என் மலர்

    நீங்கள் தேடியது "nellai"

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    மாநகராட்சி, மாவட்ட நிர்வாகம் சார்பில் பல்வேறு நடவடிக்கைகள் எடுக்கப்பட்டு வருகிறது.

    நெல்லை:

    இந்தியாவின் 75-வது சுதந்திர தினம் இந்த ஆண்டு வெகு விமர்சையாக கொண்டாடப்பட்டு வருகிறது. அமுதப் பெருவிழா என்ற பெயரில் பல்வேறு நிகழ்ச்சிகள் நாடு முழுவதும் நடத்தப்பட்டு வருகிறது.

    அதன் ஒரு பகுதியாக பிரதமர் மோடியின் வேண்டுகோளை ஏற்று இன்று முதல் 15-ந்தேதி வரை அனைத்து வீடுகள், வணிக வளாகங்கள், அரசு அலுவலகங்களில் தொடர்ந்து 3 நாட்கள் தேசியக்கொடி ஏற்ற மாநகராட்சி, மாவட்ட நிர்வாகம் சார்பில் பல்வேறு நடவடிக்கைகள் எடுக்கப்பட்டு வருகிறது.

    நெல்லை சந்திப்பு சி.என் கிராமம் பகுதியில் பொதுமக்கள் தங்கள் வீடுகளிலும், வணிக வளாகங்களிலும், வீதிகளிலும் தேசிய கொடி ஏற்றி மரியாதை செய்து வருகின்றனர்.

    சி.என். கிராமம் பகுதியில் அமைந்துள்ள ராஜகோபால சுவாமி கோவிலிலும் தேசிய கொடி ஏற்றப்பட்டுள்ளது. அதேபோல் அப்பகுதியில் உள்ள தேவாலயம்,அதனை சுற்றியுள்ள வளாகங்கள் ஆயிரத்துக்கும் மேற்பட்ட இடங்களில் தேசியக்கொடி ஏற்றி மரியாதை செய்யப்பட்டுள்ளது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • இந்தியாவின் 75-வது சுதந்திர தினவிழா வருகிற 15-ந் தேதி (திங்கட்கிழமை) கோலாகலமாக கொண்டாடப்படுகிறது.
    • வெளி மாவட்டங்கள், பிற மாநிலங்களில் இருந்து வரும் வாகனங்களை மாவட்ட எல்லைகளில் நிறுத்தி சோதனை செய்ய ஏற்பாடு செய்யப்பட்டுள்ளது.

    நெல்லை:

    இந்தியாவின் 75-வது சுதந்திர தினவிழா வருகிற 15-ந் தேதி (திங்கட்கிழமை) கோலாகலமாக கொண்டாடப்படுகிறது.

    இதையொட்டி நாடு முழுவதும் பாதுகாப்பு ஏற்பாடுகள் தீவிரப்படுத்தப் பட்டுள்ளன. நெல்லை சரக டி.ஐ.ஜி. பிரவேஷ் குமார் உத்தரவின்பேரில் நெல்லை மாவட்டத்தில் போலீஸ் சூப்பிரண்டு சரவணன் தலைமையில் பலத்த பாதுகாப்பு ஏற்பாடுகள் செய்யப்பட்டு வருகிறது.

    சுதந்திர தினத்தை யொட்டி மாவட்டம் முழுவதும் ஆயிரக்கணக்கான போலீசார் பாதுகாப்பு பணியில் ஈடுபட உள்ளனர்.

    குறிப்பாக பொதுமக்கள் அதிகம் கூடும் பஸ் நிலையங்கள், மார்க்கெட், வணிக வளாகங்கள், வழிபாட்டு தலங்கள் மற்றும் நகரின் முக்கிய பகுதிகளில் போலீசார் பாதுகாப்பு மற்றும் கண்காணிப்பு பணியை மேற்கொள்ள உள்ளனர்.

    வெளி மாவட்டங்கள், பிற மாநிலங்களில் இருந்து வரும் வாகனங்களை மாவட்ட எல்லைகளில் நிறுத்தி சோதனை செய்ய ஏற்பாடு செய்யப்பட்டுள்ளது.

