என் மலர்

    நீங்கள் தேடியது "MKStalin"

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • மனிதர்கள் அனைவரும் சமம் என்பதுதான் சமத்துவம்.
    • யாரையும் வேற்றுமையாகப் பார்க்காதே என்பதுதான் சகோதரத்துவம்.

    சென்னை வானகரத்தில் நடைபெற்ற தென்னிந்தியத் திருச்சபை பவள விழாவில் கலந்து கொண்டு முதலமைச்சர் மு.க.ஸ்டாலின் உரையாற்றினார். அப்போது அவர் கூறியுள்ளதாவது:

    இந்தியா என்பது பல்வேறு மதத்தவர் வாழ்கின்ற நாடு. வெவ்வேறு மதத்தைச் சேர்ந்தவர்களாக இருந்தாலும் அனைவரும் ஒற்றுமையாக இருக்கிறோம். வாழ்கிறோம். அவரவர் மத நம்பிக்கை என்பது அவரவருக்குச் சொந்தமானதே தவிர, அடுத்தவருக்கு எதிரானதாக இருக்காது.

    மனிதர்கள் அனைவரும் சமம் என்பதுதான் சமத்துவம். யாரையும் வேற்றுமையாகப் பார்க்காதே என்பதுதான் சகோதரத்துவம். அனைவருடனும் சேர்ந்து வாழ் என்பதுதான் ஒற்றுமை. ஏழைகள் மீது கருணை காட்டு என்பதுதான் இரக்கம். அநீதிக்கு எதிராக குரல் கொடு என்பதுதான் நீதி. மற்றவர்களுக்காக வாதாடு என்பதுதான் தியாகம். 


    உன்னிடம் இருப்பதை இல்லாதவருக்குக் கொடு என்பதுதான் பகிர்தல். இதைத் தான் கிறிஸ்தவம் சொல்கிறது. இத்தகைய குணங்கள் ஒவ்வொரு மனிதருக்கும் இருந்தால் அதுதான் சமத்துவ நாடாக அமையும். இத்தகைய நோக்கம் கொண்ட திராவிட மாடல் ஆட்சியை நாங்கள் நடத்தி வருகிறோம். நாங்கள் நடத்தி வருகிறோம் என்றால், உங்கள் அன்போடும், ஆதரவோடும் நடத்திக் கொண்டிருக்கிறோம்.

    எல்லாருக்கும் எல்லாம் என்பதே திராவிட மாடல் ஆட்சியினுடைய அடிப்படை நோக்கம். பசித்த வயிறுகளுக்கு உணவாக, தவித்த வாய்க்குத் தண்ணீராக, திக்கற்றவர்களுக்குத் திசையாக, யாருமற்றவர்களுக்கு ஆறுதலாக- இருக்க நினைக்கும் அரசாக எமது அரசு செயல்பட்டு வருகிறது. மன்னிக்கவும், நமது அரசு செயல்பட்டு வருகிறது. எமது அரசு என்பது அனைவரையும் உள்ளடக்கிய அரசுதான். இந்த அரசுக்கு அன்பும் உரிமையும் இரண்டு கண்கள். ஒரு கை உழைக்கவும், இன்னொரு கை உணவூட்டவுமான அரசாகச் செயல்பட்டு வருகிறோம்.

    எப்படி எங்கள் மீது உங்களுக்கு சந்தேகம் இல்லையோ அதுபோல் உங்கள் மீதும் எங்களுக்கு என்றைக்கும் சந்தேகம் இருந்தது கிடையாது. எனவே, எப்போதும் நாம் ஒருங்கிணைந்து இந்த நாட்டினுடைய ஜனநாயகத்தை, சமுதாயத்தை காப்பாற்றுவதற்கு சாதி, மதங்களைக் கடந்து நாம் நம்முடைய பணியைத் தொடர வேண்டும் என்கிற உறுதி எடுத்துக்கொள்ளக்கூடிய நிகழ்ச்சியாக நான் இந்த பவளவிழா நிகழ்ச்சியைக் கருதிக்கொண்டிருக்கிறேன். இவ்வாறு அவர் தெரிவித்தார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • நாடாளுமன்ற தேர்தலோடு, தமிழக சட்டமன்றத்துக்கும் தேர்தல் வந்தால் நாங்கள் பொறுப்பல்ல.
    • கோவை பொறுப்பு அமைச்சர் விஞ்ஞான ரீதியில் ஊழல் செய்து கொண்டிருக்கிறார்.

