சின்னசேலத்தில் 4 நாட்கள் கடை அடைப்பு

சின்னசேலம்:

கள்ளக்குறிச்சி மாவட்டம் சின்னசேலத்தில் கொரோனா தொற்றால் பாதிக்கப்படுபவர்களின் எண்ணிக்கை நாளுக்கு நாள் அதிகரித்து வருகிறது. இதனால் பொதுமக்கள் பெரும் அச்சம் அடைந்துள்ளனர். இந்த நிலையில் கொரோனா தொற்று பரவாமல் தடுக்கும் வகையில் சின்னசேலத்தில் இன்று (வியாழக்கிழமை) முதல் வருகிற 26-ந்தேதி வரை 4 நாட்கள் முழு கடை அடைப்பு நடத்த அனைத்து வணிகர் சங்கத்தினர் முடிவு செய்து அறிவித்துள்ளனர். மேலும் கடை அடைப்பு தொடர்பாக வணிகர் சங்கத்தினர் ஒலி பெருக்கி மூலம் பொதுமக்களிடம் தெரிவித்தனர்.