வாஷிங்டன்:
சமீபத்தில் பாகிஸ்தான் பிரதமர் இம்ரான் கான் அமெரிக்கா சுற்றுப்பயணம் மேற்கொண்டார். அவர் அதிபட் டிரம்பை சந்தித்து பேசினார். அதன்பின் செய்தியாளர்களை சந்தித்த டிரம்ப், பாகிஸ்தானுடனான காஷ்மீர் பிரச்சனையில் மத்தியஸ்தம் செய்யுமாறு பிரதமர் மோடி என்னை கேட்டுக்கொண்டார் என கூறினார்.
டிரம்பின் இந்த கருத்து இந்தியாவுக்கு தர்மசங்கடத்தை ஏற்படுத்தியது. இந்திய வெளியுறவுத்துறை அமைச்சகம் அதிபர் டிரம்பின் கருத்தை திட்டவட்டமாக மறுத்தது.
இந்நிலையில். அமெரிக்க அதிபர் டொனால்டு டிரம்ப் வாஷிங்டன்னில் நேற்று செய்தியாளர்களை சந்தித்தார். அப்போது அவர் கூறியதாவது:
காஷ்மீர் பிரச்சனை இந்தியா- பாகிஸ்தான் இடையே நீண்ட காலமாக உள்ளது. இந்த பிரச்சனையை தீர்த்துக்கொள்வது இந்தியா- பாகிஸ்தான் ஆகிய நாடுகளைச் சார்ந்தது. இதில் மத்தியஸ்தம் செய்வதை ஏற்றுக்கொள்வது என்பது மோடியிடம் தான் உள்ளது. மோடியும், இம்ரான் கானும் மிகச் சிறந்த தலைவர்கள். இரு நாட்டு தலைவர்களும் விரும்பினால் காஷ்மீர் பிரச்சனையில் உதவ தயாராக இருக்கிறேன் என தெரிவித்தார்.