    நெல்லையப்பர் கோவில், பாபநாசம் பாபநாசநாதர் கோவில், நாங்குநேரி, களக்காடு, திருக்குறுங்குடி உள்ளிட்ட பகுதிகளில் உள்ள கோவில்களுக்கு வரும் பக்தர்களின் உடைமைகள் மற்றும் பொருட்களை மெட்டல் டிடெக்டர் மூலம் சோதனை செய்ய ஏற்பாடுகள் செய்யப்பட்டுள்ளது.

    நெல்லை சந்திப்பு ரெயில் நிலையத்தில் பயணிகளின் உடைமைகள் மெட்டல் டிடெக்டர் கொண்டும், மோப்ப நாய் மூலமும் சோதனை செய்யப்பட்டு, அதன்பின்னரே அவர்கள் அனுமதிக்கப்படுவார்கள். இந்த பணியை ரெயில்வே போலீசாரும், ரெயில்வே பாதுகாப்பு படையினரும் மேற்கொள்வார்கள் என தெரிவிக்கப்பட்டு இருந்தது.

    அதன்படி இன்று சந்திப்பு ரெயில் நிலையத்தில் உள்ள தண்டவாளங்களில் மோப்பநாய் மற்றும் மெட்டல் டிடெக்டர் மூலமாக ரெயில்வே போலீசார் சோதனை மேற்கொண்டனர்.

    இன்ஸ்பெக்டர் செல்வி தலைமையில் போலீ சார் அனைத்து தண்டவாளங்க ளிலும் சோதனை நடத்தினர்.மாவட்ட எல்லையோர பகுதிகள் மற்றும் சோதனை சாவடிகளில் உஷார் நிலையில் இருக்கவும், மாவட்டம் முழுவதும் ரோந்து பணியில் ஈடுபடவும் அனைத்து போலீசாருக்கும் உத்தரவிடப்பட்டுள்ளது.

    இந்த பாதுகாப்பு பணிகள் நாளை (சனிக்கிழமை) இரவு தொடங்கி 16-ந் தேதி காலை வரை தொடரும் என்று கூறப்பட்டுள்ளது.

    கடந்த ஆண்டு கொரோனா தடுப்பு நடவடிக்கை காரணமாக பொதுமக்கள் பங்கேற்பின்றியும், கலை நிகழ்ச்சிகள் இல்லாமலும் சுதந்திர தின விழா நெல்லை ஆயுதப்படை மைதானத்தில் நடைபெற்றது.

    இந்த ஆண்டு கொரோனா வெகுவாக குறைந்து விட்டதால் பொதுமக்கள் அனைவரும் பங்கேற்கும் வகையில் ஆயுதப்படை மைதானத்தில் ஏற்பாடுகள் செய்யப்பட்டுள்ளது.

    இதனையொட்டி கடந்த 2 நாட்களாக போலீசார், என்.சி.சி. மாணவர்கள் ஆகியோரை கொண்டு நிகழ்ச்சிக்கான ஒத்திகை பயிற்சி நடைபெற்றது. இன்று பயிற்சி போலீசார் பங்கேற்ற ஒத்திகை நடைபெற்றது.

    இந்த ஆண்டு மாணவ மாணவிகள் கலை நிகழ்ச்சி, தீயணைப்பு வீரர்களின் சாகசங்கள் உள்ளிட்ட பல்வேறு நிகழ்ச்சிகள் நடத்தவும் மாவட்ட நிர்வாகம் திட்டமிட்டுள்ளது.

    மேலும் மாவட்டம் மற்றும் மாநகரில் சிறப்பாக பணிபுரிந்த போலீசாருக்கு நற்சான்றிதழ் வழங்கி கவுரவிக்கவும் ஏற்பாடுகள் செய்யப்பட்டு வருகிறது.

    சுதந்திர தினத்தன்று காலை 9.5 மணிக்கு கலெக்டர் விஷ்ணு தலைமையில் தேசியக்கொடி ஏற்றுவதற்கான ஏற்பாடுகளும் நடைபெற்று வருகிறது.

    இதற்கான ஏற்பாடுகளை மாநகர போலீஸ் கமிஷனர் அவினாஷ் குமார் உத்தரவின் பேரில் துணை போலீஸ் கமிஷனர்கள் சீனிவாசன், அனிதா ஆகியோரின் மேற்பார்வையில் போலீசார் செய்து வருகின்றனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • ராமர் கடைகளுக்கு தண்ணீர் பாட்டில், குளிர்பானங்கள் விற்பனை செய்யும் தொழில் செய்து வருகிறார்.
    • ஆனந்தராஜ் ராமரின் மனைவியிடம் அரிவாளை காட்டி மிரட்டியுள்ளார்.

