என் மலர்

    நீங்கள் தேடியது "Northeast monsoon"

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    இந்த செய்தியை ஆடியோ வடிவில் கேட்க "Play" பட்டனை கிளிக் செய்யவும்
    • கோதாவரி ஆற்றில் பருவ மழை காரணமாக வரலாறு காணாத அளவு வெள்ளப்பெருக்கு ஏற்பட்டுள்ளது.
    • அத்தியாவசிய பொருட்கள் கிடைக்காமல் அவதி அடைந்து வருகின்றனர்.

    திருப்பதி:

    ஆந்திரா மாநிலம் கோதாவரி ஆற்றில் பருவ மழை காரணமாக வரலாறு காணாத அளவு வெள்ளப்பெருக்கு ஏற்பட்டுள்ளது. அங்கு தொடர்ந்து மழை பெய்து வருவதால் கடந்த 7 நாட்களாக குடியிருப்புகள் தண்ணீரில் மூழ்கி உள்ளன.

    மழை வெள்ளத்தில் பாம்பு, தேள், பூரான் உள்ளிட்டவை வீடுகளுக்கு புகுந்து விடுவதால் பொதுமக்கள் அச்சத்துடன் உள்ளனர். அத்தியாவசிய பொருட்கள் கிடைக்காமல் அவதி அடைந்து வருகின்றனர். இந்த நிலையில் அல்லூரி சீதாராம ராஜ் மாவட்டத்தில் 3 பேரும், ஏலூர் மாவட்டத்தில் ஒருவரும் மழை வெள்ளத்தில் அடித்துச் செல்லப்பட்டனர்.

    மேற்கு கோதாவரி மாவட்டத்தில் ஒருவரை மழை வெள்ளம் இழுத்துச் சென்றது. இதே போல் நேற்று கோதாவரி மாவட்டத்தில் பாம்பு கடித்ததில் மாணவர் ஒருவர் கவலைக்கிடமான நிலையில் சிகிச்சை பெற்று வருகிறார்.

    ஆந்திரா, தெலுங்கானா மாநில எல்லையான சீதா ராமராஜ் மாவட்டத்தில் தேசிய பேரிடர் குழுவினர் மீட்பு பணியில் ஈடுபட்டுள்ளனர்.

    அப்போது அவர்கள் வெள்ளத்தில் அடித்துச் செல்லப்பட்ட 3 பேரின் உடல்களை மீட்டனர்.

    தெலுங்கானாவில் 13 மீட்பு குழுவும் ஆந்திராவில் 10 மீட்பு குழுவினரும் வெள்ளத்தில் பாதிக்கப்பட்டுள்ள பொதுமக்களை படகுகள் மூலம் மீட்டு நிவாரண முகாம்களுக்கு கொண்டு செல்லும் பணியில் ஈடுபட்டு வருகின்றனர்.

    கோதாவரி ஆற்றில் மீன் பிடிக்கச் சென்ற ஒருவர் ஆற்றில் அடித்துச் செல்லப்பட்டுள்ளார். அவரை தேசிய பேரிடர் மீட்பு குழுவினர் தேடி வருகின்றனர்.

    மேற்கு கோதாவரி மாவட்டத்தில் உள்ள நர்சாபுரம், எலமஞ்சிலி, அச்சந்த மண்டலம், ஏலூர் மாவட்டத்தில் குக்கனூர், வேளேறுபாடு உள்ளிட்ட பகுதிகளில் மழை வெள்ளம் வடியாமல் குடியிருப்புகள் தண்ணீரில் மூழ்கியுள்ளது.

    அந்தப் பகுதிகளில் உணவு, பால், ரொட்டி, பிஸ்கட், குடிநீர், குளோரின் மாத்திரைகள், அரிசி, பருப்பு, சமையல் எண்ணெய், காய்கறி உள்ளிட்டவைகள் இந்திய கடற்படை விமானங்கள் மற்றும் ஹெலிகாப்டர் மூலம் வழங்கப்பட்டு வருகிறது.

    மேலும் மீட்புப் பணிகளில் 120 படகுகள் ஈடுபடுத்தப்பட்டுள்ளதாக தேசிய பேரிடர் மீட்பு குழு அதிகாரிகள் தெரிவித்தனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    வருகிற 2, 3-ந் தேதிகளில் தென் மாவட்டங்கள், மேற்கு தொடர்ச்சி மலையை ஒட்டிய மாவட்டங்கள் மற்றும் உள்மாவட்டங்களில் ஒரு சில இடங்களில் லேசான மழை பெய்யும் என்று வானிலை ஆய்வு மையம் தெரிவித்துள்ளது.
    சென்னை:

    வங்கக்கடலில் அடுத்தடுத்து உருவான காற்றழுத்த தாழ்வுப்பகுதி காரணமாக தமிழகத்தின் பல்வேறு மாவட்டங்களில் கனமழை பெய்தது.

    குமரிக்கடல் பகுதியில் நிலவும் வளிமண்டல மேலடுக்கு சுழற்சி காரணமாகவும் பெரும்பாலான மாவட்டங்களில் கடந்த சில நாட்களாக கனமுதல் மிக கனமழை பெய்தது.

    இந்த நிலையில் தெற்கு அந்தமான் கடல் பகுதியில் புதிய காற்றழுத்த தாழ்வுப் பகுதி ஒன்று உருவாவதற்கான சூழல் இருப்பதாக வானிலை ஆய்வு மையம் தெரிவித்தது. அந்த காற்றழுத்த தாழ்வுப்பகுதி இன்று உருவாவதாக எதிர்பார்க்கப்பட்டது. ஆனால் அதற்கான சூழல் இல்லாததால் தள்ளிப்போனது.

    சென்னை வானிலை ஆய்வு மையம்

    இந்தநிலையில் தெற்கு அந்தமான் கடல் பகுதியில் புதிய காற்றழுத்த தாழ்வு நிலை நாளை (30-ந்தேதி) உருவாக வாய்ப்புள்ளது என்று சென்னை வானிலை ஆய்வு மையம் தெரிவித்துள்ளது.

