என் மலர்

    நீங்கள் தேடியது "Arumuganeri"

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • ஆறுமுகநேரி காணியாளர் தெருவை சேர்ந்தவர் நாகராஜன் ஆட்டோ டிரைவர்.
    • நாகர்கோவிலில் வசித்து வரும் தனது தாயாரை பார்க்க சென்றிருக்கலாம் என்று உறவினர்கள் நினைத்தனர்

    ஆறுமுகநேரி:

    ஆறுமுகநேரி காணியாளர் தெருவை சேர்ந்தவர் நாகராஜன் (வயது 59).ஆட்டோ டிரைவர். இவருக்கு மனைவியும் 2 மகன்கள் மற்றும் ஒரு மகள் உள்ளனர்.

    நேற்று முன்தினம் காலையில் நாகராஜன் கடைக்கு செல்வதாக கூறிவிட்டு வீட்டில் இருந்து சென்றுள்ளார்.வெகு நேரம் ஆகியும் அவர் வீடு திரும்பவில்லை. அவர் நாகர்கோவிலில் வசித்து வரும் தனது தாயாரை பார்க்க சென்றிருக்கலாம் என்று உறவினர்கள் நினைத்தனர்.ஆனால் நாகராஜன் அங்கு செல்ல வில்லை என்பதை பிறகு அறிந்தனர். இதனால் அவரை பல இடங்களிலும் தேடியுள்ளனர்.

    இந்நிலையில் ஆறுமுக நேரி மெயின் பஜாரில் உள்ள ஒரு செல்போன் கடை முன்பு மயங்கிய நிலையில் ஒருவர் கிடந்துள்ளார். அவர் நாகராஜன் தான் என்பது தெரியவந்தது. உறவினர்கள் அவரை உடனடியாக மீட்டு காயல்பட்டினம் அரசு மருத்துவமனைக்கு கொண்டு சென்றனர். அங்கு அவரை பரிசோதித்த டாக்டர்கள் நாகராஜன் ஏற்கனவே இறந்து விட்டதாக தெரிவித்தனர்.

    இதுகுறித்து நாகராஜனின் மகன் சுரேஷ் ஆறுமுகநேரி போலீஸ் நிலையத்தில் புகார் செய்தார். அதன்பேரில் சப்-இன்ஸ்பெக்டர் அம லோற்பவம் வழக்குப்பதிவு செய்து, நாகராஜன் எப்படி இறந்தார்? விபத்து காரணமா? உடல் நலக்குறைவு காரணமாக இறந்தாரா? அல்லது வேறு ஏதும் காரணமா? என்கிற கோணங்களில் விசாரணை நடத்தி வருகிறார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • வீமன் ஐஸ் விற்ற பணத்தை படுக்கையறை ஜன்னல் அருகே வைத்துள்ளார்.
    • சக்திவேல் பணத்தையும், செல்போனையும் எடுத்துவிட்டு ஓடினார்

    ஆறுமுகநேரி:

    ஆறுமுகநேரி வடக்கு சுப்பிரமணியபுரத்தில் குடும்பத்தோடு வசிப்பவர் வீமன். ஐஸ் வியாபாரி. நேற்று முன்தினம் இவர் ஐஸ் விற்ற பணத்தை படுக்கையறை ஜன்னல் அருகே வைத்துள்ளார். பின்னர் இரவில் தூங்கிவிட்டார்.

    அப்போது ஜன்னலுக்கு வெளியே சத்தம் கேட்டு பார்த்தபோது பாரதி நகரை சேர்ந்த விமல்சேகர் மகன் சக்திவேல் என்பவர் ஜன்னல் வழியாக கையை விட்டு ரூ.3 ஆயிரத்து 500-யையும், செல்போனையும் எடுத்து ஓடி சென்றுள்ளார்.

    இதன் பின்னர் வீமன் தனது நண்பர்கள் சிலருடன் சேர்ந்து தனது வீட்டில் திருடிய சக்திவேலை பிடித்து ஆறுமுகநேரி போலீஸ் நிலையத்தில் ஒப்படைத்துள்ளார். அவர் அளித்த புகாரின் பேரில் போலீசார் வழக்கு பதிவு செய்து சக்திவேலை கைது செய்தனர்.

    இதனிடையே சக்திவேலும் போலீசில் ஒரு புகார் செய்துள்ளார். இதில் வீமனும் அவரது மகன் ஆத்திமுத்து மற்றும் பிரபு, ஜெயபிரகாஷ் ஆகியோரும் சேர்ந்து தன்னை கட்டி வைத்து தாக்கியதாக கூறியுள்ளார்.

