search icon
என் மலர்tooltip icon

    நீங்கள் தேடியது "Contessa car"

    • இந்துஸ்தான் மோட்டார்ஸ் மீண்டும் இந்திய சந்தையில் களமிறங்குகிறது.
    • புதிய ஹெச்.எம். காண்டெசா எலெக்ட்ரிக் வெளியீடு பற்றி புது தகவல் வெளியாகி உள்ளது.

    இந்தியாவில் மீண்டும் களமிறங்கும் பணிகளில் இந்துஸ்தான் மோட்டார்ஸ் நிறுவனம் தீவிரப்படுத்தி உள்ளது. முன்னதாக எலெக்ட்ரிக் வாகனங்கள் பிரிவில் அதிக கவனம் செலுத்த இருப்பதாகவும், அம்பாசடார் மாடல் புது மாற்றங்களுடன் அறிமுகம் செய்யப்பட இருப்பதாக தகவல்கள் வெளியாகி வந்தது.

    அந்த வரிசையில், இந்துஸ்தான் மோட்டார்ஸ் நிறுவனம் காண்டெசா பிராண்டிற்கான் காப்புரிமை கோரி விண்ணப்பித்து உள்ளது. இதன் மூலம் இந்திய சந்தையில் மீண்டும் காண்டெசா பிராண்டு அறிமுகமாகும் என எதிர்பார்க்கப்படுகிறது. 1980-க்களில் இந்திய சந்தையில் அதிக பிரபலமான கார் மாடல்களில் ஒன்றாக காண்டெசா விளங்கியது குறிப்பிடத்தக்கது.


    அதன்படி காண்டெசா பிராண்டை தூசி தட்டி இம்முறை எலெக்ட்ரிக் வடிவில் காண்டெசா கார் அறிமுகம் செய்யலாம் என்ற எதிர்பார்ப்பு அதிகரித்து இருக்கிறது. ஹெச்.எம். காண்டெசா முற்றிலும் புது பவர்டிரெயின் மற்றும் சேசிஸ் கொண்டிருக்கும். இதன் பாடி மற்றும் இண்டீரியர்களும் புதிய தோற்றம் பெற்று இருக்கும் என தெரிகிறது.

    புதிய கார் பெட்ரோல் மற்றும் எலெக்ட்ரிக் பவர்டிரெயின் என இருவித வேரியண்ட்களுக்கு ஏற்ற வகையில் உருவாக்கப்பட்டு வருவதாக கூறப்படுகிறது. காண்டெசா மாடலின் பாரம்பரிய டிசைன் அம்சங்களுடன், இன்றைய பாதுகாப்பு வழிமுறைகளுக்கு பொருந்தும் வகையிலான டிசைன் கொண்டிருக்கும். மொத்தத்தில் ஹெச்.எம். காண்டெசா ரெட்ரோ-மாடன் ஸ்டைல் கொண்டு இருக்கும் என கூறப்படுகிறது.

    புதிய அம்பாசடர் மாடலை தொடர்ந்து ஹெச்.எம். காண்டெசா வெளியீடும் நடைபெறும் என கூறப்படுகிறது. புதிய ஹெச்.எம். அம்பாசடர் மாடல் 2023 அல்லது 2024 வாக்கில் அறிமுகம் செய்யப்படலாம்.

    ×