    இது குறித்து இயக்குனர் புவியரசன் கூறியதாவது:-

    தெற்கு அந்தமான் கடல் பகுதியில் நாளை புதிய காற்றழுத்த தாழ்வுப்பகுதி உருவாக வாய்ப்புள்ளது. அதனை தொடர்ந்து 48 மணி நேரத்தில் மேற்கு வடமேற்கு திசையில் அது நகர்ந்து காற்றழுத்த தாழ்வு மண்டலமாக (புயல் சின்னம்) மாறக்கூடும்.

    இதன் காரணமாக தெற்கு அந்தமான் கடல் பகுதியில் சூறாவளிக்காற்று மணிக்கு 40 முதல் 50 கி.மீட்டர் வேகத்திலும், இடையிடையே 60 கி.மீட்டர் வேகத்திலும் வீசக்கூடும். எனவே மீனவர்கள் இந்த பகுதிகளுக்கு செல்ல வேண்டாம் என்று அறிவுறுத்தப்படுகிறார்கள்.

    இதற்கிடையில் குமரிக்கடல் பகுதியில் நிலவும் வளிமண்டல மேலடுக்கு சுழற்சி காரணமாக இன்று விருதுநகர், ராமநாதபுரம், தூத்துக்குடி, கன்னியாகுமரி, தென்காசி மாவட்டங்களில் ஓரிரு இடங்களில் இடி, மின்னலுடன் கூடிய கன முதல் மிக கனமழை பெய்யும்.

    மதுரை, திருநெல்வேலி, கடலூர், விழுப்புரம், மயிலாடுதுறை, நாகப்பட்டினம் மற்றும் புதுவை, காரைக்கால் பகுதிகளில் ஓரிரு இடங்களில் இடி, மின்னலுடன் கனமழை பெய்யும்.

    வடகடலோர மாவட்டங்கள், ஏனைய மாவட்டங்களில் பெரும்பாலான இடங்களில் மிதமான மழை பெய்யும். நாளை (30-ந்தேதி) கன்னியாகுமரி, திருநெல்வேலி மாவட்டங்களில் ஓரிரு இடங்களில் கனமழையும், வருகிற 1-ந் தேதி மேற்கு தொடர்ச்சி மலையை ஒட்டிய மாவட்டங்கள் மற்றும் தென் மாவட்டங்களில் ஒரு சில இடங்களில் மிதமான மழை பெய்யும்.

    வருகிற 2, 3-ந் தேதிகளில் தென் மாவட்டங்கள், மேற்கு தொடர்ச்சி மலையை ஒட்டிய மாவட்டங்கள் மற்றும் உள்மாவட்டங்களில் ஒரு சில இடங்களில் லேசான மழை பெய்யும்.

    சென்னையை பொறுத்தவரை அடுத்த 48 மணிநேரத்துக்கு நகரின் ஒரு சில இடங்களில் லேசான மழை பெய்யக்கூடும்.

    கடந்த 24 மணிநேரத்தில் அதிகபட்சமாக கடலூரில் 17 செ.மீ., கன்னியாகுமரி மாவட்டம் சிவலோகம்-16 செ.மீ., களியல்-14 செ.மீ., சிற்றாறு- 13 செ.மீ., ஊத்துக்கோட்டை- 12 செ.மீ., புதுச்சேரி, தக்கலை, பரங்கிப்பேட்டை தலா 11 செ.மீட்டர் மழை பதிவாகி உள்ளது.

    இவ்வாறு அவர் கூறினார்.

    தெற்கு அந்தமான் கடல் பகுதியில் புதிய காற்றழுத்த தாழ்வுப்பகுதி நாளை உருவாகும் நிலையில் நாளை மறுநாள் (டிசம்பர் 1-ந்தேதி) மத்திய கிழக்கு அரபிக்கடலில் மற்றொரு காற்றழுத்த தாழ்வுப்பகுதி உருவாகக்கூடும் என்று இந்திய வானிலை ஆய்வு மையம் தெரிவித்துள்ளது.

    அந்தமான் மற்றும் அரபிக்கடல் பகுதியில் அடுத்தடுத்து 2 காற்றழுத்த தாழ்வுப்பகுதிகள் உருவாவதால் தமிழகத்தில் மேலும் மழைக்கு வாய்ப்பு இருப்பதாக வானிலை மையம் தெரிவித்துள்ளது.


    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    புதுவையில் வடகிழக்கு பருவமழை தொடங்கி கடந்த ஒரு வாரத்தில் மட்டும் 104.72 செ.மீ. மழை பெய்துள்ளது. நேற்று காலை 237.6 செ.மீ மழை பெய்துள்ளது.
    புதுச்சேரி:

    புதுவையில் கடந்த 3 நாட்களாக மழை பெய்து வருகிறது. நேற்று இரவு விடிய விடிய பரவலாக மழை பெய்தது. இன்று அதிகாலை பலத்த மழை பெய்தது.

    மழை காரணமாக புதுவை நகரின் பல்வேறு இடங்களில் மழைநீர் தேங்கியது. ரெயின்போ நகர், பாவாணர் நகர், கிருஷ்ணா நகர் உள்ளிட்ட பகுதிகளில் குடியிருப்புகளை வெள்ளம் சூழ்ந்தது.

    புஸ்சி வீதி, கடலூர் சாலை, மறைமலை அடிகள் சாலை, இந்திராகாந்தி சிலை, சிவாஜி சிலை ஆகிய பகுதிகளில் சாலைகளில் மழைநீர் வெள்ளம் போல் பெருக்கெடுத்து ஓடியது.

    இதனால் வாகனங்களில் செல்வோர் அவதி அடைந்தனர். தாழ்வான பகுதிகளில் மழைநீர் தேங்கியதால் மக்கள் வீட்டை விட்டு வெளியேற முடியாமல் தவித்தனர்.

    பெரிய வாய்க்காலில் மழைநீர் ஆறுபோல பெருக்கெடுத்து ஓடியது. புதுவையில் நேற்று பெய்த கனமழை காரணமாக சண்டே மார்க்கெட் முழுமையாக இயங்கவில்லை. ஒரு சில கடைகள் மட்டுமே செயல்பட்டது.

