என் மலர்

    நீங்கள் தேடியது "4 பேர் பலி"

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • பணம் கொடுக்கல் வாங்கல் தகராறில் நடன கலைஞரை ஒரு கும்பல் கத்தியால் குத்தினர்.
    • இது தொடர்பாக 4 பேரை போலீசார் கைது செய்தனர்.

    குள்ளனம்பட்டி:

    திண்டுக்கல் நெட்டுத்தெருவை சேர்ந்தவர் வாசுதேவன் என்ற தேவா. இவர் திண்டுக்கல் விஜய் ரசிகர் மன்ற தலைவராக உள்ளார். இவரது மகன் மோகன்பிரகாஷ்(24). இவரும் கக்கன் நகரை சேர்ந்த தமிழ்ச்செல்வன்(20) என்பவரும் நடனக்குழு ஆரம்பிக்க முடிவு செய்தனர். அதன்படி கடந்த சில மாதங்களுக்கு முன்பு ஆர்.எம்.காலனியில் நடனக்குழுவை அமைத்தனர்.

    ஆனால் அதில் போதிய வருவாய் கிடைக்காததால் நஷ்டம் ஏற்பட்டது. இதனையடுத்து தமிழ்ச்செல்வன் தான் கொடுத்த பணத்தை திருப்பி தருமாறு மோகன் பிரகாசிடம் கேட்டு வந்துள்ளார். ஆனால் பணத்தை தராமல் காலம் தாழ்த்தி வந்துள்ளார். இதனால் அவர்களுக்குள் அடிக்கடி தகராறு ஏற்பட்டது.

    நேற்று நடனப்பள்ளி அருகே மோகன்பிரகாஷ் நடந்து வந்த போது தமிழ்ச்செல்வன் மற்றும் அவரது நண்பர்கள் வழிமறித்து தாக்கி வாக்குவாதத்தில் ஈடுபட்டனர். மேலும் கத்தியால் சரமாரியாக குத்திவிட்டு தப்பிஓடிவிட்டனர். இதில் படுகாயமடைந்த மோகன்பிரகாசை அக்கம்பக்கத்தில் இருந்தவர்கள் மீட்டு திண்டுக்கல் அரசு ஆஸ்பத்திரியில் சிகிச்சைக்காக சேர்த்தனர்.

    இதுகுறித்து நகர் மேற்கு போலீஸ் இன்ஸ்பெக்டர் ராஜசேகர், சப்-இன்ஸ்பெக்டர் முனியாண்டி ஆகியோர் வழக்குபதிவு செய்து மோகன்பிரகாசை கத்தியால் குத்திய தமிழ்ச்செல்வன், கக்கன்நகரை சேர்ந்த சங்கர்கார்த்திக்(22), சங்கரபாண்டி(18), தமிழரசன்(22) ஆகிய 4 பேரையும் கைது செய்தனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • திண்டுக்கல்லில் கஞ்சா பதுக்கி வைத்து விற்பனை செய்வதாக தென்மண்டல ஐ.ஜி.அஸ்ரா கார்க்குக்கு ரகசிய தகவல் கிடைத்தது.
    • கஞ்சா பதுக்கி விற்ற 4 பேரை பிடித்து அவர்களிடமிருந்து 34 கிலோ கஞ்சா மற்றும் கடத்தலுக்கு பயன்படுத்திய 2 மோட்டார் சைக்கிள் ஆகியவற்றை பறிமுதல் செய்தனர்.

    தாடிக்கொம்பு:

    திண்டுக்கல்லில் கஞ்சா பதுக்கி வைத்து விற்பனை செய்வதாக தென்மண்டல ஐ.ஜி.அஸ்ரா கார்க்குக்கு ரகசிய தகவல் கிடைத்தது. இந்த ரகசிய தகவலின் அடிப்படையில் ஐ.ஜி தனிப்படையினர் சப்-இன்ஸ்பெக்டர் அழகு பாண்டி, தாடிக்கொம்பு போலீஸ் சப் -இன்ஸ்பெக்டர் கார்த்திகேயன் தலைமையிலான போலீசார் தாடிக்கொம்பு அடுத்த செட்டிநாயக்கன்பட்டி சத்யா நகர் பகுதியில் தீவிர தேடுதல் வேட்டையில் ஈடுபட்டிருந்தனர்.

