search icon
என் மலர்tooltip icon

    செய்திகள்

    அலஸ்டைர் குக்கிற்கு சச்சின் தெண்டுல்கர் டுவிட்டரில் புகழாரம்
    X

    அலஸ்டைர் குக்கிற்கு சச்சின் தெண்டுல்கர் டுவிட்டரில் புகழாரம்

    சர்வதேச போட்டியில் இருந்து ஓய்வு பெற்றுள்ள இங்கிலாந்து தொடக்க வீரர் அலஸ்டைர் குக்கிற்கு சச்சின் தெண்டுல்கர் புகழாரம் சூட்டியுள்ளார். #AlastairCook #Sachin
    இங்கிலாந்து அணியின் முன்னணி தொடக்க வீரர் அலஸ்டைர் குக். 33 வயதாகும் இவர், கடந்த 2006-ம் ஆண்டு தனது 21 வயதில் இந்தியாவிற்கு எதிரான நாக்பூர் டெஸ்டில் அறிமுகமானார். அறிமுக டெஸ்டிலேயே சதம் அடித்து அசத்தினார்.

    டெஸ்ட் போட்டியில் அபாரமான ஆட்டத்தை வெளிப்படுத்தி வந்த அலஸ்டைர் குக் இங்கிலாந்து அணியின் கேப்டனாகவும் பொறுப்பேற்றார். இவர் இதுவரை 160 டெஸ்ட் போட்டிகளில் விளையாடி 32 சதங்கள், 56 அரைசதங்களுடன் 12254 ரன்கள் குவித்துள்ளார்.



    ஆனால் கடந்த ஒரு வருடமாக இவரது ஆட்டத்தில் தொய்வு ஏற்பட்டது. தற்போது நடைபெற்று வரும் இந்தியாவிற்கு எதிரான முதல் நான்கு டெஸ்டிலும் ஒரு அரைசதம் கூட அடிக்கவில்லை. இந்நிலையில் இந்தியாவிற்கு எதிரான கடைசி டெஸ்ட் வருகிற 7-ந்தேதி லண்டன், கென்னிங்டன் ஓவல் மைதானத்தில் தொடங்குகிறது. இந்த டெஸ்ட் போட்டியோடு சர்வதேச போட்டியில் இருந்து ஓய்வு பெறுவதாக அறிவித்துள்ளார்.

    இங்கிலாந்து அணிக்காக 160 போட்டிகளிலும், அபாரமான ஆட்டத்தையும் வெளிப்படுத்திய அலஸ்டைர் குக்கிற்கு சச்சின் தெண்டுல்கர் டுவிட்டர் மூலம் புகழாரம் சூட்டியுள்ளார். சச்சின் தனது டுவிட்டரில் ‘‘இங்கிலாந்துக்கு அணிக்காக விளையாடிய தலைசிறந்த வீரர்களில் ஒருவர். கிரிக்கெட் மைதானத்திற்கும், வெளியேயும் இவரது செயல்பாடு அப்பழுக்கற்றது’’ என்று குறிப்பிட்டுள்ளார்.
    Next Story
    ×