    இன்று 4-வது நாளாக மழை பெய்து வருகிறது. இதேபோல் புதுவையின் புறநகர் பகுதியான பாகூர், மதகடிப்பட்டு, காலாப்பட்டு, வில்லியனூர் ஆகிய பகுதிகளிலும் மழை பெய்தது.

    மழை காரணமாக பாகூர் மூலநாதர் சாமி கோவிலை வெள்ளம் சூழ்ந்தது. இதனால் பக்தர்கள் தண்ணீரில் இறங்கி சென்று சாமி தரிசனம் செய்து வருகின்றனர்.

    மேலும் பாகூர் பகுதியில் விளைநிலங்களிலும் தண்ணீர் புகுந்துள்ளது.

    மழை காரணமாக மீனவர்கள் கடலுக்கு செல்லவில்லை. அவர்களின் விசைப்படகுகள் தேங்காய் திட்டு மீன்பிடி துறைமுகத்தில் நிறுத்தி வைக்கப்பட்டுள்ளது.

    புதிய பஸ் நிலையம் எதிரே உள்ள குடியிருப்பு பகுதியில் சாலையில் தேங்கிய மழை வெள்ளம்

    புதுவையில் வடகிழக்கு பருவமழை 26-ந்தேதி தொடங்கினாலும் அதற்கு முன்பாக வளிமண்டல மேலடுக்கு சுழற்கி காரணமாக 27 செ.மீ. மழை கொட்டி தீர்த்தது.

    வடகிழக்கு பருவமழை தொடங்கி கடந்த ஒரு வாரத்தில் மட்டும் 104.72 செ.மீ. மழை பெய்துள்ளது. நேற்று காலை 237.6 செ.மீ மழை பெய்துள்ளது. இது ஆண்டு சராசரியை விட 75 சதவீதம் அதிகமாகும்.

    கடந்த 2014-ம் ஆண்டு அதிகபட்சமாக 229.38 செ.மீ. மழை பெய்தது. 6 ஆண்டுகளுக்கு பிறகு இந்த சாதனை தற்போது முறியடிக்கப்பட்டுள்ளது.



    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    கடலூர் மாவட்டத்தில் ஒரே நாளில் 18 செ.மீ. மழை பெய்துள்ளது. இதனால் பொதுமக்களின் இயல்பு வாழ்க்கை பெரிதும் பாதிக்கப்பட்டுள்ளது.
    கடலூர்:

    கடலூர் மற்றும் அதன் சுற்றுவட்டார பகுதிகளில் கடந்த சில தினங்களாக தொடர்ந்து மழை பெய்து வருகிறது.

    இந்தநிலையில் நேற்று மாலை மழையின் தாக்கம் சற்று குறைந்திருந்த நிலையில் இரவு நேரத்தில் மழை விட்டுவிட்டு பெய்து கொண்டிருந்தது. நள்ளிரவில் மழையின் வேகம் அதிகரித்து பலத்த மழை கொட்டியது. இந்த மழை இன்று காலை வரை நீடித்தது.

    கடலூர் மாவட்டத்தில் ஒரே நாளில் 18 செ.மீ. மழை பெய்துள்ளது. இதனால் பல்வேறு பகுதிகளில் உள்ள குடியிருப்புகளையும் மழை வெள்ளம் சூழ்ந்துள்ளது. இதனால் பொதுமக்களின் இயல்பு வாழ்க்கை பெரிதும் பாதிக்கப்பட்டுள்ளது.

    மாவட்டத்தில் பெய்த மழை அளவு மில்லி மீட்டரில் பின்வருமாறு:-

    கடலூர்-173.2, கலெக்டர் அலுவலகம்-170.2, பரங்கிப் பேட்டை-105.2, எஸ்.ஆர்.சி. குடிதாங்கி-100, வானமா தேவி-98.8, வேப்பூர்-87, குறிஞ்சிப்பாடி-85, காட்டுமயிலூர்-84, கொத்தவாச்சேரி-83, வடக்குத்து-70.5, புவனகிரி-70, மே.மாத்தூர்-70, பண்ருட்டி-66, அண்ணாமலைநகர்-65, காட்டுமன்னார் கோவில்-64, சிதம்பரம்-63.2, சேத்தியத்தோப்பு-61.2, லால்பேட்டை-60.6, விருத்தாசலம்-53.2, குப்பநத்தம்-52, ஸ்ரீமுஷ்ணம்-51.2, பெலாந்துறை-43.2, கீழச்செருவாய்-34, தொழுதூர்-27, லக்கூர்-9.3.

    கடலூர் மாவட்டம் முழுவதும் 24 மணி நேரத்தில் மொத்தமாக-1846.80 மில்லி மீட்டர் மழை பதிவாகி உள்ளது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    மழை வெள்ளத்தால் பாதிக்கப்பட்ட பகுதிகளை ஆய்வு செய்த முதலமைச்சர், முகாமில் தங்க வைக்கப்பட்டிருந்த பொதுமக்களுக்கு அத்தியாவசிய பொருட்களை வழங்கி, குறைகளை கேட்டறிந்தார்.
    சென்னை:

    வடகிழக்கு பருவமழை தீவிரம் அடைந்து கடந்த 15 நாட்களாக தொடர்ந்து விட்டு விட்டு பலத்த மழை பெய்து வருகிறது.

    இதனால் சென்னை மற்றும் புறநகர் பகுதிகளில் அதிக வெள்ள பாதிப்பு ஏற்பட்டது.

    இந்த மழை நீர் பாதிப்பு முடிவதற்குள் அடுத்தடுத்து கடந்த 2 நாட்களாக மீண்டும் கன மழை பெய்தது. இதில் சென்னை, திருவள்ளுர், காஞ்சிபுரம், செங்கல்பட்டு மாவட்டங்களில் பல இடங்களில் மீண்டும் அதிக வெள்ளம் ஏற்பட்டுள்ளது.

