புரோ கபடி - தெலுங்கு டைட்டன்ஸ் அணிக்கு எதிரான போட்டியில் டெல்லி அணி திரில் வெற்றி

ஐதராபாத், 

12 அணிகள் இடையிலான 7-வது புரோ கபடி லீக் தொடரில் ஐதராபாத்தில் நேற்றிரவு தெலுங்கு டைட்டன்ஸ் - தபாங் டெல்லி அணிகள் மோதின.

இந்த ஆட்டத்தில் இரு தரப்பினரும் விட்டுக் கொடுக்காது தொடர்ந்து பாயிண்ட்களை எடுத்தனர். இதனால் ஆட்டம் நிமிடத்திற்கு நிமிடம் திரிலிங்காக நகர்ந்தது. இறுதியில், தபாங் டெல்லி அணி 34-33 என்ற புள்ளிக் கணக்கில் தெலுங்கு டைட்டன்சை வீழ்த்தியது. இந்த போட்டியில் நவீன்குமார் 14 ரெய்டு புள்ளிகள் எடுத்தது குறிப்பிடத்தக்கது.

மற்றொரு ஆட்டத்தில் மோதிய பெங்கால் வாரியர்ஸ் அணி 48-17 என்ற புள்ளிக் கணக்கில் உ.பி.யோத்தாவை எளிதில் வென்றது.