    அப்போது அப்பகுதியில் இருந்து வந்த மோட்டார் சைக்கிளை தடுத்து நிறுத்தி சோதனை செய்தனர். அந்த மோட்டார் சைக்கிளில் கஞ்சா வைத்திருந்தது தெரிய வந்தது. அதன் பின்பு விசாரணையில் சத்யா நகரில் உள்ள ஒரு வீட்டில் கஞ்சா பதுக்கி வைத்து விற்பனை செய்து வருவது தெரிய வந்தது.

    அந்த வீட்டில் இருந்த கன்னிவாடி அடுத்த தெத்துப்பட்டியை சேர்ந்த வைரவன் (28), அவரது மனைவி நவீனா (22), அவரது அண்ணன் சுந்தரபாண்டி (35), அதே ஊரைச் சேர்ந்த முத்துக்கருப்பன் (20), ஆகிய 4 பேரை பிடித்து அவர்களிடமிருந்து 34 கிலோ கஞ்சா மற்றும் கடத்தலுக்கு பயன்படுத்திய 2 மோட்டார் சைக்கிள் ஆகியவற்றை பறிமுதல் செய்தனர். மேலும் பறிமுதல் செய்யப்பட்ட பொருட்களை தாடிக்கொம்பு போலீஸ் நிலையத்தில் ஒப்படைத்தனர்.

    இதுகுறித்து தாடிக்கொம்பு போலீசார் வழக்கு பதிந்து விசாரணை நடத்தி வருகின்றனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • சாலையில் கட்டணம் வசூலிப்பதை தவிர்க்க வேண்டும்.
    • மத்திய மந்திரியிடம் விஜய்வசந்த் எம்.பி. மனு

    நாகர்கோவில்:

    மத்திய நெடுஞ்சாலை துறை மந்திரி நிதின் கட்கரியை கன்னியாகுமரி நாடாளுமன்ற உறுப்பினர் விஜய் வசந்த் சந்தித்து கன்னியாகுமரி மாவட்டம் மக்களின் சார்பாக கோரிக்கைகளை முன் வைத்தார். அந்த மனுவில் கூறியிருப்பதாவது:-

    காரோடு- காவல்கிணறு இடையிலான நான்கு வழி பாதை சாலை பணிகள் முடிவடையாமல் இருப்பதை சுட்டிக்காட்டி அதை தக்க நடவடிக்கைகள் மூலமாக விரைவில் முடித்து வைக்க வேண்டும், கல், மண் பற்றாக்குறையினால் நிறுத்தி வைக்கப்பட்டு பின்னர் காலதாமதத்தை காரணம் காட்டி ஒப்பந்தம் ரத்து செய்யப்பட்டுள்ளது. தற்போது மாநில அரசு அண்டை மாவட்டங்களில் இருந்து கல், மண் தர ஒப்புக்கொண்ட நிலையில் புதிய ஒப்பந்ததாரரை முடிவு செய்து பணியினை விரைவாக தொடங்க வேண்டும்.

    தற்போதைய தேசிய நெடுஞ்சாலை பரா மரிப் பிற்காக சுமார் ரூ.15 கோடி பெற்று தந்த போதிலும் அதற்கான பணிகள் தொடங்காமல் இருக்கிறது. எனவே சம்பந்தப்பட்ட அதிகாரிகளை அறிவுறுத்தி அப்பணிகளை விரைவில் தொடங்க வேண்டும். நாகர்கோவில் அப்டா மார்க்கெட் காவல்கிணறு இடையேயான நான்கு வழிச்சாலை பொது மக்களின் பயணத்திற்காக திறந்து கொடுக்க வேண்டும் எனவும் அந்த சாலையில் கட்டணம் வசூலிப்பதை தவிர்க்க வேண்டும். அத்துடன் நான்கு வழி சாலைக்காக நிலத்தை விட்டுத் தந்த நில உரிமையாளர்களுக்கு கொடுக்க வேண்டிய நிவாரணத் தொகை நிலுவையை உடனடியாக கொடுத்து மேலும் அனை வரும் ஒரு போல் பய னடையும் வகையில் நிவாரணத் தொகை மறு ஆய்வு செய்து சீரமைக்க வேண்டும்.இவ்வாறு இந்த மனுவில் கூறியிருந்தார்.

