என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
குல்பூஷன் விவகாரம் - தூதரக சந்திப்புக்கு பாகிஸ்தான் வழங்கிய அனுமதியை இந்தியா ஏற்றது
Byமாலை மலர்2 Sep 2019 7:24 AM GMT (Updated: 2 Sep 2019 7:24 AM GMT)
குல்பூஷன் ஜாதவுடனான தூதரக அளவிலான சந்திப்புக்கு பாகிஸ்தான் வழங்கிய அனுமதியை இந்தியா ஏற்றுக்கொண்டது.
இஸ்லாமாபாத்:
இந்திய கடற்படை முன்னாள் அதிகாரி குல்பூஷன் ஜாதவ், உளவு பார்த்ததாக கூறி 2016ம் ஆண்டு பாகிஸ்தான் ராணுவம் கைது செய்தது. இதையடுத்து குல்பூஷன் ஜாதவிற்கு பாகிஸ்தான் ராணுவ நீதிமன்றம் 2017, ஏப்ரலில் மரண தண்டனை விதித்து உத்தரவிட்டது. இதை எதிர்த்து இந்தியா தாக்கல் செய்த மனுவை விசாரித்த சர்வதேச நீதிமன்றம், ஜாதவுக்கு விதிக்கப்பட்ட மரண தண்டனையை மறுஆய்வு செய்ய வேண்டும் என்று கடந்த ஜூலை மாதம் 17-ம் தேதி உத்தரவிட்டது.
சர்வதேச ஒப்பந்தங்களின்படி, குல்பூஷன் ஜாதவுக்கு அளிக்கப்பட வேண்டிய சட்டரீதியிலான உரிமைகளையும், தூதரக உதவிகளையும் காலதாமதமின்றி உடனடியாக அளிக்க வேண்டும் எனவும் பாகிஸ்தானுக்கு சர்வதேச கோர்ட் உத்தரவிட்டது.
வியன்னா ஒப்பந்தங்களின்படி இந்திய தூதரக அதிகாரிகள் குல்பூஷன் ஜாதவை சந்திக்க அனுமதி அளிக்கப்படும் என்று பாகிஸ்தான் வெளியுறவுத்துறை அமைச்சகம் தனது டுவிட்டரில் தெரிவித்தது.
இந்நிலையில், குல்பூஷன் ஜாதவுடனான தூதரக அளவிலான சந்திப்புக்கு பாகிஸ்தான் வழங்கிய அனுமதியை அதிகாரிகள் மட்டத்திலான ஆலோசனைக்கு பின் இந்தியா இன்று ஏற்றுக் கொண்டது. இதைத்தொடர்ந்து, இந்திய தூதரக அதிகாரி கவுரவ் அலுவாலியா, குல்பூஷன் ஜாதவை இன்று சந்திக்க உள்ளார்.
குல்பூஷன் ஜாதவை சந்திப்பதற்கான சரியான சூழலை பாகிஸ்தான் ஏற்படுத்தி கொடுக்கும் என்ற நம்பிக்கையுடன் இருக்கிறோம். சர்வதேச நீதிமன்ற உத்தரவுக்கேற்ப அமையும் இந்த சந்திப்பு, மிக வெளிப்படை தன்மையுடன், சிறந்த மற்றும் அர்த்தமுள்ள ஒன்றாக இருக்கும் என மத்திய அரசு வட்டாரங்கள் தெரிவித்துள்ளன.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X