    நெல்லை:

    நெல்லையை அடுத்த தேவர்குளத்தை சேர்ந்தவர் ராமர் (வயது 42). இவர் கடைகளுக்கு தண்ணீர் பாட்டில், குளிர்பானங்கள் விற்பனை செய்யும் தொழில் செய்து வருகிறார். சம்பவத்தன்று தனது வாகனத்தில் சரக்குகளை ஏற்றிக்கொண்டு சென்றார்.

    தேவர்குளம் பஜார் பகுதியில் சென்றபோது அதே பகுதியில் தச்சு குடி தெருவில் வசிக்கும் ஆனந்தராஜ் என்பவர் இவரது வாகனத்தை வழிமறித்து ரூ.20 ஆயிரம் மாமூல் கொடுக்குமாறு மிரட்டியதாக கூறப்படுகிறது.

    அதற்கு ராமர் கொடுக்க மறுக்கவே அவரது வீட்டுக்கு சென்ற ஆனந்தராஜ் ராமரின் மனைவியிடம் அரிவாளை காட்டி மிரட்டியுள்ளார். உடனே அக்கம் பக்கத்தினர் அங்கு ஓடி வந்ததும் அங்கிருந்து ஆனந்தராஜ் தப்பி சென்று விட்டார். இது தொடர்பாக தேவர்குளம் போலீசார் வழக்குப்பதிவு செய்து ஆனந்தராஜை தேடி வருகின்றனர்.கொலை மிரட்டல் விடுத்து தப்பிச் சென்ற ஆனந்தராஜ் கடந்த ஒரு மாதத்திற்கு முன்பு தான் குண்டர் சட்டத்தில் சிறையில் இருந்து வெளியே வந்துள்ளார். 

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • நெல்லையை அடுத்த சீவலப்பேரி அருகே உள்ள கட்டளை கிராமத்தை சேர்ந்தவர் சிவன். இவரது மகன் இசக்கிமுத்து(வயது 28). தொழிலாளி.
    • தற்கொலை தொடர்பாக வழக்குப்பதிவு செய்து போலீசார் விசாரணை நடத்தி வருகின்றனர்.

    நெல்லை:

    நெல்லையை அடுத்த சீவலப்பேரி அருகே உள்ள கட்டளை கிராமத்தை சேர்ந்தவர் சிவன். இவரது மகன் இசக்கிமுத்து(வயது 28).

    இவர் அப்பகுதியில் உள்ள செங்கல் சூளையில் தொழிலாளியாக வேலை பார்த்து வந்தார்.

    நேற்று வீட்டில் யாரும் இல்லாத நேரத்தில் இசக்கிமுத்து தூக்குப்போட்டு தற்கொலை செய்து கொண்டார்.

    தகவல் அறிந்த சீவலப்பேரி போலீசார் அங்கு விரைந்து சென்று இசக்கிமுத்து உடலை மீட்டு பிரேத பரிசோதனைக்காக நெல்லை அரசு ஆஸ்பத்திரிக்கு அனுப்பி வைத்தனர்.

    இதுதொடர்பாக வழக்குப்பதிவு செய்து விசாரணை நடத்தி வருகின்றனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • தனியார் கல்லூரிகளில் அரசின் ஆணைகள் முறையாக அமல்படுத்தப்படவில்லை என்று கூறி மூட்டா அமைப்பினர் சார்பில் போராட்டங்கள் நடைபெற்று வருகிறது.
    • ஆர்ப்பாட்டத்தில் கலந்து கொண்ட சுமார் 300-க்கும் மேற்பட்டோர் ஐகிரவுண்டு சாலையில் மறியலில் ஈடுபட்டனர்.

    நெல்லை:

    பாளை மற்றும் கன்னியாகுமரியில் உள்ள அரசு உதவி பெறும் 2 தனியார் கல்லூரிகளில் அரசின் ஆணைகள் முறையாக அமல்படுத்தப்படவில்லை என்று கூறி மூட்டா அமைப்பினர் சார்பில் பல்வேறு கட்ட போராட்டங்கள் நடைபெற்று வருகிறது.

