search icon
என் மலர்tooltip icon

    செய்திகள்

    விராட் கோலிக்கு அச்சுறுத்தலாக இருக்கும் நாதன் லயன்- ஏழு முறை அவுட்டாக்கி சாதனை
    X

    விராட் கோலிக்கு அச்சுறுத்தலாக இருக்கும் நாதன் லயன்- ஏழு முறை அவுட்டாக்கி சாதனை

    இந்திய அணி கேப்டன் விராட் கோலியை இதுவரை 7 முறை அவுட்டாக்கி முதல் இடத்தில் உள்ளார் நாதன் லயன் #AUSvIND #ViratKohli #NathanLyon
    ஆஸ்திரேலியா - இந்தியா அணிகளுக்கு இடையில் நான்கு போட்டிகள் கொண்ட டெஸ்ட் தொடர் நடைபெற்று வருகிறது. இந்த தொடர் தொடங்குவதற்கு முன் விராட் கோலியை சதம் அடிக்க விடமாட்டோம் என்று ஹசில்வுட் கூறியிருந்தார். மேலும் ஸ்டார்க், ஹசில்வுட், கம்மின்ஸ் ஆகிய மும்மூர்த்திகளை எதிர்த்து விளையாட விராட் கோலி திணறுவார் என்று கூறப்பட்டது.

    ஆனால், தற்போது வரை விராட் கோலி நான்கு இன்னிங்சில் பேட்டிங் செய்துள்ளார். இதில் இரண்டு முறை நாதன் லயன் பந்தில் வீழ்ந்துள்ளார். இரண்டு முறை பேட் கம்மின்ஸ் பந்தில் ஆட்டமிழந்துள்ளார்.



    தற்போது நடைபெற்று வரும் பெர்த் போட்டியின் 2-வது இன்னிங்சில் விராட் கோலியை சிறப்பாக ஆட்டமிழக்க வைத்தார். இதன் மூலம் விராட் கோலியை அதிக முறை அவுட்டாக்கிய பந்து வீச்சாளர் என்ற பெருமையை பெற்றுள்ளார்.

    விராட் கோலி நாதன் லயனுக்கு எதிராக ஏழு முறை ஆட்டமிழந்துள்ளார். அடுத்த இரண்டு போட்டிகள் மெல்போர்ன், சிட்னியில் நடக்கிறது. இந்த இரண்டு மைதான ஆடுகளங்களும் சுழற்பந்து வீச்சுக்கு சாதகமாக இருக்கும். இதனால் விராட் கோலி கவனமாக விளையாட வேண்டியது அவசியமானது.
    Next Story
    ×