    கோவை:

    பா.ஜ.க. நிர்வாகிகள், தொண்டர்கள் கைது செய்யப்பட்டதுக்கு எதிர்ப்பு தெரிவித்தும், தி.மு.க. அரசை கண்டித்தும் கோவை சிவானந்தா காலனியில் நேற்று பாஜக மாநில தலைவர் அண்ணாமலை தலைமையில் அக்கட்சியினர் ஆர்ப்பாட்டத்தில் ஈடுபட்டனர். கூட்டத்தில் அண்ணாமலை பேசியதாவது:

    இந்து மதத்தை இழிவாக ஆ.ராசா பேசுவது இது புதியதல்ல. தமிழகத்தில் 20 ஆண்டுகளுக்கு முன்பு இதுபோன்று பேசிய போது பெரிதும் மக்கள் கண்டனம் தெரிவிக்கவில்லை. தற்போது அரசியல் களம் மாறி இருக்கிறது. நாங்கள் தான் சுயமரியாதைக்காரர்கள். பா.ஜ.க.வுக்கு பொருத்தமான வார்த்தை சமூகநீதி, சுயமரியாதை. ஆனால் பா.ஜ.க. மதவாத கட்சி என்றும், ஏதாவது சொல்லி ஆட்சிக்கு வரபார்க்கிறார்கள் என்றும் முதலமைச்சர் மு.க.ஸ்டாலின் அறிக்கை வெளியிடுகிறார். 


    தமிழகத்தில் 1.10 கோடி பேர் மதுவிற்கு அடிமையாகி இருப்பதில் இருந்து வெளிக்கொண்டு வரவும், அரசு அலுவலகங்களின் லஞ்சம், கனிமவள கொள்ளைகளை தடுக்கவுமே நாங்கள் ஆட்சிக்கு வர நினைக்கிறோம். கோவையின் பொறுப்பு அமைச்சர் விஞ்ஞான ரீதியில் ஊழல் செய்து கொண்டிருக்கிறார். மற்றொரு அமைச்சர் மேடையில் சாதி பெயரை கூறி பெண்ணை அழைக்கிறார்.

    பா.ஜ.க. தொண்டர்கள் மீது கை வைத்த காவல் துறையினருக்கு, நான் சொல்ல வேண்டியது என்னவென்றால் ஓய்வு காலத்தில் உங்களுக்கு ஓய்வூதியம் வரவில்லை என்றால் நாங்கள் பொறுப்பல்ல.2024-ல் நாடாளுமன்ற தேர்தலோடு, தமிழக சட்டமன்றத்துக்கும் தேர்தல் வந்தால் நாங்கள் பொறுப்பல்ல. 


    நீங்கள் மாற்றிக்கொள்ளவில்லையென்றால் மாற்றப்படுவீர்கள். முதலமைச்சரின் வீட்டை பா.ஜ.க. தொண்டர்கள் முற்றுகையிடும் காலம் வெகு தொலைவில் இல்லை. எங்களை தாண்டி தான் கோட்டைக்கு செல்ல வேண்டும். முதலமைச்சர் நடுநிலையோடு நடந்துகொள்ள வேண்டும். நடுநிலையாக இருந்து 5 ஆண்டுகளை முழுமையாக ஆட்சி செய்ய முயற்சி செய்யுங்கள். இவ்வாறு அவர் கூறியுள்ளார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • சென்னை ஓபன் டென்னிஸ் போட்டியில் செக் குடியரசு வீராங்கனை லிண்டா வெற்றி பெற்றார்.
    • வீராங்கனை லிண்டாவுக்கு முதலமைச்சர் மு.க.ஸ்டாலின் கேடயம் வழங்கி கவுரவித்தார்.

    சென்னை:

    சென்னை ஓபன் பெண்கள் சர்வதேச டென்னிஸ் போட்டி நுங்கம்பாக்கத்தில் உள்ள எஸ்.டி.ஏ.டி. ஸ்டேடியத்தில் நடைபெற்றது.

    நேற்று நடைபெற்ற ஒற்றையர் இறுதிப்போட்டியில் 17 வயதான செக் குடியரசு வீராங்கனை லின்டா புருவிர்தோவா, போலந்தின் மேக்டா லினெட்டுடன் பலப்பரீட்சை நடத்தினார்.

    விறுவிறுப்பான இந்த ஆட்டத்தில் மேக்டா லினெட்டுவை 6-4, 3-6, 4-6 என்ற செட் கணக்கில் வீழ்த்தி லின்டா புருவிர்தோவா சாம்பியன் பட்டம் வென்றார்.

    இந்நிலையில், சென்னை ஓபன் டென்னிஸ் போட்டியில் வெற்றி பெற்ற வீராங்கனை லிண்டாவுக்கு முதலமைச்சர் மு.க.ஸ்டாலின் கேடயம் வழங்கி கவுரவித்தார்.

    ஒற்றையர் பிரிவில் சாம்பியன் பட்டம் வென்ற லிண்டாவுக்கு கேடயம் மற்றும் ரூ.26.44 லட்சம் ரொக்க பரிசு வழங்கப்பட்டது.