    கோரிக்கைகளை ஏற்றுக் கொண்ட மத்திய மந்திரி விரைவில் கோரிக்கை களுக்கு தீர்வு காணப்படும் என உறுதியளித்தார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • விரட்டி சென்ற மடக்கி பிடித்தனர்
    • 10 லிட்டர் பறிமுதல்

    ஜோலார்பேட்டை:

    திருப்பத்தூர் மாவட்டம் ஜோலார்பேட்டை பகுதியில் கள்ள சாராயம் விற்பதாக கிடைத்த ரகசிய தகவலின் பெயரில் ஜோலார்பேட்டை போலீஸ் இன்ஸ்பெக்டர் மங்கையர்கரசி தலைமையில் போலீசார் நேற்று பல்வேறு இடங்களில் ரோந்து பணியில் ஈடுபட்டனர்.

    அப்போது தாமலேரிமுத்தூர் கிராமத்தில் சோதனை செய்தபோது முட்புதர் அடர்ந்த மறைவான பகுதியில் கள்ளத்தனமாக கள்ள சாராயம் விற்றுக் கொண்டிருந்த நபர்களை பிடிக்க முயன்ற போது போலீசாரை கண்டதும் அங்கிருந்து 2 பேர் தப்பி ஓட முயன்றனர்.

    பின்னர் போலீசார் இருவரையும் விரட்டி பிடித்து கைது செய்தனர். அவர்களிடமிருந்து 120 லிட்டர் கள்ள சாராயத்தை பறிமுதல் செய்து சம்பவ இடத்திலேயே அழித்தனர்.

    மேலும் இதே போன்று ஜோலார்பேட்டை அடுத்த சக்கரகுப்பம் பகுதியில் கள்ள சாராயம் விற்றுக் கொண்டிருந்த 2 பேரை கைது செய்தனர். அவர்களிடமிருந்து தலா 5 லிட்டர் கள்ள சாராயம் வீதம் 10 லிட்டர் கள்ள சாராயத்தை பறிமுதல் செய்து அழித்தனர்.

    கைதான 4 பேரும் கோர்ட்டில் ஆஜர்படுத்தப்பட்டு சிறையில் அடைக்கப்பட்டனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • தஞ்சை மாவட்டம் பூதலூரில் உள்ள ஒரு மையத்துக்கு 6 பெண்கள் உள்பட 15 பேர் 6 நிமிடம் தாமதமாக வந்தனர்.
    • இதனால் அவர்களை கண்காணிப்பாளர்கள் தேர்வு அறைக்குள் அனுமதிக்கவில்லை.

    பூதலூர்:

    தமிழகத்தில் இன்று காலை டி.என்.பி.எஸ்.சி. குரூப்-4 தேர்வு தொடங்கியது. தேர்வர்கள் காலை 9 மணிக்குள் தேர்வு அறைக்குள் இருக்க வேண்டும் என்று ஏற்கனவே அறிவுறுத்தப்பட்டிருந்தது.

    இந்நிலையில் தஞ்சை மாவட்டம் பூதலூரில் உள்ள ஒரு மையத்துக்கு 6 பெண்கள் உள்பட 15 பேர் 6 நிமிடம் தாமதமாக வந்தனர். இதனால் அவர்களை கண்காணிப்பாளர்கள் தேர்வு அறைக்குள் அனுமதிக்கவில்லை.

    தொலை தூரத்தில் இருந்து வந்ததால் சிறிது நேரம் தாமதமாகி விட்டது என அவர்கள் முறையிட்டு பார்த்தும் பயன் இல்லை. இதனால் அவர்கள் தேர்வு மையத்தின் வெளியே ஏமாற்றத்துடன் காத்திருந்தனர். தகவல் அறிந்த அவர்களின் பெற்றோரும் விரைந்து வந்து மைய கண்காணிப்பாளரிடம் பேசி பார்த்தனர். ஆனால் தாமதமாக வந்ததால் தேர்வு எழுத அனுமதிக்க முடியாது என கூறினர்.