    கோஷங்கள்

    இதன் ஒரு பகுதியாக பாளையில் உள்ள அந்த தனியார் கல்லூரி முன்பு இன்று மூட்டா அமைப்பினர் ஆர்ப்பாட்டத்தில் ஈடுபட்டனர். இந்த ஆர்ப்பாட்டத்திற்கு மண்டல செயலாளர் நாகராஜன் தலைமை தாங்கினார். பேராசிரியர்கள் நசீர் அகமது, கோமதிநாயகம், சிவஞானம் மற்றும் சி.ஐ.டி.யு. நிர்வாகிகள் பெருமாள், சுடலைராஜ், வக்கீல் பழனி உள்பட ஏராளமானோர் கலந்துகொண்டு கல்லூரி நிர்வாகங்களுக்கு எதிராக கோஷங்கள் எழுப்பினர்.

    மறியல்

    தொடர்ந்து ஆர்ப்பாட்டத்தில் கலந்து கொண்ட சுமார் 300-க்கும் மேற்பட்டோர் ஐகிரவுண்டு சாலையில் மறியலில் ஈடுபட்டனர்.

    சுமார் 15 நிமிடம் நடந்த இந்த மறியல் போராட்டத்தால் சாலையில் போக்குவரத்து நெருக்கடி ஏற்பட்டது. உடனே பாளை போலீசார், போராட்டத்தில் ஈடுபட்ட அனைவரையும் கைது செய்து பாளை நூற்றாண்டு மண்டபத்தில் தங்க வைத்தனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • தனியார் நிர்வாகம் ஒன்று ஒப்பந்த முறையில் 108 ஆம்புலன்ஸ் சேவையை எடுத்து நிர்வகித்து வருகிறது.
    • ஊதியம் உள்ளிட்டவற்றில் முறைகேடுகள் நடைபெற்று வருவதாகவும், அதனை சரி செய்ய வேண்டும் எனவும் இந்த மாநாட்டில் தீர்மானிக்கப்பட்டது.

    நெல்லை:

    நெல்லை, தென்காசி, தூத்துக்குடி, கன்னியாகுமரி மாவட்ட ஒருங்கிணைந்த108 ஆம்புலன்ஸ் தொழிலாளர்கள் சங்கத்தின் மாவட்ட மாநாடு நெல்லையில் இன்று நடைபெற்றது.

    சிறப்புரை

    மாநாட்டிற்கு நெல்லை மாவட்ட தலைவர் சுடலை குமார், தென்காசி மாவட்ட தலைவர் சரவணன் ஆகியோர் தலைமை தாங்கினர்.

    நிர்வாகிகள் சுந்தர்ராஜ், முருகன், அருள் குமார் ஆகியோர் முன்னிலை வகித்தனர்.நெல்லை மாவட்ட செயலாளர் ஜெயக்குமார், தென்காசி மாவட்ட ஒருங்கிணைப்பாளர் தட்சிணாமூர்த்தி ஆகியோர் வரவேற்றனர். சங்கத்தின் மாநில பொதுச்செயலாளர் ராஜேந்திரன், தென்னிந்திய பொதுச் செயலாளர் ஆனந்தன் ஆகியோர் கலந்து கொண்டு சிறப்புரையாற்றினர்.

    கடந்த 2008-ம் ஆண்டு முதல் செயல்பட்டு வரும் 108 ஆம்புலன்ஸ் சேவை திட்டத்தில் தமிழக முழுவதும் 5000-க்கும் மேற்பட்ட ஆண், பெண் தொழிலாளர்கள் வேலை பார்த்து வருகின்றனர். இதனை தனியார் நிர்வாகம் ஒன்று ஒப்பந்த முறையில் எடுத்து நிர்வகித்து வருகிறது.

    நெல்லை, தென்காசி உள்பட 4 மாவட்டங்களில் ஆம்புலன்ஸ் டிரைவர்கள் மற்றும் டெக்னீசியன்கள் என 300-க்கும் மேற்பட்டோர் பணியாற்றி வருகின்றனர். இந்த 4 மாவட்டங்களிலும் சுமார் 80 வாகனங்கள் ஓடிக்கொண்டிருக்கிறது.

