பெண்கள் டி20 அணிகளுக்கு ஸ்மிரிதி மந்தனா, ஹர்மன்ப்ரீத் கவுர் கேப்டன்களாக நியமனம்

ஐபிஎல் 11-வது சீசனின் லீக் ஆட்டங்கள் முடியும் தருவாயில் உள்ளன. லீக் ஆட்டங்கள் முடிவடைந்த பின்னர், முதல் குவாலிபையர் மும்பை வான்கடே மைதானத்தில் வருகிற 22-ந்தேதி இரவு 7 மணிக்கு தொடங்குகிறது. இதற்கு முன்னதாக பெண்கள் டி20 காட்சி கிரிக்கெட் போட்டியை நடத்த ஐபிஎல் நிர்வாகம் முன்வந்துள்ளது.

இதில் விளையாடும் இரண்டு அணிகளின் கேப்டன்களாக ஸ்மிரிதி மந்தனா, ஹர்மன்ப்ரீத் கவுர் ஆகியோர் நியமிக்கப்பட்டுள்ளனர். நியூசிலாந்து அணி கேப்டன் சுசி பேட்ஸ், சோபி டெவின், ஆஸ்திரேலியாவின் எலிசே பெர்ரி, அலிசா ஹீலி, மேகன் ஸ்கட், பெத் மூனி, இங்கிலாந்தின் டேனி வியாட், டேனியல் ஹசன் போன்றோர் இதில் கலந்து கொள்கிறார்கள்.


ஸ்மிரிதி மந்தனா

இந்திய கிரிக்கெட் வாரியம் இன்னும் இரண்டு அல்லது மூன்று வருடங்களில் பெண்கள் டி20 கிரிக்கெட் தொடரை அறிமுகப்படுத்தும் முயற்சியில் இறங்கியுள்ளது.