தங்கம் விலை சவரனுக்கு ரூ.440 குறைந்தது

சென்னை:

தங்கம் விலையில் சில நாட்களாக ஏற்றத்தாழ்வு இருந்து வருகிறது. கடந்த 1-ந்தேதி தங்கம் பவுன் ரூ.38 ஆயிரத்துக்கு கீழ் வந்தது. அன்று ஒரு பவுன் ரூ.37 ஆயிரத்து 680-க்கு விற்றது. நேற்று பவுனுக்கு ரூ.112 அதிகரித்து ரூ.38 ஆயிரத்தை தொட்டது.

இந்த நிலையில் இன்று தங்கம் விலை அதிரடியாக குறைந்தது. இதனால் தங்கம் பவுன் மீண்டும் ரூ.38 ஆயிரத்துக்கு கீழ் வந்தது. சென்னையில் இன்று காலை ஆபரணத்தங்கத்தின் விலை பவுனுக்கு ஒரே நாளில் ரூ.440 குறைந்தது.

ஒரு பவுன் ரூ.37 ஆயிரத்து 560-க்கும் ஒரு கிராம் தங்கம் ரூ.4 ஆயிரத்து 695-க்கும் விற்றது.

தங்கத்தை போலவே வெள்ளி விலையும் குறைந்தது. வெள்ளி கிலோவுக்கு ரூ.1000 குறைந்து ரூ.58 ஆயிரமாக உள்ளது. ஒரு கிராம் வெள்ளி ரூ.58-க்கு விற்கிறது.