    ஆனால் இந்த தொழிலாளர்களுக்கு வழங்கும் வேலை நேரம், ஊதியம் உள்ளிட்டவற்றில் பல்வேறு முறைகேடுகள் நடைபெற்று வருவதாகவும், வாகன கொள்முதல் மற்றும் வாகன உதிரி பாகங்கள் கொள்முதலில் முறைகேடு நடைபெற்று வருவதாகவும், அதனை சரி செய்ய நடவடிக்கை எடுக்க வேண்டும் எனவும் இந்த மாநாட்டில் தீர்மானிக்கப்பட்டது.

    நெல்லை மாவட்டத்தில் மட்டும் திசையன்விளை, ஐகிரவுண்ட் அரசு ஆஸ்பத்திரி, முன்னீர்பள்ளம், கங்கைகொண்டான் உள்ளிட்ட 4 இடங்களில் 108 வாகனங்கள் நிறுத்தப்பட்டுள்ளது. ஆனால் ஆட்கள் பற்றாக்குறை காரணமாக அந்த ஆம்புலன்ஸ்கள் இயக்கப்படாமல் உள்ளது.

    அங்கு ஆட்களை வேலைக்கு அமர்த்தி மீண்டும் 108 ஆம்புலன்சுகளை இயக்க நடவடிக்கை எடுக்க வேண்டும். சீதபற்பநல்லூரில் புதிதாக 108 ஆம்புலன்ஸ் நிறுத்தப்பட்டு 6 மாதமே ஓடிய நிலையில், தற்போது அந்த ஆம்புலன்ஸ் ரத்து செய்யப்பட்டுள்ளது.

    அதனை மீண்டும் நடைமுறைக்கு கொண்டு வர வேண்டும் எனவும், இதே போல் தென்காசி, தூத்துக்குடி கன்னியாகுமரி உள்ளிட்ட மாவட்டங்களிலும் உள்ள ஆட்கள் பற்றாக்குறை, ஆம்புலன்ஸ் தட்டுப்பாடு உள்ளிட்டவற்றை சரி செய்ய அரசு நடவடிக்கை எடுக்க வேண்டும் எனவும் இந்த மாநாட்டில் தீர்மானம் நிறைவேற்றப்பட்டது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • போதை பொருட்கள் விற்பனை செய்யும் கும்பலை கைது செய்ய நெல்லையில் போலீசார் தீவிர ரோந்து பணியில் ஈடுபட்டு வருகின்றனர்.
    • கஞ்சா விற்ற 6 பேரையும் போலீசார் கைது செய்து அவர்களிடமிருந்து 170 கிராம் கஞ்சாவை பறிமுதல் செய்தனர்.

    நெல்லை:

    நெல்லை மாநகர போலீஸ் கமிஷனர் அவினாஷ் குமார் உத்தரவின் பேரில் மாநகரப் பகுதியில் கஞ்சா உள்ளிட்ட போதை பொருட்கள் விற்பனை செய்யும் கும்பலை கைது செய்ய போலீசார் தீவிர ரோந்து பணியில் ஈடுபட்டு வருகின்றனர்.

    வண்ணார் பேட்டையில் கம்ப ராமாயண தெருவை சேர்ந்த மதி முருகன் (வயது 19), பாளை சன்னதி தெருவை சேர்ந்த முத்து சங்கர் (23), சந்திப்பு சிந்துபூந்துறை விக்னேஷ் (35), தச்சநல்லூர் வாலாஜா பேட்டை நடுத்தெருவை சேர்ந்த ஸ்ரீராம் நாதன், மேலப்பாளையம் நாகம்மாள் புரத்தைச் சேர்ந்த மகேந்திரன்( 37) காவல்பிறை தெருவை சேர்ந்த சங்கர் (34) ஆகியோர் சட்ட விரோதமாக கஞ்சா விற்பனையில் ஈடுபட்டது போலீசார் விசாரணை யில் தெரியவந்தது. இதையடுத்து அவர்கள் 6 பேரையும் போலீசார் கைது செய்தனர். மேலும் அவர்களி டமிருந்து 170 கிராம் கஞ்சா பொட்ட லங்களை பறிமுதல் செய்தனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • அனைவரும் தங்களது வீடுகள் முன்பு தேசியக்கொடி ஏற்ற வேண்டும் என்று மத்திய அரசு அறிவுறுத்தி வருகிறது.
    • மாநகராட்சி கமிஷனர் சிவகிருஷ்ணமூர்த்தி உத்தரவின் பேரில் வீடு வீடாக தேசியக்கொடி வழங்கப்பட்டு வருகிறது.

