய நாடுகள் கண்டங்களை தெரிவித்தன. இதையடுத்து நுபுர் ஷர்மா செய்தித் தொடர்பாளர் பதவியில் இருந்து நீக்கப்பட்டார். மேலும் அவருடைய கருத்துக்கும், மத்திய அரசுக்கும் சம்பந்தமில்லை என பா.ஜ.க தெரிவித்தது.

    இந்நிலையில் நுபுர் சர்மாவின் கருத்துக்கு கண்டனம் தெரிவிக்கும் வகையில் கத்தார் அரசு அந்நாட்டில் பணியாற்றும் இந்து தொழிலாளர்களை வெளியேற்றி வருவதாக தகவல் வெளியாகியது. இதுதொடர்பான வீடியோவும் இணையத்தில் வெளியாகி வைரலாகி வருகிறது.

    இந்நிலையில் அந்த வீடியோ உண்மையில்லை என தற்போது தெரியவந்துள்ளது.

    கடந்த மார்ச் மாதம் ரெட்கோ இண்டர்நேஷனல் என்ற நிறுவனம் வெளியிட்ட சம்பள அறிக்கைக்கு எதிராக, அந்நிறுவனத்தில் பணியாற்றும் ஊழியர்கள் போராடினர். அந்த வீடியோ தற்போதுள்ள நுபர் சர்மா விவகாரத்துடன் இணைக்கப்பட்டு போலியாக பரப்பப்படுகிறது என தெரிவிக்கப்பட்டுள்ளது.

    ×