ஓட்டேரியில் வாலிபர் வெட்டிக்கொலை

பெரம்பூர்:

சென்னை ஓட்டேரி ஜமாலியா கிருஷ்ணதாஸ் ரோடு பகுதியை சேர்ந்தவர் பைசுல்லா (வயது 22). பிளைவுட் கம்பெனியில் கூலி வேலை செய்து வந்தார். இவரது நண்பர்கள் வேலு, சமீல், ஓசைமணி, சந்தோஷ்குமார்.

சில தினங்களுக்கு முன் வேலுவின் 2 கிராம் மோதிரத்தை பைசுல்லா பறித்து கொண்டார்.

நேற்று மாலை 7 மணி அளவில் புளியந்தோப்பு போகிபாளையம் பகுதியில் பைசுல்லாவிடம் நண்பர்கள் 4 பேரும் மீண்டும் தகராறில் ஈடுபட்டனர்.

தகராறு முற்றியதால் ஆத்திரமடைந்த நண்பர்கள் 4 பேரும் பைசுல்லாவை சரமாரியாக அரிவாளால் வெட்டினர். இதில் பைசுல்லா ரத்த வெள்ளத்தில் துடி துடித்தார். உடனே நண்பர்கள் அனைவரும் ஓடிவிட்டனர். பைசுல்லாவை அரசு மருத்துவமனையில் சேர்த்தனர். அங்கு சிகிச்சை பலனின்றி இன்று பைசுல்லா இறந்தார்.