உலக நாடுகளுக்கு 20 கோடி ‘டோஸ்’ தடுப்பூசி வழங்குகிறது, சனோபி நிறுவனம்

லண்டன்:

இங்கிலாந்தை சேர்ந்த சனோபி, ஜி.எஸ்.கே. ஆகிய மருந்து உற்பத்தி நிறுவனங்கள், கொரோனாவுக்கு தடுப்பூசி உருவாக்கும் பணியில் கூட்டாக ஈடுபட்டுள்ளன. இந்த நிறுவனங்களின் தடுப்பூசி, 2-ம் கட்ட மருத்துவ பரிசோதனையில் உள்ளது. அதன் முடிவுகள், டிசம்பர் மாதம் வெளியாகிறது.

3-ம் கட்ட பரிசோதனைகள் ஆண்டு இறுதிக்குள் தொடங்கும். அந்த தடுப்பூசிக்கான அங்கீகாரம் கோரி, அடுத்த ஆண்டு முதல் பாதிக்குள் விண்ணப்பிக்கப்படுகிறது.இந்த நிலையில், உலக நாடுகளுக்கு பகிர்ந்தளிக்க ‘கோவாக்ஸ்’ அமைப்புக்கு 20 கோடி ‘டோஸ்’ தடுப்பூசி வழங்குவதாக இரு நிறுவனங்களும் நேற்று கூட்டாக அறிவித்தன.