என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
ஒரு மாதமாக வெடித்து சிதறும் லா பல்மா எரிமலை- விமான போக்குவரத்து பாதிப்பு
Byமாலை மலர்18 Oct 2021 10:24 AM GMT (Updated: 18 Oct 2021 11:16 AM GMT)
எரிமலையில் இருந்து வெளிப்பட்ட புகை, தூசு மற்றும் சாம்பல் வானில் படர்ந்ததால் விமான போக்குவரத்து பாதிக்கப்பட்டுள்ளது.
லா பல்மா:
ஸ்பெயினின் லா பல்மா தீவில் சீற்றத்துடன் காணப்பட்ட கும்ரே வீஜா எரிமலை, கடந்த மாதம் 19ம் தேதி வெடிக்கத் தொடங்கியது. எரிமலையில் இருந்து சீற்றத்துடன் லாவா குழம்பு வெளியேறிவருகிறது. இது மலை முகட்டில் ஆறுபோல் வழிந்தோடுகிறது. மலையடிவாரத்தில் உள்ள கிராமங்களில் உள்ள ஏராளமான வீடுகள் உள்ளிட்ட ஆயிரக்கணக்கான கட்டிடங்களும், சுற்றியுள்ள நிலங்களும் அழிந்துவிட்டன.
எரிமலை வெடிப்பால் அப்பகுதியில் வசித்த 6 ஆயிரத்துக்கும் மேற்பட்டோர் பாதுகாப்பான இடங்களுக்கு மாற்றப்பட்டதால் உயிரிழப்பு தவிர்க்கப்பட்டது. எரிமலையில் இருந்து வெளிப்பட்ட புகை, தூசு மற்றும் சாம்பல் வானில் படர்ந்ததால் விமான போக்குவரத்து பாதிக்கப்பட்டுள்ளது.
இந்நிலையில், லா பல்மா எரிமலை வெடிப்பால் வெளிப்பட்ட கடுமையான தூசு மண்டலம் விமான நிலையத்தைச் சூழ்ந்துள்ளது. விமான நிலையம் மக்கள் தற்காலிகமாகத் தங்குவதற்காக திறந்து வைக்கப்பட்ட போதும், விமானங்கள் தொடர்ந்து ரத்து செய்யப்பட்ட நிலையிலேயே உள்ளன. தூசு மற்றும் புகை மண்டலத்தால் விமானங்கள் இயக்கப்படவில்லை. இதனால் சுற்றுலா வந்திருந்த சுற்றுலாப்பயணிகள் கடும் அவதிக்குள்ளாகினர்.
இன்றும் எரிமலையில் இருந்து சீற்றத்துடன் லாவா குழம்பு மற்றும் சாம்பல் வெளியேறுகிறது. லாவா குழம்பு பல்வேறு முனைகளில் தொடர்ந்து முன்னேறி வருவதால், லா லகுனா நகருக்கு அச்சுறுத்தலாக உள்ளது. தொடர்ந்து நில அதிர்வும் ஏற்படுகிறது. எரிமலை வெடிப்பு இப்போது முடிவுக்கு வராது என கேனரி தீவுகளின் தலைவர் தெரிவித்துள்ளார்.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X