    இரண்டாம் இடம் பிடித்த போலந்து வீராங்கனை மேக்டா லினெட்டுக்கு கேடயம் மற்றும் ரூ.15.73 லட்சம் ரொக்க பரிசு வழங்கப்பட்டது.

    முன்னதாக, மகளிர் ஒற்றையர் பிரிவு இறுதிப்போட்டியை முதலமைச்சர் மு.க.ஸ்டாலின் நேரில் பார்வையிட்டார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • உங்கள் கோரிக்கைகள் சிலவற்றை நிறைவேற்றும் கோப்புகளில் கையெழுத்திட்டுள்ளேன்.
    • 10 வருடங்கள் நீங்கள் பட்ட கஷ்டத்தை படிப்படியாக சரி செய்வோம்.

    சென்னையில் நடைபெற்ற ஜாக்டோ ஜியோ மாநாட்டில் முதலமைச்சர் மு.க.ஸ்டாலின் சிறப்புரையாற்றினார். அப்போது அவர் கூறியதாவது:

    நீங்கள் அரசு ஊழியர்கள், நான் மக்கள் ஊழியர். அரசும் அரசியலும் இரண்டற கலந்தது, இதை யாராலும் பிரிக்க முடியாது. அந்த உணர்வோடு நான் இதில் கலந்து கொண்டிருக்கிறேன். அரசு ஊழியர்கள் மாநாட்டில் அரசியல் பேசக்கூடாது என்று நினைத்தாலும், அரசு ஊழியர்கள் மாநாட்டில் அரசியல் பேசாமல் வேறு எங்கே பேசுவது என்பது எனது எண்ணமாக அமைந்திருக்கிறது.

    திமுக ஆட்சியை பிடிப்பதற்கு அரசு ஊழியர்களும், ஆசிரியர்களுமே காரணம் என்ற நன்றி உணர்ச்சியோடு உங்கள் முன்னாள் நான் நின்று கொண்டிருக்கிறேன். நமது ஆதரவு முதலமைச்சருக்கு எப்போது உண்டு என்பதை உறுதி செய்வோம் என்று நீங்கள் சொல்லியிருக்கிறீர்கள்.

    உங்கள் கோரிக்கைகள் சிலவற்றை நிறைவேற்றும் கோப்புகளில் கையெழுத்திட்டு விட்டு மாநாட்டிற்கு வந்துள்ளேன். 10 வருடங்கள் நீங்கள் பட்ட கஷ்டத்தை படிப்படியாக சரி செய்வோம். அனைத்து வகையான தற்காலிக ஆசிரியர்களும், பிற தற்காலிக பணியாளர்களும் 60 வயது வரை பணி புரிய அனுமதிக்கப் படுவர்.

    அவர்களது விருப்பத்திற்கு ஏற்ப பணியிட மாறுதல் கலந்தாய்வு,  ஒளிவுமறைவு இன்றி அக்டோபர் 15 முதல் நடத்தப்படும். உங்கள் நம்பிக்கை நிச்சயம் போகாது. கோரிக்கைகளை நிச்சயம் நிறைவேற்றுவோம். உங்களுக்கு எப்போதும் பக்க பலமாக இருப்போம். இவ்வாறு அவர் தெரிவித்தார். 

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • நெல்லை மாநகரப் பகுதியில் ஸ்மார்ட் சிட்டி திட்டத்தின் கீழ் மொத்தம் ரூ. 965 கோடி மதிப்பீட்டில் வளர்ச்சி திட்டப்பணிகள் தொடங்கப்பட்டது.
    • ரூ. 15 கோடி மதிப்பீட்டில் புதுப்பிக்கப்பட்ட பாளை வ.உ.சி. மைதானத்தை முதல்-அமைச்சர் மு.க.ஸ்டாலின் மக்கள் பயன்பாட்டிற்கு நாளை நெல்லையில் நடைபெறும் விழாவில் திறந்து வைக்க உள்ளாார்.

    நெல்லை:

    நெல்லை மாநகரப் பகுதியில் ஸ்மார்ட் சிட்டி திட்டத்தின் கீழ் மொத்தம் ரூ. 965 கோடி மதிப்பீட்டில் வளர்ச்சி திட்டப்பணிகள் தொடங்கப்பட்டது.

    புதிய பஸ்நிலையம்

    இதில் 32 திட்டப்பணிகள் ரூ. 319.02 கோடி மதிப்பீட்டில் ஏற்கெனவே முடிக்கப்பட்டுள்ளன. 52 திட்டப்பணிகள் ரூ. 642.98 கோடி மதிப்பீட்டில் நடைபெற்று வருகின்றன.

