மேட்டூர்:
காவிரி நீர்ப்பிடிப்பு பகுதிகளில் மழை குறைந்ததால் கர்நாடகாவில் உள்ள கபினி மற்றும் கிருஷ்ணராஜசாகர் அணைகளில் இருந்து உபரி நீர் திறப்பு காவிரியில் குறைக்கப்பட்டுள்ளது. இதனால் மேட்டூர் அணைக்கு நீர்வரத்து நேற்று காலை 26 ஆயிரம் கனஅடியாக சரிந்தது. இன்றும் அதே அளவில் தண்ணீர் மேட்டூர் அணைக்கு வந்து கொண்டிருக்கிறது.
மேட்டூர் அணை கடந்த 13-ந்தேதி முழு கொள்ளளவான 120 அடியை எட்டியதால் 14-ந்தேதி முதல் அணைக்கு வரும் தண்ணீர் முழுவதும் அப்படியே காவிரியில் வெளியேற்றப்படுகிறது.
இன்று மேட்டூர் அணையில் இருந்து நீர்மின் நிலையங்கள் வழியாக 17 ஆயிரம் கன அடியும், 16 கண் மதகுகள் வழியாக 8 ஆயிரம் கன அடியும் என மொத்தம் 25 ஆயிரம் கன அடி வீதம் தண்ணீர் காவிரி ஆற்றில் திறந்து விடப்பட்டுள்ளது. கால்வாயில் 500 கன அடி வீதம் தண்ணீர் வெளியேற்றப்பட்டு வருகிறது.
மேட்டூர் அணைக்கு வரும் தண்ணீரை விட அணையில் இருந்து குறைவாக தண்ணீர் காவிரி மற்றும் கால்வாயில் திறந்து விடப்படுவதால் அணை நீர்மட்டம் 13 நாட்களாக 120.10 அடியாக நீடிக்கிறது. இதனால் மேட்டூர் அணை தொடர்ந்து கடல் போல காட்சி அளிக்கிறது.
