சென்னை:
காங்கிரஸ் எம்.பி. ராகுல் காந்திக்கு இன்று 52-வது பிறந்த நாள். இதனையொட்டி காங்கிரஸ் தலைவர்கள், பல்வேறு கட்சித் தலைவர்கள் உள்பட பல தரப்பினரும் ராகுல் காந்திக்கு வாழ்த்து தெரிவித்து வருகின்றனர்.
தமிழ்நாடு முதலமைச்சர் மு.க.ஸ்டாலின் வெளியிட்டுள்ள பிறந்த நாள் வாழ்த்துச் செய்தியில் கூறியிருப்பதாவது:-
அன்புக்குரிய இளவல் ராகுல் காந்திக்குப் பிறந்தநாள் வாழ்த்துகள்! கடினமான நேரங்களில்தான் ஒருவரின் உண்மையான வலிமையும் உறுதியும் தெரிய வரும்! இந்தச் சோதனையான காலத்தில் உங்களின் பற்றுறுதியையும் விடாப்பிடியான துணிவையும் நாடு கண்டுகொண்டிருக்கிறது. பெருமைமிகு நமது குடியரசை மீட்டெடுக்கும் முயற்சியில் நீங்கள் வெற்றிபெற எனது வாழ்த்துகள்!
இவ்வாறு மு.க.ஸ்டாலின் கூறி உள்ளார்.
ராகுல் காந்தி தனது பிறந்தநாளான இன்று எந்த விதமான கொண்டாட்டங்களிலும் ஈடுபட வேண்டாம் என்று கட்சி தொண்டர்களுக்கு வேண்டுகோள் விடுத்துள்ளார் என்பது குறிப்பிடத்தக்கது.