    அந்தவகையில் கூடுதல் நடைமேடைகளுடன் கட்டப்பட்ட நெல்லை வேய்ந்தான்குளம் புதிய பஸ்நிலையம், முழுவதும் இடித்து புதிதாக அமைக்கப்பட்ட பாளை பஸ் நிலையம், நவீன பஸ்நிறுத்தங்கள் உள்ளிட்ட பணிகள் முடிவடைந்து மக்கள் பயன்பாட்டுக்கு திறந்துவிடப்பட்டுள்ளது.

    ரூ. 79 கோடி

    ரூ. 79 கோடியில் கட்டப்பட்டு வரும் நெல்லை சந்திப்பு பஸ் நிலையத்தின் ஒருபகுதி வேலை முடிந்த நிலையில் மற்றொரு பகுதியின் பணிகள் நடைபெற்று வருகிறது.

    அதுபோல டவுன், பாளை மார்க்கெட்டுகள் புதுப்பிக்கும் பணி, பொருட்காட்சி மைதானத்தில் வணிக வளாகம் கட்டும் பணி உள்ளிட்ட பணிகள் நடைபெற்று வருகிறது.

    வ.உ.சி. மைதானம்

    இந்நிலையில் ஸ்மார்ட்சிட்டி திட்டத்தின் கீழ் பாளை வ.உ.சி. மைதானத்தில் பல்வேறு வசதியுடன் விளையாட்டு மைதானம் அமைக்கும் பணி கடந்த 2021-ம் ஆண்டு பிப்ரவரி மாதம் தொடங்கியது.

    இதைத்தொடர்ந்து பாளை வ.உ.சி. மைதானத்தில் ஏற்கனவே இருந்த கேலரிகள், பார்வையாளர்கள் கூடம், விளையாட்டு வீரர்கள் அறைகள் ஆகியவை இடித்து அகற்றப்பட்டது.

    நவீன இருக்கைகள்

    பின்னர் நவீன இருக்கைகள் மற்றும் மேற்கூரைகளுடன் கூடிய கேலரிகள் புதிதாக அமைக்கப்பட்டன. புதிதாக அமைக்கப்பட்ட கேலரிகளில் அதிகபட்சமாக 1,750 பேர் அமர்ந்து போட்டிகளை பார்க்க முடியும். 24 வி.ஐ.பி.க்கான இருக்கைகளும் உருவாக்கப்பட்டுள்ளது.

    320 சதுர அடியில் பிரமாண்ட மேடை ஏற்படுத்தப்பட்டுள்ளது. வி.ஐ.பி.க்கள், விளையாட்டு வீரர்களுக்கு 2 தனித்தனி அறைகள் கட்டப்பட்டுள்ளது.

    தனித்தனியாக கழிவறை

    மேலும் ஆண்கள், பெண்களுக்கு தனித்தனியாக கழிவறை, சுத்திகரிக்கப்பட்ட குடிநீர், சோலார் மின் உற்பத்தி விளக்கு, விளையாட்டு வீரர்களுக்கு காயம் ஏற்பட்டால் சிகிச்சை அளிக்க முதலுதவி அறைகள் உள்ளது.

    வ.உ.சி. மைதானத்தில் 6 உயர் கோபுர மின்விளக்குகள் அமைக்கப்பட்டுள்ளன. இதனால் இரவிலும் விளையாட்டு போட்டிகள் மற்றும் நிகழ்ச்சிகளை நடத்த முடியும்.

    நடைப்பயிற்சி

    பொதுமக்கள் நடைப்பயிற்சி, ஓட்டப் பயிற்சி மேற்கொள்ள தனித்தனி பாதைகள் ஏற்படுத்தப்பட்டுள்ளது. இதுதவிர வாகனம் நிறுத்தும் இடம், பார்வையாளர்களுக்கு சிறப்பு நுழைவுப்பாதை, முக்கிய நபர்கள் வருவதற்கு தனி நுழைவு வாயில் அமைக்கப்பட்டுள்ளது. மைதானம் முழுவதும் சி.சி.டி.வி. காமிராக்கள் அமைக்கப்பட்டுள்ளது.

    நாளை திறப்பு

    மேடையின் மேற்பகுதியில் சோலார் மின்உற்பத்தி தகடுகள் அமைக்கப்பட்டுள்ளன. இதனால் இந்த அரங்கிற்கு தேவையான மின்சாரத்தை இதில் இருந்தே உற்பத்தி செய்ய முடியும்.

    மேலும் விளையாட்டு நிகழ்ச்சிகள் மட்டுமின்றி பல்வேறு கலை நிகழ்ச்சிகளும் நடத்தும் வண்ணம் பல்வேறு சிறப்பு வசதிகள் ஏற்படுத்தப்பட்டுள்ளது.

