பழனி:
அறுபடை வீடுகளில் 3-ம் படை வீடான பழனி முருகன் கோவில் தமிழ்நாட்டிலேயே அதிக வருவாய் பெறும் கோவிலாக விளங்குகிறது. இந்த கோவிலில் ஆண்டு முழுவதும் திருவிழாக்கள் நடைபெறுகிறது.
இவ்வாறு 12 மாதங்களிலும் பழனி முருகனுக்கு பல்வேறு சிறப்பு பூஜைகளும் விழாக்களும் நடைபெற்று வருவதால் பல லட்சம் பக்தர்கள் பழனிக்கு வருகை தருகிறார்கள்.
உலகம் முழுவதிலும் உள்ள தமிழ் மக்களும், கேரள பக்தர்களும் பழனிக்கு வருகை தந்து முருகனை தரிசித்து செல்வதை புண்ணிய செயலாக கருதுகிறார்கள். இதன் மூலம் பக்தர்கள் தங்களின் நேர்த்திக் கடன் மற்றும் பிரார்த்தனை காணிக்கையாக உண்டியலில் பணம், நகைகள், பொருட்கள் என செலுத்துகிறார்கள்.
அவ்வாறு பக்தர்கள் செலுத்தும் உண்டியல் காணிக்கை தொகைகளை மாதத்தில் ஒரு நாளும், முக்கிய திருவிழாக்கள் நடக்கும் காலங்களில் மாதத்தில் இரு முறையும் எண்ணப்படுகிறது.
இவ்வாறு கடந்த ஆண்டு (1.7.2015 முதல் 30.6.2016 வரை) வருவாய் மொத்தம் ரூ.33 கோடியே 10 லட்சத்து 38 ஆயிரத்து 838 கிடைத்துள்ளது.
