வாஷிங்டன்:
கொரோனா வைரஸ் தொற்று சீனாவின் மத்திய நகரமான உகானில் கடந்த டிசம்பர் 1-ந் தேதி முதன்முதலாக வெளிப்பட்டதாக தகவல்கள் வெளி வந்தன. கொரோனா வைரஸ் தொற்றின் தோற்றம் பற்றிய சர்ச்சை இன்றளவும் தொடர்கிறது.
இந்நிலையில் பயோடெக்னாலஜி கண்டுபிடிப்பு அமைப்பு (BIO) நடத்திய கூட்டத்தின் போது தேசிய ஒவ்வாமை மற்றும் தொற்று நோய்கள் நிறுவனத்தின் இயக்குனரான பாசி தனது கருத்துக்களை கூறியுள்ளார்.
கொரோனா தொற்று நோயை அவரது "மோசமான கனவு" என்று விவரித்தார். நான்கு மாத காலப்பகுதியில், இது உலகம் முழுவதையும் பேரழிவிற்கு உட்படுத்தியுள்ளது. கொரோனா தொற்று இன்னும் முடிவடையவில்லை.
மில்லியன் கணக்கான நோய்த்தொற்றுகள் உலகளவில் இருக்கிறது. இது மிகச் சிறிய கால கட்டத்தில் ஒடுக்கப்படுகிறது. ஆனால், வைரஸ் எவ்வளவு வேகமாக பரவியது என்று ஆச்சரியப்பட்டதாக ஒப்புக்கொண்ட போதிலும், தடுப்பூசி கண்டுபிடிக்கப்படும் சோதனையின் நெருக்கத்தில் இருக்கிறோம் என்று தான் நம்புவதாக அந்தோணி பாசி தெரிவித்துள்ளார்.