    இதன் பேரிலும் போலீசார் வழக்குப்பதிவு செய்து விசாரணை நடத்தி வருகின்றனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • கலெக்டர் செந்தில்ராஜ் அங்குள்ள பதிவேடுகள் மற்றும் அதனை பராமரித்தல் பற்றியும், மக்களைத் தேடி மருத்துவம் திட்டத்தின் செயல்பாடு பற்றியும் ஆய்வு செய்தார்.
    • சுகாதார நிலையத்திற்கு கடந்த ஆண்டிற்கான மத்திய தேசிய தர நிர்ணய சான்றிதழையும் வழங்கினார்.

    ஆறுமுகநேரி:

    தூத்துக்குடி மாவட்ட கலெக்டர் செந்தில்ராஜ் ஆறுமுகநேரி அரசு ஆரம்ப சுகாதார நிலையத்தில் திடீர் ஆய்வு நடவடிக்கைகளை மேற்கொண்டார்.

    அப்போது அங்குள்ள பதிவேடுகள் மற்றும் அதனை பராமரித்தல் பற்றியும், மக்களைத் தேடி மருத்துவம் திட்டத்தின் செயல்பாடு பற்றியும் ஆய்வு செய்தார்.

    சிறந்த முறையில் செயல்பட்டதற்காக ஆரம்ப சுகாதார நிலையத்தின் மருத்துவ அலுவலர் டாக்டர் சீனிவாசன், சித்த மருத்துவ அலுவலர் நந்தினி, சுகாதார ஆய்வாளர்கள் இளங்கோ, மகராஜன் உள்ளிட்டோரை கலெக்டர் பாராட்டினார். அத்துடன் இந்த சுகாதார நிலையத்திற்கு கடந்த ஆண்டிற்கான மத்திய தேசிய தர நிர்ணய சான்றிதழையும் வழங்கினார்.

    மேலும் தொழுநோயாளிகளுக்கான மருத்துவ முகாமையும் பார்வையிட்டு நோயாளிகளுக்கு தேவையான மருத்துவ உபகரணங்களை வழங்கினார்.

    இந்த ஆய்வு பணியின் போது தூத்துக்குடி சுகாதார பணிகளின் துணை இயக்குநர் பொற்செல்வன், வட்டார மருத்துவ அலுவலர் மெர்வினோ, மாவட்ட நல கல்வியாளர் முத்துக்குமார், தொழுநோய் துணை இயக்குநர் யமுனா, மருத்துவ மேற்பார்வையாளர்கள் நியூட்டன், சுப்பையா உள்பட பலர் கலந்து கொண்டனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • ரேஷன் கடைகளுக்கு புதிய கட்டிடம் அமைத்து தர வேண்டும் என்று இப்பகுதி மக்கள் நீண்ட காலமாக வலியுறுத்தி வந்தனர்.
    • அமைச்சர் அனிதா ராதாகிருஷ்ணன் தனது தொகுதி வளர்ச்சி நிதியிலிருந்து 2 ரேஷன் கடைகளுக்கும் சொந்தமாக புதிய கட்டிடங்கள் கட்டுவதற்கு நிதி ஒதுக்கீடு செய்தார்.

    ஆறுமுகநேரி:

    ஆறுமுகநேரி பேரூராட்சி பகுதியில் உள்ள ராஜமன்னியபுரம், மடத்துவிளை ஆகிய இடங்களில் ரேஷன் கடைகள் வாடகை கட்டிடங்களில் இயங்கி வருகின்றன. அதுவும் மடத்துவிளையில் உள்ள கட்டிடம் பழுதடைந்த நிலையில் உள்ளது. இதனால் ரேஷன் கடைகளுக்கு புதிய கட்டிடம் அமைத்து தர வேண்டும் என்று இப்பகுதி மக்கள் நீண்ட காலமாக வலியுறுத்தி வந்தனர்.

    இந்த நிலையில் பேரூராட்சி நிர்வாகத்தின் பரிந்துரையை ஏற்று அமைச்சர் அனிதா ராதாகிருஷ்ணன் தனது தொகுதி வளர்ச்சி நிதியிலிருந்து 2 ரேஷன் கடைகளுக்கும் சொந்தமாக புதிய கட்டிடங்கள் கட்டுவதற்கு நிதி ஒதுக்கீடு செய்தார். இதற்கான அடிக்கல் நாட்டு விழா ராஜமன்னியபுரம் மற்றும் மடத்துவிளையில் நடைபெற்றது.