    சென்னையில் மழை வெள்ளம் பாதித்த தி.நகர் உள்ளிட்ட பகுதிகளுக்கு முதல்-அமைச்சர் மு.க.ஸ்டாலின் மீண்டும் மீண்டும் நேரில் சென்று பார்வையிட்டு அங்கு மழை நீரை வடிய வைக்க துரித நடவடிக்கை மேற்கொண்டார்.

    இதே போல் நேற்று திருவள்ளூர் மாவட்டத்தில் அமைந்துள்ள ஆவடி, பூந்தமல்லி, திருமுல்லைவாயல் பகுதிகளுக்கு நேரில் சென்று பார்வையிட்டு நிவாரண பணிகளை முடுக்கி விட்டார்.

    தாம்பரம் மற்றும் அதனை சுற்றி உள்ள பகுதிகளில் அதிகம் பாதிக்கப்பட்ட இடங்களை முதல்-அமைச்சர் மு.க.ஸ்டாலின் பார்வையிட்டார்.

    இதற்காக இன்று காலை 9.45 மணியளவில் வீட்டில் இருந்து புறப்பட்ட மு.க.ஸ்டாலின் நேராக தாம்பரம் அருகே உள்ள வரதராஜபுரம் சென்றார். அங்கு அதிகமாக மழையால் பாதிக்கப்பட்ட பி.டி.சி. குடியிருப்பு பகுதிகளை பார்வையிட்டார்.

    அங்கு மழை நீரை வடிய வைக்க என்னென்ன நடவடிக்கைகள் மேற்கொள்ளப்பட்டுள்ளது என்பதை ஆய்வு செய்தார்.

    அவருக்கு ஊரக தொழில் துறை அமைச்சர் தா.மோ.அன்பரசன், சிறப்பு ஐ.ஏ.எஸ். அதிகாரி அமுதா ஆகியோர் அங்கு நடைபெற்று வரும் வெள்ள நிவாரண பணிகளை விளக்கி கூறினார்கள்.

    பொதுமக்களுக்கு நிவாரண உதவிகளை வழங்கிய முதலமைச்சர்

    மழை வெள்ளத்தால் பாதிக்கப்பட்ட பொதுமக்கள் அருகில் உள்ள வேல்ஸ் பள்ளியில் தங்க வைக்கப்பட்டுள்ளனர் என்பதை அறிந்த முதல்-அமைச்சர் மு.க.ஸ்டாலின் அங்கு நேரில் சென்று பொதுமக்களுக்கு போர்வை, பாய், பிரட், பால், வேட்டி- சேலை உள்ளிட்ட அத்தியாவசிய பொருட்களை வழங்கினார். பாதிக்கப்பட்ட மக்களிடம் குறைகளையும் கேட்டறிந்தார்.

    முடிச்சூர் சென்று பாதிக்கப்பட்ட பகுதிகளை ஆய்வு செய்தார். அங்குள்ள அமுதம் நகரில் மழையால் பாதிக்கப்பட்டு முகாமில் தங்க வைக்கப்பட்டிருந்த பொதுமக்களுக்கு நிவாரண உதவிகளை முதல்-அமைச்சர் மு.க.ஸ்டாலின் வழங்கினார்.

    பின்னர் அங்கிருந்து தாம்பரம், இரும்புலியூர் பகுதிக்கு சென்றார். அங்கு வானியன் குளம் பகுதியில் மழை நீரை வெளியேற்றும் பணிகளை பார்வையிட்டார்.

    அப்போது அதிகாரிகளிடம் இப்பகுதியில் தண்ணீர் தேங்காமல் இருக்க நிரந்தர ஏற்பாடு செய்யும்படி கேட்டுக்கொண்டார்.

    இந்த ஆய்வின்போது முதல்-அமைச்சர் மு.க.ஸ்டாலிடனுடன் அமைச்சர் தா.மோ.அன்பரசன், எஸ். ஆர்.ராஜா எம்.எல்ஏ., மாவட்ட ஊராட்சி குழு தலைவர் படப்பை மனோகரன் மற்றும் அதிகாரிகளும் உடன் சென்றிருந்தனர்.


    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    தொடர்மழையால் குற்றாலம் ஐந்தருவியில் 5 கிளைகளிலும் தண்ணீர் ஆர்ப்பரித்து கொட்டியதால் ஒரே அருவியாக காட்சி அளித்தது.
    தென்காசி:

    தென்காசி மாவட்டத்தில் வடகிழக்கு பருவமழை தொடங்கியதில் இருந்து பரவலாக மழை பெய்து வருகிறது. இதன் காரணமாக அங்குள்ள அணைகள் அனைத்தும் நிரம்பிவிட்டன.

    இந்நிலையில் நேற்று காலை முதல் இன்று காலை வரை மாவட்டம் முழுவதும் மழை பெய்தது. குறிப்பாக மேற்கு தொடர்ச்சி மலை பகுதியை ஒட்டி அமைந்துள்ள குற்றாலத்தில் கனமழை கொட்டித்தீர்த்தது.

    இதன் காரணமாக மெயினருவி, ஐந்தருவி, பழைய குற்றாலம், புலியருவி உள்ளிட்ட அனைத்து அருவிகளிலும் கடுமையான வெள்ளப்பெருக்கு ஏற்பட்டது. மெயினருவியில் ஆர்ச் தெரியாத அளவிற்கு வெள்ளப்பெருக்கு ஏற்பட்டது. மலையில் இருந்து காட்டாற்று வெள்ளம் வந்ததால் தண்ணீர் செம்மண் நிறத்தில் விழுந்தது.

    இதன் காரணமாக மெயினருவி பகுதியில் நடைபாதையில் போடப்பட்டு இருந்த தளக்கற்கள் பெயர்ந்தன. நடைபாதை கம்பிகளும் அடித்துச்செல்லப்பட்டு சேதமடைந்தன. மேலும் காட்டாற்று வெள்ளத்தால் மலைப்பகுதியில் இருந்து ராட்சத பாறாங்கற்கள் மற்றும் மரத்தடிகள் இழுத்து வரப்பட்டு அருவிக் கரையில் விழுந்தன.

