2020 டோக்கியோ ஒலிம்பிக்கான இடத்தை உறுதி செய்தனர் பஜ்ரங் புனியா, ரவி குமார்

கஜகஸ்தானில் உள்ள நுர்-சுல்தானில் உலக மல்யுத்த சாம்பியன்ஷிப் போட்டி நடைபெற்று வருகிறது. ஆண்களுக்கான 65 கிலோ எடைபிரிவு காலிறுதி ஆட்டத்தில் இந்தியாவின் பஜ்ரங் புனியா வடகொரியாவின் ஜாங் சன்-ஐ எதிர்கொண்டார். இதில் 8-2 என பஜ்ரங் புனியா வெற்றி பெற்று இறுதிப் போட்டிக்கு முன்னேறினார். இதன்மூலம் அடுத்த வருடம் ஜப்பான் டோக்கியோவில் நடைபெறும் ஒலிம்பிக் தொடரில் பங்கேற்க தகுதி பெற்றனர்.

57 கிலோ எடைப்பிரிவில் ரவி குமார் ஜப்பானைச் சேர்ந்த யுகி தகாஹாஷியை எதிர்கொண்டார். இதில் ரவிகுமார் 6-1 என வெற்றி பெற்று அரையிறுதிக்கு முன்னேறினார். இதனால் இவரும் ஒலிம்பிக் தொடரில் பங்கேற்க தகுதி பெற்றார்.

பஜ்ரங் புனியா அரையிறுதியில் கஜகஸ்தானைச் சேர்ந்த நியாஸ்பெகோவ்-ஐ எதிர்கொள்கிறார். ரவி குமார் ரஷியாவைச் சேர்ந்த ஜவுர் யுகுயேவ்-ஐ எதிர்கொள்கிறார்.