    இதனால் தேர்வகள் மற்றும் அவர்களது பெற்றோர் மையத்தின் வெளியே காத்துள்ளனர். இந்த சம்பவம் பரபரப்பை ஏற்படுத்தி உள்ளது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • ஈரோட்டில் அனுமதியின்றி மது விற்றதாக 4 பேர் கைது செய்யப்பட்டனர்.
    • மேலும் அவர்களிடம் இருந்து 49 மதுபாட்டில்களை போலீசார் பறிமுதல் செய்தனர்.

    ஈரோடு:

    ஈரோடு கருங்கல்பாளையம் செங்குட்டுவன் வீதியில் உள்ள பொதுக்கழிப்பிடம் அருகே மது விற்பனை நடைபெறுவதாக கருங்கல்பாளையம் போலீசாருக்கு ரகசிய தகவல் கிடைத்தது.

    இதையடுத்து அப்பகுதியில் சோதனை நடத்தியதில் மதுவிற்பனையில் ஈடுபட்டிருந்த குயிலான்தோப்பு பகுதியை சேர்ந்த சோமசுந்தரம் (62), செங்குட்டுவன் வீதியை சேர்ந்த அன்பழகன் (30) ஆகிய 2 பேரையும் கைது செய்தனர்.

    இவர்களிடமிருந்து 25 மதுபாட்டில்கள் பறிமுதல் செய்யப்பட்டது.

    இதேபோல குயிலான்தோப்பு பகுதியில் நடத்தப்பட்ட சோதனையில் கருங்கல்பாளையம் செங்குட்டுவன் வீதியை சேர்ந்த சக்திவேல்(47), ரமேஷ்(41) ஆகிய 2 பேரை கைது செய்தனர்.

    கைது செய்யப்பட்டவர்களிடமிருந்து 23 மதுபாட்டில்கள் பறிமுதல் செய்யப்பட்டது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • மேலூர்- காரைக்குடி 4 வழிச்சாலை பணிகளை குறித்த காலத்தில் முடிக்க வேண்டும் என சிவகங்கை கலெக்டர் அறிவுறுத்தியுள்ளார்.
    • ஆய்வின் போது தேசிய நெடுஞ்சாலைத்துறை மதுரை மண்டல திட்ட இயக்குநர் நாகராஜன் உட்பட துறை அலுவலர்கள் கலந்து கொண்டனர்.

    சிவகங்கை

    சிவகங்கை மாவட்டத்தில் மேலூர் - காரைக்குடி 4 வழிச்சாலை அமைக்கும் பணி நடைபெற்று வருகிறது.

    காட்டாம்பூர், திருப்பத்தூர் சந்திப்புச்சாலை, கொளிஞ்சிப்பட்டி, பட்டமங்கலம் சாலை, கும்மங்குடி- தென்கரை சந்திப்பு சாலை, சுரண்டை கண்மாய், பிள்ளையார்பட்டி, குன்றக்குடி ஆகிய இடங்களை சிவகங்கை மாவட்ட கலெக்டர் மதுசூதன் ரெட்டி பார்வையிட்டு ஆய்வு செய்தார். பின்னர் அவர் கூறியதாவது:-

    தேசிய நெடுஞ்சாலைத்துறை ஆணையத்தின் மூலம் மேலூர்- காரைக்குடி வரை 45.855 கிலோ மீட்டர் நீளம் உள்ள சாலை அமைக்கப்பட்டு வருகிறது. மதுரை மாவட்டத்தில் 13.52 கிலோ மீட்டர் நீளம் சாலை அமைக்கும் பணியும், சிவகங்கை மாவட்டத்தில் நைனார்பட்டி முதல் மானகிரி துக்கானேந்தல் வரை 32.33 கிலோ மீட்டர் சாலையும் ரூ.659.03 கோடி மதிப்பீட்டில் அமைக்கப்பட்டு வருகிறது. 6 மீட்டர் நீளமுள்ள சிறு பாலங்கள் 51-ம், 5 மீட்டர் நீளமுள்ள சிறு பாலங்கள் 16-ம், வாகனங்கள் சாலையின் அடியில் செல்லும் வகையான பாலங்கள் 14-ம், பெரிய பாலம் 9-ம், மேம்பாலம் 1-ம் அமைக்கும் பணி நடைபெற்று வருகிறது.