    அருவியை ஒட்டிய பஜாரில் இருந்த ஓட்டல்கள், கடைகளிலும் வெள்ள நீர் புகுந்தது.

    குற்றாலநாதர் கோவிலுக்குள்ளும் வெள்ளம் சென்றதால், அங்கிருந்த அர்ச்சகர்கள் மற்றும் கோவில் பணியாளர்கள் அதனை வெளியேற்றும் பணியில் ஈடுபட்டனர். இதேபோல் மாவட்ட நிர்வாகம் சார்பில் அருவிக்கரையில் கிடந்த பாறாங்கற்கள், மரத்தடிகள் உள்ளிட்டவை அகற்றப்பட்டது. தளக்கற்களை சரிசெய்யும் பணியிலும் ஊழியர்கள் ஈடுபட்டு வருகின்றனர்.

    இன்றும் காலை வரை மிதமான மழை பெய்தது. ஆனால் மழை சற்று தணிந்ததாலும் இன்றும் 2-வது நாளாக வெள்ளம் சீற்றத்துடனே காணப்படுகிறது.

    தொடர்மழையால் குற்றாலம் ஐந்தருவியில் 5 கிளைகளிலும் தண்ணீர் ஆர்ப்பரித்து கொட்டியதால் ஒரே அருவியாக காட்சி அளித்தது. பழைய குற்றாலம் அருவியில் சுற்றுலா பயணிகள் நடந்து செல்லும் பாதை வரை வெள்ளம் ஆர்ப்பரித்து கொட்டுகிறது.
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    தாமிரபரணி ஆற்றில் பல்வேறு கிளை நதிகளும் வந்து சேர்வதால் ஸ்ரீவைகுண்டம் மற்றும் முக்காணி தடுப்பணையை கடந்து விநாடிக்கு சுமார் 20 ஆயிரம் கனஅடி தண்ணீர் கடலுக்கு செல்கிறது.
    நெல்லை:

    வங்கக்கடலில் தென்பகுதியில் காற்றின் மேலடுக்கு சுழற்சி தொடர்ந்து நிலை நிற்பதால் நெல்லை, தூத்துக்குடி, தென்காசி மாவட்டங்களில் கடந்த சில நாட்களாக தொடர்ந்து மழை பெய்து வருகிறது.

    நெல்லை மாநகர பகுதியில் உள்ள டவுனில் மழை காரணமாக ஏராளமான தெருக்களில் வெள்ளம் புகுந்தது. அதிகாரிகள் போர்க்கால அடிப்படையில் தண்ணீரை அகற்றும் பணியில் ஈடுபட்டனர்.

    2 நாட்களுக்கு பிறகு நேற்றுதான் ஒரளவு வெள்ளம் குறைந்தது.

    இந்தநிலையில் நேற்று மேற்கு தொடர்ச்சி மலைப்பகுதியில் மீண்டும் கனமழை பெய்தது. பாபநாசம் அணைப்பகுதியில் அதிகபட்சமாக 91 மில்லிமீட்டர் மழை பெய்தது. மணிமுத்தாறு அணைப்பகுதியில் 84 மில்லிமீட்டர் மழை பெய்தது.

    மேலும் அம்பை, நாங்குநேரி, சேரன்மகாதேவி, பாளை உள்ளிட்ட பல்வேறு நகரப்பகுதிகளிலும் விட்டு விட்டு மழை பெய்ததால், காட்டாற்று வெள்ளமும் தாமிரபரணி ஆற்றில் கலந்து செல்கிறது.

    கனமழை காரணமாக பாபநாசம் அணைக்கு விநாடிக்கு 10 ஆயிரத்து 92 கனஅடி தண்ணீர் வந்து கொண்டு இருகிறது. தற்போது பாபநாசம் அணை நீர்மட்டம் 139.05 அடியாக உள்ளது. சேர்வலாறு அணை நீர்மட்டம் 149.18 அடியாக உள்ளது.

    அணையில் இருந்து ஆற்றுக்கு விநாடிக்கு 8,301 கனஅடி திறந்து விடப்படுகிறது. மேலும் தாமிரபரணி பாசன கால்வாய்களிலும் தண்ணீர் திறந்து விடப்படுகிறது. அணை பாதுகாப்பு கருதி இன்று கூடுதல் தண்ணீர் தாமிரபரணி ஆற்றில் திறக்கப்படுகிறது.

    தற்போது தாமிரபரணி ஆற்றில் விநாடிக்கு 12,480 கனஅடி தண்ணீர் பாபநாசம் அணையில் இருந்து வெளியேற்றப்படுகிறது. காட்டாற்று வெள்ளமும் தாமிரபரணி ஆற்றில் கலந்து செல்வதால் நெல்லை பகுதியில் சுமார் 20 ஆயிரம் கனஅடி தண்ணீர் தாமிரபரணி ஆற்றில் செல்கிறது.

    இதனால் தாமிரபரணி ஆற்றில் தொடர்ந்து வெள்ளப்பெருக்கு ஏற்பட்டுள்ளது. நேற்று குறுக்குத்துறை முருகன் கோவில் கீழ்பகுதியை மூழ்கடித்து சென்ற வெள்ளம், இன்றும் தொடர்ந்து செல்கிறது. முருகன் கோவில் கோபுரம் மற்றும் மண்டபத்தின் மேல்பகுதி மட்டுமே தண்ணீருக்கு மேல் தெரிகிறது. மற்ற அனைத்து பகுதிகளும் தண்ணீரில் மூழ்கி உள்ளன.

    நெல்லை சந்திப்பு தைப்பூச மண்டபம் உள்பட தாமிரபரணி கரையோரம் உள்ள அனைத்து மண்டபங்களையும் வெள்ளம் மூழ்கடித்து செல்கிறது.