    நெல்லை:

    75-வது ஆண்டு சுதந்திர தினத்தையொட்டி நாடு முழுவதும் பல்வேறு நிகழ்ச்சிகள் நடத்தப்பட்டு வருகிறது.

    தேசியக்கொடி

    பொதுமக்கள் அனைவரும் தங்களது வீடுகள் முன்பு தேசியக்கொடி ஏற்ற வேண்டும் என்று மத்திய அரசு அறிவுறுத்தி வருகிறது.

    இதன் ஒரு பகுதியாக தபால் நிலையங்களில் தேசியக்கொடி விற்பனை செய்யப்பட்டு வருகிறது.

    வீடு, வீடாக...

    இதற்கிடையே நெல்லை மாநகரப் பகுதியில் பொது மக்களுக்கு மாநகராட்சி சார்பில் கமிஷனர் சிவகிருஷ்ணமூர்த்தி உத்தரவின் பேரில் வீடு வீடாக தேசியக்கொடி வழங்கப்பட்டு வருகிறது.

    அதன்படி இன்று தச்சை மண்டலத்துக்கு உட்பட்ட பகுதிகளில் சுகாதார ஆய்வாளர் பெருமாள் முன்னிலையில் 1,2,3,12,13,14,30 ஆகிய வார்டுகளில் வசிக்கும் பொதுமக்களுக்கு வீடு வீடாக சென்று தேசிய கொடிகள் வழங்கப்பட்டு வருகிறது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • இலசவமாக பூஸ்டர் தடுப்பூசி செலுத்தும் பணிகளும் நாடு முழுவதும் நடந்து வருகிறது.
    • நீண்ட நாட்களுக்கு பிறகு நெல்லை மாவட்டத்தில் இன்று பாதிப்பு ஒற்றை இலக்கத்திற்கு குறைந்ததது.

    நெல்லை:

    தமிழகத்தில் கடந்த மாதம் கொரோனா பாதிப்பு மீண்டும் அதிகரித்த நிலையில் தமிழக அரசு மக்களுக்கு தடுப்பூசி செலுத்தும் பணிகளை தீவிரப்படுத்தியது. மேலும், இலசவமாக பூஸ்டர் தடுப்பூசி செலுத்தும் பணிகளும் நாடு முழுவதும் நடந்து வருகிறது.

    ஒற்றை இலக்கத்திற்கு குறைந்தது

    நெல்லை மாவட்டத்திலும் குறைந்திருந்த கொரோனா பாதிப்பு கடந்த மாதத்தில் திடீரென இரட்டை இலக்கத்திற்கும், பின்னர் மூன்று இலக்கத்திற்கும் சென்றது. அதன்பிறகு படிப்படியாக குறையத் தொடங்கியது.

    கடந்த சில நாட்களாக தினசரி பாதிப்பு தொடர்ந்து குறைந்து வந்த நிலையில், நீண்ட நாட்களுக்கு பிறகு நெல்லை மாவட்டத்தில் இன்று பாதிப்பு ஒற்றை இலக்கத்திற்கு குறைந்ததது.

    புதிதாக 9 பேருக்கு தொற்று

    பாளை ஐகிரவுண்டு அரசு ஆஸ்பத்திரி மற்றும் தனியார் ஆய்வகங்களில் நடந்த பரிசோதனை முடிவில் புதிதாக 9 பேருக்கு மட்டும் தொற்று பாதிப்பு உறுதியானது.

    இதில் மாநகராட்சி பகுதிக்குட்பட்ட 3 பேர், மானூரில் 3 பேர் அடங்குவர். அம்பையில் 2 பேர், வள்ளியூரில் ஒருவரும் புதிதாக பாதிக்கப்பட்டுள்ளனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • பிரசித்தி பெற்ற சங்கரன்கோவில் சங்கர நாராயணசாமி கோவில் ஆடித்தபசு திருவிழா நாளை மறுநாள் (புதன்கிழமை) கொண்டாடப்படுகிறது.
    • ஆடித்தபசு திருவிழாவையொட்டி நெல்லை மாவட்டத்துக்கும் உள்ளூர் விடுமுறை அளிக்க வேண்டும்.