    இதனால் பாளை வ.உ.சி. மைதானம் முழுவதும் புதுப் பிக்கப்பட்டு புதுப்பொலி வுடன் காட்சி அளிக்கிறது. இதனால் நடைபயிற்சி செல்லும் பொதுமக்கள் மற்றும் விளையாட்டு வீரர்கள் உற்சாகமடைந்துள்ளனர்.

    ரூ. 15 கோடி மதிப்பீட்டில் புதுப்பிக்கப்பட்ட பாளை வ.உ.சி. மைதானத்தை முதல்-அமைச்சர் மு.க.ஸ்டாலின் மக்கள் பயன்பாட்டிற்கு நாளை நெல்லையில் நடைபெறும் விழாவில் திறந்து வைக்க உள்ளாார். 

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • தி.மு.க முப்பெரும் விழா வருகிற 15-ந் தேதி விருதுநகர் மாவட்டத்தில் நடைபெற உள்ளது.
    • சிவா தலைமையில் தி.மு.க. எம்.எல்.ஏ.க்கள் மற்றும் நிர்வாகிகள் தமிழக முதல்-அமைச்சர் மு.க.ஸ்டாலினை நேரில் சந்தித்து நன்றி தெரிவித்தனர்.

    புதுச்சேரி:

    தி.மு.க முப்பெரும் விழா வருகிற 15-ந் தேதி விருதுநகர் மாவட்டத்தில் நடைபெற உள்ளது.

    விழாவில் ஆண்டுதோறும் வழங்கப்படும் விருதான பாவேந்தர் விருது புதுவை தி.மு.க மூத்த நிர்வாகியும், முன்னாள் எம்.பி.யுமான சி.பி.திருநாவுக்கரசக்கு அறிவிக்கப்பட்டுள்ளது. இதற்குக்கு நன்றி தெரிவிக்கும் வகையில், புதுவை சட்டமன்ற எதிர்கட்சி தலைவரும், மாநில தி.மு.க. அமைப்பாளருமான சிவா தலைமையில் தி.மு.க. எம்.எல்.ஏ.க்கள் மற்றும் நிர்வாகிகள் தமிழக முதல்-அமைச்சர் மு.க.ஸ்டாலினை நேரில் சந்தித்து நன்றி தெரிவித்தனர்.

    இந்த சந்திப்பின்போது அவைத்தலைவர்

    எஸ்.பி.சிவக்குமார் எம்.எல்.ஏ.க்கள் அனிபால் கென்னடி, சம்பத், செந்தில்குமார், பொருளாளர் லோகையன், துணை அமைப்பாளர்கள் சண் குமாரவேல், பெல்லாரி கலியபெருமாள், குணாதிலீபன், தலைமை செயற்குழு உறுப்பினர் சரவணன், தொகுதி பொறுப்பாளர்கள் கோபால், கார்த்திகேயன், தொகுதி செயலாளர் சக்திவேல் உள்ளிட்ட நிர்வாகிகள் கலந்து கொண்டனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • முதல்-அமைச்சர் மு.க.ஸ்டாலினுக்கு வடக்கு மாவட்ட தி.மு.க. சார்பில் எழுச்சிமிகு வரவேற்பு அளிக்கப்பட உள்ளது.
    • பாண்டிகோவில் அருகில் பிரமாண்டமாக அமைக்கப்பட்டுள்ள கலைஞர் அரங்கத்தில் நடைபெற உள்ளது.

    அவனியாபுரம்

    மதுரை வடக்கு மாவட்ட செயலாளரும், அமைச்சருமான பி.மூர்த்தி இல்ல திருமண விழாவை நடத்தி வைத்து மணமக்களை வாழ்த்துவது உள்ளிட்ட பல்வேறு நிகழ்ச்சிகளில் பங்கேற்க மதுரை வருகை தரும் முதல்-அமைச்சர் மு.க.ஸ்டாலினுக்கு மதுரை வடக்கு மாவட்ட தி.மு.க. சார்பில் பாண்டி கோவில் அருகில் பிரமாண்டமாக அமைந்துள்ள கலைஞர் அரங்கம் முன்பாக எழுச்சிமிகு வரவேற்பு அளிக்கப்பட உள்ளது.

    இதுகுறித்து அமைச்சர் மூர்த்தி வெளியிட்டுள்ள அறிக்கையில் கூறியிருப்பதாவது:-

    மதுரை வடக்கு மாவட்ட செயலாளர் அமைச்சருமான பி.மூர்த்தி (எனது) இல்லத் திருமண விழா மதுரையில் வருகிற 9-ந் தேதி (வெள்ளிக்கிழமை) காலை 9மணி முதல் 10.30 மணிக்குள் பாண்டிகோவில் அருகில் பிரமாண்டமாக அமைக்கப்பட்டுள்ள கலைஞர் அரங்கத்தில் நடைபெற உள்ளது.