    தாமிரபரணி ஆற்றில் பல்வேறு கிளை நதிகளும் வந்து சேர்வதால் ஸ்ரீவைகுண்டம் மற்றும் முக்காணி தடுப்பணையை கடந்து விநாடிக்கு சுமார் 20 ஆயிரம் கனஅடி தண்ணீர் கடலுக்கு செல்கிறது.

    இதனால் தாமிரபரணி ஆற்றில் யாரும் குளிக்கக்கூடாது என்றும், ஆற்றங்கரைக்கு பொதுமக்கள் சென்று செல்பி, புகைப்படம் எடுக்கக்கூடாது என்றும் நெல்லை, தூத்துக்குடி மாவட்ட கலெக்டர்கள் எச்சரிக்கை விடுத்துள்ளனர்.

    மணிமுத்தாறு அணைக்கு இன்று காலை விநாடிக்கு 4,393 கனஅடி தண்ணீர் வந்து கொண்டு இருக்கிறது. அணை நிரம்பாததால் தண்ணீர் எதுவும் நிரம்பப்படவில்லை. நேற்று 103.50 அடியாக இருந்த நீர்மட்டம் ஒரேநாளில் 4 அடி உயர்ந்து இன்று காலை 107.55 அடியாக உள்ளது.

    வடக்கு பச்சையாறு அணைக்கும் தண்ணீர் வரத்து அதிகரித்துள்ளது. நேற்று 37 அடியாக நீர்மட்டம் ஒரே நாளில் 2 அடி உயர்ந்து இன்று 39 அடியானது. கடனாநதி, ராமநதி, கருப்பாநதி உள்பட மற்ற அணைகள் அனைத்தும் நிரம்பி விட்டது.

    தூத்துக்குடி மாவட்டத்தில் உள்ள வண்டலோடை தடுப்பணையும் கடந்த 2 நாட்கள் பெய்த மழையில் நிரம்பி விட்டது. கடந்த 26-ந் தேதி 15 அடியாக இருந்த நீர்மட்டம் இன்று முழுகொள்ளளவான 28.70 அடியை எட்டி நிரம்பி வழிகிறது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    திருச்செந்தூர், குலசேகரன்பட்டினம், விளாத்திகுளம், எட்டயபுரம், ஓட்டப்பிடாரம், ஸ்ரீவைகுண்டம் உள்பட மாவட்டம் முழுவதும் அனைத்து இடங்களிலும் கனமழை பெய்தது.
    தூத்துக்குடி:

    தூத்துக்குடி மாவட்டத்தில் வடகிழக்கு பருவமழை தொடங்கியதில் இருந்து பரவலாக மழை பெய்து வருகிறது. கடந்த 25-ந்தேதி பெய்த கனமழையால் மாநகர பகுதிகளில் உள்ள வீடுகளை வெள்ளம் சூழ்ந்தது.

    மாவட்டத்திலும் தாழ்வான கிராமங்களில் வெள்ளம் புகுந்தது. தரைப்பாலங்களும் வெள்ளத்தில் மூழ்கியது. மாநகரில் ரஹ்மத் நகர், ராம்நகர், முத்தம்மாள் காலனி, தனசேகரன்நகர், அய்யாச்சாமி காலனி உள்ளிட்ட இடங்களில் வெள்ளம் சூழ்ந்துள்ளது. இதனால் அந்த பகுதிகளில் உள்ள வீடுகளில் இருந்த மக்கள் ரப்பர் படகுகள் மூலம் மீட்கப்பட்டு முகாமில் தங்க வைக்கப்பட்டனர்.

    ஒருசில இடங்களில் பண்ணை பசுமை அங்காடிகளில் இருந்து காய்கறிகள் எடுத்து செல்லப்பட்டு பொதுமக்களுக்கு அவர்களின் இருப்பிடங்களில் சென்று வழங்கப்பட்டு வருகிறது. இந்நிலையில் நேற்று மதியம் முதல் இன்று காலை வரை மாவட்டத்தில் பல்வேறு இடங்களில் மீண்டும் மழை பெய்தது.

    திருச்செந்தூர், குலசேகரன்பட்டினம், விளாத்திகுளம், எட்டயபுரம், ஓட்டப்பிடாரம், ஸ்ரீவைகுண்டம் உள்பட மாவட்டம் முழுவதும் அனைத்து இடங்களிலும் கனமழை பெய்தது. கழுகுமலை, எட்டயபுரத்தில் அதிகபட்சமாக 32 மில்லிமீட்டர் மழை பெய்தது. குலசேகரன்பட்டினத்தில் 29 மில்லிமீட்டரும், திருச்செந்தூரில் 28 மில்லிமீட்டரும் மழை பெய்தது.

    தூத்துக்குடி முத்தம்மாள் காலனியில் மழையால் பாதிக்கப்பட்ட பகுதிகளை ஆய்வு செய்த அமைச்சர் கீதாஜீவன்

    இதற்கிடையே நேற்று மாவட்ட கலெக்டர் அலுவலத்தில் அமைச்சர் கீதா ஜீவன் தலைமையில் மழை பாதிப்பு குறித்து கூட்டம் நடைபெற்றது. மழையால் ஏற்பட்ட பாதிப்புகளை சரி செய்யும் பணியில் அனைத்து துறை அதிகாரிகளும் ஈடுபட வேண்டும் என அறிவுறுத்தப்பட்டது.

    தொடர்ந்து அமைச்சர் ராம்நகர், முத்தம்மாள் காலனி உள்ளிட்ட இடங்களில் ஆய்வு மேற்கொண்டார். அவரது மேற்பார்வையில் மாநகராட்சி பகுதிகளில் மழை நீர் தேங்கிய சுமார் 300 இடங்கள் கண்டறியப்பட்டு, 313 மின்மோட்டார்கள் மூலம் தண்ணீரை வெளியேற்றும் பணி நடைபெற்று வருகிறது.

    இதற்கிடையே தேங்கி கிடக்கும் மழைநீரால் சுகாதார சீர்கேடு, நோய் தொற்று அபாயம் ஏற்படுவதாக கூறி ஒருசில இடங்களில் பொதுமக்கள் சாலை மறியலில் ஈடுபட்டனர். உடனடியாக நீரை வெளியேற்றக்கோரியும், மருத்துவ முகாம்கள் நடத்தி, காய்ச்சல் மாத்திரைகள் வழங்கவும் அவர்கள் கோரிக்கை விடுத்தனர்.