    விழாவிற்கு பேரூராட்சியின் துணைத் தலைவர் கல்யாணசுந்தரம் தலைமை தாங்கினார். செயல் அலுவலர் கணேசன் முன்னிலை வகித்தார். பொறியாளர் ஆவுடையப்பன் வரவேற்று பேசினார். பேரூராட்சி தலைவர் கலாவதி கல்யாணசுந்தரம் புதிய கட்டிடத்திற்காக அடிக்கல் நாட்டினார்.நிகழ்ச்சிகளில் ஏ.கே.எல். கூட்டுறவு சங்க தலைவரும் வார்டு கவுன்சிலருமான வெங்கடேஷ், வார்டு கவுன்சிலர்கள் தயாவதி, சிவக்குமார், தீபா, முன்னாள் கவுன்சிலர்கள் மகராஜன், சண்முகசுந்தரம், நகர தி.மு.க. செயலாளர் நவநீத பாண்டியன், நகர காங்கிரஸ் பொதுச் செயலாளர் பழனிவேல் உள்பட பலர் கலந்து கொண்டனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • அரசு பள்ளிகளில் சிறந்த கல்வி கற்பதற்கு பெற்றோர்கள், மாணவர்கள் பின்பற்ற வேண்டிய வழிமுறைகள் குறித்த விழிப்புணர்வு பயிற்சி முகாம்
    • கிராம உதயம் அமைப்பின் சார்பில் நடந்த முகாமை அமைப்பின் நிறுவனர் டாக்டர் சுந்தரேசன் குத்துவிளக்கேற்றி தொடங்கி வைத்தார்.

    ஆறுமுகநேரி:

    அரசு பள்ளிகளில் சிறந்த கல்வி கற்பதற்கு பெற்றோர்கள், மாணவர்கள் பின்பற்ற வேண்டிய வழிமுறைகள் மற்றும் கல்வி தரத்தில் பாதிப்பை ஏற்படுத்தும் கைபேசியை பயன்படுத்தும் வழிமுறைகள் குறித்த ஒரு நாள் விழிப்புணர்வு பயிற்சி முகாம் ஆறுமுகநேரியில் நடைபெற்றது.

    கிராம உதயம் அமைப்பின் சார்பில் நடந்த முகாமை அமைப்பின் நிறுவனர் டாக்டர் சுந்தரேசன் குத்துவிளக்கேற்றி தொடங்கி வைத்தார்.மேல ஆழ்வார்தோப்பு கிளை அலுவலர் வேல்முருகன் முன்னிலை வகித்தார்.பகுதி பொறுப்பாளர் ஆறுமுகவடிவு வரவேற்று பேசினார்.தனி அலுவலர் ராமச்சந்திரன், சிறப்பு பொறுப்பாளர் சித்திரை பெருமாள், பகுதி பொறுப்பாளர்கள் பிரேமா, முத்து செல்வன் ஆகியோர் பயிற்சி வகுப்புகளை நடத்தினர். தன்னார்வ தொண்டர் லிஜியா நன்றி கூறினார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • தூத்துக்குடி மாவட்ட அளவிலான கிரிக்கெட் போட்டி ஆறுமுகநேரி தருவை மைதானத்தில் நடைபெற்றது.
    • 44 நாட்கள் நடைபெற்ற இந்த போட்டியில் மாவட்டத்தின் பல்வேறு இடங்களில் இருந்து 32 அணிகள் பங்கேற்றன.

    ஆறுமுகநேரி:

    தூத்துக்குடி மாவட்ட அளவிலான கிரிக்கெட் போட்டி ஆறுமுகநேரி தருவை மைதானத்தில் நடைபெற்றது. ட்ரூ ஸ்பார்டன்ஸ் கிரிக்கெட் கிளப் சார்பில் நடந்த இந்த சுற்று போட்டியை பா.ஜ.க பிரமுகரான கே.ஆர்.எம். ராதாகிருஷ்ணன் தொடங்கி வைத்தார்.

