என் மலர்

    நீங்கள் தேடியது "ENGvNZ"

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • இங்கிலாந்து பந்துவீச்சாளர் ஜாக் லீச் ஆட்ட நாயகன் விருது வென்றார்.
    • நியூசிலாந்தின் டேரில் மிட்செல், இங்கிலாந்தின் ஜோ ரூட் தொடர் நாயகன் விருது வென்றனர்.

    லீட்ஸ்:

    இங்கிலாந்து, நியூசிலாந்து கிரிக்கெட் அணிகள் இடையிலான 3-வது மற்றும் கடைசி டெஸ்ட் போட்டி லீட்சில் நடைபெற்றது. டாஸ் வென்ற நியூசிலாந்து முதலில் பேட்டிங் தேர்வு செய்தது.

    அதன்படி, முதலில் பேட் செய்த நியூசிலாந்து முதல் இன்னிங்சில் 329 ரன்கள் எடுத்தது. டேரில் மிட்செல் சதமடித்து அசத்தினார்.

    இங்கிலாந்து சார்பில் ஜாக் லீச் 5 விக்கெட்டும், பிராட் 3 விக்கெட்டும் வீழ்த்தினர்.

    இதையடுத்து, தொடர்ந்து ஆடிய இங்கிலாந்து முதல் இன்னிங்சில் 360 ரன்கள் எடுத்தன. பேர்ஸ்டோவ் 162 ரன்னும், ஓவர்டோன் 97 ரன்னும் எடுத்தனர்.

    நியூசிலாந்து சார்பில் போல்ட் 4 விக்கெட்டும், சவுத்தி 3 விக்கெட்டும், வாக்னர் 2 விக்கெட்டும் வீழ்த்தினர்.

    இதைத் தொடர்ந்து 31 ரன்கள் பின்தங்கிய நிலையில் நியூசிலாந்து 2-வது இன்னிங்சை ஆடியது. அந்த அணி 105.2 ஓவரில் 326 ரன்களுக்கு ஆல் அவுட் ஆனது. டாம் லாதம் 76 ரன்னும், டேரில் மிட்செல் 56 ரன்னும் எடுத்தனர். டாம் பிளெண்டல் 88 ரன் எடுத்து ஆட்டமிழக்காமல் உள்ளார்.

    இங்கிலாந்து சார்பில் ஜாக் லீச் 5 விக்கெட்டும், மேட்டி பாட்ஸ் 3 விக்கெட்டும் அள்ளினர்.

    296 ரன்கள் எடுத்தால் வெற்றி என்ற இலக்கை நோக்கி இங்கிலாந்து 2-வது இன்னிங்சை ஆடியது. அலெக்ஸ் லீஸ் 9 ரன்னிலும், கிராளே 25 ரன்னிலும் அவுட்டாகினர். ஒல்லி போப்புடன், ஜோ ரூட் ஜோடி சேர்ந்தார். இந்த ஜோடி 3வது விக்கெட்டுக்கு 134 ரன்கள் சேர்த்த நிலையில் ஒல்லி போப் 82 ரன்னில் ஆட்டமிழந்தார்.

    அடுத்து இறங்கிய பேர்ஸ்டோவ் அதிரடியில் மிரட்டினார். மழை குறுக்கிட்டதால் ஆட்டம் சிறிது நேரம் பாதிக்கப்பட்டது. மழை நின்றதும் பேர்ஸ்டோவ் பவுண்டரி, சிக்சருமாக விளாசி அணியை வெற்றி பெறச் செய்தார்.

    இறுதியில், இங்கிலாந்து 3 விக்கெட் இழப்புக்கு 296 ரன்கள் எடுத்து அபார வெற்றி பெற்றது. ஜோ ரூட் 88 ரன்னும், பேர்ஸ்டோவ் 44 பந்தில் 71 ரன்னும் எடுத்து ஆட்டமிழக்காமல் உள்ளனர்.