    இதையடுத்து இன்று காலை பெரும்பாலான இடங்களில் கொசு மருந்து அடிக்கப்பட்டது. பல சரக்கு பொருட்கள், பால், காய்கறிகள் தொகுப்பும் வழங்கப்பட்டது. குடியிருப்புகளை சூழ்ந்த வெள்ளத்தை வெளியேற்றும் பணி தொடர்ந்து நடைபெற்று வருகிறது.


    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    சென்னை புறநகர் பகுதிகள் நீர்நிலைகள் போன்று காட்சி அளிக்கின்றன. திரும்பிய திசையெல்லாம் தண்ணீர் ஓடுகிறது. வெள்ளநீர் எப்போது வடியும் என்று மக்கள் ஏங்குகின்றனர்.
    சென்னை:

    சென்னை மற்றும் புறநகர் பகுதிகளில் பெய்த பெருமழையால் ஏரிகள், குளம்-குட்டைகள் வேகமாக நிரம்பி வருகின்றன. குறிப்பாக செங்கல்பட்டு மாவட்டத்தில் உள்ள 528 சிறிய ஏரிகளில் 506 ஏரிகள் நிரம்பின. எனவே நின்னகரை, பொத்தேரி, வல்லாஞ்சேரி, ஊரப்பாக்கம் போன்ற ஏரிகளில் இருந்து உபரிநீர் அதிக அளவில் வெளியேறி வருகின்றன.

    இதனால் சென்னை-திருச்சி தேசிய நெடுஞ்சாலை ஆறு போன்று மாறியது. சாலையின் இருபுறங்களில் ஏரி உபரிநீர் பெருக்கெடுத்து ஓடியதால் போக்குவரத்து பாதிக்கப்பட்டது. வாகனங்கள் படகு போன்று ஊர்ந்து செல்லும் நிலை ஏற்பட்டது. மேலும் ஊருக்குள்ளும் வெள்ளநீர் புகுந்து குடியிருப்புகளையும் சூழ்ந்தது. சாலையோர கடைகளும் வெள்ளநீரால் சூழப்பட்டு உள்ளது.

    செங்கல்பட்டு மாவட்டம் திம்மாவரம் பகுதியில் வெள்ளநீர் ஆக்ரோஷமாக சீறி பாய்ந்து செல்கிறது. இந்த காட்சியை பார்க்கிறபோது நீர்நிலைகளுக்குள் குடியிருப்புகள் இருப்பது போன்று இருக்கிறது. கீழ்த்தள வீடுகள் வெள்ளத்தில் மூழ்கி உள்ளன. எனவே மக்கள் வீடுகளின் மொட்டை மாடிகளில் தஞ்சம் அடைந்துள்ளனர். தாழ்வான பகுதிகளில் வசித்த மக்கள் தற்காலிக நிவாரண மையங்களில் அடைக்கலம் புகுந்துள்ளனர்.

    கூடுவாஞ்சேரி, நந்திவரம், ஊரப்பாக்கம், தைலாவரம், பெருமாட்டுநல்லூர், கன்னிவாக்கம் போன்ற பகுதிகளும் வெள்ளக்காடாக காட்சி அளிக்கின்றன. குறிப்பாக கூடுவாஞ்சேரி உதயசூரியன் நகரில் இடுப்பளவு தண்ணீர் தேங்கி உள்ளது. மக்கள் வீடுகளை விட்டு வெளியே வர முடியாத அளவுக்கு வெள்ளநீர் பெருக்கெடுத்து ஓடுகின்றன. எப்போது வெள்ளநீர் வடியும் என்று மக்கள் ஏக்கத்துடன் ஒவ்வொரு நொடி பொழுதையும் கடந்து வருகின்றனர்.

    தாம்பரம், முடிச்சூர், வரதராஜபுரம், மண்ணிவாக்கம், மேடவாக்கம் போன்ற குடியிருப்பு பகுதிகளிலும் ஏரி தண்ணீர் புகுந்து மக்களை பரிதவிக்க வைத்துள்ளது. இந்த பகுதியில் தாழ்வான இடங்களில் வசிப்பவர்களை தீயணைப்பு வீரர்கள் ரப்பர் படகுகள் மூலம் தொடர்ந்து மீட்டு வருகின்றனர். வெள்ளநீர் வடிந்த பின்னர் திரும்ப வருவோம் என்ற மனநிலையில் பலர் மூட்டை, முடிச்சுகளுடன் தங்கள் உறவினர் வீடுகளுக்கும், சொந்த ஊர்களையும் நோக்கி புறப்பட்டு சென்ற வண்ணம் உள்ளனர். தேங்கி கிடக்கும் வெள்ளநீரால் மேடவாக்கம்-சோழிங்கநல்லூர் பகுதியில் நேற்று கடுமையான போக்குவரத்து நெரிசல் ஏற்பட்டது. ஆவடி, திருநின்றவூர், குன்றத்தூர் உள்பட புறநகர் பகுதிகளும் வெள்ளத்தில் தத்தளிக்கின்றன.

    சென்னை புறநகர் பகுதிகளில் வெள்ளநீர் பெருக்கெடுத்து ஓடுவதால் திரும்பிய திசை எல்லாம் தண்ணீராக காட்சி அளிக்கின்றன. இதனால் அப்பகுதிகளில் வசிக்கும் மக்கள், வியாபாரிகளின் இயல்புவாழ்க்கை முற்றிலும் முடங்கி போய் உள்ளது. கால்நடைகளும், தெருநாய்களும் இரை கிடைக்காமல் தவிக்கின்றன.

