புதுடெல்லி:
உலக கோப்பை கிரிக்கெட் போட்டியில் நேற்று நடந்த ஆட்டத்தில் இந்திய அணி 89 ரன் வித்தியாசத்தில் பாகிஸ்தானை வீழ்த்தியது.
உலக கோப்பையில் 7-வது முறையாக பாகிஸ்தானை தோற்கடித்தது.
இந்திய அணியின் இந்த வெற்றி குறித்து மத்திய உள்துறை மந்திரியும், பா.ஜனதா தேசிய தலைவருமான அமித்ஷா தனது டுவிட்டர் பதிவில் கூறி இருப்பதாவது:-
இந்திய அணி பாகிஸ்தான் மீது மற்றொரு தாக்குதல். முடிவு ஒன்றுதான்.
அற்புதமான ஆட்டத்தை வெளிப்படுத்திய ஒட்டு மொத்த இந்திய அணிக்கு எனது வாழ்த்துக்களை தெரிவித்துக்கொள்கிறேன். இந்த வியக்கத்தக்க வெற்றியை ஒவ்வொரு இந்தியனும் பெருமையுடன் உணர்ந்து கொண்டாடி வருகிறார்கள்.
இவ்வாறு அவர் கூறியுள்ளார்.
இதே போல் மத்திய வெளியுறவுத்துறை மந்திரி ராஜ்நாத்சிங்கும் இந்திய அணிக்கு பாராட்டு தெரிவித்து உள்ளார்.
இது தொடர்பாக அவர் தனது டுவிட்டர் பக்கத்தில் கூறி இருப்பதாவது:-
உலக கோப்பையில் பாகிஸ்தானை வீழ்த்திய இந்திய அணிக்கு வாழ்த்துக்கள். அற்புதமான ஆட்டத்திறனை வெளிப்படுத்தி வெற்றி பெற்றுள்ளது. நாங்கள் அனைவரும் இந்திய அணியை நினைத்து பெருமைப்படுகிறோம்.
இவ்வாறு ராஜ்நாத்சிங் கூறியுள்ளார்.