    இதன்மூலம் நியூசிலாந்துக்கு எதிரான டெஸ்ட் தொடரை இங்கிலாந்து 3-0 என முழுமையாக கைப்பற்றியது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • நியூசிலாந்துக்கு எதிரான 3வது டெஸ்டின் முதல் இன்னிங்சில் இங்கிலாந்தின் பேர்ஸ்டோவ் சதமடித்தார்.
    • இங்கிலாந்துக்கு எதிரான 3வது டெஸ்டில் நியூசிலாந்து அணியின் மிட்செல் சதமடித்தார்.

    லீட்ஸ்:

    நியூசிலாந்து அணி இங்கிலாந்தில் சுற்றுப்பயணம் செய்து 3 போட்டிகள் கொண்ட டெஸ்ட் தொடரில் விளையாடி வருகிறது. முதல் இரு டெஸ்டில் இங்கிலாந்து வெற்றி பெற்றது.

    இரு அணிகளுக்கு இடையிலான 3வது டெஸ்ட் லீட்சில் நடைபெற்று வருகிறது. டாஸ் வென்ற நியூசிலாந்து முதலில் பேட்டிங் தேர்வு செய்தது.

    அதன்படி முதலில் ஆடிய நியூசிலாந்து முதல் இன்னிங்சில் 329 ரன்களுக்கு ஆல் அவுட்டானது. பொறுப்புடன் ஆடிய டேரில் மிட்செல் சதமடித்து 109 ரன்னில் அவுட்டானார். பிளெண்டல் 55 ரன்னில் ஆட்டமிழந்தார். கடைசி கட்டத்தில் சவுத்தி அதிரடியாக ஆடி 33 ரன்கள் எடுத்தார்.

    இங்கிலாந்து சார்பில் ஜாக் லீச் 5 விக்கெட்டும், பிராட் 3 விக்கெட்டும் வீழ்த்தினர்.

    இதையடுத்து, இங்கிலாந்து அணி முதல் இன்னிங்சில் களமிறங்கியது. நியூசிலாந்து அணியின் மிரட்டலான பந்து வீச்சில் இங்கிலாந்தின் முன்னணி வீரர்கள் அவுட்டாகினர்.

    ஒரு கட்டத்தில் 55 ரன்களுக்கு 6 விக்கெட்டுகளை இழந்து இங்கிலாந்து தத்தளித்தது.

    அடுத்து இறங்கிய பேர்ஸ்டோவ், ஓவர்டோன் ஜோடி பொறுப்புடன் ஆடி மேற்கொண்டு விக்கெட் விழாமல் பார்த்துக் கொண்டது. பேர்ஸ்டோவ் சதமடித்தார். ஓவர்டோன் அரை சதமடித்தார்.

    இரண்டாம் நாள் முடிவில் இங்கிலாந்து அணி 6 விக்கெட் இழப்புக்கு 264 ரன்கள் எடுத்துள்ளது. பேர்ஸ்டோவ் 130 ரன்னுடனும், ஓவர்டோன் 89 ரன்னுடனும் ஆட்டமிழக்காமல் உள்ளனர்.

    நியூசிலாந்து சார்பில் போல்ட் 3 விக்கெட்டும், வாகர் 2 விக்கெட்டும், சவுத்தி ஒரு விக்கெட்டும் வீழ்த்தினர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • இங்கிலாந்துக்கு எதிரான 3வது டெஸ்டில் நியூசிலாந்து அணியின் மிட்செல் அரை சதமடித்தார்.
    • நியூசிலாந்தின் மிட்செல், பிளெண்டல் ஜோடி 6வது விக்கெட்டுக்கு 100 ரன்னுக்கு மேல் சேர்த்தது.

    லீட்ஸ்:

    நியூசிலாந்து அணி இங்கிலாந்தில் சுற்றுப்பயணம் செய்து 3 போட்டிகள் கொண்ட டெஸ்ட் தொடரில் விளையாடி வருகிறது. முதல் இரு டெஸ்டில் இங்கிலாந்து வெற்றி பெற்றது.

    இரு அணிகளுக்கு இடையிலான 3வது டெஸ்ட் லீட்சில் நேற்று தொடங்கியது. டாஸ் வென்ற நியூசிலாந்து முதலில் பேட்டிங் தேர்வு செய்தது.

