ரெயிலில் கடத்த முயன்ற 3 டன் ரே‌ஷன் அரிசி பறிமுதல்

பொன்னேரி:

சென்னையிலிருந்து சூலூர்பேட்டை ரெயிலில் நந்தியம் பாக்கம் மீஞ்சூர் அனுப்பம்பட்டு அத்திப்பட்டு பொன்னேரி எண்ணூர் பகுதியிலிருந்து 25 கிலோ பையில் ரெயிலின் சீட்டுக்கு அடியில் பதுக்கி வைத்து ஆந்திராவுக்கு கொண்டு சென்று அங்கு அதிக விலைக்கு விற்று வருவதாக பொன்னேரி வட்ட வழங்கல் அதிகாரி தனுஜா டயானாவுக்கு தகவல் கிடைத்தது.

அதன் பேரில் சூலூர்பேட்டை ரெயிலில் சோதனை செய்த போது மூட்டை மூட்டையாக பெட்டிகளில் அரிசி இருப்பது தெரிய வந்தது. மொத்தம் 3 டன் ரே‌சன் அரிசி பறிமுதல் செய்யப்பட்டது.