    தொடர்ந்து 44 நாட்கள் நடைபெற்ற இந்த போட்டியில் மாவட்டத்தின் பல்வேறு இடங்களில் இருந்து 32 அணிகள் பங்கேற்றன. இறுதிப் போட்டியில் காயல்பட்டினம் கொம்புத்துறை சேலஞ்சர்ஸ் அணி வெற்றி பெற்று பரிசு கோப்பையை தட்டி சென்றது. அத்துடன் ரூ.20 ஆயிரம் பரிசு தொகையையும் வென்றது. ஆறுமுகநேரி யங் சூப்பர் கிங்ஸ் அணி 2-வது பரிசாக ரூ.15 ஆயிரம் மற்றும் கோப்பையை வென்றது.

    தூத்துக்குடி நைட் ரைடர்ஸ் அணி 3-வது பரிசாக ரூ.10 ஆயிரம் மற்றும் கோப்பையையும், ஆறுமுகநேரி தருவை சூப்பர் கிங்ஸ் அணி 4-வது பரிசாக ரூ.5 ஆயிரமும் பெற்றன. கொம்புத்துறை அணி வீரர் வினோத் தொடர் நாயகன் விருது மற்றும் சிறப்பு பரிசை பெற்றார். வெற்றி பெற்ற அணிகளுக்கு கே.ஆர்.எம்.ராதாகிருஷ்ணன் பரிசுகளை வழங்கினார். போட்டியில் பங்கேற்ற வீரர்கள் அனைவருக்கும் டி-சர்ட்டுகளையும் அவர் வழங்கினார்.

    பரிசளிப்பு நிகழ்ச்சியில் கானம் பேரூராட்சி முன்னாள் தலைவர் செந்தமிழ் சேகர், மேல புதுக்குடி தொழிலதிபர் ஜெயராஜ், குமரேசன், குமரன், ஆறுமுகநேரி அரிமா சங்க நிர்வாகி சண்முக வெங்கடேசன், சமத்துவ மக்கள் கட்சி திருச்செந்தூர் ஒன்றிய செயலாளர் சீமான், கீரனூர் முத்துகிருஷ்ணன், காயல்பட்டினம் அ.ம.மு.க நகரச் செயலாளர் யாசின், முகமது பிலால் உள்பட பலர் கலந்து கொண்டனர்.

    ஏற்பாடுகளை ட்ரூ ஸ்பார்ட்டன்ஸ் கிரிக்கெட் கிளப் ஒருங்கிணைப் பாளர்கள் அருண், தேரடி முத்து மற்றும் நிர்வாகிகள் செய்திருந்தனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • முத்து இசக்கி சாகுபுரம் அருகே உள்ள உப்பளத்தில் வேலை செய்து வருகிறார்
    • மோட்டார் சைக்கிளில் 2 நபர்கள் நகைகளை கழற்றி தருமாறு கத்தியை காட்டி மிரட்டி உள்ளனர்

    ஆறுமுகநேரி:

    ஆறுமுகநேரி செல்வராஜபுரத்தை சேர்ந்தவர் இசக்கி குமார். கூலி தொழிலாளி.

    இவரது மனைவி முத்து இசக்கி (வயது 43). சாகுபுரம் அருகே உள்ள உப்பளத்தில் வேலை செய்து வருகிறார். இவர் வழக்கம் போல நேற்று உப்பளத்திற்கு சென்றுள்ளார். இவருடன் இவரது பக்கத்து வீட்டை சேர்ந்த தங்கராஜ் மனைவி குடியரசு என்பவரும் வேலைக்கு சென்றுள்ளார்.

    அப்போது அங்கு மோட்டார் சைக்கிளில் இரண்டு நபர்கள் வந்துள்ளனர். அவர்கள் முத்து இசக்கி, குடியரசு ஆகிய இருவரிடமும் நகைகளை கழற்றி தருமாறு கத்தியை காட்டி மிரட்டி உள்ளனர். இதனால் அதிர்ச்சி அடைந்த முத்து இசக்கி, குடியரசு இருவரும் பயத்தில் சத்தம் போட்டுள்ளனர்.

    இதை கேட்டு பக்கத்து உப்பளங்களில் வேலை பார்த்துக் கொண்டிருந்த சிலர் அங்கு வந்துள்ளனர். இதன் காரணமாக அந்த மர்ம நபர்கள் இருவரும் தங்கள் மோட்டார் சைக்கிளை அங்கேயே விட்டுவிட்டு ஓட்டம் பிடித்தனர். பலர் துரத்திச் சென்ற போதும் அவர்களை பிடிக்க முடியவில்லை.

