பெரு பொருளாதார மாநாட்டில் ஒபாமா, புதின் திடீர் சந்திப்பு

லிமா:

பெரு நாட்டின் தலைநகர் லிமாவில் 28-வது ஆசிய பசிபிக் பொருளாதார கூட்டுறவு அமைப்பு (APEC) உறுப்பு நாடுகளிடையேயான இரண்டு நாள் கூட்டம் நடைபெற்றது.

இந்த மாநாட்டில் அமெரிக்க அதிபர் பராக் ஒபாமா மற்றும் 20 சர்வதேச நாடுகளின் தலைவர்கள் கலந்து கொண்டனர்.

இந்நிலையில், இந்த மாநாட்டின் இடையே அதிபர் ஒபாமா மற்றும் ரஷ்ய அதிபர் விளாதிமிர் புதின் ஆகியோர் சந்தித்து சிறிதுநேரம் பேச்சுவார்த்தை நடத்தினர்.

ஆனால் ஒபாமா-புதின் சந்திப்பில் என்ன பேசினார்கள் என்பது தொடர்பாக வெள்ளை மாளிகை இதுவரை அறிக்கை எதனையும் வெளியிடவில்லை. அமெரிக்க அதிபர் தேர்தலில் டொனால்டு டிரம்ப் வெற்றி பெற்றதை அடுத்து இந்த சந்திப்பு நடைபெற்றது.

ஒபாமா ஆட்சிக் காலத்தில் உக்ரைன் விவகாரம் தொடர்பாக ரஷ்யா மீது அமெரிக்கா சில பொருளாதார தடைகளை விதித்து இருந்தது. இதனால் ஒபாமா, புதின் இடையிலான இந்த சந்திப்பு முக்கியத்துவம் வாய்ந்ததாக கருதப்படுகிறது.