    சிவகங்கை மாவட்டத்தில் 29 கிலோ மீட்டர் நீளத்திற்கு சாலை சுத்தப்படுத்தும் பணி நிறைவு பெற்றுள்ளது. 16.7 கிலோ மீட்டர் நீளத்திற்கு முதற்கட்ட மண் பரப்பும் பணியும், 13.3 கிலோ மீட்டர் நீளத்திற்கு 2-ம் கட்ட மேல்மண் பரப்பும் பணியும், 10.7 கிலோ மீட்டர் நீளத்திற்கு முதற்கட்ட ஜல்லிக்கற்கள் பரப்பும் பணியும், 8.5 கிலோ மீட்டர் நீளத்திற்கு இறுதிகட்ட ஜல்லிக்கற்கள் பரப்பும் பணியும் முடிந்துள்ளது. 7 கிலோ மீட்டர் நீளத்திற்கு தார்ச்சாலை போடப்பட்டுள்ளது.மொத்தமாக 24 சதவிகிதப் பணிகள் நிறைவு பெற்றுள்ளன.

    இந்த பணிகளை நிர்ணயித்துள்ள காலத்திற்குள் முடிக்க திறன்மிக்க பணியாளர்களை கூடுதலாக பணியமர்த்தி விரைந்து முடிக்க அலுவலர்களுக்கு அறிவுரை மற்றும் ஆலோசனைகள் வழங்கப்பட்டுள்ளது.

    இவ்வாறு அவர் கூறினார்.

    ஆய்வின் போது தேசிய நெடுஞ்சாலைத்துறை மதுரை மண்டல திட்ட இயக்குநர் நாகராஜன் உட்பட துறை அலுவலர்கள் கலந்து கொண்டனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • முன்விரோதம் காரணமாக அரிவாள் உள்ளிட்ட பயங்கர ஆயுதங்களால் வெட்டிய வாலிபர் சிகிச்சை பலனின்றி உயிரிழந்தார்.
    • கொலையாளிகள் 4 பேரை போலீசார் கைது செய்தனர்.

    திண்டுக்கல்:

    திண்டுக்கல் முத்தழகுபட்டிைய சேர்ந்த வின்சென்ட் மகன் எட்வின்சோபத்(25). கூலித்தொழிலாளி. இவர் சம்பவத்தன்று ஆர்.வி.நகர் முனியப்பன் கோவில் அருகே மோட்டார் சைக்கிளில் சென்று கொண்டிருந்தார். அப்போது ஒரு கும்பல் அவரை வழிமறித்து அரிவாள் உள்ளிட்ட பயங்கர ஆயுதங்களால் தாக்கினர்.

    இதில் படுகாயமடைந்த அவர் திண்டுக்கல் அரசு ஆஸ்பத்திரியில் சேர்க்கப்பட்டார். பின்னர் தனியார் ஆஸ்பத்திரியில் சேர்க்கப்பட்டு மதுரைக்கு கொண்டு செல்லப்பட்டார். அங்கு சிகிச்சையில் இருந்த எட்வின் பரிதாபமாக உயிரிழந்தார்.

    இதுகுறித்து நகர் தெற்கு போலீசார் வழக்குபதிவு செய்து விசாரணை நடத்தினர். இதில் முத்தழகுபட்டியை சேர்ந்த வெஸ்லின்அபிஷேக்(23), நவீன்ராஜா(25), எடிசன் சக்கரவர்த்தி்(22), எவின் (21) ஆகியோர் ெகாலை செய்தது தெரியவந்தது.

    அபிஷேக்கின் சகோதரியை எட்வின்சோபத் காதலித்து வந்ததாகவும், சம்பவத்தன்று அவருடன் தனிமையில் இருந்ததை கண்டித்ததாகவும் இதனால் அவர்களுக்குள் முன்விேராதம் ஏற்பட்டது. இதனால் அபிஷேக் தனது நண்பர்களுடன் சேர்ந்த எட்வின்சோபத்தை வெட்டிவிட்டு அவரது பெற்றோருக்கும் கொலை மிரட்டல் விடுத்துள்ளனர்.