    தொடக்க ஆட்டக்காரர் டாம் லாதம் டக் அவுட்டாகி அதிர்ச்சி அளித்தார். வில் யங் 20 ரன்னும், கேப்டன் கேன் வில்லியம்சன் 31 ரன்னும், டேவன் கான்வே 26 ரன்னும், ஹென்றி நிகோலஸ் 19 ரன்னும் எடுத்தனர்.

    நியூசிலாந்து அணி 125 ரன்னுக்கு 5 விக்கெட்டுகளை இழந்து தத்தளித்தது. அடுத்து இறங்கிய டேரில் மிட்செல், பிளெண்டல் ஜோடி நிதான ஆட்டத்தை வெளிப்படுத்தியது. சிறப்பாக ஆடிய டேரில் மிட்செல் அரை சதம் அடித்தார்.

    முதல் நாள் முடிவில் நியூசிலாந்து அணி 5 விக்கெட் இழப்புக்கு 225 ரன்கள் எடுத்துள்ளது. மிட்செல் 78 ரன்னும், பிளெண்டல் 45 ரன்னும் எடுத்து களத்தில் உள்ளனர்.

    இங்கிலாந்து சார்பில் பிராட், ஜாக் லீச் தலா 2 விக்கெட் வீழ்த்தினர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • உடல் நலம் சரியில்லாத நிலையில் உள்ள இங்கிலாந்து கேப்டன் பென் ஸ்டோக்ஸ் விளையாடுவாரா?.
    • நியூசிலாந்து அணியின் கேப்டன் கனே வில்லியம்சன் இன்று நடக்கும் கடைசி போட்டியில் களமிறங்குவதை உறுதிப்படுத்தி உள்ளார்.

    நாட்டிங்காம்:

    இங்கிலாந்தில் சுற்றுப்பயணம் மேற்கொண்டுள்ள நியூசிலாந்து அணி 3 போட்டிகள் கொண்ட டெஸ்ட் தொடரில் விளையாடி வருகிறது. முதல் 2 டெஸ்ட் போட்டிகளில் இங்கிலாந்து அணி வெற்றி பெற்று தொடரை வென்றுள்ளது. இந்த நிலையில் இரு அணிகளுக்கு இடையேயான 3-வது மற்றும் கடைசி டெஸ்ட் போட்டி லீட்ஸில் இன்று தொடங்குகிறது.

    முதல் 2 போட்டியில் தோல்வி அடைந்த நியூசிலாந்து அணி இந்த போட்டியில் வெற்றி பெற்று ஆறுதல் வெற்றியுடன் தொடரை நிறைவு செய்ய முயற்சி செய்யும். 3 போட்டிகளிலும் வென்று தொடரை முழுமையாக வெல்ல இங்கிலாந்து அணி முனைப்பு காட்டும்.

    கொரோனா பாதிப்பு காரணமாக முதல் 2 டெஸ்ட் போட்டிகளில் விளையாடாத நியூசிலாந்து அணியின் கேப்டன் கனே வில்லியம்சன் இன்று நடக்கும் 3-வது மற்றும் கடைசி போட்டியில் களமிறங்குவதை உறுதிப்படுத்தி உள்ளார். உடல் நலம் சரியில்லாத நிலையில் உள்ள இங்கிலாந்து கேப்டன் பென் ஸ்டோக்ஸ் விளையாடுவாரா? என்ற சந்தேகம் ரசிகர்களிடையே எழுந்துள்ளது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • உடல் நிலை சரியில்லாத காரணத்தால் பென் ஸ்டோக்ஸ் வலை பயிற்சியில் கலந்து கொள்ளவில்லை.
    • முன்னேச்சரிக்கை நடவடிக்கையாக பென் ஸ்டோக்ஸ் தனிமைத்தப்படுத்தப்பட்டுள்ளார்.