    இச்சம்பவம் குறித்து ஆறுமுகநேரி போலீசார் வழக்குப்பதிவு செய்தனர்.இன்ஸ்பெக்டர் செந்தில், சப்-இன்ஸ்பெக்டர் சதீஷ் நாராயணன் ஆகியோர் மர்ம நபர்கள் விட்டுச் சென்ற மோட்டார் சைக்கிளை கைப்பற்றி அவர்கள் யார் என்பது குறித்து தீவிர விசாரணை நடத்தி வருகின்றனர்

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • ஆறுமுகநேரி சப்-இன்ஸ்பெக்டர்கள் பிரபகுமார், சதீஷ் நாராயணன் மற்றும் போலீசார் நேற்று ரோந்து பணியில் ஈடுபட்டிருந்தனர்
    • அரசு முத்திரையுடன் கூடிய 96 மது பாட்டில்களை பறிமுதல் செய்தனர்.

    ஆறுமுகநேரி:

    ஆறுமுகநேரி சப்-இன்ஸ்பெக்டர்கள் பிரபகுமார், சதீஷ் நாராயணன் மற்றும் போலீசார் நேற்று ரோந்து பணியில் ஈடுபட்டிருந்தனர். அப்போது ஆறுமுகநேரி பஜார் அருகே மது விற்பனை செய்த கீழ நவ்வலடிவிளையைச் சேர்ந்த இன்பகரன் (வயது 31) என்பவரை போலீசார் கைது செய்தனர்.அவரிடமிருந்து அரசு முத்திரையுடன் கூடிய 96 மது பாட்டில்களை பறிமுதல் செய்தனர்.

    இதேபோல் காயல்பட்டினம் பூந்தோட்டம் அருகே மது விற்பனை செய்ததாக வண்டிமலைச்சி அம்மன் கோவில் தெருவை சேர்ந்த சேகர் (64) என்பவர் கைது செய்யப்பட்டார்.இவரிடமிருந்து 7 மது பாட்டில்கள் பறிமுதல் செய்யப்பட்டன.

    மேலும் ஆறுமுகநேரி சிவன் கோவில் அருகே பெட்டிக்கடையில் அரசால் தடை செய்யப்பட்ட லாட்டரி சீட்டு விற்பனை செய்த இசக்கிமுத்து (60) என்பவரையும் போலீசார் கைது செய்தனர்.அவரிடமிருந்து 61 லாட்டரி சீட்டுகள் பறிமுதல் செய்யப்பட்டன.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • சூரிய சேகர் என்பவர் குடிபோதையில் போர்வையுடன் வந்து முருகனின் வீட்டிற்குள் நுழைய முயன்றுள்ளார்.
    • சாந்து கரண்டியை எடுத்துக்காட்டி கொலை செய்து விடுவதாக மிரட்டி உள்ளனர்.

    ஆறுமுகநேரி:

    ஆறுமுகநேரி பாரதிநகர் 5-வது தெருவை சேர்ந்தவர் முருகன் (வயது 60). பெயிண்டர். இவரது மனைவி கன்னீஸ்வரி, மகன் பாஸ்கர், மகள் பவானி ஆகியோர் நேற்று முன்தினம் இரவு தங்கள் வீட்டின் முன்பு அமர்ந்து பேசிக் கொண்டிருந்தனர்.

    அப்போது அதே பகுதியை சேர்ந்த சூரிய சேகர் (38) என்பவர் குடிபோதையில் போர்வையுடன் வந்து முருகனின் வீட்டிற்குள் நுழைய முயன்றுள்ளார். இதனை கன்னீஸ்வரியும், அவரது மகன் மற்றும் மகளும் சேர்ந்து கண்டித்து தடுத்துள்ளனர்.

    இதனால் ஆத்திரம் அடைந்த சூரிய சேகர் ஆபாசமாக பேசி தகராறு செய்துள்ளார். பின்னர் சிறிது நேரத்தில் அவரது நண்பர்களான அதே பகுதியை சேர்ந்த சிங்கமுத்து, ஐகோர்ட் ஆகியோரையும் அழைத்துக் கொண்டு வந்து மீண்டும் தகராறு செய்துள்ளார். அப்போது அவர்கள் சாந்து கரண்டியை எடுத்துக்காட்டி கொலை செய்து விடுவதாக மிரட்டி உள்ளனர்.