    இதனையடுத்து போலீசார் அவர்களை கைது செய்து கோர்ட்டில் ஆஜர்படுத்தி சிறையில் அடைத்தனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • நிலக்கோட்டை இன்ஸ்பெக்டர் மற்றும் போலீசார் வாகனச் சோதனை பணியில் ஈடுபட்டு கொண்டிருந்தனர்.
    • மோட்டார் சைக்கிளில் கஞ்சா கடத்திய 4 பேரை கைது செய்து 8 ½ கிலோ கஞ்சாவை பறிமுதல் செய்தனர்

    நிலக்கோட்டை:

    நிலக்கோட்டை அருகே உள்ள முசுவனூத்து பிரிவில் நிலக்கோட்டை இன்ஸ்பெக்டர் மற்றும் போலீசார் வாகனச் சோதனை பணியில் ஈடுபட்டு கொண்டிருந்தனர்.

    அப்போது நிலக்கோட்டை குண்டலபட்டி பிரிவைச் சேர்ந்த ஆட்டோ டிரைவரான கார்த்திக்(34), அவரது மனைவி பாண்டி மீனா(32). மற்றும் அதேபகுதியைசேர்ந்த டீ மாஸ்டர் செண்பகராஜ்(34), கார்த்தியின் தங்கை சித்ராதேவி(31). ஆகிய 4 பேர்களும் 2 மோட்டார் சைக்கிளில் வந்தனர்.

    அவரிகளிடம் சோதனை செய்து பார்த்தபோது 8 ½ கிலோ கஞ்சாவை கடத்தி சென்றது தெரியவந்தது. இதனையடுத்து அவர்களை கைது செய்த போலீசார் கஞ்சா மற்றும் மோட்டார் சைக்கிளையும் பறிமுதல் செய்தனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • திண்டுக்கல் மாவட்டம் நிலக்கோட்டையில் அரசால் தடைசெய்யப்பட்ட லாட்டரி சீட்டுகள் விற்பனையில் ஈடுபட்ட கும்பல் சிக்கியது
    • லாட்டரி சீட்டு விற்பனை

    நிலக்கோட்டை:

    நிலக்கோட்டை பகுதியில் அரசால் தடை செய்யப்பட்ட லாட்டரி சீட்டுகள் விற்பனை செய்வதாக திண்டுக்கல் போலீஸ் சூப்பிரண்டு பாஸ்கரனுக்கு கிடைத்த தகவலின் படி எஸ். பி தனிப்படை போலீசார் நிலக்கோட்டை பூ மார்க்கெட் பகுதியில் அதிரடி சோதனை நடத்தினர்.

    அப்போது தடை செய்யப்பட்ட லாட்டரி சீட்டுகளை விற்பனை செய்த நிலக்கோட்டையைச் சேர்ந்த ஜெயராஜ் (40), பூசை கருப்பு (35), பெருமாள் (60), ராஜா (40) ஆகிய 4 பேரை கைது செய்து அவர்களிடமிருந்து ரூ.70 ஆயிரம் மதிப்புள்ள 900 லாட்டரி சீட்டுகள், ரூ.28,500 ஆகியவற்றை பறிமுதல் செய்தனர். அவர்கள் நிலக்கோட்டை போலீஸ் நிலையத்தில் ஒப்படைக்கப்பட்டனர்.

    இதுகுறித்து நிலக்கோட்டை போலீஸ் சப்-இன்ஸ்பெக்டர் பாலமுத்தையா வழக்கு பதிவு செய்து விசாரணை மேற்கொண்டு வருகிறார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • கள்ளக்குறிச்சியில் 4 சிறுவர்கள் அதிரடி கைது செய்யப்பட்டனர்.
    • கோயம்புத்தூரில் இருந்து சென்னை நோக்கி அரசு பேருந்து சென்று கொண்டிருந்தது.