    இவ்விழாவில் பங்கேற்று திருமணத்தை நடத்தி வைத்து மண மக்களை வாழ்த்துவதற்காக தலைவர், முதல்-அமைச்சர் மு.க.ஸ்டாலின் நாளை (8-ந்தேதி) மாலை மதுரை வருகை தர உள்ளார்.

    மதுரைக்கு வரும் முதல்- அமைச்சருக்கு மாலை 7மணியளவில் கலைஞர் அரங்கம் முன்பாக வடக்கு மாவட்ட தி.மு.க. சார்பில் எழுச்சிமிகு வரவேற்பு வழங்கப்பட உள்ளது.

    இந்நிகழ்ச்சியில் வடக்கு மாவட்ட நிர்வாகிகள், தலைமை செயற்குழு, பொதுக்குழு உறுப்பினர்கள், ஒன்றிய, நகர, பகுதி, வட்ட, பேரூர் செயலாளர்கள், நிர்வாகிகள் அனைத்து அணிகளின் அமைப்பாளர்கள், துணை அமைப்பாளர்கள் , கழக முன்னோடிகள், உள்ளாட்சி பிரதிநிதிகள், கழகத்தினர் என அனைவரும் பங்கேற்க வேண்டும் என கேட்டுக் கொள்கிறேன்.

    இவ்வாறு அதில் தெரிவித்து உள்ளார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • தமிழக அரசு சார்பில் புதிய திட்டங்கள் இன்று தொடங்கப்படுகின்றன.
    • புதுமைப்பெண் திட்டத்தை முதலமைச்சர் மு.க.ஸ்டாலின் தொடங்கி வைக்கிறார்.

    ஆசிரியர் தினமான இன்று தமிழக அரசு சார்பில் 3 புதிய திட்டங்கள் தொடங்கப்பட உள்ளன. 15 மாதிரி பள்ளிகள், 26 தகைசால் பள்ளிகள், கல்லூரி மாணவிகளுக்கு மாதம் ரூ.1,000 வழங்கும் திட்டமான புதுமைப்பெண் திட்டம் ஆகிய திட்டங்களின் தொடக்க விழா இன்று நடைபெறுகிறது.

    தமிழக அரசின் அழைப்பை ஏற்று இந்த விழாவில் கலந்து கொள்ள டெல்லி முதலமைச்சர் அரவிந்த் கெஜ்ரிவால் டெல்லியில் இருந்து நேற்றிரவு சென்னை வந்தார். விமான நிலையத்தில் தமிழக பள்ளி கல்வித்துறை அமைச்சர் அன்பில் மகேஷ், தமிழ்நாடு ஆம் ஆத்மி தலைவர் வசிகரன் உள்பட பலர் அவரை வரவேற்றனர்.

    சென்னை ராயபுரத்தில் உள்ள பாரதி மகளிர் கல்லூரியில் இன்று காலை நடைபெறும் திட்ட தொடக்க விழாவில் முதலமைச்சர் மு.க.ஸ்டாலினுடன் அரவிந்த் கெஜ்ரிவால் கலந்து கொள்கிறார். நிகழ்ச்சியில் உயர் கல்வி படிக்கும் மாணவிகளுக்கு மாதம் ரூ.1,000 வழங்கும் புதுமைப்பெண் திட்டத்தை முதலமைச்சர் மு.க.ஸ்டாலின் தொடங்கி வைக்கிறார். அரவிந்த் கெஜ்ரிவால், 26 தகைசால் பள்ளிகளையும், 15 மாதிரி பள்ளிகளையும் தொடங்கி வைக்கிறார். அமைச்சர்கள், தலைமைச்செயலாளர் இறையன்பு உள்ளிட்ட உயர் அதிகாரிகள் இதில் கலந்து கொள்கின்றனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • வருகிற 8-ந்தேதி நடைபெற உள்ள அரசு விழாவில் கலந்து கொள்வதற்காக முதல்-அமைச்சர் மு.க.ஸ்டாலின் 7-ந் தேதி இரவு நெல்லை வருகிறார்.
    • வரவேற்பு ஏற்பாடுகளை கிழக்கு மாவட்ட செயலாளர் ஆவுடையப்பன் தலைமையில் நிர்வாகிகள் செய்து வருகின்றனர்.

    நெல்லை:

    முதல்-அமைச்சர் மு.க.ஸ்டாலின் மாவட்டங்கள் தோறும் சென்று அரசு விழாக்களில் பங்கேற்று வருகிறார்.