    இங்கிலாந்து-நியூசிலாந்து அணிகள் 3 டெஸ்ட் போட்டிகள் கொண்ட தொடரில் விளையாடி வருகிறது. இதில் முதல் இரண்டு டெஸ்ட் போட்டியிலும் இங்கிலாந்து அணி வெற்றி பெற்று தொடரை கைப்பற்றியது. இந்நிலையில் 3-வது மற்றும் கடைசி டெஸ்ட் போட்டி லீட்ஸில் நாளை தொடங்குகிறது.

    இந்நிலையில் இங்கிலாந்து அணி வீரர்கள் நேற்று வலை பயிற்சியில் ஈடுப்பட்டனர். உடல் நிலை சரியில்லாத காரணத்தால் அணியின் கேப்டன் பென் ஸ்டோக்ஸ் வலை பயிற்சியில் கலந்து கொள்ளவில்லை. அவருக்கு கொரோனா பரிசோதனை செய்ததில் பாதிப்பு இல்லை என்பது உறுதி செய்யப்பட்டது. இருப்பினும் முன்னேச்சரிக்கை நடவடிக்கையாக அவர் தனிமைத்தப்படுத்தப்பட்டுள்ளார்.

    நியூசிலாந்து அணிக்கு எதிரான கடைசி டெஸ்ட் போட்டியில் பென் ஸ்டோக்ஸ் விளையாடுவாரா என்பது சந்தேகம்தான். இங்கிலாந்து அணியின் புதிய கேப்டனாக பென் ஸ்டோக்ஸ் நியமிக்கப்பட்டு முதல் டெஸ்ட் தொடரை வென்றுள்ளது. ஜனவரி 2021-க்குப் பிறகு முதல் டெஸ்ட் தொடரை இங்கிலாந்து அணி கைப்பற்றியது குறிப்பிடத்தக்கது.  

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • ஜேமி ஓவர்டன் முதல் முறையாக சர்வதேச போட்டியில் விளையாட உள்ளார்.
    • 3-வது டெஸ்ட் போட்டியில் கிரேக் ஓவர்டனின் சகோதரர் ஜேமி ஓவர்டன் சேர்க்கப்பட்டுள்ளார்.

    நியூசிலாந்து அணி இங்கிலாந்தில் சுற்றுப்பயணம் செய்து விளையாடி வருகிறது. முதல் இரண்டு டெஸ்ட் போட்டிகளில் இங்கிலாந்து அணி வெற்றி பெற்று தொடரை கைப்பற்றி உள்ளது. இந்நிலையில் இரு அணிகளுக்கும் இடையேயான 3-வது மற்றும் கடைசி டெஸ்ட் 23-ந் தேதி லீட்ஸில் தொடங்குகிறது.

    நியூசிலாந்து அணிக்கு எதிரான 3-வது டெஸ்ட் போட்டியில் இங்கிலாந்து அணியில் புதுமுக வீரரான ஜேமி ஓவர்டன் சேர்க்கப்பட்டுள்ளார். இவர் இங்கிலாந்து வீரர் கிரேக் ஓவர்டனின் சகோதரர் ஆவார். கவுண்டி கிரிக்கெட்டில் சிறப்பான பந்து வீச்சை வெளிப்படுத்தியதால் அவருக்கு முதல் முறையாக சர்வதேச கிரிக்கெட் போட்டியில் விளையாட வாய்ப்பு கிடைத்துள்ளது.

    கவுண்டி கிரிக்கெட் போட்டியின் முதல் டிவிசன் தொடரில் அவரது சகோதரர் உள்பட 2 முக்கிய விக்கெட்டுகளை வீழ்த்தியுள்ளார். இந்த சீசனில் அவரது சிறந்த பந்து வீச்சாக 90 ரன்கள் விட்டுக்கொடுத்து 5 விக்கெட்டுகளை கைப்பற்றினார். ஜேமி ஓவர்டன் 3-வது டெஸ்ட் போட்டியில் தனது சகோதரரான கிரேக் ஓவர்டனுடன் இணைந்து விளையாட் உள்ளார்.

