சியோமி ரெட்மி 5: இந்திய வெளியீட்டு தேதி வெளியானது

புதுடெல்லி:

இந்தியாவில் 2018-ம் ஆண்டின் முதல் சாதனத்தை அறிமுகம் செய்வதற்கான தேதியை சியோமி அறிவித்துள்ளது. அறிமுக விழாவிற்கான அழைப்பிதழில் 5 எண் கொண்ட லோகோ பெரியதாக இடம்பெற்றிருக்கிறது. இது அந்நிறவனத்தின் புதிய பட்ஜெட் விலை ஸ்மார்ட்போனாக இருக்கலாம் என்ற எதிர்பார்ப்பை ஏற்படுத்தி உள்ளது. 

பிப்ரவரி 14-ம் தேதி இந்தியாவில் அறிமுகமாக இருக்கும் ரெட்மி 5 ஸ்மார்ட்போன் 2 ஜிபி, 3 ஜிபி ரேம் மற்றும் 16 ஜிபி, 32 ஜிபி இன்டெர்னல் மெமரி என இரண்டு வித ஆப்ஷன்களில் விற்பனை செய்யப்பட இருக்கிறது. இதே விழாவில் ரெட்மி 5 பிளஸ் ஸ்மார்ட்போனும் அறிமுகம் செய்யப்படுமா என்பது குறித்து எவ்வித தகவலும் இல்லை.

சீனாவில் ரெட்மி 5 ஸ்மார்ட்போன் பிளாக், கோல்டு, லைட் புளூ மற்றும் ரோஸ் கோல்டு உள்ளிட்ட நிறங்களில் அறிமுகம் செய்யப்பட்டது. இதன் 2 ஜிபி ரேம் கொண்ட மாடலின் விலை CNY 799 (இந்திய மதிப்பில் ரூ.8,100), 3 ஜிபி ரேம் CNY 899 (இந்திய மதிப்பில் ரூ.9,100) என நிர்ணயம் செய்யப்பட்டது. 

கடந்த மாதம் 4 ஜிபி ரேம் கொண்ட ரெட்மி 5 ஸ்மார்ட்போனினை CNY 1099 (இந்திய மதிப்பில் ரூ.11,200) அறிமுகம் செய்தது. இத்துடன் ரெட்மி 5 பிளஸ் 3 ஜிபி ரேம் ஸ்மார்ட்போன் CNY 999 (இந்திய மதிப்பில் ரூ.10,200), 4 ஜிபி ரேம் மாடல் CNY1,299 (இந்திய மதிப்பில் ரூ.13,200) என நிர்ணயம் செய்யப்பட்டுள்ளது.