    மு.க.ஸ்டாலின் வருகை

    அதன் தொடர்ச்சியாக நெல்லை மாவட்டத்தில் நடைபெற உள்ள அரசு விழாவில் கலந்து கொள்வதற்காக வருகிற 7-ந்தேதி இரவு நெல்லை வருகிறார். முன்னதாக சென்னையில் இருந்து தூத்துக்குடிக்கு மதியம் வரும் முதல்-அமைச்சர் மு.க.ஸ்டாலின் கன்னியாகுமரியில் காங்கிரஸ் கட்சி சார்பில் நடைபெற உள்ள ராகுல்காந்தியின் பாதயாத்திரை தொடக்க விழா நிகழ்ச்சியில் கலந்து கொள்கிறார்.

    பின்னர் அங்கிருந்து நெல்லை திரும்பும் முதல்-அமைச்சர் மு.க.ஸ்டாலின் அன்று இரவு தாழையூத்து பகுதியில் தங்குகிறார். மறுநாள் (8-ந்தேதி) காலை 10 மணிக்கு நெல்லை அரசு மருத்துவக்கல்லூரி மைதானத்தில் நடைபெற உள்ள அரசு நிகழ்ச்சியில் அவர் பங்கேற்கிறார்.

    நலத்திட்ட உதவிகள்

    இந்த நிகழ்ச்சியில் சுமார் 10 ஆயிரம் பேருக்கு நலத்திட்ட உதவிகள் வழங்கப்படுகிறது. இதில் இலவச வீட்டுமனை பட்டா, விதவைகள் உதவித்தொகை, திருநங்கைகள் தொழில் தொடங்க கடன் உதவி, இலவச வீடு உள்ளிட்ட பல்வேறு நலத்திட்டங்களை வழங்குவதற்கான ஏற்பாடுகளை மாவட்ட கலெக்டர் விஷ்ணு, மாநகராட்சி கமிஷனர் சிவகிருஷ்ணமூர்த்தி ஆகியோர் உத்தரவின்பேரில் அதிகாரிகள் செய்து வருகின்றனர். முன்னதாக மாவட்டத்தில் பல்வேறு புதிய திட்டங்களுக்கு அடிக்கல் நாட்டுகிறார். மேலும் மேடை போலீஸ் நிலையம், வ.உ.சி. மைதானம் உள்ளிட்ட ஸ்மார்ட் சிட்டி திட்ட பணிகளை அவர் பயன்பாட்டுக்கு திறந்து வைக்கிறார். இதற்காக விழா மேடை, பந்தல் அமைக்கும் பணி தீவிரமாக நடைபெற்று வருகிறது.

    உற்சாக வரவேற்பு

    இதனையொட்டி அங்கு இருக்கைகள் அமைக்கும் பணி, பிரமாண்ட மேடை, மேற்கூரைகள் அமைக்கும் பணி நடைபெற்று வருகிறது. வாகனங்கள் பார்க்கிங், குடிநீர், கழிவறை வசதிகள் ஏற்படுத்த நடவடிக்கை எடுக்கப்பட்டு வருகிறது.

    முன்னதாக 7-ந்தேதி மாலை குமரியில் இருந்து வரும் முதல்-அமைச்சர் மு.க. ஸ்டாலினுக்கு நெல்லை-குமரி மாவட்ட எல்லையான காவல்கிணறில் நெல்லை கிழக்கு மாவட்ட தி.மு.க. நிர்வாகிகள் சார்பில் உற்சாக வரவேற்பு அளிக்கப்படுகிறது. பின்னர் பணகுடி, வள்ளியூர், நாங்குநேரி ஆகிய இடங்களில் அவருக்கு நிர்வாகிகள், தொண்டர்கள் வரவேற்பு அளிக்கின்றனர்.

    சுவர் விளம்பரங்கள்

    இதற்கான ஏற்பாடுகளை கிழக்கு மாவட்ட செயலாளர் ஆவுடையப்பன் தலைமையில் நிர்வாகிகள் செய்து வருகின்றனர். இதேபோல் மாநகர பகுதியில் மத்திய மாவட்ட தி.மு.க. செயலாளர் அப்துல் வகாப் எம்.எல்.ஏ. தலைமையில் வரவேற்பு ஏற்பாடுகள் செய்யப்பட்டு வருகிறது. அந்த இடங்களை அமைச்சர் ராஜகண்ணப்பன் இன்று ஆய்வு செய்தார்.

    முதல்-அமைச்சர் வருகையையொட்டி தி.மு.க.வினர் உற்சாகம் அடைந்துள்ளனர். மாவட்டம் முழுவதும் கட்சி நிர்வாகிகள் சார்பில் சுவர் விளம்பரங்கள் வரையப்பட்டு வருகிறது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • இந்த வீடு, இன்னொரு குடும்பத்துக்கும் உறவாகி இருந்தது.
    • இரு குடும்பங்களுக்கும் உறவான வீடு நட்புப் பாலமாய் அன்போடு பார்த்தது.