    இங்கிலாந்து அணி வீரர்கள் விபரம்:-

    பென் ஸ்டோக்ஸ் (கேப்டன்), ஜேம்ஸ் ஆண்டர்சன், ஜானி பேர்ஸ்டோவ், ஸ்டூவர்ட் பிராட், ஹாரி புரூக், சாக் கிராலி, பென் ஃபோக்ஸ், ஜாக் லீச், அலெக்ஸ் லீஸ், கிரேக் ஓவர்டன், ஜேமி ஓவர்டன், மேத்யூ பாட்ஸ், ஆலி போப், ஜோ ரூட்

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • இங்கிலாந்தின் ஜோ ரூட், ஒல்லி போப் ஜோடி 3-வது விக்கெட்டுக்கு 187 ரன்கள் சேர்த்தது.
    • இங்கிலாந்துக்கு எதிரான 2-வது டெஸ்டில் நியூசிலாந்தின் போல்ட் 5 விக்கெட் வீழ்த்தி அசத்தினார்.

    நாட்டிங்காம்:

    இங்கிலாந்து, நியூசிலாந்து அணிகள் இடையிலான 2-வது டெஸ்ட் கிரிக்கெட் போட்டி நாட்டிங்காமில் நடைபெற்று வருகிறது.

    முதலில் பேட் செய்த நியூசிலாந்து அணி முதல் இன்னிங்சில் 553 ரன்களுக்கு ஆல் அவுட் ஆனது. டேரில் மிட்செல், பிளெண்டல் இருவரும் சதமடித்தனர். டேரில் மிட்செல் 190 ரன்னிலும், பிளெண்டல் 106 ரன்னிலும் ஆட்டமிழந்தனர்.

    இங்கிலாந்து சார்பில் ஆண்டர்சன் 3 விக்கெட்டும், பிராட், பென் ஸ்டோக்ஸ், ஜாக் லீச் ஆகியோர் தலா 2 விக்கெட் வீழ்த்தினர்.

    தொடர்ந்து ஆடிய இங்கிலாந்து அணி முதல் இன்னிங்சை தொடங்கியது. தொடக்க ஆட்டக்காரர் அலெக்ஸ் லீஸ் அரை சதமடித்து

    67 ரன்னில் வெளியேறினார்.

    அடுத்து இறங்கிய ஒல்லி போப், ஜோ ரூட் ஜோடி நிதானமாக ஆடியது. இருவரும் சதமடித்து அசத்தினர். ஒல்லி போப்145 ரன்னில் அவுட்டானார். பொறுப்புடன் ஆடிய ஜோ ரூட் 176 ரன்னில் ஆட்டமிழந்தார். விக்கெட் கீப்பர் போக்ஸ் அரை சதமடித்தார். அவர் 56 ரன்னில் அவுட்டானார்.

    இறுதியில், இங்கிலாந்து அணி முதல் இன்னிங்சில் 539 ரன்னில் ஆல் அவுட்டானது.

    நியூசிலாந்து சார்பில் போல்ட் 5 விக்கெட், பிரேஸ்வெல் 3 விக்கெட் வீழ்த்தினர்.

    இதையடுத்து, 14 ரன்கள் முன்னிலை வகித்த நியூசிலாந்து இரண்டாவது இன்னிங்சை விளையாடி வருகிறது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • நியூசிலாந்தின் மிட்செல், பிளெண்டல் ஜோடி 5-வது விக்கெட்டுக்கு 236 ரன்கள் சேர்த்தது குறிப்பிடத்தக்கது.
    • டெஸ்டில் 5-வது விக்கெட்டுக்கு நியூசிலாந்து ஜோடியின் சிறந்த பார்ட்னர்ஷிப் இதுதான்.

    நாட்டிங்காம்:

    இங்கிலாந்து, நியூசிலாந்து அணிகள் இடையிலான 2-வது டெஸ்ட் கிரிக்கெட் போட்டி நாட்டிங்காமில் நடைபெற்று வருகிறது.