    இதனை கேள்விப்பட்டு முருகன் அங்கு வருவதற்குள் சூரிய சேகர் உள்ளிட்ட 3 பேரும் அங்கிருந்து சென்று விட்டனர். பின்னர் இது குறித்து முருகன் அளித்த புகாரின் பேரில் ஆறுமுகநேரி போலீசார் வழக்குப்பதிவு செய்து சூரிய சேகரை கைது செய்தனர். மேலும் 2 பேரை தேடி வருகின்றனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • ஆறுமுகநேரி செல்வராஜபுரத்தில் கடை நடத்தி வரும் கீழ சண்முகபுரத்தைச் சேர்ந்த ரமேஷ் பாண்டியன் என்பவர் அங்கு அரசு முத்திரையுடன் கூடிய மது பாட்டில்களை கூடுதல் விலைக்கு விற்று வந்தார்
    • அவரை கைது செய்த போலீசார் அவரிடம் இருந்து ரூ.7 ஆயிரத்து 250 மற்றும் 20 மது பாட்டில்களை பறிமுதல் செய்தனர்.

    ஆறுமுகநேரி:

    ஆறுமுகநேரி பகுதியில் உள்ள கடைகளில் மது மற்றும் புகையிலை பொருட்கள் விற்கப்படுவதாக கிடைத்த தகவலின் பேரில், ஆறுமுகநேரி சப்-இன்ஸ்பெக்டர் பிரபாக்குமார் மற்றும் போலீசார் நேற்று அதிரடி ஆய்வை மேற்கொண்டனர்.

    அப்போது ஆறுமுகநேரி செல்வராஜபுரத்தில் கடை நடத்தி வரும் கீழ சண்முகபுரத்தைச் சேர்ந்த ரமேஷ் பாண்டியன் (வயது 29) என்பவர் அங்கு அரசு முத்திரையுடன் கூடிய மது பாட்டில்களை கூடுதல் விலைக்கு விற்றது தெரியவந்தது.

    இதனால் அவரை கைது செய்த போலீசார் அவரிடம் இருந்து ரூ.7 ஆயிரத்து 250 மற்றும் 20 மது பாட்டில்களை பறிமுதல் செய்தனர்.

    மேலும் காயல்பட்டினம் பூந்தோட்டத்தில் உள்ள கடையில் தடை செய்யப்பட்ட புகையிலை பொருட்களை விற்பனை செய்ததற்காக ஜெயராமன் (39) என்பவர் கைது செய்யப்பட்டார். அவரிடமிருந்து புகையிலை பொருட்கள் பறிமுதல் செய்யப்பட்டன.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • ஆறுமுகநேரியில் ஆட்டோ ஓட்டுநர்கள் நல சங்கத்தின் ஆண்டுவிழா மற்றும் ஆயுத பூஜை விழா நடைபெற்றது.
    • ஆறுமுகநேரி மெயின் பஜார் செந்தில் விநாயகர் ஆலயத்தில் ஆட்டோ சங்கத்தின் சார்பில் சிறப்பு பூஜை நடைபெற்றது.

    ஆறுமுகநேரி:

    ஆறுமுகநேரியில் ஆட்டோ ஓட்டுநர்கள் நல சங்கத்தின் ஆண்டுவிழா மற்றும் ஆயுத பூஜை விழா நடைபெற்றது. சங்கத்தின் தலைவர் செல்வராஜ் தலைமை தாங்கினார். துணைத் தலைவர் கிளாட்சன், செயலாளர் ராஜன் ஆகியோர் முன்னிலை வகித்தனர்.

    சங்கத்தின் கவுரவ தலைவரும், பா.ஜ.க. பிரமுகருமான கே.ஆர்.எம்.ராதாகிருஷ்ணன் சிறப்பு விருந்தினராக கலந்து கொண்டு ஆட்டோ டிரைவர்களுக்கு இலவச சீருடைகளை வழங்கினார். முன்னதாக ஆறுமுகநேரி மெயின் பஜார் செந்தில் விநாயகர் ஆலயத்தில் ஆட்டோ சங்கத்தின் சார்பில் சிறப்பு பூஜை நடைபெற்றது.

    நிகழ்ச்சிகளில் பா.ஜ.க.வின் இதர பிற்படுத்தப்பட்டோர் அணியின் மாவட்ட நிர்வாகி களான தங்கபாண்டியன், முத்துக்குட்டி உள்பட பலர் கலந்து கொண்டனர். நிறைவில் முக்கிய வீதிகளின் வழியாக ஆட்டோ ஊர்வலம் நடைபெற்றது.

    • Whatsapp
    • Telegram
    • Linkedin
    • Print