    நெல்லை:

    பாரதீய ஜனதா கட்சியின் ஆன்மீக மற்றும் கோவில் மேம்பாட்டு பிரிவு மாவட்ட தலைவர் சங்கர சுப்பிரமணியன், துணைத் தலைவர் சுப்பிரமணியன், மாவட்ட செயலாளர் விஜயா, நந்தினி குமார் ஆகியோர் கலெக்டர் அலுவலகத்தில் ஒரு மனு அளித்தனர். அதில் கூறியிருப்பதாவது:-

    பிரசித்தி பெற்ற சங்கரன்கோவில் சங்கர நாராயணசாமி கோவில் ஆடித்தபசு திருவிழா நாளை மறுநாள் (புதன்கிழமை) கொண்டாடப்படுகிறது.

    வழக்கமாக இந்த திருவிழாவில் நெல்லை மாவட்டத்தில் இருந்து திரளான மக்கள் கலந்து கொள்வார்கள். இதையொட்டி சிறப்பு பஸ்களும் இயக்கப்படும்.

    கடந்த 2 ஆண்டுகளாக கொரோனா பரவல் காரணமாக பக்தர்கள் இல்லாமல் திருவிழா நடைபெற்றது.

    இந்த ஆண்டு பக்தர்களுக்கு அனுமதி வழங்கப்பட்டுள்ள நிலையில், திருவிழாவில் கலந்து கொள்வதற்காக ஏராளமான பொது மக்கள் செல்வார்கள். எனவே ஆடித்தபசு திருவிழாவையொட்டி நெல்லை மாவட்டத்துக்கும் உள்ளூர் விடுமுறை அளிக்க வேண்டும்.

    இவ்வாறு அதில் கூறப்பட்டுள்ளது.

    இதே கோரிக்கையை வலியுறுத்தி இந்து அன்னையர் முன்னணி மாவட்ட தலைவி குருவம்மாள் தலைமையிலும் மனு அளிக்கப்பட்டது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • மாநிலம் முழுவதும் இன்று நடைபெறும் இந்த வேலை நிறுத்த போராட்டத்திற்கு நெல்லை மாநகர பகுதி முழுவதிலும் உப மின் கோட்ட நிலையங்கள் முன்பு மின் ஊழியர்கள் வேலை நிறுத்த போராட்டத்தில் ஈடுபட்டனர்.
    • தமிழ்நாடு மின்வாரிய தொழிற்சங்கங்களின் கூட்டு நடவடிக்கை குழு சார்பிலும் இன்று தலைமை அலுவலகத்தில் காத்திருப்பு போராட்டம் நடைபெற்றது.

    நெல்லை:

    தமிழக அரசின் மின்சார சட்ட திருத்த மசோதாவை கண்டித்து இன்று மின்வாரிய ஊழியர் கள் சார்பில் போராட்டம் நடைபெற்றது.

    மாநிலம் முழுவதும் இன்று நடைபெறும் இந்த வேலை நிறுத்த போராட்டத்திற்கு நெல்லை மாநகர பகுதி முழுவதிலும் உப மின் கோட்ட நிலையங்கள் முன்பு மின் ஊழியர்கள் வேலை நிறுத்த போராட்டத்தில் ஈடுபட்டனர்.

    தமிழ்நாடு மின்வாரிய தொழிற்சங்கங்களின் கூட்டு நடவடிக்கை குழு சார்பிலும் இன்று தலைமை அலுவலகத்தில் காத்திருப்பு போராட்டம் நடைபெற்றது.

    பாளை தியாகராஜ நகரில் உள்ள தலைமை அலுவலகத்தில் நடந்த காத்திருப்பு போராட்டத்திற்கு பொறியாளர் கழகத்தைச் சேர்ந்த முருகன் தலைமை தாங்கினார். இதில் 300-க்கும் மேற்பட்டோர் கலந்து கொண்டனர்.

    இதில் சி.ஐ.டி.யு கந்தசாமி, பொறியாளர் இசக்கி பாண்டி, பெருமாள்சாமி, அர்ஜுனன், முருகன், கார்த்திக் குமார், பீர் முகமது ஷா, கண்ணன், முத்துக்குமார், கருப்பசாமி உள்பட பலர் கலந்து கொண்டனர். அவர்கள் அலுவலகம் முன்பு அமர்ந்து கோஷங்கள் எழுப்பினர்.

    • Whatsapp
    • Telegram
    • Linkedin
    • Print