    முதலில் பேட் செய்த நியூசிலாந்து தொடக்க நாளில் 4 விக்கெட் இழப்புக்கு 318 ரன்கள் எடுத்திருந்தது. டேரில் மிட்செல் 81 ரன்னுடனும், விக்கெட் கீப்பர் டாம் பிளெண்டல் 67 ரன்னுடனும் ஆட்டமிழக்காமல் இருந்தனர்.

    இந்நிலையில், 2-வது நாளான நேற்று மிட்செல், பிளெண்டல் இருவரும் தங்களது சதத்தை நிறைவு செய்தனர். அணியின் ஸ்கோர் 405-ஆக உயர்ந்த போது பிளன்டெல் 106 ரன்னில் ஆட்டமிழந்தார்.

    டெஸ்டில் 5-வது விக்கெட்டுக்கு நியூசிலாந்து ஜோடியின் சிறந்த பார்ட்னர்ஷிப் இதுதான். இதற்கு முன் நாதன் ஆஸ்டில், கிரேக் மெக்மில்லன் ஜோடி 2000-ம் ஆண்டு ஜிம்பாப்வேக்கு எதிராக 222 ரன்கள் எடுத்ததே அதிகபட்சமாக இருந்தது.

    இரட்டை சதமடிப்பார் என எதிர்பார்க்கப்பட்ட டேரில் மிட்செல் 190 ரன்னில் ஆட்டமிழந்தார். பிரேஸ்வெல் 49 ரன்கள் எடுத்தார்.

    இறுதியில், நியூசிலாந்து அணி முதல் இன்னிங்சில் 553 ரன்களுக்கு ஆல்-அவுட் ஆனது.

    இங்கிலாந்து சார்பில் ஆண்டர்சன் 3 விக்கெட்டும், பிராட், பென் ஸ்டோக்ஸ், ஜாக் லீச் ஆகியோர் தலா 2 விக்கெட் வீழ்த்தினர்.

    தொடர்ந்து ஆடிய இங்கிலாந்து அணி முதல் நாள் ஆட்டநேர முடிவில் ஒரு விக்கெட் இழப்பிற்கு 90 ரன்கள் எடுத்துள்ளது. அலெக்ஸ் லீசு 34 ரன்கள் மற்றும் ஒல்லி போப் 51 ரன்களுடன் களத்தில் உள்ளனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • இங்கிலாந்துக்கு எதிரான 2வது டெஸ்ட் போட்டியில் நியூசிலாந்தின் மிட்செல், பிளெண்டல் ஜோடி 5-வது விக்கெட்டுக்கு 236 ரன்களை சேர்த்தது.
    • இங்கிலாந்து எதிரான 2வது டெஸ்ட் போட்டியில் நியூசிலாந்தின் மிட்செல், பிளெண்டல் ஆகியோர் சதமடித்து அசத்தினர்.

    நாட்டிங்காம்:

    நியூசிலாந்து அணி இங்கிலாந்தில் சுற்றுப்பயணம் செய்து 3 போட்டிகள் கொண்ட டெஸ்ட் தொடரில் விளையாடி வருகிறது. முதல் டெஸ்டில் ஜோ ரூட்டின் பொறுப்பான ஆட்டத்தால் இங்கிலாந்து அணி 5 விக்கெட் வித்தியாசத்தில் வெற்றி பெற்று 1-0 என முன்னிலை வகிக்கிறது.

    இந்நிலையில், இரண்டாவது டெஸ்ட் போட்டி நாட்டிங்காமில் நேற்று தொடங்கியது. டாஸ் வென்ற இங்கிலாந்து பந்துவீச்சை தேர்வு செய்தது.

    அதன்படி, நியூசிலாந்து அணி முதலில் ஆடியது. தொடக்க ஆட்டக்காரர்களாக கேப்டன் டாம் லாதம், வில் யங் ஆகியோர் களமிறங்கினர்.

    அரை சதம் அடிப்பார் என எதிர்பார்க்கப்பட்ட நிலையில் வில் யங் 47 ரன்னில் ஆட்டமிழந்தார். அடுத்து டாம் லாதம் 26 ரன்னிலும், டேவன் கான்வே 46 ரன்னிலும், ஹென்றி நிகோலஸ் 30 ரன்னிலும் அவுட்டாகினர்.

