நத்தம்:
3-வது தமிழ்நாடு பிரீமியர் ‘லீக்’ (டி.என்.பி.எல்.) 20 ஓவர் கிரிக்கெட் போட்டி சென்னை, நத்தம் (திண்டுக்கல்), நெல்லை ஆகிய இடங்களில் நடந்து வருகிறது. இன்று நடக்கும் 7-வது ‘லீக்’ ஆட்டத்தில் அஸ்வின் தலைமையிலான திண்டுக்கல் டிராகன்ஸ் அணியும், அபினவ் முகுந்த் தலைமையிலான கோவை கிங்ஸ் அணியும் மோதுகின்றன.
இப்போட்டி நத்தம் என்.பி.ஆர். கல்லூரி மைதானத்தில் இரவு 7.15 மணிக்கு தொடங்குகிறது. திண்டுக்கல் தொடக்க ஆட்டத்தில் திருச்சியிடம் தோற்றது.
2-வது ஆட்டத்தில் மதுரையை வீழ்த்தியது. அந்த அணி 2-வது வெற்றி பெறும் ஆர்வத்தில் உள்ளது. அஸ்வின், ஹரி நிஷாந்த், ஜெகதீசன், விவேக், சீத்தாராம், முகமது, ஆத்தியா அருண் போன்ற வீரர்கள் உள்ளனர்.
கோவை கிங்ஸ் தனது தொடக்க ஆட்டத்தில் காரைக்குடி அணிக்கு எதிராக சூப்பர் ஓவரில் வெற்றி பெற்றது. அந்த அணி 2-வது வெற்றியை பெறும் முனைப்பில் உள்ளது.
அபினவ் முகுந்த், ஷாருக்கான், அந்தோணிதாஸ், அகில் ஸ்ரீநாத், வெங்கட்ராமன், நடராஜன், விக்னேஷ் போன்ற வீரர்கள் உள்ளனர். சமபலம் வாய்ந்த இரு அணிகள் மோதுவதால் ஆட்டம் விறுவிறுப்பாக இருக்கும் என்று எதிர்பார்க்கப்படுகிறது. போட்டியை ஸ்டார் ஸ்போர்ட்ஸ் தமிழ் சேனல் நேரடி ஒளிபரப்பு செய்கிறது. #TNPL2018