    முதலமைச்சர் மு.க.ஸ்டாலின் வெளியிட்டுள்ள டுவிட்டரில் பதிவில் கூறியிருப்பதாவது:

    வீடு என்பது பலரது கனவு. கனவு இல்லத்தைச் சம்பாதிக்கும்போது நாம் அடையும் மகிழ்ச்சி அளவிட முடியாதது. நம்மோடும் நம் குடும்பத்தோடும் உறவாகி, நம் அடையாளமாகவே வீடுகள் மாறி விடுகின்றன. எங்கள் குடும்பத்தின் அடையாளம் கோபாலபுரம் வீடு. தலைவர் கலைஞர் திரைத்துறையில் வெளிப்படுத்திய எழுத்தாற்றலின் வெகுமதியே கோபாலபுரம் வீடு.

    இந்த வீடு, எங்கள் குடும்பத்துக்கு மட்டுமல்ல, இன்னொரு குடும்பத்துக்கும் உறவாகி இருந்தது. தலைவர் கலைஞர் கோபாலபுரம் வீட்டை சரபேஸ்வரர் அவர்களிடம் 1955-ம் ஆண்டு மார்ச் மாதத்தில் வாங்கினார். அதே ஆண்டு ஜூன் மாதத்தில் அவரது பேத்தியின் திருமணம் நிச்சயிக்கப்பட்டிருந்தது. 


    வீட்டை விலைக்கு வாங்கியிருந்தாலும், சரபேஸ்வரர் தனது பேத்தியின் திருமணத்தைக் கோபாலபுரம் வீட்டிலேயே நடத்திட ஒப்புக்கொண்டார் தலைவர் கலைஞர். அன்று தனக்குத் திருமணமான கோபாலபுரம் வீட்டைக் காண, அமெரிக்காவிலிருந்து திரும்பிய சரோஜா சீதாராமன் அவர்கள் விரும்பியதை ஊடகங்கள் வழியே அறிந்தேன். 


    அவரது குடும்பத்தினரைக் கோபாலபுரம் வீட்டுக்கு அழைத்துச் சென்றேன். இரு குடும்பங்களுக்கும் உறவான வீடு நட்புப் பாலமாய் உயர்ந்து நின்று எங்களை அன்போடு பார்த்தது. இவ்வாறு அதில் பதிவிட்டுள்ளார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • பவானி நகர் அந்தியூர் பிரிவு ரோட்டில் முதல்-அமைச்சர் மு.க.ஸ்டாலினுக்கு பட்டு ஜமக்காளம் வழங்கி வரவேற்பு அளிக்கப்பட்டது.
    • பின்னர் அவர் பொது மக்களிடம் வாகனத்தில் அமர்ந்தபடி மனுக்களை பெற்றுக் கொண்டார்.

    பவானி, ஆக. 26-

    ஈரோடு மாவட்டத்திற்கு அரசின் நலத்திட்ட உதவிகள் வழங்கும் விழா மற்றும் அரசின் முடிக்கப்பட்ட பணிகளை தொடங்கி வைத்தும், புதிய பணிகளுக்கு அடிக்கல் நாட்டும் விழாவில் கலந்து கொள்ள முதல்-அமைச்சர் மு.க.ஸ்டாலின் கோவையில் இருந்து கார் மூலம் புறப்பட்டு கோபிசெட்டி பாளையம் வருகை தந்தார்.

    கோபி அருகே உள்ள கள்ளிப்பட்டியில் மறைந்த முன்னாள் முதல்- அமைச்சர் கருணாநிதி முழு உருவ வெண்கல சிலையை திறந்து வைத்தார். பின்னர் அவர் வாகனத்தில் அத்தாணி, ஆப்பக்கூடல், ஜம்பை வழியாக பவானி நகருக்கு வருகை தந்தார்.

    பவானி நகர் அந்தியூர் பிரிவு ரோட்டில் நகரச் செயலாளர் நாகராசன் தலைமையிலும், பவானி நகர்மன்ற தலைவர் சிந்தூரி இளங்கோ முன்னிலையில் பட்டு ஜமக்காளம் வழங்கி வரவேற்பு அளிக்கப்பட்டது.

    பின்னர் அவர் பொது மக்களிடம் வாகனத்தில் அமர்ந்தபடி மனுக்களை பெற்றுக் கொண்டார். இந்த வரவேற்பு நிகழ்ச்சியில் ஏராளமான கட்சி நிர்வாகிகள் மற்றும் பொதுமக்கள் பலர் கலந்து கொண்டனர்.