    அடுத்து இறங்கிய டேரில் மிட்செல், டாம் பிளெண்டல் ஆகியோர் பொறுப்புடன் ஆடினர். மேற்கொண்டு விக்கெட் விழாமல் பார்த்துக் கொண்டனர். இருவரும் அரை சதமடித்தனர்.

    முதல் நாள் ஆட்ட முடிவில் நியூசிலாந்து அணி 4 விக்கெட்டுக்கு 318 ரன்கள் எடுத்துள்ளது. மிட்செல் 81 ரன்னும், பிளெண்டல் 67 ரன்னும் எடுத்து ஆட்டமிழக்காமல் உள்ளனர்.

    இந்நிலையில், இரண்டாம் நாள் ஆட்டம் இன்று தொடங்கியது. சிறப்பாக ஆடிய டேரில் மிட்செல் சதமடித்து அசத்தினார். நிதானமாக ஆடிய பிளெண்டலும் சதமடித்து அசத்தினார். பிளெண்டல் 106 ரன்னில் ஆட்டமிழந்தார். அப்போது அணியின் எண்ணிகை 5 விக்கெட் இழப்புக்கு 405 ரன்களை எடுத்து வலுவான நிலையில் உள்ளது.

    இங்கிலாந்து சார்பில் ஆண்டர்சன், பென் ஸ்டோக்ஸ் தலா 2 விக்கெட்டும், லீச் ஒரு விக்கெட்டும் வீழ்த்தினர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • நியூசிலாந்து அணி கேப்டன் வில்லியம்சன் லேசான கொரோனா தொற்று காரணமாக விளையாட முடியாத சூழ்நிலை ஏற்பட்டுள்ளதாக நியூசிலாந்து அணியின் பயிற்சியாளர் தெரிவித்துள்ளார்.
    • இங்கிலாந்து அணிக்கு எதிரான இரண்டாவது டெஸ்ட் போட்டியில் நியூசிலாந்து அணியின் கேப்டனாக தொடக்க ஆட்டக்காரர் டாம் லாதம் நியமிக்கப்பட்டுள்ளார்.

    நியூசிலாந்து அணி இங்கிலாந்தில் சுற்றுப்பயணம் செய்து விளையாடி வருகிறது. இரு அணிகளுக்கும் இடையேயான முதல் டெஸ்ட் போட்டியில் இங்கிலாந்து அணி 5 விக்கெட் வித்தியாசத்தில் வெற்றி பெற்றது. ஆட்டநாயகனாக ஜோரூட் தேர்வு செய்யப்பட்டார்.

    3 டெஸ்ட் போட்டிகள் கொண்ட தொடரில் இங்கிலாந்து அணி 1-0 என்ற கணக்கில் முன்னிலை வகிக்கிறது. இரு அணிகளுக்கும் இடையேயான 2-வது டெஸ்ட் போட்டி இன்று நடைபெறுகிறது. இந்த நிலையில் நியூசிலாந்து அணி கேப்டன் வில்லியம்சன் லேசான கொரோனா தொற்று காரணமாக விளையாட முடியாத சூழ்நிலை ஏற்பட்டுள்ளதாக நியூசிலாந்து அணியின் பயிற்சியாளர் தெரிவித்துள்ளார்.

    இந்த போட்டியில் நியூசிலாந்து அணியின் கேப்டனாக தொடக்க ஆட்டக்காரர் டாம் லாதம் நியமிக்கப்பட்டுள்ளார். மேலும் வில்லியம்சனுக்கு பதிலாக ஹமிஷ் ரூதர்ஃபோர்ட் அணியில் சேர்க்கப்பட்டுள்ளார். இதன்மூலம் 7 ஆண்டுகளுக்கு பிறகு டெஸ்ட் போட்டியில் விளையாட உள்ளார். இவர் இங்கிலாந்து மண்ணில் விளையாடிய அனுபவம் கொண்டவர் என்பது குறிப்பிடத்தக்கது. 

    ×