    வெள்ளநீரில் தவிக்கும் மக்களுக்கு சோதனை மேல் சோதனை தருவது போன்று பாம்பு போன்ற விஷ ஜந்துகள் படையெடுத்து வருகின்றன. மின்சார இணைப்பும் துண்டிக்கப்பட்டு உள்ளதால் மக்கள் உயிரை கையில் பிடித்துக்கொண்டு ஒவ்வொரு நொடியையும் அச்சத்துடன் கடந்து வருகின்றனர். வெள்ளநீர் எப்போது வடியும் என்று ஏங்குகின்றனர்.

    மழைவெள்ள பாதிப்பு ஏற்படும்போது படகில் மீட்டு சென்று தற்காலிக முகாம்களில் தங்க வைத்து ஆறுதல் கூறுவது தற்காலிக தீர்வாக இருக்கிறது. மழை காலம் வந்தாலே தண்ணீர் தேங்காதவாறு உரிய திட்டங்களை வகுத்து நிரந்தர தீர்வு அளிக்க வேண்டும் என்பதே அனைவரின் எதிர்பார்ப்பாக இருக்கிறது.
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    தாழ்வான பகுதிகளில் தேங்கிய தண்ணீர் ராட்சத குழாய்கள் மூலம் மோட்டார் பம்புகளை பயன்படுத்தி இறைக்கப்பட்டு காலி இடங்கள், மழைநீர் வடிகால்வாய் போன்ற இடங்களில் விடப்பட்டு வருகின்றன.
    சென்னை:

    சென்னையில் பெய்த பெருமழையால் தேங்கிய மழைநீரை வெளியேற்றும் பணியில் மாநகராட்சி ஊழியர்களும், தீயணைப்பு வீரர்களும் இரவு-பகலாக ஈடுபட்டு வருகின்றனர். மழைநீரை வெளியேற்றும் பணியில் மாநகராட்சிக்கு சொந்தமான 448 மோட்டார் பம்புகளும், வாடகை மோட்டார் பம்புகள் 199-ம், பிற துறைகளுக்கு சொந்தமான 37 மோட்டார் பம்புகளும் என 684 நீர் இறைக்கும் மோட்டார் பம்புகள் பயன்படுத்தப்பட்டுள்ளன. அதிக குதிரைத்திறன் கொண்ட இந்த மோட்டார் பம்புகளும் ஓய்வின்றி ஓடிக்கொண்டே இருக்கின்றன.

    தாழ்வான பகுதிகளில் தேங்கிய தண்ணீர் ராட்சத குழாய்கள் மூலம் மோட்டார் பம்புகளை பயன்படுத்தி இறைக்கப்பட்டு காலி இடங்கள், மழைநீர் வடிகால்வாய் போன்ற இடங்களில் விடப்பட்டு வருகின்றன. இதன் காரணமாக ஒரு இடங்களில் தண்ணீர் முற்றிலும் வடிந்துள்ளது. பெரும்பாலான இடங்களில் தண்ணீர் வேகமாக வடிந்து வருகிறது.

    வடிய மறுக்கும் மழைவெள்ளநீரை வெளியேற்றும் பணி இடைவிடாது தொடர்ந்து நடைபெற்று வருகிறது.
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    திருவள்ளூர் மாவட்டம் பொன்னேரி, மயிலாடுதுறை, கடலூர் மாவட்டம் திருவிடைமருதூர் ஆகிய இடங்களில் தலா 6 செ.மீ. மழை பதிவாகி உள்ளது.
    சென்னை:

    வளிமண்டல மேலடுக்கு சுழற்சி காரணமாக சென்னை உள்பட தமிழகத்தின் பெரும்பாலான மாவட்டங்களில் பரவலாக மழை பெய்து வருகிறது. நேற்று காலை 8.30 மணியுடன் முடிவடைந்த 24 மணி நேரத்தில் பதிவான மழை அளவு வருமாறு:-

    ராமநாதபுரம் மாவட்டம் பாம்பன், மண்டபம், செங்கல்பட்டு மாவட்டம் மாமல்லபுரம் ஆகிய இடங்களில் அதிகபட்சமாக தலா 11 செ.மீ., திருவாரூர் மாவட்டம் நன்னிலத்தில் 10 செ.மீ., ராமநாதபுரம் மாவட்டம் தங்கச்சிமடத்தில் 9 செ.மீ. மழை பெய்துள்ளது. புதுச்சேரி காரைக்கால், மயிலாடுதுறை மாவட்டம் சீர்காழி, கடலூர் மாவட்டம் சிதம்பரம் ஆகிய இடங்களில் தலா 8 செ.மீ., தஞ்சை, மஞ்சளாறு, கடலூர் மாவட்டம் பரங்கிப்பேட்டை,கே.எம்.கோவில், செங்கல்பட்டு, கேளம்பாக்கம், திருப்போரூர் ஆகிய இடங்களில் தலா 7 செ.மீ., திருவாரூர் மாவட்டம் குடவாசல், புதுக்கோட்டை மாவட்டம் விராலிமலை, திருச்சி மாவட்டம் மணப்பாறை, திருவள்ளூர் மாவட்டம் பொன்னேரி, மயிலாடுதுறை, கடலூர் மாவட்டம் திருவிடைமருதூர் ஆகிய இடங்களில் தலா 6 செ.மீ. மழை பதிவாகி உள்ளது.

    சென்னை அண்ணா பல்கலைக்கழகம், தண்டையார்பேட்டை, திருவள்ளூர் மாவட்டம் செங்குன்றம், சோழவரம், செங்கல்பட்டு மாவட்டம் இந்துஸ்தான் பல்கலைக்கழகம், காஞ்சிபுரம், தஞ்சை மாவட்டம் கும்பகோணம், வல்லம், பாபநாசம், அய்யம்பேட்டை, விழுப்புரம் மாவட்டம் மரக்காணம், நாகை மாவட்டம் திருப்பூண்டி, தலைஞாயிறு, ராமநாதபுரம் மாவட்டம் தொண்டி, திருவாரூர் மாவட்டம் நீடாமங்கலம் ஆகிய இடங்களில் தலா 5 செ.மீ. மழை பொழிந்துள்ளது.

    • Whatsapp
    • Telegram
    • Linkedin
    • Print