    கள்ளக்குறிச்சி:

    கோயம்புத்தூரில் இருந்து சென்னை நோக்கி அரசு பேருந்து சென்று கொண்டிருந்தது. அப்போது கள்ளக்குறிச்சி துருகம் சாலையில் சென்றபோது அங்கு நின்ற 16 மற்றும் 17 வயதுடைய 4 சிறுவர்கள் பஸ்ஸை நிறுத்துமாறு கை காட்டி உள்ளனர். ஆனால் பஸ் நிற்காமல் சென்றது இதில் ஆத்திரமடைந்த சிறுவர்கள் பஸ்சை துரத்திச் சென்று வழிமறித்து டிரைவர் மற்றும் கண்டக்டர் ஆபாசமாக திட்டி, கையில் வைத்திருந்த பீர் பாட்டிலை பஸ் பக்கவாட்டில் அடித்தனர். இதில் பீர் பாட்டில் உடைந்து சிதறியது. இதில் பஸ்சில் பயணம் செய்த கோயம்புத்தூர் மாவட்டம், செல்வபுரம் கிராமத்தைச் சேர்ந்த செல்வராஜ் மகன் சீனிவாசன் (வயது 38) என்பவரின் கண்ணில் காயம் ஏற்பட்டது. இதனைத் தொடர்ந்து நடத்துனர் மற்றும் பேருந்தில் பயணம் செய்தவர்கள் அந்த 4 நபர்களையும் மடக்கி பிடித்து ஆட்டோவில் அழைத்துச் சென்று காவல் நிலையத்தில் ஒப்படைத்தனர். காயமடைந்த சீனிவாசன் கள்ளக்குறிச்சி அரசு மருத்துவமனையில் சிகிச்சை பெற்று மேல் சிகிச்சைக்காக கோயம்புத்தூர் அரசு மருத்துவமனைக்கு அனுப்பி வைக்கப்பட்டார். இதுகுறித்து சீனிவாசன் கொடுத்த புகாரின் பேரில் கள்ளக்குறிச்சி போலீசார் வழக்குப்பதிவு செய்து சிறுவர்கள் 4 பேரையும் கைது செய்தனர். 4 சிறுவர்கள் பஸ்சை வழிமறித்து பீர் பாட்டிலால் தாக்கிய சம்பவம் அப்பகுதியில் பெரும் பரபரப்பை ஏற்படுத்தியுள்ளது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • கார் மோதி வாலிபர் பலியானார்.
    • நான்கு வழிச்சாலையை கடந்து எதிரே உள்ள கடைக்கு சென்றுவிட்டு மீண்டும் நான்கு வழிச் சாலையை கடக்க முயன்றார்.

    திருமங்கலம், ஜூன். 11-

    மதுரை மாவட்டம் திருமங்கலம் அருகே உள்ள சமத்துவபுரம் பகுதியை சேர்ந்தவர் ஈஸ்வரன். இவரது மகன் அருள் ஈஸ்வரன்(வயது27). கூலி தொழிலாளியான இவருக்கு திருமணம் ஆகவில்லை.

    இந்நிலையில் சமத்துவபுரத்தில் இருந்து நான்கு வழிச்சாலையை கடந்து எதிரே உள்ள கடைக்கு சென்றுவிட்டு மீண்டும் நான்கு வழிச் சாலையை கடக்க முயன்றார். அப்போது மதுரையிலிருந்து விருதுநகர் நோக்கிச்சென்ற கார், அருள் ஈஸ்வரன் மீது மோதியது.

    இதில் படுகாயமடைந்த அவரை திருமங்கலம் தாலுகா போலீசார் ஆம்புலன்ஸ் மூலம் சிகிச்சைக்காக மருத்துவமனைக்கு கொண்டு சென்றனர்.

    இதனைத்தொடர்ந்து அவரது உடலை போலீசார் பிரேத பரிசோதனைக்கு அனுப்பிவைத்தனர். இந்த விபத்து குறித்து போலீசார் வழக்குப்பதிந்து கார் டிரைவரான விருதுநகர் பர்மா காலனியை சேர்ந்த ஷேக் இர்பான்(26) என்பவரை கைது செய்து விசாரணை நடத்தி வருகின்றனர்.